You are on page 1of 2

11/1/12

Zomi Messenger: [Mimal tangthu] Willard Mitt Romney te innkuan tangthu

[Mimal tangthu] Willard Mitt Romney te innkuan tangthu


Miles Archibald leh a zi Elizabeth sung pan Miles Park Romeny August 18, 1843 in piang hi. Kum 7 a phak in Salt Lake City, Utah ah peem uh hi.Tua lai pen Mormon munpi pen khat hong suak hi.Tua hun lai in Mormon te US kumpi in simmawh mah mah hi. Amau biakna ah Zi khat sanga tam zaw ki nei thei hi. Zi zong ki neihtaang thei uh hi. Tanau ki nai takpi nangawn kiteeng zen uh hi. Miles Park Romney pen Lettama(carpenter) siam mah mah khat ahi hi.Amau biakna sungah zong mi citak mah mah khat ahi hi.Kum 18 a phak ciangin Brigham Young in zi nei dingin sawl hi. Brigham Young pen Mormon church ah president a seplai taka hi hi.May 10, 1862 ciangin Mormon biak inn ah Hannah tawh kiteeng uh hi.Hannah tawh ta sawm tak nei uh hi. A kiteen khit uh kha nih a phak July 8, 1862 ciangin President Abraham Lincoln in Morrill Antibigamy Act bawl hi.Tua pen zi khatsanga tamzaw neihtheihlohna dan ahi hi. Abraham Lincoln in Mormon president Brigham Young kiangah, Nong buaisak kei leh ken zong hong buaisak tuan lo ding hing ci hi.Ahizongin Mormon ten hih dan zui tuan lo uh hi. Miles P Romney te nupa in tanu nih nei in lungdam taka a om lai un Brigham Young in Miles sam khia hi. Zi dang nei lecin ka ut hi ci mawk hi. Miles in zalian pen pa uh thu nial ngam lo hi.Tua ahihmanin Caroline Lambourne(20) a melhoih zaw zen khat tawh kiteeng kik uh hi.Hannah in thuaksiam haksa hi.Himahleh a biakna ngeina khat uh ahihmanin thuak siam sawm hi.Caroline in zong pasal ki neihtaang pen nuam sa lo in ta nih a neih khitciang Brigham Young phalna la in nua kik hi. Tapa Gaskell Samuel Romney kum 1871 in nei uh hi. Tua a tapa uh pen politics lam a lunglut mi khat ahi hi.A pu pen uh Miles A Romney in May 3, 1877 (5:30pm) in sih san hi. Miles P Romney zong September 15, 1873 in Catherine Cottam tawh kiteeng kik uh hi. Catherine pen mi hoih leh biakna mi mah mah khat ahi hi. A zi pi Hannah tawh zong kilem(kituak) mah mah vanglak uh hi. Tua khitciang Miles in zi dang neih beh lai hi.Tua a zi neih pen sangsia Annie Maria Woodbury ahi hi.Tua banga kituak taka a omkhawm lai tak un thu khat hong piang hi.Mormon ten thu vaihawm in tua pen mun tuam tuam ah peem khiat -a mormon community din ding cih thu hi. Miles Romney te inn kuan pen St.Johns,Arizona state lama pem dingin thu kipia hi. Tua vaihawmna mah bangin Arizona state ah peem takpi uh hi. A va peemna mun uah Mormon ten a welcome deklo uh hi. Zi khat sanga tamzaw neih pen zadah mah mah uh hi.Kumpi lamah buaina tuak ta uh hi. Miles pen dan palsat ci in mat sawm uh hi. Kamphatna tawh taikhia man vanglak hi. US gam sung ngaih muan huai lo ahihmanin Mexico lamah peem dingin thu kipia hi.Tuaciangin Mexico ah a inn kuan un peem uh hi. Mexico ah bel suakta takin va om thei uh hi. Farm za pi tak nei in gan tampi khawi uh hi.A omna mun uh Colonia Jaures cih tawh ki thei hi. Miles in zi neih beh lai hi.Kum 1897 in meigong a hau mah mah Emily Henrietta Eyring Snow teenpih hi.Zi nga nei in i gensa mah bangin khat bel ciahkik hi.Ta zong sawmthum kiim nei hi. Dinmun hoih taka a nuntak theih khitciangun zankhat Miles gim vat hi.A zi leh ta teng khempeuh samkhawm hi.Hannah khutah leen in a nuntakna bei hi. Gaskell Romney in Salt Lake City ah laisin in a zawh ciangin Mexico ah ciahkik hi. A pa sit a ahihmanin a mawhpuakna sang mah mah hi.Innkuan sung vai khempeuh ama liangko ah ki-nga hi. A gankhawi leh farm lam zong Pasian hehpihna tawh lawhcingto zel hi.Tuaciangin mi hau khat hong suak uh hi.Inn lianpi thatnih lam uh a, amau omna community ah a hau pen ahi hi. Kum 1895 in Gaskell Romney in Anna Amelia Pratt teenpih hi. Kum 1907 ciangin George Wilcken Romney hong piang hi. Kum 1912 ciangin Mexican Revolution huhau tawh Mexico pan a paikhiat uh hong kuul hi. El Paso, Texas lam chuan in a Mormon pih dangte tawh paikhia uh hi. A pu uh Miles Romney in US a nusiat khit kum 27 ciang US ah amau a suan leh khakte hong kileh uh hi.Om suak sawma kileh bel hi lo uh hi. Mexico gal a ven ciang ciahkik sawm uh hi. Gaskell Romney a inn kuanpih te tawh mun tuam tuam Los Angeles khawng, Idoha state khawngah pem kawi kawi uh hi.A tawpna ah Mormon te munpi Salt Lake city, Utah mah va tungkik uh hi.Tua pan ki pan thak in daupai zaw zen uh hi.Innkuan hau khat hong hi kik uh hi.Ahizongin The
www.zomimessenger.com/2012/01/mimal-tangthu-willard-mitt-romney-te.html 1/2

11/1/12

Zomi Messenger: [Mimal tangthu] Willard Mitt Romney te innkuan tangthu

Great Depression hong om in gambup buai hi. Economic khempeuh kisia ahihmanin Gaskell Romney in zong a hauhna teng tan hi.Kum 1938 in amau innkuan adingin kamphatna lampi hong ki hong hi.Mexico gama a innmun lo gam case uh Salt Lake City court ah thukhenna om hi.Mexico kumpi in $ 9,163 Gaskell Romney pia hi. George W Romney in George Washington University- a sang a kah lai in U.S. Senator David Walsh nuaih ah Typist nasep hoih tak ngah ahihmanin graduate man lo in tawp hi. Hih Senator tawh a ki meltheih ciangun Aluminum Company of America ah salesman nasep ngah lai hi.Tua bang dana hun a zattouh laitakin nungak melhoih Lenore tawh hong kithei uh hi.Lenore pen Hollywood actress khat hi in film pawlkhat ah part la hi. Romney in ngaih cih takin ngai hi.A tawpna ah ngahzo in kum 1931 in kiteeng uh hi. Automobile Manufacturers Association ah head ahi dingin Detroit ah peem uh hi. A in kuan un thupha tampi tak sang uh hi. American Motors Corporation ten Vice President nasem dingin cial uh hi.A sawt lo in tua company a CEO si hi.Tuaciangin Romney tua Company ah CEO hong hi to hi.Ta thum nei khin in neih beh nuam lai uh hi.A zi cidamna hoihlo ahihmanin doctor ten nau neih beh nawn lo dingin a cian pia(advice) uh hi.Tua ciangin Switzerland mi ta dinga lak(adopt) sawm uh hi.Ta lah deih lah pai ngam lo a-a om laitak un Lenore in a sung ah nau a paai lam phawk vat hi.Sia vuan ten lah nau a paai lai leh ama cidam nangin lauhuai ding ci hi.Lauthawng leh lawp kawm pian in zato lamah ki check-up dingin pai hi. Nau pen na pai takpi mawk hi.Bang bang hi leh neih mai sawm ung cih siavuante kiang gen uh hi.Tua khit March 12, 1947 zing nai 10 ciangin Willard Mitt Romney (Mitt Romney) hong piang hi.A upat khit ua a neih uh leh a nautum pen ahihmanin lungdam mah mah uh hi.A nu bangin miracle baby ci liang hi.A zing ciang a pa in zong a naseppih khempeuh Company letter Head zangin hilh ngiat hi. Kum 1962 ciangin George Romney in Michigan state mipi te khantohna ding leh masawn na ding ngaihsun hi.A hih theihzah in a khantohna dingun nasem nuam hi.Tua a ngaihsutna a lawhcin theih na dingin governor seat a tuh kuul hi.Governor hih theih nangin Republican Party min tawh ki candidate ngei hi. Hanciam takin campaign in, election tak ciangin Michigan Governor 43 na dingin cing petmah hi.Governor pen term nih sung sem hi.Kum 1968 ciangin US President tuh dingin kithawi hi. Republican presidential nomination ding Richard Nixon tawh kituh uh hi. Richard Nixon in presidential nomination ngah zaw hi.Bek tham lo in Richard Nixon pen President ah kiteelcing hi.Nixon in George Romney pen a cabinet dingin zawn hi. Secretary of Housing and Urban Development nasem sak hi. George Romney in a zi Lenore a itzia kilatsakna in zingsang sim in Rose pak pia den hi. July 26, 1995 zingsang Lenore hong khanlawh ciang Rose pak na om lo hi. George Romney pe a exercise lakna ah Heart attack hangin kum 88 pha in si hi.

Newer Post

Home

Older Post

Powered by Blogger.

www.zomimessenger.com/2012/01/mimal-tangthu-willard-mitt-romney-te.html

2/2

You might also like