2004

A M
1239 I
Hl KAYAT
IBRAHIM HASAN
Sanksi Pel anggaran Pasal 44: Undang-Undang Nomor 7 Tahun
1987 Tentang Perubahan atas Undang-Undang Nomor 6 Tahun
1982 Tentang Hak Ci pta
1. Barangsi apa dengan sengaj a dan tanpa hak mengumumkan
atau memperbanyak suatu ci ptaan atau memberi izin untuk
itu, di pi dana dengan pi dana penjara pali ng l ama 7 (tujuh)
tahun dan/atau denda pali ng banyak Rp 100.000.000,- (se-
ratus juta rupiah).
2. Barangsi apa dengan sengaj a menyi arkan, memamerkan,
mengedarkan, atau menjual kepada umum suatu ci ptaan
atau barang hasi l pel anggaran Hak Ci pta sebagai mana
di maksud dal am ayat (1), di pi dana dengan pi dana penjara
pali ng l ama 5 (lima) tahun dan/atau denda pali ng banyak
Rp 50.000.000,- (lima pi.'luh juta rupiah)
Hl KAYAT
IBRAHIM HASAN
Geukarang Le
Nurm an Syamhas
Ji l i d Sa ( I )
C et akan phon 1995
Geu Peuteubiet Le
Nurm an Syamhas
Jalan Sy i ah Kual a
D es a Lam dingen L r. I No . 6
Banda Ac eh
HIKAYAT IBRAHIM HASAN
Hak Ci pt a dilindungi oleh Undang-Undang.
Dilarang mengutip atau memperbanyak sebagi an atau
seluruh isi buku ini tanpa izin tertulis dari Penerbit.
Kulet Lua Le
Ir. Iskandar Muzakki r Wal ad.
Geucetak Le
Rakan Offset Jakart a, (021) 765.7234
Aso dilua tanggong jaweub percetakan.
ASO HIKAYAT
HAL
1. Sambutan Ketua MUI / LAKA
Propinsi Daerah Istimewa Aceh vii
2. Haba Peu Euntat 1.
3. Sipatah Kalam 3.
4. Lahe Ibrahim Hasan 7
5. Watee Sikula 17
6. Meuturi Ngon Siti Maryam 31
7. Meukawen Ngon Siti Maryam 45
8. Gi sa U Banda 51
9. Jeut Keu Rektor 67
10. Jeut Lom Keu Rektor 75
11. Jeut Keutua Bappeda 87
12. Jeut Keu Deputy Bulog 93
13. Geu Pileh Keu Raja 101
14. Geu Lantik Keu Raja 129
15. Peusijuk Le Golkar 145
16. Wasiet bak Korpri 153
17. Jak Seumah Tokoh Masyarakat 159
18. Lam Sidang Waki Rakyat 169
19. Geu Galang Peumuda 175
20. Bak Uroe Lahe Unsyiah 183
21. Peu Jok Droe Bak Ulama 189
22. Tawok Bawahan 199
23. Jak Kalon Kawasan 203
24. Kawasan Aceh Utara 215
25. Aceh Geu Keupong 251
26. Intat Bantuan 257
27. Uroe Peumeulihan 269
28. Malam Khanduri 275
29. Neupreh Seunambong 277
30. Riwayat Peungarang 279
Sambutan
Majlis Ulama Indonesia/
Lembaga Adat & Kebudayaan Aceh
Propinsi Daerah Istimewa Aceh
syt ssalamualaikom Warahmatullah
Saleuem sipatah sambot syeedara
Sambot saleum Ion sion keureutah
Haba Ion peugah tanda bahgia
Saleuem seunambot bak sidroe ayah
Nurman Syamhas carong meurika
Ibrahim Hasan nama hikayah
Leupah that ceudah mangat tabaca
Asoe di dalam that meufaedah
Soe tem teulaah raya that laba
Seubab haba nyoe nyata dan jeulah
Di dalam kisah sastra budaya
Watee Ion baca mangat biet leupah
Pakhokj i h indah asoe meumakna
Riwayat perjuangan putra meutuah
Nyang mat peurintah Aceh mulia
Gubernur Ibrahim Hasan putra daerah
Geuubah wajah Aceh mulia
Wajah politek pih ek geu ubah
Ngon izin Allah Aceh ka jaya
Cita-cita Ion geusambong kasah
Seuramoe Mekkah geuubah rupa
Watee Ion tuan Kepal a Daerah
Seuramoe Mekkah ulon keu raja
vii
Di Darussalam Ion pancang bagah
Peudong Unsyiah keu aneuek bangsa
Perguruan tinggi umum wahe hai ayah
Dudoe Ion tamah Perguruan tinggi agama
IAIN Ar-Raniry nama tabri sah
Meusapat ceudah sinan lam Kopel ma
Lon keu Rektor bak IAIN pernah
Nibak Unsyiah Ibrahim Hasan teuma
Kamoe dua droe sangat biet gairah
Peumaju Daerah Aceh Istimewa
Dudoe Ibrahim kheundak bak Allah
Gubernur kasah teupileh teuma
Di lon bak MUI lon bri amanah
Jal en ukhuwah ulama ngon umara
Kamoe bandua hana meubantah
Sabe seuarah han tomna beda
Di lon that seunang rakan meutuah
Seubab kajeulah ureung mat punca
Generasi Darussalam Ibrahim ka sah
Rektor Unsyiah bak saboh masa
Ibrahim Hasan takeunang pantah
Rayeuek that leupah gobnyan meujasa
Putra terbaik Aceh meutuah
Dalam hikayah wajeb tabaca
Ureung that carong rakan meutuah
Akhlaqul Karimah hana meulangga
Deungon ulama hana meubantah
Ngon rakyat barollah rioh pih hana
viii
Lheuh jeut keu raja Seuramoe Makkah
Geujak tron bagah u desa-desa
Geujak meuteumee jalen ukhuwah
Mirip sileupah Saidina Uma
Yoh lon Gubernur cit meunan kasah
Rata daerah lon kunjong dumna
Aceh dalam prang aman dudoe sah
Rakyat barollah seubab di cinta
Takeunang jasa gobnyan han salah
Rakan meutuah wajeb tabangga
Baca hai teungku bandum beubagah
Tacok faedah teuladan beuna
Di cong bak manggeng jimeulot siwah
Di cong bak lawah sidom seureungga
Mumada ohnoe haba lon kisah
Tanda ukhuwah seunang lon raya
Banda Aceh, 1 Pebruari 1995
Majlis Ulama Indonesia/
Lembaga Adat & Kebudayaan Aceh
Propinsi Daerah Istimewa Aceh
Ketua Umum
Prof A Hasjmy
ix
Haba Peu Euntat
Alhamdulillah Allah Hazarat
Keunan meusapat bandum na doa
Teumpat meungadu timu ngon barat
Nyang peuseulamat ureueng bak bahya
Seulaweut saleum hana Iheung saat
Ateuh Muhammad Panghulee donya
Ureueng nyang teugah arah nyang sisat
Ureueng peutupat jalan syeuruga
Bak ma ngon ayah meuah lon harap
Kadang na silap bak jaweub haba
Bekroh na deesya donya akhirat
Ulon takot that azeub nuraka
Teuma bak guree teuntee lom meuhat
Ureueng peu tupat jalan lam donya
Meuah keu hamba beu raya that-that
lleumee lon hisap ngat teubleut mata
Rakan ngon kawom langsong teu-ingat
Wareh keurabat dumna syeedara
Hana cit tuwoe jaroe lon angkat
Tanda horeumat deungon mulia
Nyopat ulon ba bada pisang klat
Teuntang riwayat Aceh mulia
Neu beudoh laju timu ngon barat
Sambot hikayat keu tanda mata
1
Gantoe ulon bri kupi bu leukat
Gantoe lon intat sikilo saka
Laju neu baca hinggga beu tamat
Oh Iheuhnyan meuhat neutung pusaka
Neuboh nyang salah keubah nyang teupat
Beujeut keu ubat hate nyang luka
Neucok neu simpan beu aman teumpat
Meunyo ka tamat bandum neu baca
Nyang peureulee teuntee lon harap
Beuna neu ingat wahe syeedara
Kadang teu baca kata nyang silap
Peumeuah leugat keu ureueng rika
Ureueng suson beu neu tulong that
Bek na neu upat deungon neu ceula
Seubab ileumee tentee that singkat
Hantroh teu-ingat yang meusom punca
Nurman Syamhas bagah neu ingat
Gampong alamat Lamdingen nama
Jalan Syiah Kuala neu mita leugat
Sinan meuneutap ulon lorong sa
Ohnoe mumada haba peu euntat
Ta tamong leugat dalam calitra
Laju ta muproe asoe hikayat
Tulong Hazarat beu ek seumpurna
2
Sipatah Kalam
Allahu Allah Allahu Rakhman
Khalikul Alam Tuhan nyang kaya
Neubri ya Allah sabe beu aman
Uroe komdian bekroh lam seksa
Seulaweut saleum ateuh Janjongan
Panghulee insan nyang akhe masa
Deungon mukjizat geunaseh Tuhan
Beu Iheuh lon tuan bak apui nuraka
Doa lon lakee teuntee bak Tuhan
Seureuta sajan bot jaroe dua
Beulheuh lon suson ujong ngon uram
Beulheuh lon nazam ngon samporeuna
Hikayat Aceh saheh deungon trang
Ibrahim Hasan ulon boh nama
Mangat jituri Ibrahim Hasan
Watee saboh jan keutua Bappeda
Rektor Unsyiah meugah watennyan
Ohlheuh nibaknyan pinah u Jawa
Deputy Bulog cocok kon wayang
Ureueng peutimang breuh ngon saka
Sino lon cuba rika hai gobnyan
Tacok teuladan wahe syeedara
Tacok ta pasoe asoe Perpustakaan
Keunang-keunangan seujarah bangsa
3
Mangat ji baca oh masa datang
Mangat ji tuban le cucoe dumna
Mangat jituri Ibrahim Hasan
Thon lapan ploh nam geuduk keu raja
Mangat jithee teuntee komdian
Rame pahlawan di Aceh Raya
Jameun dile teuntee teubayang
Raja that manyang Iskandar Muda
Keujeut Aceh leubeh masannyan
Sampo u Siam gob turi nama
Troh u Portugeh keudeh meuthee nan
Hingga u Pahang nanggroe Malaka
Masa Beulanda teuma pih meunan
Lahe pahlawan agam ngon dara
Miseu Gut Nyak Dhin tanging teuladan
Jeut keu pahlawan watee merdeka
Teuku Umar Johan Pahlawan
Gob turi nan ban saboh donya
Teuma lom laen canden jeunulang
Masa Jeupang troh hat merdeka
Di Aceh sabe lahe pahlawan
Rata jeub bidang gob turi nama
Hingga datang thon lapan ploh nam
Ibrahim Hasan pileh keu raja
4
Hatnyan keuh phon lon cuba karang
Sampoe gobnyan pinah lom u Jawa
Peu geu keureuja yoh masa nyan
Lon cuba peutrang sinoe syedara
Neucok neu baca ngon dada lapang
Jeut keu peungalaman geutanyoe dumna
Keu aneuk kunci geuneurasi datang
Watee saboh jan jimat neuraca
Jeut keu contoh sosoe amalkan
Bahan kajian aneuk sikula
Bekroh teugantoh bak teungoh jalan
Oh watee malam beujeut keu suwa
Ohnoe ta keubah sipatah kalam
Ta tamong reujang laju bak punca
Nurman Syamhas nyang sah peungarang
Le Undang-undang wajeb geu bela
5
Lahe Ibrahim Hasan
Deungon Bismillah kisah lon karang
Lakee bak Tuhan beu ek samporeuna
Haba lon tuleh ngon daweut itam
Baca hai rakan tuha ngon muda
Yoh mantong Aceh dalam jajahan
Goh tamong Jeupang jameun Beulanda
Watee A Ph van Aken mat pimpinan
Bak jameun nyan ulon calitra
Rata jeub sagoe nangroe teungoh prang
Inong ngon agam lawan Beulanda
Aceh Barat ngon Aceh Seulatan
Ban saboh nyan prang geu puga
Nanggroe Pidie pih lagee nyan
Uroe ngon malam peucrok Beulanda
Ladom ngon reuncong langsong geu tikam
Ladom ngon parang geu tak bak muka
Watee nyan Aceh jadeh meuguncang
Ban saboh nyan geupoh Beulanda
Dalam seujarah geu peugah meunan
Aceh dalam prang si umu masa
Teuseubut haba teuma hai rakan
Yoh jameun nyan bak saboh Desa
Kabupaten Pidie geurasi nan
Lam Keucamatan Simpang Tiga
7
Desa Lampoh Weng canden jeunulang
Deungo hai rakan ulon. calitra
Saboh keuluarga nama teu pandang
Dalam gampong nyan hudep bahgia
Keuluarga teungku meusyeuhu han ban
Tarikat keunan dum aneuk muda
Tuntut eleumee teuntee di sinan
Inong ngon agam jak beut agama
Dum ureung gampong meuhudom keunan
Oh watee malam jak beut agama
Nyang jak u laot pih ikot sajan
Ureung jak ublang pih keunan teuka
Nyang jak ugle bekle ta bayang
Ban woe di ladang jak beut agama
Hantom na pre cit sabe meunan
Lampoh Weng nyan ramee lagoina
Thon Ihee ploh limong teuma watennyan
Deungo hai rakan sambongan haba
Lam keuluarga Ulama teuma hai rakan
Timoh karangan disinan punca
Hajjah Ainombi nyakti jeunulang
Judo Toke Hasan ulon calitra
Teungoh meungandong nibak wateenyan
Katroh buleun nam dalam keunira
8
Bak buleuen tujoh jibloh hitongan
Nibak watee nyan makanan gob ba
Dumna wareh habeh troh keunan
Jak me makanan meunurot kada
Habeh tujoh troh buleun lapan
Hana rintangan Allah karonya
Sampoe buleun sikureung timang
Judo Toke Hasan lahe aneukda
Bak buleun Ihee watee that reumbang
Kagrak bak Tuhan Nyang Maha Esa
Tanggai nam blah geu peugah meunan
Ibrahim Hasan geu pandang donya
Urou Sabtu lahe Ibrahim Hasan
Hate that seunang ayah deungon ma
Bandum syeedara nyang na watee nyan
Ji teuka keunan jak kalon rupa
Hate geumbira hana pat lawan
Geungieng si agam lagee Hindia
Idong pih mancong ok patah mayang
Bah that beu itam mameh that rupa
Yoh masa lahe Ibrahim Hasan
Abdurrahman pih sigo nyata
Lam saboh rumoh dua boh ponang
Lahe si agam sigo bandua
9
Uroe nyang sama teuka awak nyan
Watee geuboh nan pih rab sirupa
Sidroe geu meuhoi Abdurrahman
Ibrahim Hasan nyang keudua
Geuboh nan Rahim deungon Rahman
Gaseh ngon sayang hareuto makna
Cit ka adat rneuhat yoh silam
Watee geuboh nan brat keu agama
Geutueng beureukat bak sifeut Tuhan
Nyang that Rahman Rahim lom teuma
Peut ploh peut uroe sampoe bilangan
Judo Toke Hasan manoe meu upa
Manoe wajeb hukom Iseulam
Lheuh persalinan dum kawom hawa
Phon di ulee geuplee ie yohnyan
Basah badan bulut anggota
Ohlheuh manoe sambinoe intan
Neu ek reujang laju u tangga
Salen ija sigra masanyan
Boh bak badan ngon minyeuk ata
Sugot deungon ok tarek ngon andam
Beudak le reujang boh bak muka
Ohka hase dum seukalian
Aneuk agam bh mom sigra
10
Geubri susu laju reujang
Peu eh yohnyan lam ayon ija
Boh lam ayon panton geu deundang
Mangat si agam beu jipet mata
Leupah that sosah ayah deungon nang
Seubab si agam jimoe meukuwa
Sabe lam jimoe uroe ngon malam
Ibrahim Hasan lalee hantom na
Sibok syeedara bak geupeutimang
Ibrahim Hasan lam moe meu 'a 'a
Hana piyoh uroe ngon malam
Sosah that ponang bak geu peulara
Kheun ulama teuma masanyan
Geubri ramalan meunurot tanda
Watee rayeuk teuma si agam
Na umu panyang ceudah lagoina
Oh ka dewasa teuma komdian
Jeut keu pimpinan ato neugara
Meunurot dali meuri ta pandang
Uroe ngon malam cabak leupahna
Meunan kheuh dilee teuntee ramalan
Watee geu pandang manyak lam tika
Peukheuh teu jadi atawa cit han
Sidroe Tuhan nyang thee sibeuna
11
Sibok that poma hana pat lawan
Seubab si agam cengeng leupah na
Lahna syeedara dilingka badan
Nyang peutimang sibijeh mata
Mak Habibah nyang leupah seunang
Uroe malam geutem meu jaga
Adek kandong poma siagam
Bak wateenyan aneuk gohlom na
Seunang leupah that meuhat di gobnyan
Ibrahim Hasan sabe geu doda
Peu eh lam ayon panton geu deundang
Mangat si agam beu jipet mata
Allah hai do jak ku dodang
Ateuh rangkang blang geu laya tika
Reujang rayeuk aneuk agam
Jak bantu prang bela bangsa
Jak lon dodo doda idang
Bungong keumang lam istana
Reujang rayeuk boh hate nang
Ta tron u blang jak seumula
Ci cem pala dua sikawan
Ci cem subang dalam cintra
Watee rayeuk na umu panyang
Ta beut Qur'an bak kubu poma
12
Jak lon timang lon timang mang
Bungong peukan sitangke dua
Oh rayeuk gata hai aneuk agam
Rata bidang tajak sikula
Seulawah inong Seulawah agam
Oh watee malam kayemna rusa
Meunyo na umu neubri le Tuhan
Hai aneuk agam beujeut keu raja
Meunan sabe hana pre malam
Lam geu dodang beungoh sinja
Meu tuka-tuka ayon si agam
Hana reunggang badum syeedara
Citnyan saboh aneuk agam
Lam lingkungan teungku ulama
Bandum murid nyang beut sinan
Tingku si agam meutuka-tuka
Padum na treb teuma Iheuhnyan
Rayeuk reujang bijeh mata
Kajeut jijak keudeh ublang
Bak lapangan meuen bola
Meuen gaseng ngon sabe rakan
Meuen geulayang meuen panta
Hana istirahat bah that barangjan
Baro na reunggang oh teungeut mata
13
Umu tujoh thon digampong sinan
Uroe ngon malam jak meudiwana
Laloe ngon sahbat meuhat masanyan
Ibrahim Hasan leupah bahgia
Meujan u laot jak pot geulumbang
Meukawan-kawan ta kalon rupa
Meujan drop udeung lam kareung tajam
Meujan lam kulam geujak drop kadra
Meujan dalam gle ngon sabe rakan
Teungeut bak rangkang sampo an paja
Meujan ka gadoh samat teungoh blang
Oh watee malam baro deuh mata
Sabe tiep uroe laloe lagee nyan
Neupreeh dang-dang jak sikula
Gi sa u rumoh peunoh lam idang
Jeuneh makanan sigala rupa
Kareuna wareh gaseh keu gobnyan
Seubab nyang amam sidro geuh nyang na
Wareh keurabat got that jisayang
Jibri makanan meubagoe rupa
Hana istilah sosah makanan
Breueh meugantang pade meugunca
Rumoh ulama konka neu tuban
Hana torn reunggang seudeukah gob ba
14
Ureueng meugoe barangsoe saban
Pade dalam blang milek Rabbana
Meunyo get timoh peunoh rata blang
Tanda bak Tuhan geu kaboi doa
Nyang yue meudoa ulama sinan
Oleh seubabnyan geu balah guna
Zakeut geuboh oh troh hitongan
Meunan geu peusan uleh ulama
Ureueng meulaot geu ikot sajan
Peu nyang geu peusan uleh ulama
Uro jeumeuat leupah that pantang
Bandum neulayan hana keureuja
Ureueng meutani barang ri saban
Bah that diblang bah that lam rimba
Bandum jitiree nyang guree peusan
Hansoe jeut teuntang takot meureuka
Seubab kajithee ileumee manyang
Hadih fireuman cukop lam dada
Tuhan sidroe nyang poe alam
Hana so tuban dumna rahsia
Nyang na tupeu cit teungku imam
Rahsia alam rugoe ngon laba
Ureueng Lampoh Weng paleng panutan
Peu nyang geularang han jikeureuja
15
Habeh uroe meugantoe malam
Aceh lamprang gohlom reuda
Ohka rayeuek Ibrahim Hasan
Meurunoe yohnyan bidang agama
Sinan bak nektu teungku analan
Geubeut al-Quran bak phon aleh ba
Meurunoe doa cara seumbahyang
Hukom iseulam dum geu aja
Tamat aleh ba teuma masanyan
Fatihah reujang laju geu aja
Tamat juz Amma teuma watee nyan
Ibrahim Hasan beut Quran raya
Ohka tamat geubeut al-Quran
Kitab reujang laju geu baca
Masailai lanja le khatam
Kitab lapan laju geu aja
16
Watee Sikula
Tatop teupong gulong keu timphan
Balot on pisang Iheuh taboh saka
Bak si uroe po muda seudang
Ibrahim Hasan jak sikula
Geujak keudroe hansoe bri jalan
Geujak pasoe nan beujeut sikula
Meunan cit dilee watee beut Quran
Ibrahim Hasan keudroe geu teuka
Ohka seuleusoe geujak pasoe nan
Baro geu peutrang teuma bak poma
Ramee nyang ikot dilikot gobnyan
Nyang sabe rakan tamong sikula
Woe bak sikula teuma oh malam
Jak beut al Quran lagee biasa
Sikula rakyat meuhat watee nyan
Jameun Jeupang gohlom meurdeka
Sinan di Gigieng Ihe thon timang
Teuma Iheuhnyan pinah sikula
Pinah u Tijue laju watee nyan
Ibrahim Hasan hana le ngon ma
Watee sikula teuma masanyan
Tinggai gob nyan bak kawan bapa
Bak kongsi abi nan toke Sawang
Uroungon malam sabe geu jaga
17
Di toke Sawang na aneuk agam
Ngon Ibrahim Hasan saboh sikula
Asai ka beungoh beudoh awaknyan
Jak taloe jalan meugandeng dua
Bengoh beurangkat meuhat awaknyan
Tiep uroe Tuhan geujak beulaja
Keudeh u Sigli gari geu peutran
Ngon Usman Sawang ileumee jak mita
Woe bak sikula poe muda seudang
Meurunoe yohnyan bidang agama
Lhe thon di Tijue laju ohlheuh nyan
Ibrahim Hasan gisa lom bak ma
Nanggroe Sigli hai akhi karu hana ban
Teungoh jiprang uleh Beulanda
Bandum sikula hana nyang jalan
Ibrahim Hasan riwang gampong ma
Di Gigieng lansong geu sambong rijang
Tamat glah nam di sinan sigra
Oh akhe thon langsong ujian
Ibrahim Hasan tamat sikula
Keupala sikula teuma Guru Hasan
Got that geu sayang keu murid dumna
Ibrahim Hasan watee ujian
Kareuna got tulesan luloh sigra
18
Sikula rakyat tamat watee nyan
Laju le rijang pinah u Langsa
Tamong SMP kande jeunulang
Tapi wateenyan bangku tanlena
Bak Muhammadiyah bagah catat nan
Nam buleun sinan pinah lom teuma
Seubab bak neugri ka jibri peusan
Ibrahim Hasan tamong sikula
Yoh di Langsa teuma watee nyan
Ibrahim Hasan tinggai ngon bapa
Sajan ngon abi domisili sinan
Bak masanyan jeut toke ija
SMP Langsa teuma masa nyan
Meugah hanaban awai merdeka
Saboh di Langsa nyang na lagee nyan
Saboh treuk meunan di Kutaraja
Aneuk peujabat antat dum keunan
Disampeng baknyan aneuk saudaga
Meunan cit guru meujampu sinan
Batak Padang ngon ureueng Jawa
Masa sikula Ibrahim Hasan
Rame rakan nyang sibaya
Abdullah Al i , Ibrahim Alfian
Meusapat sinan saboh sikula
19
Oh akhe masa teuma awaknyan
Ban saboh kawan gob turi nama
Bandum hebat nyang tamat sinan
Meuteumee jabatan nibak neugara
Jeut keu Profesor bandum awak nyan
Nyang luloh sinan oh akhe masa
Sayang bacut Ibrahim Hasan
Nibak watee nyan lalo leupahna
Tuwo sikula teuma di gobnyan
Dawok peutimang atra nyang kana
Di gobnyan laloe uroe ngon malam
Bak weng kilang Toke Hasan Langsa
Laloe cop bajee teuntee di gobnyan
Keu peulajaran peuduli hana
Untong bak guru jibri su reujang
Jiba laporan ubak ayahda
Laju di ayah ubah pikeran
Ibrahim Hasan pinah sikula
Bah kheuh lon ba u kota Medan
Mangat si agam bekle lam manja
Putoh pakat beurangkat reujang
Keudeh u Medan geuba aneukda
Thon limong sa bungka u Medan
Tamong yohnyan SMP Kesatria
20
Kareuna carong Ibrahim Hasan
Sithon disinan tamat sikula
Tamat SMP tanlee pikeran
Tamong reujang ubak SMA
Bagian sosial geucok jurusan
Di kota Medan SMA Pembina
Sikula Kristen beuken hana ban
Dum peulajaran got that dijaga
Rame guru nyang kon Iseulam
Bh peulajaran watee nyan teuma
Ureueng Batak cangklak hana ban
Nyo hana seunang laju jitampa
Baro teu ingat meuhat wateenyan
Ibrahim Hasan teuntang agama
Watee nyan insaf lam hate badan
Teuntang Iseulam agarna beuna
Nyang ka meurunoe baro yoh silam
Asoe al Quran jameun sajan ma
Keu asoe kitab teu ingat reujang
Hukom Iseulam haleu ngon hana
Seubab lam hate teu patre iman
Lam pergaulan mudah lagoina
Bah that sahabat hana iseulam
Ibrahim Hasan gangguan hana
21
Oh troh kutika masa ujian
Ibrahim Hasan hantom na lupa
Tuleh Bismillah bagah watee nyan
Bak keureutah ujian barangjan masa
Guru kalon pakon lagee nyan
Ibrahim Hasan ji tuleh kata
Meunan sabe tiep uroe Tuhan
Keureutah ujian Bismilllah kana
Lam hate guru laju watee nyan
Ji teuka sayang ji tamah angka
Beureukat Bismillah mudah peulajaran
Angka lapan ka jibri jeumba
Masa sikula di Kota Medan
Ibrahim Hasan kureung beulanja
Seubab bak ayah sosah bantuan
Nanggroe teungoh prang hubungan hana
Thon limong sa kon ka ta tuban
Aceh ngon Medan hubungan hana
Thon limong Ihee meuteuntee saban
Ibrahim Hasan sosah lagoina
Peutron boh tektok cok keusimpulan
Laju watee nyan mita keureuja
Peunyambong hudep lam kota Medan
Bek keulaparan teungoh sikula
22
Jeut tukang masak sinyak masanyan
Keupada rakan nyang muda-muda
Ohban beudoh eh keudeh u peukan
Jak bloe barang sigala rupa
Oh Iheuh meubloe puwoe le reujang
Ibrahim Hasan taguen lom teuma
Ohlheuh maguen po buleun trang
Ngui pakaian jak bak sikula
Sikula inggreh meuceh watenyan
Poh siploh siang tamong beulaja
Meunan sabe kande jeunulang
Sunggoh hana ban bak jak sikula
Lawet sikula di kota Medan
Sigala bidang ikot beulaja
Watee seupot ikot ngon rakan
U lapangan jak meuen bola
Oh watee woe manoe reujang
Ohka malam meurunoe biola
Hana tempo meurunoe hat nyan
Sigala bidang geu beulaja
Watee di Langsa jahet pakaian
Watee di Medan meuen biola
Jeut bacut sapeu Ibrahim Hasan
Peu lom hai rakan bidang agama
23
Thon limong limong si bungong peukan
Tamat yohnyan bak si kula
Bah sosah payah bak geucah jalan
Lhee thon timang luloh SMA
Luloh sikula angka that manyang
Ibrahim Hasan tamong juara
Tamat sikula di kota Medan
Peugot rancangan laen keunira
Kareuna carong Ibrahim Hasan
Rame wateenyan bantu biaya
Jok bea siswa meuseunoh hatnyan
Teutapi gobnyan teutap geu saba
So manyang angka teuma wateenyan
Gubernur Medan bantu biaya
Watee ka tamat carat jih riwang
Sinan di Medan jibri keureuja
Teuma nyang laen jitem cit meunan
Jibri bantuan ngon jak sikula
Hana meusaboh peu peunoh harapan
Seubab yah gobnyan pih ureueng kaya
Gohlom peureulee lakee bantuan
Meunan geu peusan uleh ayahda
Watee ka luloh troh ayah keunan
Ibrahim Hasan ka geu pareksa
24
Jinoe gata hai muda seudang
Ngon tulong Tuhan luloh sikula
Peuna reuncana nyang ka ta pasang
Cuba ta peutrang ubak ayahda
Bak lon hai ayah sosah bacut tan
Bandum lon pulang ubak ayahda
Ho nyang galak yujak lon tuan
Ngon hate seunang ulon keureuja
Meutuwah raya gata hai intan
Citka lageenyan hukom agama
Bek sagai aneuk peuseuk wasit nang
Desya bak Tuhan dudoe geu si ksa
Teuma ayah bagah geu peusan
Tacok jurosan bhah meuniaga
Jurusan ekonomi bak UI sinan
Bek peutamong nan keudeh bak GA MA
Ikot Pak Mitro jinoe hai agam
Saboh jurusan tamong sikula
Bhah ekonomi ahli that gobnyan
Gata pih meunan oh dudoe teuma
Putoh pakat leugat masanyan
Bungkoh pakaian peu-peu nyang na
Beudoh lanja po muda seudang
U Beulawan beurangkat sigra
25
Geu antat le yah bagah wateenyan
Si ra geu peusan ubak aneukda
Hai boh hate pike beumatang
Hai aneuk badan ingat lam dada
Ta keubah kamoe sinoe hai intan
Ayah deungon nang tinggai bandua
Gata beurangkat seulamat jalan
Beutroh ta riwang ohka seumporna
Doa bak kamoe uroe ngon malam
Lam peundidikan gata bek ceuma
Beulheuh sikula teuma hai agam
Dalam ujian beumanyang angka
Nyang peureulee that ingat keu Tuhan
Uroe ngon malam bek sagai lupa
Pubut ibadat tobat barang jan
Beu teugoh iman di dalam dada
Bah barang kaho dudoe meulang-lang
Ingat seumbahyang wahe aneukda
Seubab agama kana lam badan
Asoe Al-Quran kalheuh beulaja
Asoe kitab ingat bek kiam
Yangka saboh jan meurunoe gata
Donya akhirat karat beusaban
Hai aneuk badan ingat lam dada
26
Bidang sikula buka pikeran
Asai ujian bek miyeub angka
Jaga marwah ayah deungon nang
Wate ta riwang beujeut sarjana
Habeh peutuwah bak yah masanyan
Ibrahim Hasan laju ka geuwa
Peulheuh rindu laju wateenyan
Di Beulawan bineh dermaga
Lheuh mumat jaroe sigo ngon rakan
Tamong yohnyan lam kapai raya
De Ereen geukheun kapainyan
Ibrahim Hasan ka jadeh bungka
Kapai dijak meugrak geulumbang
Troh Tanjong Pinang dirapat sigra
Jipeutron saoh piyoh disinan
Ladom peunumpang jitron u kuta
Leumah peuraho meu ato panyang
Ureueng bloe barang meubago rupa
Keunan meuhudom bak ujong buritan
Inong ngon agam blo barang lua
Ohlheuh paso ie keulasi kheun ban
Bandum peunumpang tamong lam karna
Katroh watee teuntee masanyan
Kapai le reujang beurangkat teuma
27
Nyang muda-muda dumna peunumpang
Hate that seunang ta kalon rupa
Na padum uroe dudoe hai rakan
Katroh le yohnyan laju u Jawa
Teungoh u darat leugat wateenyan
Ibrahim Hasan ikot seureuta
Teubiet ulua jak mita kandran
Teumpat tujuan katroh le jiba
Kana teumpat meuhat nyang aman
Bekna gangguan watee sikula
Padum uroe tempoe Iheuhnyan
Tamong le reujang ubak sikula
Tamong bak UI ekonomi jurusan
Di Metropolitan kota Jakarta
Sikula UI cit gob turi nan
Kon sibarangan keunan jeut teuka
Nyo hana carong ngon kong bantuan
Bak sikulanyan hanjeut beulaja
Nyan kheuh sikula nama pilihan
Meugah hanaban di Indonesia
Aneuk ureung gab ji antat keunan
Ngon moto sedan tamong sikula
Ayah deungon ma nyang na jabatan
Nyo ureueng awam hana peu cuba
28
Teusebut haba teuma hai rakan
Ibrahim Hasan meuwoe calitra
Tamong sikula hana le reunggang
Ohlheuh Mapram laju beulaja
Hana le lalee lagee sabohnyan
Bak weng kilang lagee di Langsa
Gobnyan laloe jinoe meu ulang
Bandum peulajaran wajeb geu baca
Seubab akhe thon langsong ujian
Hanjeut meu ayang lage nyang kaka
Akhe tingkat sa nyata disinan
Ibrahim Hasan han talo angka
Ji peuek tingkat leugat masanyan
Ibrahim Hasan duek tingkat dua
Sabe rata thon langsong lageenyan
Lam peundidikan tinggai hantom na
Ingat peutuwah ayah saboh jan
Yoh di Beulawan antat u Jawa
Seubab peureulee ileumee Tuhan
Uleh seubabnyan sunggoh beulaja
29
Meuturi Ngon Siti Maryam
Kapai tereubang lam awan tinggi
Dijak kapai ie dalam geulumbang
Watee sikula teuma bak UI
Tamong organisasi laju masanyan
Jeut keu anggota lam organisasi
Watee bak UI Ibrahim Hasan
Senat mahasiswa teuma bak UI
Fakultas Ekonomi nibak watee nyan
Ohlheuh nyan teuma anggota HMI
Saboh organisasi Mahasi swa Islam
Thon limong-limong tamong mulai
Anggota HMI Seunat pih meunan
Meunyo peumuda na organisasi
Disinan dali pikeran manyang
Le that ileumee meuteumee hai akhi
Lam organisasi hana bandengan
Dalam sikula hana peu cari
Lam organisasi le peungalaman
Modal pertama kana lam jari
Tinggai geu isi troh u lapangan
Ibrahim Hasan disinan dali
Bak organisasi cok peungalaman
Masa di gampong gabong ngon santri
Watee sajan mi tarikat sinan
31
Di sampeng galak bak organisasi
Dalam meunari pih galak gobnyan
Diateuh panggong geu ayon gaki
Leupah meuseuni Ibrahim Hasan
Seurampang dua blah leupah that ahli
Hanso saingi nibak masanyan
Kareuna ceudah lam bhah meunari
Gobnyan diseunangi deungon di pandang
Liwat tarian sinan meudali
Rame meuturi inong ngon agam
Ho nyang geujak jigrak khanduri
Mudah reuzeuki nibak masa nyan
Syamsuddin Mahmud pihjeut meunari
Watee bak UI meusapat sinan
Ngon Ibrahin Hasan rakan meunari
Ulee ili geuba-ba sajan
Musem luwah blang meuladang campli
Rame peutani nyang pubut meunan
Ka tingkat limong po bungong giri
Deungo lon kheun kri nibak masanyan
Tangui bajee jah payah na dasi
Mangat ogahri watee gob pandang
Sabe tiep minggu meulu bee wangi
Geujak meudodi u rumoh paman
32
U Tanjong Priyok dawok peureugi
Geujak poh cakri seubab liburan
Adullah Mahmud geuseubut wali
Syeedara abi Ibrahim Hasan
Bak si uroe poe Banta Saidi
Ban pagi hari di rumoh paman
Teubiet di rumoh oh beungoh sunyi
Laju peureugi nibak watee nyan
Bak teungku Akoeb katrok geu ili
Cit rakan wali Ibrahim Hasan
Sinan di Priyok Pak Akoeb ngon istri
Asai dari Pidie katreb disinan
Ureueng Ulee Gle treb ere ngon nanggri
Geu pajoh gaji bak kapai barang
Kapai KPM beken han sakri
Ulua nanggri sabe berjalan
Teungku Akobnyan Tuhanku neubri
Bungong meulati keumang lam taman
Na aneuk dara rupa that tari
Nama geurasi Siti Maryam
Watee troh teuka po Banta Saidi
Laju meuturi dua awaknyan
Yoh mumat jaroe leungo lam seundi
Sinan phon dali cinta meulabang
33
Ka jatoh hate kande kudangdi
Watee geungieng hi Siti Maryam
Dakjeut beusabe bekle permisi
Bah sajan Siti uroe ngon malam
Teungku Akoeb pulot bee wangi
Lam sanubari seunang hana ban
Seubab aneukda hana le sunyi
Kadang Tuhan bri jeut keutunangan
Bineh gaki gle rabe bubiri
Malam jijeb ie keudeh lam kubang
Jan laen minggu hanpeu takheun kri
Apel pagi sabe disinan
Deungon seutom langsong peureugi
Hadiah abi dilee saboh jan
Keudeh u Priyok katrok geu ili
Tujuan meuri ubak Maryam
Tamong u dalam po bintang pari
Duk bak kurusi laju wateenyan
Hana le canggong tangglong kudangdi
Seubab meuturi kalheuh saboh jan
Geuduek disinan sajan ngon Siti
Geu meupoh cakri dua awaknyan
Hana treb tempoe uroe ka sunyi
Lakee permisi beudoh jak riwang
34
Meunan kheuh sabe hana pre hari
Geujak seundiri ubak Maryam
Seubab ka kayem geutem peuduli
Hate dek Siti masa nyan goyang
Ka jatoh cinta remaja putri
Ka jatoh hati keu Ibrahim Hasan
Mantong teupeundam lam sanubari
Goh lom beurani geu peuleumah trang
Siti Maryam watee nyan akhi
Sideh bak UKI kuliah gobnyan
Hana that jarak tajak bak UI
Jeut ngon gaki oh takoh jalan
Ohwo sikula po bantan Saidi
Laju bak UKI jeumput Maryam
Han peu panyang ta karang rawi
Maklum seundiri awak pacaran
Boh timon bruek boh timon phang
Timon panyang dalam raga
Ta balek ayat siat hai rakan
Supaya gampang watee ta baca
Kuala Bubon aron meureuntang
Kuala Simpang di ateuh Langsa
Bah that tip uroe geujak woe sajan
Hate didalam goh lom teu baca
35
Geu pula timon bak gunong meudang
Geu pula bawang oh Iheuh seumula
Di dalam hate sabe teu bayang
Peukheuh dek Maryam keuion na cinta
Lam lungkiek bak u ta tabu kacang
Lungkiek bak pisang teubee ta pula
Bak si uroe deungo lon peutrang
Ibrahim Hasan surat geu rika
Geu tuleh surat leugat watee nyan
Keudek Maryam si ayeum mata
Deungo lon rampoe asoe surat nyan
Paneuk ngon panyang keudroe ta baca
Deungon horeumat surat lon layang
Geunantoe badan keunan lon teuka
Ta sambot surat nyopat hai intan
Ngon hate lapang jaroe ban dua
Ateuh Pulo Weh na geupeh pancang
Seubagai labang Indonesia
Meuah beuraya teuma keu cut bang
Kadang bak kadang teulanjo haba
Dilingka rumoh timoh bak pisang
Dikeu halaman na keubon bunga
Bah that beukayem cutlem jak keunan
Han lon jeut peutrang rasa lam dada
36
Gampong Lam Panah meugah hana ban
Gajah meukawan jitron lam rimba
Hate lon luka konka ta tujan
Watee lon pandang gata pertama
Taloe bineh krung ureueng meuladang
Geu pula bayam ngon boh peureuya
Baro uroe nyoe sinoe lon peutrang
Hai dek Maryam lon jatoh cinta
Di Lhokseumawe rame oh malam
Keudeh ujong blang ureueng tamasya
Ulon boh malee keumbee lam taman
Bah keuh lon peutrang jinoe bak gata
Samat teungohleun papeun teubentang
Ureueng duk keunan geu meupoh cakra
Kalheuh lon pike paneuk ngon panyang
Cit gata intan harapan hamba
Watee ie paseung udeung meukawan
Dijak meureuntang di mingkuala
Habeh lon kalon bangon ngon ragam
Hana nyang saban laen ngon gata
Ta beudoh bagah tacah ilalang
Bek jiduk musang deungon meuruwa
Hudep beusare mate beusajan
Beujeut lon tuan peudampeng gata
37
On manek manoe ta puwoe di blang
Tacok sireugam keu ubat luka
Teuma bak gata peuna jawaban
Tatem deungon han ulon preh haba
Peuraho pukat sipat geulumbang
Ta kalon pawang sibok lagoina
Ohno mumada haba bak cut bang
Lon preh jawaban sinoe bak gata
Ohka seuleusoe geu pasoe reujang
Lam amplop panyang hijo wareuna
Uroe pih beungoh mehmoh kon wayang
Meungui pakaian jak bak sikula
Ohwo sikula hana le reunggang
Moto pit reujang laju geu hila
Keudeh u priyok beu ek trok reujang
Ibrahim Hasan meunan keunira
Hana treb tempo dudoe hai rakan
Ubak Maryam katroh geu teuka
Duek meuseunia teuma wateenyan
Dalam ruangan ngon sabe muda
Keudeh keunoe muproe khabaran
Ibrahim Hasan teuma jak gisa
Sira beurangkat surat peureugam
Siti Mariyam geusambot sigra
38
Oh leupah gisa Ibrahim Hasan
Siti Maryam teuot meugeumpa
Teuingat surat teumat lam reugam
Asoe di dalam saleh peu haba
U dalam karna ka geuba reujang
Peureubah badan surat geu baca
Ohban geubaca haba di dalam
Hate that seunang hana ngon peusa
Cit ka barokon ji peusom deundam
Keu Ibrahim Hasan galak geuh raya
Ureueng inong kon hana saban
Han geujeut peutrang apon lam dada
Ohlheuh geu baca haba bak cut bang
Geucok le kalam geu balah haba
Keureutah puteh geutuleh nazam
Deungo hai rakan bacut lon rika
Assalamualaikom ampon jeunulang
Surat balasan nyopat neu baca
Nyang phon lon harap meuhat maafkan
Kadang meunyimpang bak jaweub haba
Aneuk cicak khem lam puteng tiang
Oh watee malam ta deungo subra
Teurimong gaseh meuceh keu cut bang
Nyang ka neu peutrang keu ulon cinta
39
Sinyak koh naleung taloe ateung blang
Dua goe riwang ka peunoh raga
Sikrak bak kanda cinta meulabang
Dari lon tuan meulipat ganda
Bak sijaloh timoh meureuntang
Cabeung jih rindang indah lagoina
Padum trep sabe lam hate deundam
Han lon jeut peutrang ubak kakanda
Ateuh bak lapeng cicem meu kawan
Ateuh bak mancang aneuk leuk kuwa
Hudep beusare mate beu sajan
Susah ngon seunang sama ta rasa
Aneuk tulo woe cot uroe timang
Aneuk guda plang ji tarek kaha
Nyawong ngon tuboh lon troh barangjan
Uro ngon malam jeumba kakanda
Jipot angen gle pade goh seudang
Reubah meutimphan dalam blang raya
Rindu lam hate sabe keu cut bang
Han lon jeut peutrang dilee nyang ka-ka
Ateuh jambee kleng kayem na musang
Ateuh keutapang jiduek meuruwa
Ta mita lagee meuribee jalan
Ulon ngon cut bang beu sabe dua
40
Oh seupot uroe motoe dum riwang
Peutron peunumpang aneuk sikula
Ohno mumada haba balasan
Dari lon tuan wahe kakanda
Ohlheuh geu surat geu lipat reujang
Ngon tanda tangan ka geuboh sigra
Pasoe lam amplop bek gob pandang
Ji peusom yohnyan lam buku sikula
Oh watee uroe dudoe komdian
Ek lam geuritan jak bak sikula
Keudeh bak UKI gaki geu goyang
Ikot peulajaran lagee biasa
Watee meujakwoe uroe ka siang
Siti Maryam kayo lam dada
Geunging ulua teuma bak jalan
Kana cut abang ateuh BSA
Teubit dalam glah bagah le reujang
Jak eumpeung cut bang bak jalan raya
Duek Seutom BSA lanja watee nyan
Jaroe bak pinggang laju ka geuwa
BSA jiplueng lam ruweung jalan
Siti Maryam hatnyan keureuja
Surat bak jaroe geu pasoe yohnyan
Lam balum cut bang nyang na bak dada
41
Surat jitamong lam kantong kanan
Ibrahim Hasan pura top mata
Oh troh geu antat meuhat Mariyam
Moto geu pasang lage sot teuma
Geu puetron adek geu tarek seutang
B SA peuriwang u Jakarta Utara
Keudeh u asrama lanja geu riwang
Uroe ka siang lewat poh dua
Oh troh u teumpat meuhat masanyan
Tamong reujang laju lam karna
Ateuh peuratah peureubah badan
Ngon hate bokbang surat geu baca
Hate mangat hana pat lawan
Peu nyang geu pandang indah bak mata
Asoe lam surat mangat hana ban
Adek Maryam di balah cinta
Jipot angen jimeuen dahan
Jilop lam badan leupie lagoina
Katroh ban hawa po muda seudang
Lumpoe saboh jan jinoe ka nyata
Saboh bukti dali cit katrang
Ibrahim Hasan memang perkasa
Mampu geu reubot boh rambot leukang
Dara rupawan hase geu hila
42
Sal eh peu cara nyang na bak gobnyan
Bungong lam taman meuteumeung jeumba
Peukheuh ileumee geumee u dalam
Nyang jeut Maryam roh jatoh cinta
Meunyo ta tilek adek Maryam
Sama ngon bintang oh malam jula
Watee meusapat meuhat lam kawan
Meusidroe pihtan ta bandeng rupa
Memang raseuki Ibrahim Hasan
Dalam seupot klam meuteumee suwa
Peumuda laen keureuleng cit nyan
Teupaksa riwang ngon putoh asa
Laju u li kot jisurot reujang
Dalam geulanggang talo juara
Langkah raseuki neubri le Tuhan
Peuteumuen ngon nyan di dalam donya
43
Meukawen Ngon Siti Maryam
Ateuh pucak gle hana le awan
Ka peungeuh bandrang ban saboh donya
Buleun Februari jibri ujian
Bak watee nyan thon namplohsa
Mandum mahasiswa teuma watee nyan
Ikout ujian dalam sikula
Meunan cit bagou Ibrahim Hasan
Tamong ujian tingkat sarjana
Hana treb tempoe dudoe hai rakan
Laju watee nyan ka ji wisuda
Luloh sarjana hana halangan
Bak masanyan beuleun puasa
Hate gembira hana pat lawan
Ibrahim Hasan kirem beurita
Keudeh bak ayah bagah bh peusan
Geu kheun ujian ka sampureuna
Disampeng bak nyan pihna geupeusan
Bak ayah ngon nang sigoe ban dua
Sikula ka tamat meuhat ka aman
Neubri tunangan keu ulon sigra
Geukheun di Jawa kana pilihan
Siti Maryam geurasi nama
Jinoe hai ayah bagah neu pinang
Beujeut tunangan kamoe ban dua
45
Watee geu baca haba lageenyan
Laju toke Hasan ka salah sangka
Hana seutuju laju geukheun ban
Aneuk lon tuan kawen di lua
Hana jithee droe lago si agam
Keupeu tunangan mita di Jawa
Hana teu ingat martabat manyang
lle lam badan darah ulama
Pakon han jiwo keunoe gampong nang
Mita tunangan siri nyang hawa
Keupeu aneuk gob jijak drop sinan
Suke turonan ta turi hana
Aneuk syeedara dara peurawan
Siri nyang seunang sinoe ku mita
Sinoe di Aceh leubeh nibaknyan
Ureueng teupandang suke ulama
Hana ulon tem peukawen ngonnyan
Yohgoh lon tuban turonan bangsa
Dalam hate teupike reujang
Jinoe pakriban loncok keunira
Na padum uroe dudoe nibaknyan
Geu bungkoh barang geujak U Jawa
Hana ureueng thee teuntee masanyan
Meusapat pihtan na geubri haba
46
Keudeh u Priyok katroh berjalan
Watee ka malam keunan troh teuka
Abdullah Mahmud sujud bh salam
Hate that seunang katroh syeedara
Duk piyoh payah peugah khabaran
Geutanyong yohnyan ubak adinda
Wahe ado ta deungo cutbang
Ta peugah beutrang bek tasom punca
Toh siri inong meukeunong hanban
Ibrahim Hasan ka jatoh cinta
Sonan ayah peugah beureujang
Toh keuturonan pane geuteuka
Bapak Abdullah peugah masanyan
Siti Maryam geurasi nama
Aneuk teungku Akoeb tangkulok manyang
Gampong halaman di Bandar Dua
Cuco Teuku Husen hai Lem Budiman
Ngon awak Palembang meukawen teuma
Asai di Idi beu neu tukriban
Teuku Husen nyan jiboh le Beulanda
Watee Teuku Husen meukawen di peurantauan
Na aneuk badan sidroe nyang dara
Siti Aminah geu peugah nan trang
Siti Maryam nyan kheuh ibunda
47
Asai di Aceh bijeh aneuk nyan
Hanapeu bimbang turonan bangsa
Beudoh geutanyoe jinoe hai abang
Laju ta pinang taba ngon tanda
Bapak Abdullah peugah bube trang
Di toke Hasan seunang lam dada
Han salah mita simuda seudang
Mantong jipandang turonan bangsa
Uroe pih beungoh beudoh awaknyan
Bak ayah Maryam laju geu teuka
Geujak meuturi abi Ibrahim Hasan
Ngon calon bisan watee nyan teuma
Watee meurumpok meupok pandangan
Lheuh mumat tangan duek peugah haba
Keudeh keunoe geu muproe canang
Cok keuputosan laju ngon sigra
Ta singkat haba teuma hai rakan
Kalheuh tunangan awaknyan dua
Tangga siblah nikah watee nyan
Buleun Juli nan thon namploh sa
U Tanjong Priyok tawok undangan
Sinan bak jalan geukheun Jepara
Ureueng dum teuka dara ngon agam
Sampoe an malam rame leupahna
48
Tajak u Yogja sewa geuritan
Deun peumandangan indah lagoina
Habeh acara ka jula malam
Geucok awaknyan sigo bandua
Peutron cong sandeng ireng u dalam
Siti Maryam deungon judonya
Tinggai lam karna teuma masanyan
Laju teubayang peu geukeureuja
Peu meucugak ateuh bak lawang
Aneuk mi itam di ateuh bara
Retno pih gadieh retdeh pih jantan
Dua awaknyan hadu teunaga
Kapai Beulanda teuka meukawan
Leumah meureuntang lam laot raya
Dak miseu tantra banna seunapan
Meumet on pisang ji timbak sigra
Sipaleut tanoh teungoh teubeuntang
Tameh wateenyan sibak geu pula
Dak miseu badeuk kadeuk sabohjan
Bandeuh makanan peulom ji saba
Padum treb sabe meurante badan
Nyo keuseumpatan kalheuh ulua
Jimeulot burak ngon jalak hitam
Di dalam padang hana so publa
49
Meunan kheuh bago po muda seudang
Ibrahim Hasan laloe leupahna
Hana pre seupot geutot meureuyam
Aneuk geu pasang beungoh ngon sinja
50
Gisa U Banda Aceh
Moto geureubak dijak u Sigli
Di Peudieng capli ngon boh geutila
Ujong lon puta punca lon putie
Supaya meukri sambongan haba
Leupah meusigak awak seudati
Bak ayon gaki ngon jaroe dua
Ibrahim Hasan ta karang rawi
Baca hai akhi duson ngon kota
Lheuh jeut sarjana teuma bak UI
Asisten ekonomi di angkat sigra
Asisten di Fakultas Ekonomi UI
Ekonomi Industri bidang jih nama
Han treb tempoe dudoe ka jibri
Asisten ahli teumpat nyang sama
Dalam asuhan Muhammad Sadli
Bandum ji turi di Indonesia
Di Blang Bintang na pawang Rani
Di Blang Pidie na pawang Baka
Bak siuro po banta saidi
Le Pak Sadli ka geubri tanda
Hatnyan geu tanyong bak bungong giri
Soai kurusi teumpat keureuja
Ta deungo bagah ulon peugah kri
Na dua bagi jalan keu gata
51
Nyang saboh cara jeumba ulon bri
Asisten Ahli peulayan hamba
Peulayan raja konka ta tukri
Hana so turi si umu masa
Gata poh tuboh reuoh meu guci
Ulee ili sibok keureuja
Bah that beurancak bak ta grak bibi
Hanso akui peulayan raja
Jalan keudua teuma ulon bri
Mita kurusi beujeut keupala
Beuthat beu ubit keubit ogahri
Komdian hari gob turi nama
Jeut keupimpinan peutimang keumudi
Gata gob turi bak saboh masa
Jinoe beurangkat leugat keumbali
Bak University Syiah Kuala
Puwoe ngon binoe sigoe bek lanti
Bak Fakultas Neugri nyang ban di buka
Meunan amanat Muhammad Sadli
Ngon hate suci geu buka cara
Tajak u Langsa mita teurasi
Paso lam guni puwo u Banda
Ibrahim Hasan yohnyan hai akhi
Akai geu putie geu mita cara
52
Ureueng koh reubong di gampong Ili
Di Samahani na eungkot paya
Jeut keupeulayan memang han meukri
Hana so turi barang jan masa
Ta pula pade sabe dalam ie
Ta pula capli bak tanoh data
Bah kheuh lon mita nyang na kurusi
Bah bube sawi ji meuhoi keupala
Meunan teu pike kande johari
Laju ngon Siti meupakat sigra
Siti Maryam jawaban geubri
Ikot suami ngon hate rela
Nibak masanyan Maryam Siti
Teungoh Tuhan bri hamil pertama
Teungoh meungandong apon han sakri
Maklum seundiri dum kawom hawa
Timoh di Saree teubee meuriti
Di Padang Tiji timon geu pula
Ka putoh pakat ka bulat janji
Beudoh peureugi ureueng nyan dua
Ka tinggai Jawa Kota Beutawi
Woe jak meungabdi keupada bangsa
Nibak Unsyiah tugah ka jibri
Bak Fakustas Ekonomi tamong keureuja
53
Jeut Lektor Muda Fakultas Ekonomi
Perguruan Tinggi Aceh Mulia
Di Darussalam sinan domisili
Teurimong gaji pangkat F tiga
Jeut keu sekretaris Fakultas Ekonomi
Gohlom gob turi masanyan nama
Seubab ban pinah dari Beutawi
Jaringan komunukasi gohlom teubuka
Di Keumbang Tanjong na Gampong Pasi
Pukat meuriti teungoh geu suja
Siti Maryam wateenyan akhi
Deungon suami hudep bahgia
Ibrahim Hasan malam ngon hari
Disampeng dekti jarak hantomna
Bak buleun limong po bungong giri
Budak johari lahe u donya
Tanggai dua nam catatan hari
Lahe si bayi Mei namploh dua
Mirza Irwansyah Allah peudali
Ayah ngon ummi seunang lagoina
Lahe aneuk phon tangglong kudangdi
Ban bintang pari cahaya muka
Aneuk pih agam ruman ogahri
Malam ngon hari sabe geu doda
54
Sipanyang jalan lam peukan Pidie
Leumo meuriti troh malam jula
Ohlheuh lahe kande putehdi
Dua thon lagi lahe adinda
Meuturot turot ikot meuriti
Bandum putri lahe u donya
Nyan kheuh areuta nyata Tuhan bri
Maryam Siti seunang lagoina
Thon namploh peut geu seubut dali
Lahe nyang putri aneuk keudua
Nama Julita Fairina Susanti
Bak buleun Juli tangga duaploh dua
Julita Fairina teuma hai ahki
Sideh di Beutawi lahe u donya
Ibrahim Hasan dang lua nanggri
ILeume jak cari di Ameurika
USAID Ameurika dana dum jibri
Geuwo keulai thon namploh lima
Tamat MBA bak Syracuse University
Bak buleun Juli ka meudum tangga
Watee ka hase kande kudangdi
Hana keumbali bak Syiah kuala
Sideh di Jawa teuma berdomisili
Lam sanubari laen reuncana
55
Hana le galak bak dosen neugri
Ho laen seugi mita keureuja
Padum boh teumpat meuhat ka jibri
Gohlom meurasi di dalam dada
Dang cok putosan jalan nyang pasti
Wateenyan sandi troh dari Banda
Majid Ibrahim peumimpin tinggi
Yuwo keula-i bak Syiah Kuala
Seubab sayang keu perguruan Tinggi
Oh Iheuh PKI lawan neugara
Akhe nam limong po bungong giri
Geuwo keulai-i teuma u Banda
U Darussalam riwang keula-i
Jabatan geubri meu bagoe rupa
Seubab geupike kande johari
Rata seugi ileume kana
Ohlheuh beurontak awak PKI
Lhee droe meuntri peuteubit SK
Beuntuk pasukan lam Perguruan Tinggi
Putra ngon putri latih keu tantra
Di Darussalam saban teujadi
Ka ji mulai cok mahasiswa
Ka habeh jiba keudeh Mata le
Malam ngon hari jilatih tantra
56
Ibrahim Hasan meunan cit akhi
Wateenyan jibri ileumee tantra
Jibri jabatan komandan tinggi
Di perguruan Tinggi Syiah Kuala
Komandan Bataliyon langsong ka jibri
Ato strateugi Men Mahadasa
Komandan resimen beuken han sakri
Rektor keundali sigala punca
Madjid Ibrahim pimpin seundiri
Putra ngon putri Men Mahadasa
Men Mahadasa beuna ta turi
Peukong ideologi peutheun neugara
Ibrahim Hasan peungeutahuan tinggi
Rata seugi peungalaman kana
Masa Jeupang gobnyan ka ahli
Malam ngon hari latih keu tantra
Ikot berjuang malam ngon hari
Sabe pribumi bela neugara
Dalam sikula masa di Sigli
Hana pre hari latihan tantra
Timphan buleukat mangat han sakri
Pajoh ngon kuphi jampu ngon bada
Ta puwoe kisah bagah hai akhi
Maryam Siti haba ta rika
57
Thon namploh nam bak buleun Juli
Lahe u bumi lom bijeh mata
Aneuk nyang keu Ihee teuntee Tuhan bri
Rosalina Juliani geu meuhoi nama
Tangga ka meudum jeum ka meukri
Lahe u bumi tangga duaploh dua
Dua thon tempoe dudoe meudali
Lahe lom putri keunoe u donya
Thon namploh lapan Tuhan teukeudi
Siti Fajar Suryani lahe lom teuma
Tangga limong blah jeulah na bukti
Ji tamong hari lam buleun dua
Thon tujohploh yoh saboh lawi
Irma Ferdianti lahe lom teuma
Bak tangga siblah geu peugah dali
Lahe Ferdianti bak buleun dua
Limong boh sinyak bijak han sakri
Peut droe putri saboh peumuda
Siti Mariyam seunang tiep hari
Deungon suami hudep sijahtra
Musem luwah blang meuladang campli
Watee teuka ie pade ta pula
U Darussalam ta riwang rawi
Baca hai akhi kawom syedara
58
Ibrahim Hasan ulang keula-i
Lektor Fak Ekonomi bak Syiah Kuala
Tamong keureuja lanja tiep hari
Peulajaran geubri keu mahasiswa
Di Darussalam sinan meungabdi
Baro mulai gob turi nama
Seubab ka lazem geutem peuduli
Lam organisasi kayem deuh muka
Thon namploh tujoh yoh saboh lawi
Deungo lon kheun kri seunambong haba
Di Darussalam aman tiep hari
Fakultas ekonomi leubeh lom teuma
Ibrahim Hasan Rakhmat Tuhan bri
Ji peu ek gaji pangkat pih raya
Bak Unsyiah Fakultas Ekonomi
Jibri kurusi Lektor Keupala
Ureueng lisek cereudek han sakri
Bhah ekonomi lua keupala
Oh Iheuh MBA di lua nanggri
Geujak lom study di Philipina
Thon tujoh sa masa mulai
Di Quezon City geujak beulaja
Geu jak geuwoe laloe han sakri
Maryam Siti tinggai di Banda
59
Meubagoe bidang geu peulham diri
Ileumee jak cari di nanggroe lua
Soai sikula hana peu kheun kri
Rata seugi ban saboh donya
Geu ikot peusan silam bak umi
Masa geu dodi lam ayon ija
Ileumee donya mita tiep hari
Hana peuduli soai biaya
Masa sikula dilua nanggri
Nafkah geubri uleh Cut Apa
Muzakkir Walad ingat tiep hari
Keu Maryam Siti kirem biaya
Sabe tiep buleun bulueng geu yu bri
Ret Hasan Basri seulaku Sekda
Hingga seleusoe geuwoe keula-i
Beulanja geubri u rumoh tangga
Guna Pak Walad meuhat meuguni
Han ek geu kaji siumu masa
Sabe geu ingat meuhat lam hati
Sidroe llahi nyang ek troh hingga
Ateuh gle kulu meusu rapai
Oh malam sunyi deungo suara
Muzakir Walad Ureueng that ahli
Geumat keumudi siploh thon masa
60
Aceh wateenyan memang dang seui
Teunaga ahli geu tanyoe hana
Madjid Ibarahim pimpin University
Universitas neugri Syiah Kuala
Ibrahim Hasan hatnyan mulai
Geuboh keu waki di gobnyan teuma
Sekda watee nyan Pak Hasan Basri
Soai administrasi lua keupala
Ibrahim Hasan karangan geubri
Bak Hasan Basri seulaku sekda
Konsep pidato geu ato rapi
Yohgoh mulai Gubernur baca
Meunan kheuh sabe kande johari
Pandangan geubri meunurot kada
Muzakir Walad sangat meungeurti
Ureueng nyang ahli sabe geu ba-ba
Musem keu meukoh timoh kupanji
Mudah raseuki umat lam donya
Ibrahim Hasan ta riwang rawi
Le pak Muzakkir ka geubri jeumba
Bah di Darussalam berdomisili
Teutapi gaji ban sabohnyan na
Miseu contoh deungo hai akhi
Nibak Industri pihna keureuja
61
Nyang bri pandangan bidang ekonomi
Nibak Industri tingkat Daista
PT Panca Usaha pihna raseuki
Anggota Ahli bidang reuncana
Anggota Bakopda pihna cit gaji
Peulom hai akhi pat laen teuma
Miseu Sabang Peulabohan resmi
Disinan gaji limong ploh dola (r)
Dipeucaya keu teunaga Ahli
Deputy ekonomi bidang jih nama
Sayang bacut pocut johari
Sabang di anti le ureueng lua
Teumpat seuludupan meunan ji rawi
Tantra peuleusi sabe di jaga
Di mita jalan Sabang beu sunyi
Akai di cari meu bago rupa
Dum inang-inang malam ngon hari
Meu guni-guni di baplung ija
Ji mita daleh peu leubeh bukti
Abeudo Gani peunyeludup raya
Silusin pingan bak tangan kiri
Jikheun meukudi ji peusom ija
Meunan kheuh sabe kande kudangdi
Haba di rawi nyang hana-hana
62
Lam koran Medan meunan jikheun kri
Baca le meuntri dumna beurita
Ji ba pitnah ngat bagah sunyi
Sabang le meuntri beu jitop sigra
Gubernur Aceh jadeh ji taki
Watee Pak Hadi musibah teuka
Jitop Sabang sayang han sakri
Gadoh raseuki dum ureung desa
Sampoe an jinoe hansoe peuduli
Sabang ka sunyi hana le subra
Hana le kapai dari lua neugri
Jeut keu peutani peudagang dumna
Ci cem subang lam kawan nuri
Mirahpati si judo dua
Ibrahim Hasan riwang keulai
Baca bek sunyi wahe syeedara
Kareuna gobnnyan memang that ahli
Bidang ekonomi hana so sangga
Bek jeut keu hireun ngon iri hati
Teunaga ahli meuhai biaya
Leu that bidang gobnyan kuasai
Seubab meungerti dumna peukara
Aceh watenyan malang han sakri
Rata seugi so uroh hana
63
Keujeut nanggroe hansoe peuduli
Dum hase bumi hana soe puga
Hase gunong ngon hase pasi
Hana so gali teunaga hana
Watee koh pade hase si guni
Glah keucampli han glah keusira
Seubab lampoh blang tan irigasi
Laloe taptreh ie tron ujuen raya
Barat seulatan jalan han meukri
Raket meuriti preh paseung teuka
Hana so pike kande puteh di
Teunaga ahli tanyo gohlom na
Salah saboh teungoh geu kaji
Lam Perguruan tinggi Syiah Kuala
Cetak Sarjana bekna berhenti
Bidang ekonomi bidang agraria
Bidang pertanian meunan cit lagi
Mangat geu tukri peu gadoh hama
Ureueng nyang pike keu hase peutani
Beujeut ek haji oh llheuh seumula
Di Darussalam gudang keurani
Putra ngon putri teungoh beulaja
Bak Ibrahim Hasan pulang keumudi
Ureueng nyang tukri peu teubleut mata
64
Watee ie paseung udeung di ili
Bak bineh pasi diming kuala
Ibrahim Hasan ta ulang rawi
Supaya meukri seunambong haba
Thon namploh nam catatan meuri
Uleh pak Meuntri peuteubit SK
Bak buleun siblah tanggai sa mulai
Bak Fakultas ekonomi jeut keupala
Jeut keudeukan fakultas ekonomi
Di Perguruan Tinggi Syiah Kuala
Meuturot-turot trok Ihee kali
Hanso saingi ceureudek raya
65
Jeut Keu Rektor
Dalam lungkik gle sabe jitron ie
Hanyot u pasi bak kajee rimba
Ibrahim Hasan memang gob turi
Disiplen tinggi dalam sikula
Disampeng Dekan masanyan jibri
Uleh Meuntri lom geu peucaya
Pembantu Rektor Perguruan Tinggi
Di University Syiah Kuala
Syarief Thayeb lisek han sakri
Geuduk keu Meuntri di Bidang PK
Geungieng Ibrahim bak meumimpin ahli
Jabatan geubri meuganda-ganda
Pinah Pak Madjid orbit keu Deputy
Jabatan geubri keu gobnyan teuma
Jeut keu rektor Perguruan Tinggi
Universitas Neugri Aceh mulia
Thon tujoh ploh Ihee teuntee mulai
Duek bak kurusi ato sikula
Watee diangkat meuhat le Meuntri
Doktor Ekonomi gobnyan gohlom na
Drs MBA nyang na lam jari
Tapi le Meuntri jiboh keupala
Rame masanyan keunan beureuhi
Tapi le Meuntri han geu peucaya
67
Lheuh jeut keu Rektor Doktor geucari
Keudeh bak UI peutamong nama
Watee kuliah sosah han sakri
Roh ulee ili Jawa ngon Banda
Meujan geu bungka ulua neugri
Bak University di Philipina
Seutot pebimbing iring tiep hari
Meujan geu ili u Amerika
Keubah jabatan di Perguruan Tinggi
Tinggai kurusi bak Syiah Kuala
Geu keubah inong ngon jantong hati
Putra ngon putri tinggai di Banda
Aneuk peurumoh timoh seundiri
Nyang na peuduli cuma Cut Apa
Gubernur Aceh leubeh jeub seugi
Bantuan geubri ngon jak sikula
Gobnyan geujak woe keunoe ngon Beutawi
Aneuk ngon istri jeuoh di mata
Adak barangsoe meunoe teujadi
Malam ngon hari susah lam dada
Bak mita pangkai ngat keubai diri
Dokto ekonomi beu ek seumporna
Limong thon tempo dudo terbukti
Dokto ekonomi ijazah kana
68
Dokto MBA kana lam jari
Jurusan ekonomi geurasi nama
Ngon Sosah payah ijazah geu cari
Hana peuduli soai biaya
Ohka seuleusoe Dokto ekonomi
Ato strateugi dalam sikula
Lagee atoran meunan jalani
Disiplin tinggi wajeb dijaga
Dalam sikula konka ta tukri
Rame nyang anti nyo meunan cara
Ibrahim Hasan han geu peuduli
Lagee kheun Meuntri laju keureuja
Ateuh pucok u meusu keudidi
Cempal a pali di dalam cintra
Watee Ibrahim pimpin University
Leu nyang terjadi luar biasa
Miseu contoh rampo ta rawi
Hatnyan terjadi Aceh merdeka
Ka ji berontak dum awak Pidie
Meungaku diri gohlom merdeka
Mantong di jajah le peumeurintah Rl
Meunan jikheun kri ta deungo haba
Nangroe Aceh meukleh seundiri
Deungon Rl hubungan hana
69
Boh timon phang di dalam guni
Paso boh giri u dalam raga
Thon tujoh ploh nam butnyan teujadi
Nyang mat keumudi mantong Cut Apa
Ibrahim Hasan di perguruan tinggi
Nyang mat keumudi bak Syiah Kuala
Hatnyan keuh watee teuntee teujadi
Neugara Rl bacut meugeumpa
Padum boh ulee dunge han sakri
Meungkau diri Aceh merdeka
But Hasan Tiro sidroe keurani
Hana soe turi pakriban rupa
Di Ameurika berdomisili
Peugot provokasi hana torn reuda
Diyue meupake ngon sabe wali
Yu pisah diri dari neugara
Rata jeub sagoe nanggroe ka a-i
Rata jeub seugi ka sibok tantra
Ka di pareksa hana beureunti
Asai na bukti ka jidrop sigra
Habeh ditijik keucik ngon waki
Han ji peuduli tuha ngon muda
Asai nyang salah bagah di gari
Baro jisudi oh lam peunjara
70
Di Darussalam wateenyan akhi
Ji tamong ABRI drop mahasiswa
Untong na rektor keudroe peuduli
Han geubri gari dum mahasiswa
Rektor Unsyiah gagah beurani
Peugot kompromi laju ngon tantra
Ibrahim Hasan yohynyan geu kheun kri
Wahe Pak ABRI sayang keu bangsa
Lom bak Panglima sigra peugah kri
Bek neu peuduli buet mahasiswa
Teungoh meurunoe sinoe tiep hari
Keu beukai diri oh watee tuha
Pajan di pike peureulee neugri
Malam ngon hari sibok beulaja
Meunan cara haba geu kheun kri
Komandan ABRI han ji peucaya
RA Saleh beungeh han sakri
Panglima ABRI hatnyan di Banda
Laju diyue ba bah hana bukti
Han ji peuduli nyang khuen keupala
Rektor Unsyiah bagah jok waki
Yue jak kompromi deungon Panglima
Zainuddin Hamid keubit beurani
Laju peureugi ngon Di Murtala
71
Keudeh keunoe geu muproe cakri
Peulheuh keula i dum mahasiswa
Bah that ka meunan aman goh jadi
Mantong di cari sigala daya
Ka ji peusapat dum alat bukti
Rektor jikheun kri ikot membela
Ibrahim Hasan memang ogahri
Dum barang bukti geu lakee sigra
Peusapat bahan yohnyan peureugi
Meunghadap Meuntri sideh di Jawa
Pak Syarief Thayeb geu lirek bukti
Hanjeut keu dali dalam peukara
Geucok keureutah ramah ngon jari
Paso lam guni yu tot ulua
Ibrahim Hasan riwang keulai
Urusan Meuntri bandum peukara
Syarief Thayeb geu tarek laci
Isyarat geubri bak Pak Bus teuma
Keudeh bak Pak Bus laju peugah kri
Pakon teujadi lage nyan rupa
Pakon rakyat ikat ngon tali
Pakon han jibri tamong sikula
Pakriban jalan nyang got ta cari
Panglima ABRI bekle but nyang ka
72
Bustanil Arifin yakin lam hati
Laju neu ili ubak keupala
Ubak Istana lanja peureugi
Geujak peugah kri dumna peukara
Bapak Suharto sidroe nyang ahli
Dalam strategi di Indonesia
Supaya nanggroe bek sampoe rugi
Laju yue ungsi bapak Panglima
RA Saleh jadeh di ganti
Teuka nyang ahli laen Panglima
Gantoe Panglima teuma Rivai
Aceh Tuhan bri ka aman teuma
73
Jeut Lom keu Rektor
Sayang that Tangse lam gle ka sunyi
Bawang ngon campli hanso le pula
Ibrahim Hasan Tuhan teukeudi
Bak Perguruan Tinggi jeut lom keupala
Thon tujoh-tujoh troh SK Meuntri
Geu angkat keula-i ronde keudua
Jeut keupala bak sikula tinggi
Di University Syiah Kuala
Meuturot turot trok dua kali
Takalon bukti troh thon lapan dua
Disinan tanda hana peukheun kri
Cit ureueng ahli bidang sikula
Ka meunan kada jeumba Tuhan bri
Ka meunan bagi Allah karonya
Tacok keu contoh geutanyoe akhi
Rata jeub seugi ileumee ta mita
Tajak u Langsa ta sewa taksi
Tatron di Idi seumbahyang asha
Lheuh baca sumpah tugah le geubri
Lee Pak Muzakki watee nyan teuma
Muzakkir Walad pangkat that tinggi
Duek bak kurusi sibago raja
Bak Ibrahim Hasan yohnyan geukheun kri
Yue jak peuturi Golongan Karya
75
Tron u geul anggang l awan PDI
Ato strateugi pakri ban car a
Gol ongan Karya angka beu tinggi
Wat ee lam undi beu ek neuboi sa
Partai Persat uan meunan cit lagi
Bekl ee ureung bri keunan suar a
Peugah bak rakyat mangat ji tukri
Putra ngon putri ngon ureung tuha
Ibrahim Hasan masanyan akhi
Ul ee ili jak peugah haba
Uroe ngon mal am gobnyan peureugi
Geuj ak peugah kri gol ongan karya
Aceh Ihee sago cawo tiep hari
Geuj ak peugah kri konsep keureuj a
Gol ongan Kar ya keureuj a ka meukri
Teunaga ahli rame l eupahna
Rat a gampong duson ngon pasi
Han geu peudul i bah ujeun raya
Dal am pidato ato strategi
Suar a geuyue bri bak neumboi dua
Tapi sayang watee l am undi
Gol kar ji taki le rakyat dumna
Dal am peumil u su hana jibri
Wat ee lam undi meunang P Ti ga
76
Lam uteun Laweung ureung seumuga
Pade geu pula deungon bak kacang
Ta peuduk kisah keubhah suara
Keudeh ta gisa u Darussalam
Ibrahim Hasan sinan keupala
Sibuk keureuja atoe bawahan
Rata Fakultas geu krah teunaga
Geuyu useuha mangat berkeumbang
Disampeng geu pike keu hase sikula
Keu bhah agama ingat barang jan
Seubab ka sanggop cukop beulanja
Rukon keu lima geu laksanakan
U tanoh suci jak Haji Teuma
Oh Iheuh puasa thon tujoh lapan
Oh woe di makkah meutamah teuga
Atoe sikula di Darussalam
Rektor Unsyiah meugah leupahna
Disiplen raya Ibrahim Hasan
Lam peundidikan tan pileh muka
Nyang bangai buta hana peu meunang
Nyang sunggoh-sunggoh bah putoh dana
Asai got angka luloh le reujang
Nyang sok carong tan tamong sikula
Bah aneuk sikaya tinggai disinan
77
Uleh seubabnyan hai rakan dumna
Rame mahasiswa nyang hana seunang
Ladom jijak geureutak jiba
Di ateuh meja reuncong di ancam
Ibrahim Hasan lam teunang saja
Ngon leupi dada dum geu peutimang
Deungon peutuwah bagah bri teuma
Hai aneuk muda pakon lagee nyan
Tajak digampong ta tron u kota
Tajak sikula u Darussalam
Oh troh keunoe laloe teuh raya
Hana ta kira keupeulajaran
Oh hana luloh reuyoh leupahna
Pakon jeut teuma gata lage nyan
Hana ta pikee meu ubee seuma
Ayah deungon ma nyang bri anggaran
Beungoh ngon seupot geu rawot bangka
Mita beulanja keu aneuk agam
Mangat sunggoh luloh sikula
Watee ji gisa aneuk ka meunang
Meunan cit ulon ngon dosen nyang na
Tugah kalheuhna meunurot jeunjang
Tugah dum kamoe peurunoe gata
Oh dudoe teuma luloh ujian
78
Mangat Aceh beuleubeh nama
Kalue teunaga tingkat ilmuan
Bek lagee jinoe meusidroe hana
Nyang peugot desa ngon keulurahan
Teubiet beubagah minah u lua
Yohgoh lon tampa reubah di sinan
Taniet ulon nyoe ban adoe gata
Sopan teuh hana meu ube labang
Meugrak kurusi peh gaki meja
Si mahasiswa jiteubit reujang
Badan meutat-tat pucat ngon muka
Hana ji sangka sampoe lagee nyan
Jiteubit sinan rakan ji mita
Ka ji calitra dum keujadian
Laju peu ingat lee sahbat dumna
Cit nyan keupala nyang mat atoran
Masa kuliah bagah meu puta
Dum mahasiswa ikot ujian
Si agam dilee nyang bukhee cara
Ikot cit teuma dalam sarengan
Ohka Iheuh geudhot teumakot raya
Ka ji beulaja uroe ngon malam
Baro teu pike lam ateu teuma
Memang that beuna narit bak gobnyan
79
Lue lom bangon ta kalon rupa
Dum mahasiswa peugot lakuan
Ibrahim Hasan lam teunang saja
Nyang peunteng beuna aneuk ilmuan
Padum thon tempoe oh dudoe teuma
Baro ka nyata hase didikan
Geunab thon sabe lahe sarjana
Agam ngon dara di Darussalam
Nyan kheuh paedah payah nyang ka-ka
Hase useuha disiplen tajam
Bak saboh saat meuhat troh masa
Jeut geupeh dada dikeu awaknyan
Meusu damt kleeng lam puteng para
Aneuk cempala jipo dalam blang
Ibrahim Hasan meuriwang haba
Luar biasa asoe pikeran
Di krung Mane rame leupahna
Di Gandapura na uroe peukan
Rata jeub sagoe laloe sikula
lleume geumita meubagoe bidang
Inggreh Peuranceh habeh geu teuka
Philipina Amerika troh u Jeupang
Dokto MBA citka awai na
Ohlheuhnyan teuma meutamah lom nan
80
Tamah Professor dikeu nan teuma
Haji pih kana dilee saboh jan
Ka cukop syarat leungkap bandum na
Di Aceh nyang na cit sidroe gobnyan
Ateuh gurutee na kayee raya
Teumpat seunia cicem disinan
Ibrahim Hasan hatnyan keumira
Peulom peukara wajeb geu peutrang
Laju teu ingat keu kitab raya
Yoh saboh masa kalheuh geu simpan
Tinggai geu ulang peulajaran kana
Peu baro teuma dalam ingatan
Bak saboh saat bek dicap teuma
Hana agama Ibrahim Hasan
Masanyan laju buku geu buka
Bidang agama sigra peudalam
lleume Tarikat meuhat kalheuh na
Masa sajan Ma gampong halaman
Tarikat Qadiriyah meugah lagoina
Ramee ulama nyang tundok keunan
Tinggai jinoe meurunoe cara
Amai beuteuga uro ngon malam
Geu buka kitab pat nyang ka lupa
Tawok ulama nyang to disinan
81
Hana trep tempoe oh dudoe teuma
Ileumee agama kana lam reugam
Hadi h ngon ayat mangat geu baca
Dasar jih kana tinggai peu dal am
Ateuh Seul awah meugah na rusa
Peul andok pi hna oh watee mal am
Awai mate o dudoe mate a
Supaya gura bak tapoh rantam
Meugah di Aceh l eubeh agama
Di Nusantara awai i seul am
Rektor Unsyi ah meugah l agoi na
Dum mahasi swa jitakot han ban
Peu meugruk-gruk dal am bruk si ra
Keural eup raya jiduk di dal am
Ji noe lon tuleh hai warehl i ngka
Bacut ceuri ta teuma watenyan
Awai l apan ploh yoh saboh mas a
Si droe peumuda Nurdi n A Rahman
Hawa keu Bupati pakri ban cara
Rekom jak mita si gra masanyan
Peumuda Nurdi n yaki n l eupahna
Mi ta suara kiri ngon kanan
Nyang rame bantu kubu peumuda
Agam ngon dara ji sokong gobnyan
82
Rekt or Unsyi ah bagah geu sangga
Ha na geu reia Nurdi n A Rahman
Seubab masanyan di gobnyan t euma
Yu jak si kul a mita peungeut ahuan
Keudeh geuyue jak jarak ul ua
U Mal aysi a nanggri seubeur ang
Tapi han geu tem dal em peumuda
Nyang keujeut t euma hana bantuan
Han geubri cal on mant ong that muda
Peungal aman hana bhah peumeuri nt ahan
Han geubri rekom keu cal on t euma
Laen yue mita asai bek si nyan
Padum go sabe kande on j eumpa
Rest u jak mita bak Ibrahim Hasan
Teutap han geubri pakri ban t euma
Padum treb masa dal am meungambang
Nurdi n A Rahman sayang l eupahna
Rap putoh asa dal am berj uang
Guber nur Aceh peusaheh haba
Laju geubel a t euma masanyan
Maj i d Ibrahim peu yaki n si gra
Bek putoh asa hai muda seudang
Di sampeng Pak Maj i d na cit nyang bel a
Nyang duk keut ua saboh gol ongan
83
Keutua politek ceureudek raya
Golongan Karya geumat pimpinan
Dr Yuliddin bri rekom teuma
Seunang peumuda hana pat lawan
U Darussalam teureubang sigra
Gari jiputa bah teungoh malam
Bak rektor Unsyiah bagah jiteuka
Jak seumah sigra Ibrahim Hasan
Nurdin A Rahman hatnyan meuminta
Hai pak keupala neu u izin reujang
Neu bri rekom keu ulon sigra
Bekle neu sangga ka teunggoh malam
Ibrahim Hasan yohnyan berkata
Hai aneuk muda Nurdin A Rahman
Gata lon yue jak ubak sikula
Kon lon yue mita kurusi manyang
Hana ta deungo kamoe po haba
Galak teuh raya akan jabatan
Hana ta ingat meuhat di gata
Umu that muda panyang that jalan
Meunyo ka galak tajak beusigra
Doa bak hamba uroe ngon malam
Ulon bri rekom ji calon gata
Tapi bek lupa keu Darussalam
84
Jabatan guree lam bajee bata
Beuna ta kira uroe ngon malam
Beuna ta gaseh meuceh le gata
Keu mahasiswa bri peulajaran
Putoh pakat leugat jak gisa
Hate geumbira Nurdin A Rahman
Padum buleun Iheung laju ka nyata
Geu lantik sigra dalam jabatan
Bupati Pidie ka geubri jeumba
Laju bak dada bruek kreung geupasang
Meunang politek dum adek muda
Meunan ceurita masa saboh jan
85
Jeut Keutua Bappeda
Beulangong tanoh peunoh lam raga
Peudieng lam kaha taba u peukan
Ta balek ayat mangat bak baca
Asai ceurita bekna meu ulang
Di Lampoh Weng lazem nyang kaka
Oh rab puasa khanduri apam
Ibrahim Hasan ta riwang haba
Keutua Bappeda ka jiboh gobnyan
Di Montasik geu pulik buya
Kulet ka geuba keudeh u Medan
Awai ADB akhe geu tuka
Makna jih sama cuma laen nan
Madjid Ibrahim pimpin pertama
Wakil keutua Ibrahim Hasan
Beurangkat Madjid teubit ulua
Geu balek nama laju watee nyan
Madjid Ibrahim nyang cipta nama
Siluroh Indonesia supaya saban
Ditingkat pusat Bappenas teuma
Geukheun Bappeda disinoe rakan
Jeujak Pak Madjid keubit geujaga
Bah lam sikula barang pat saban
Meunan cit jinoe geu gantoe sigra
Pinah keutua geu peuduk gobnyan
87
Di Darussalam gobnyan keupala
Sideh di Jawa pihna jabatan
Penasehat ahli jibri keureuja
Peugot reuncana dibidang pangan
Jinoe lom geuduk bak bruk keutua
Peugot reuncana bhah peumbangunan
Saboh badan program yue cipta
Leungkap ngon data dum sileungkapan
Ureueng nyang pikee rawee reuncana
Sekretaris teuma Jalaluddin Hasan
Teuma nyang laen meulusen sarjana
Nyang muda-muda di Darussalam
Keunan meuhimpon lam geudong raya
Program geu cipta bhah peumbangunan
Uroe ngon malam karang reuncana
Deungon biaya dum seukalian
Han putoh sigoe sampoe troh dua
Peurintah keutua Ibrahim Hasan
Mangat Aceh beuleubeh nama
Bekle ban yangka lam keutinggalan
Ohka hase bube reuncana
Kirem u Jawa sigra le reujang
Tapi watee nyan hai rakan dumna
Sideh di Jawa ji peudulitan
88
Seubab di Aceh leubeh P Tiga
Bandum reuncana jitiek lam kubang
Ta lake siploh nyang troh cit dua
Han glah keubata peu lom keulabang
Meunan keuh sabe kande meutia
Aceh deurita sipanyang jaman
Nyo ta ek moto tawo u Langsa
Si minggu teuma tinggai bak jalan
Peudeh that untong kawom syeedara
Roh gadoh hawa meujak u Medan
Meunan keuh nasib keubit meurana
Kareuna buta teutop pandangan
Meunang peumilu laju P Tiga
Hana ji kira laen golongan
Bateu dum program rakan Bapeda
Saket keupala Ibrahim Hasan
Nyang tanggong jaweub seulaku keutua
Tapi di Jawa ji peudulitan
Teutap tinggai asai reuncana
Peunoh hantomna jitron anggaran
Ateuh bak sawoh tikoh that subra
Ateuh kupula na mirik agam
Bah bacut sapat riwayat lon rika
Asai ceurita hana me meunyimpang
89
Bak bineh lampoh iboh meuriti
Bak bineh pasi aron meubanja
Rektor Unsyiah sosah han sakri
Seubab bak Meuntri hana kuasa
Fakultas Kedokteran pajan leh jadi
Seubab Pak Hadi han that geu rela
Geuba alasan kurang potensi
Keujeut le meuntri han jibri SK
Na padum tempoe meugantoe Meuntri
Laen teujadi masanyan teuma
Dr. Daoed Yoesoef jibot keu Meuntri
Yoh phon han geubri lagee geupinta
Rektor Unsyiah bagah peureugi
Geujak kompromi keudeh u Jawa
Ibrahim Hasan geu beuntang bukti
Wajeb beu neubri buka sikula
Keudeh keunoe cawo geu putie
Uleh Pak Meuntri alasan geuba
Seubab di Aceh leubeh gob turi
Putra ngon putri kuat agama
Watee praktek mayet opeurasi
Takot han jibri le rakyat dumna
Ji takot salah ban teugah Nabi
Hana beurani ulon jok SK
90
Rektor Unsyiah ilah geu cari
Bak Ali Hasymi laju geu teuka
Ayat ngon Hadih dalih geyue bri
Mangat bek sangsi bidang agama
Ohka hase bube na bukti
Keudeh bak Meuntri laju geuteuka
Sira peuraba sigala dali
Laju pak Meuntri peuteubiet SK
Fakultas Kedokteran yohnyan ka jadi
Syukor keu Rabbi Allah Ta'ala
Boh jantong hate ka sampe janji
Rakyat lam nanggri hanle meuraba
Bidang keu Istimewaan hatnyan terisi
Saboh seugi lam bidang sikula
Ibrahim Hasan nyang peutrang dali
Dua ngon Meuntri Pak Daoed nama
91
Jeut keu Deputy Bulog
Di Glumpang Payong na ayon raga
Di Panteraja ureung meukulam
Meuah keu kamoe jinoe beuraya
Seubab cerita lon ganto nazam
Ureueng di Aceh lileh ie mata
Awai lapan sa kagrak ba Tuhan
Meninggai Pak Madjid keubit that duka
Aceh mulia gadoh pimpinan
Geuwo bak Tuhan gobnyan teuma
Seudang kuasa mantong lam reugam
Aceh watee nyan dalam reuncana
Liwat Bappeda geupeugot program
Madjid gadoh reulhoh reuncana
Baro teurasa Ibrahim Hasan
Seubab gobnyan atasan nyang na
Dalam geu bina bhah peundidikan
Muzakiir Walad leu that cit jasa
Dalam geubina Ibrahim Hasan
Keujeut gobnyan barang jan masa
Guna Cut Apa teutap geu keunang
Kual a Aceh dibineh kota
Syiah Kuala kubu disinan
Pak Madjid geuwoe bak PO Yang Esa
Laju le sigra gantoe pimpinan
93
Le awak pusat jabat seumeuntara
Eddy Sabara teuma geuhoi nan
Na treb siat leugat geutuka
Geupileh nama le awak Dewan
Pak Hadi Thayeb tarek u Banda
Geuboh keu raja nibak masanyan
Dalam catatan thon lapan ploh sa
Ingat beurata wahe dum rakan
Bak Simpang Limong bungong geu pula
Ngat indah kota watee gob pandang
Ibrahim Hasan masanyan teuma
Peugot reuncana keu hari deupan
Di Trieng Gadeng kayem di jaga
Pos jalan raya bek brat muatan
Bak saboh saat leugat geu bungka
Pinah keureuja ho laen bidang
Bak buleun siploh katroh kutika
Thon lapan dua geu minah gobnyan
Oh Iheuh peumilu laju geu bungka
Golongan karya seubab han meunang
Padahai gobnyan masanyan teuma
Hana torn reuda tron u lapangan
Bustanil Arifin pih yakin raya
Geuboh beulanja meuribee kuyan
94
Hana cit meunang Golongan Karya
Thon lapan dua talo meutimphan
Ibrahim Hasan Iheuhnyan geu bungka
Keudeh u Jawa pinah ngon barang
Katinggai Kampus ngon mahasiswa
Putri ngon putra di Darussalam
Tinggai sahabat nyang that seutia
Tinggai syeedara inong ngon agam
Jabatan Rektor dudoe jituka
Keutua Bappeda geu alih Iheuhnyan
Abdullah Ali peuganti nama
Jiboh keupala di Darussalam
Syamsuddin Mahmud kajeut ketua
Nibak Bappeda geu peuduek sinan
Ibrahim Hasan masanyan teuma
Sideh di Jawa raya jabatan
Deputy Bulog cocok leupahna
Peugot reuncana lam bidang pangan
Citka bidang droe samlakoe muda
Citka biasa geu uroh butnyan
Jameun peumbantu geuyu keureuja
Honor geu kira tiep buleun Tuhan
Bustanil Arifin pimpinan raya
Peunoh peucaya keu Ibrahim Hasan
95
Jameun peumbantu geuyu keureuja
Honor geu kira tiep buleun Tuhan
Bustanil Arifin pimpinan raya
Peunoh peucaya keu Ibrahim Hasan
Soai seumike bekle ta kira
Luar keupala bak peugot program
Saka ngon teupong muphom hareuga
Geu tukri kira bubena barang
Meuno breuh Lamlo dumno biaya
Breuh nyang ka tuha bekle lam gudang
Jatah peugawe lage biasa
Adak meuseuma bagi beureujang
Geu bloe pade bekle ta kira
Meuribee gunca habeh rata blang
Peutani bek rugoe nanggroe beulaba
Meunan keunira Ibrahim Hasan
Liwat ka u de (KUD) pade yue mita
Patok hareuga kalheuh geu pasang
Nyang kureung mutu laju yue tuka
Bek rugoe neugara salah bloe barang
Geu tampong pade han ek le kira
Gudang geu buka jeub keucamatan
Sipanyang jalan siteuntang mata
Ta kalon rupa geu peugot gudang
96
Soai seumike bekle ta kira
Luar keupala bak peugot program
Saka ngon teupong muphom hareuga
Geu tukri kira bubena barang
Meuno breuh Lamlo dumno biaya
Breuh nyang ka tuha bekle lam gudang
Jatah peugawe lage bi asa
Adak meuseuma bagi beureujang
Geu bloe pade bekle ta kira
Meuribee gunca habeh rata blang
Peutani bek rugoe nanggroe beulaba
Meunan keunira Ibrahim Hasan
Liwat ka u de (KUD) pade yue mita
Patok hareuga kalheuh geu pasang
Nyang kureung mutu laju yue tuka
Bek rugoe neugara salah bloe barang
Geu tampong pade han ek le kira
Gudang geu buka jeub keucamatan
Si panyang jalan siteuntang mata
Ta kalon rupa geu peugot gudang
Kabupaten Pidie ngon di Aceh Utara
Jeut keu anema Rusli Bintang
Leungkap meusen ngon gileng sigra
Ka geuseudi a teuma le gobnyan
97
Kabupaten Pidie ngon di Aceh Utara
Jeut keu anema Rusli Bintang
Leungkap meusen ngon gileng sigra
Ka geuseudia teuma le gobnyan
Thon lapan ploh peut kajeut keutanda
Indonesia meugah hana ban
FAO PBB sabee jiteuka
Geujak pareksa pade dalam blang
Masanyan nanggroe ta deungo haba
Ka swasembada lam bidang pangan
Dilee kon peutamong bak ngon dilua
Indonesia jinoe ka seunang
Bandum nangroe jinoe peucaya
Indonesia ka cukop pangan
Bak saboh watee meuteume jasa
Tingkat dunia lam bidang pangan
Bapak Suharto keudroe nyang teuka
Cok bintang jasa nibak masanyan
Keudeh beurangkat leugat u Roma
Rombongan geuba Ibrahim Hasan
Di sinan bukti dali that nyata
Hase keureuja Ibrahim Hasan
Jeurih payah sosah keureuja
Meuteumeung pahla ubak atasan
98
Thon lapan ploh peut kajeut keutanda
Indonesia meugah hana ban
FAO PBB sabee jiteuka
Geujak pareksa pade dalam blang
Masanyan nanggroe ta deungo haba
Ka swasembada lam bidang pangan
Dilee kon peutamong bak ngon dilua
Indonesia jinoe ka seunang
Bandum nangroe jinoe peucaya
Indonesia ka cukop pangan
Bak saboh watee meuteume jasa
Tingkat dunia lam bidang pangan
Bapak Suharto keudroe nyang teuka
Cok bintang jasa nibak masanyan
Keudeh beurangkat leugat u Roma
Rombongan geuba Ibrahim Hasan
Di sinan bukti dali that nyata
Hase keureuja Ibrahim Hasan
Jeurih payah sosah keureuja
Meuteumeung pahla ubak atasan
Bustanil Arifin yakin leupahna
Laju geuwa-wa Ibrahim Hasan
Nibak masanyan disinan punca
Geucok keunira Pak Bus ngon reujang
99
Aneuk Aceh nyoe oh dudoe teuma
Bah lon peucaya dalam jabatan
Ulon peuturi bak geuneurasi muda
Bahle lon ba-ba sajan lon tuan
Bustanil Arifin ureueng istana
Hana nyang dua nibak masanyan
Bak Pak Suharto geu peutoe sigra
Geu peugah haba geubri gambaran
Jeh Hadi Thayeb katreb di Banda
Katroh kutika masa jabatan
Pakriban jinoe meunyoe ta tuka
Nyang laen taba geunantoe gobnyan
Bapak Suharto meunoe meuhaba
Ta cuba mita calon nyang reumbang
Nyang ek peumeunang Golongan Karya
Ta lantik sigra akhe lapan nam
Putoh pakat meuhat bandua
Dalam rahsia tan keutahuan
Hana soe thee teuntee rahsia
Geu gunci haba dua awaknya
Ureueng meupukat geu sipat kaja
Awak meurusa oh watee malam
Siat ta keubah keubhah rahsia
Nyang laen teuma jinoe ta karang
100
Geu Pileh Keu Raja
Rukok gepe bekle ta hawa
Peunyaket seuba seungsara badan
Seuramoe Makah lon kisah haba
Leupah that gura awai lapan nam
Bak Jambo Tape dilee nyang ka-ka
Rame that cina sinan meu ladang
Awai lapan nam hatnyan di Banda
Tuha ngon muda ban suwiek mumang
Tokoh politek tarek keu nira
Meuribee cara dimita jalan
Di ureueng awam meunan cit rupa
Ji peugah haba rata jeup simpang
Bak keude kuphi bak gaki lima
Ta deungo haba meu macam-macam
Gubernur Aceh jadeh ji tuka
Meunan ceurita dum kawom awam
Geunap limong thon geu hitong masa
Katroh kutika geu gantoe gobnyan
Pak Hadi Thayeb tarek u Jawa
Nyang laen teuma ta pileh reujang
Watee Pak Hadi bak kurusi raja
Aceh ta rasa tan perubahan
Ho nyang ta pandang kubang ngon paya
Seudeh iam dada ta kalon jalan
101
Aceh ka talo hanco bube na
Bak awai punca yoh ditop Sabang
Peng SKBT tanle meuputa
Dum ureung tuha ulee ka mumang
Adat Aceh jiweh u lua
Seubab ka teuka cara nyang gampang
Imeum Mukim meukuwien lam tika
Tugah tan le na bandum keujreun blang
Rata sagoe rugoe peu nyang na
Ka gadoh teuga yoh ditop Kodam
Gajah Puteh ka gleh di Banda
Di ganto teuma Buket Baresan
Habeh hireun ureueng dum nyang na
Pakon jeut teuma jinoe lagee nyan
Azhar Khatib keubit that gura
Jih nyang kuasa nibak laku sang
Hana jithee droe ban keunoe teuka
Geubri keureuja seulaku ajudan
Sibarang gapeu haleu ngon hana
Jih nyang pareksa yohgoh u dalam
Dalam politek lisek jih raya
Ji tuoh kira paneuk ngon panyang
Keumah ji hadu timu utara
Dumna peumuda ka reuloh kawan
102
Ka habeh ere bre peureute muda
Rugo lagoina watee ta bayang
Bak Peundopo meu sidroe bek teuka
Diyue pareksa nyang laen ruman
Meunan riwayat rakyat jeulata
Nyang kalon rupa tiep uroe Tuhan
Rata babah peugah ceurita
Mulai di kota troh keulurahan
Bansaboh Aceh jipeh ceurita
Rakyat meuhaba uroe ngon malam
Rata sagoe ta deungo haba
Sampoe u Jawa ka keutahuan
Peulom hai adoe oh dudoe teuma
Teubit beurita rata jeub koran
Baro Pak Hadi mulai subra
Seubab di Jawa teuka teugoran
Nibak masanyan mumang ji teuka
Baro teurasa but si ajudan
Jiprok prok jaro nyang deungo haba
Dum ureueng lingka nibak watee nyan
Putoh geulayang dalam blang raya
Meusangkot teuma ateuh bak mancang
Hatnyan hai adoe ka sampoe masa
Ka gadoh teuga bapak ajudan
103
Deungon wartawan ka geu meudakwa
Geu peuhu mata sideh Blang Bintang
Di dalam koran sinan ta baca
Peukara jiba u peungadilan
Dalam majalah na leumah gamba
Ka jitop mata bapak ajudan
Gadoh meugah gagah perkasa
Hadapan Jaksa di pengadilan
Hatnyan Pak Hadi seu-i that rasa
Baca beurita rata jeub koran
Padahai gobnyan hatnyan troh masa
Habeh kutika dalam jabatan
Baro teuingat keusahbat lingka
Yoh saboh masa hanmee geu pandang
Saboh golongan nyang muda-muda
Dilee nyang ka-ka musoh ajudan
Ohka meuseupet di lilet bak pha
Bak awak muda mita bantuan
Watee ka singkat alat gohlom na
Seudang di Jawa ka laen macam
Troh informasi ka dari Jawa
Raja ji tuka lam thon lapan nam
Sigo ji kirem silusen nama
Nana Narundana pihna disinan
104
Bekas Panglimma Iskandar Muda
Watee Kodam sa gohlom bubaran
Dokter Yuliddin pihna seureuta
Beukas Keutua saboh golongan
Keutua Golkar yoh saboh masa
Tinggai di Jawa anggota dewan
Daud Gade teuntee lom teuma
Pansion tantra geu peugah meunan
Di dalam koran sinan ta baca
Sigo ngon nama Bapak Amran
Amran Zamzami gob turi nama
Sideh di Jawa carong meudagang
Laen nibaknyan na nan ta baca
Bube-be raya ii tuleh sinan
Haba ji pasoe sigo ngon gamba
Ji seubut nama Ibrahim Hasan
Rame lom laen di salen haba
Ji paso nama tangieng lam koran
Citka meunan hai rakan dumna
Peusantok haba awak wartawan
Limong thon sigo ji muproe haba
Oh gantoe raja maju that koran
Bandum geu tanyoe tabloe ceurita
Hase keureuja dumna wartawan
105
Siblah rot barat na kilat faja
Leumah meucahya watee ta pandang
Pak Hadi Thayeb peu ek keunira
Bah kheuh lon cuba tamong geulanggang
Baro limong thon lon berkuasa
Lon duk keuraja ato bawahan
Bah keuh jinoe kamoe useuha
Peu panyang teuma masa jabatan
Kadang na bagi reuseuki teuka
Kali keudua jiboh lon tuan
Geu tanyoe udep wajeb useuha
Bek putoh asa nyoe hana meunang
Meunan teu ingat meuhat lam dada
Pak Hadi teuma peugot racangan
Bak KNPI laju bri tanda
Geuyue useuha beujeut lom gobnyan
Seudi a upeuti bagi u Jawa
Pak Hadi teuma mita dukungan
Hana pikeran dalam biaya
Seubab kuasa mantong lam reugam
Rata daerah peugah beurita
Peu panyang teuma masa jabatan
Saboh keulompok tunyok keutua
Nyang tem keureuja uroe malam
106
Meunan cit laen canden meutia
Nan nyang kana di dalam koran
Maseng keulompok tunyok keutua
Phon tingkat sa troh keucamatan
Masanyan Aceh sang jadeh luka
Ta deungo haba meumacam-macam
Timoh keulompok jeub pojok kota
Tuha ngon muda bela golongan
Meuribee ragam jalan ji mita
Peuhangat suasana nibak masanyan
Untong di Aceh ka jiweh Panglima
Nyang berkuasa Pak Qasem Aman
Komandan Korem beuken lagoina
Sabe geu jaga bekna gangguan
Tampong aspirasi dari peumuda
Pinto geu buka ngon hate lapang
Awak KNPI-AMPI lom teuma
Peumuda Pancasi l a pih ikot sajan
Meusare-sare pike peukara
Mangat peumuda ngat na peugangan
Bek salah langkah watee bicara
Beu sapeu haba oh u lapangan
Bandum ji sambot ikot seureuta
ABRI ngon peumuda bergandeng tangan
107
Hana torn mirik ditijik tima
Hana torn buya manoe lam padang
Keulompok Pak Hadi ta rawi haba
Teungoh keureuja uroe ngon malam
Oh musem ujeun ureueng seumula
Ta kalon rupa peunoh dalam blang
Groub Pak Hadi meukri lagoina
Peusaho ulama sigra masanyan
Kirem reuseuki bagi u Jawa
Meugisa-gisa padum go ulang
Laen nibaknyan nyang muda-muda
Sampoe u desa kirem utosan
Keulompok laen rajen jih sama
Tapi na beda lam keugiatan
Pak Yuliddin peu yakin anggota
Tuha ngon muda lam keuseuhatan
Nyang saboh bagi meukri leupahna
Peugot keunira laju watee nyan
Group HMI ta turi nama
Kader kalheuh na jeub rata bidang
Nyang jeut keu ulee teuntee keutua
Sibok lagoina uroe ngon malam
Peu theun keulompok bek gob cok jeumba
Dumna sarjana di Darussalam
108
Ji peu saho droe bak sago teuma
Jibri suara keu Ibrahim Hasan
Seubab ka jithee keumbe on jeumpa
Leupah leu jasa di Darussalam
Bandum keulompok cocok hantom na
Meulomba-lumba bak bri dukungan
Nyang saboh bagi Pak Hadi teuma
Keulompok dua Ibrahim Hasan
Keulompok keulhee meuteuntee sama
Nyang keupeut pihna tamong geulanggang
Maseng keulompok peucrok suara
Meubagoe rupa ji mita jalan
Dalam politek ceureudek hansa
Bak peugot cara supaya meunang
Maseng pihak jigrak anggota
Sampoe u Jawa kirem utosan
Meudile-dile keude di buka
Ji meukat bada ngon pulot panggang
Rakyat nanggroe na bagoe bola
Meugi sa-gi sa dalam lapangan
Nyan keuh politek hai dek meutia
Peurasan donya beuna ta tuban
Limong thon sigo geu peugo gata
Yu pileh raja dalam geulanggang
109
Mirahpati gaki meu singkla
Ateuh u dara na aneuk musang
Na padum buleun lam mideun laga
Leumah juara sigra masa nyan
Bak pak Masri kunci rahsia
Gohlom geu buka nibak wateenyan
Abdullah Masri gob turi nama
Peunsionan tantra leu peungalaman
Geuduek lam Golkar di kota Banda
Teutapi mata troh ban saboh nyan
Rame gaki informasi jiba
Geu tuoh baca dum tanda zaman
Carong seumike rawe geu puta
Lam kira mira leu pertimbangan
Dro beuseulamat sahbat bek ceudra
Bit ureueng tuha bakcok putosan
Habeh geu pike akhe ngon mula
Baro geu buka siri toh jalan
Meunan cit contoh lageenyoe teuma
Nyo salah kira hanco meu kuyan
Bah barang kaho geu tanyoe mita
Bah that beu teuga rame dukungan
Bak bak beuringen angen gohlom na
Hana peu cuba tamong geulanggang
110
Goh troh bak reunyeun teuleung ulua
Meunan umpama taboh tamselan
Abdullah Masri geu tukri baca
Angen di Jawa ka laen macam
Hana le geudong bak gunong sawa
Laju geu mita bak kayee rindang
Sideh di Jawa citka na tanda
Gubernur di Banda bekle ureueng nyan
Maka seubabnyan gobnyan geu gisa
Habeh geu kira paneuk ngon panyang
Nyang dong dilikot ji sambot sigra
Ganto irama bekle su gendrang
Pak Sudarmono keudroe bi haba
Bek salah kira dalam pilehan
Bekle seumike mise nyang ka-ka
Peugot reuncana hana nyang matang
Bekle ta pileh bileh lam raga
Si umu masa hana torn timang
Ta mita laen nyang tem keureuja
Bekle ban nyang ka hana karuan
Bak jameun nyo nanggroe ka beda
Ban saboh donya hana tandengan
Meunan cit Aceh beu leubeh nama
Ta ubah cara mita pimpinan
111
Putroe Bungsu meuceuhu raya
Ngon Malem Diwa nanggroe kayangan
Kubu Pak Hadi tarawi teuma
Ka habeh cara mita dukungan
Peunguroh KNPi teubagi dua
Antara keutua deungon bawahan
Nyang sokong Pak Hadi dong si ketua
Nyang han seureuta ho laen jalan
Bandum organisasi bagi suara
Keulompok nyang na jibri dukungan
So nyang ceureudek tarek ubena
Tuha ngon muda peu siblah reujang
Bak simpang Ihee na batee tanda
Sabe ta baca bak bineh jalan
Suhu politek ji ek meu bura
Bandum keutua ule ka mumang
Pasoe lam situk boh pu-uk tuha
Publoe keu cina keudeh u peukan
Yohgoh di meusu beureugu P tiga
Golongan Karya peugot pertemuan
Himpon peundapat beuleungkap sigra
Bekna anggota hana siwaham
Ohka meusapat geu catat data
Bandum seutia akan pimpinan
112
Cok keusimpulan oh Iheuhnyan teuma
Keudeh u jawa kirem utosan
Ahmad Amins nyang pimpin timnya
Beurangkat sigra deungon rombongan
Abdullah Masri keu waki geu ba
Nyang laen teuma han peu seubut nan
Watee katroh piyoh di Jakarta
Oh singoh teuma peugot urosan
Oh uroe beungoh mehmoh lagoina
Laju geu teuka ubak pimpinan
Bak kanto pusat leugat geu teuka
Kode kalheuhna geubri saboh jan
Pak Sudarmono sidroe keutua
Golongan Karya dibaroh gobnyan
Laju meuhadap sikap seumpurna
Geuduk meulingka dalam ruangan
Rapat kilat siat ka leungka
Hana meudakwa bandum utosan
Geu tarek gareh puteh wareuna
Pulang kuasa keudeh bak dewan
Ohka seleuso geuwoe le sigra
Keudeh jak gisa bak peunginapan
Di dalam map meuhat na nama
Mantong rahsia tan keutahuan
113
Oh watee malam keunan dum teuka
Jak tanyong haba peu keuputosan
Dumna tokoh mehmoh lagoina
Seubab beurita hana so peutrang
Abdullah Masri nyang ahli maja
Meurumpok teuma ngon Ibrahim Hasan
Peugot pakat leugat bandua
Nyang bijaksana geu tarek jalan
Bek lagee jameun hireun teuh raya
Sabe meudakwa pileh pimpinan
Ta mita jinoe meubagoe cara
Bekle ban nyang ka peugot urosan
Bustanil Arifin peu yakin sigra
Puwo u banda Ibrahim Hasan
Ngon Pak Suharto kamoe bandua
Ka putoh haba watee saboh jan
Peulom disinoe kamoe di Jawa
Ikrar kalheuhna para peudagang
Ureueng Aceh nyang leubeh areuta
Siap seudia bak bantu gobnyan
Pak Yusuf Gadeng paleng di muka
T Zahlul pihna geu ikot sajan
Ibrahim Risyad meuhat nyang teuga
Siap seudia bak bri bantuan
114
Rame lom laen jitem seureuta
Aceh ta bela bekle keutinggalan
Jinoe ta bantu makmu beurata
Dum rakyat desa peu ikot sajan
Hasan Basry bri saran teuma
Nyang beukas Sekda watee saboh jan
Nyoe le ta pike reule bube na
Si umu masa Aceh han seunang
Jinoe ta puwoe awak droe teuma
Nyang ka biasa peugot rancangan
Masa jameun geu urn Bappeda
Bah jinoe teuma tabri jabatan
Nyang pimpinan Aceh tareh ka nyata
Lhee boh peukara beuna lam badan
Nyang phon tareh bijeh nyang Tuha
Dum ureueng lingka habeh ji tuban
Tuha bulee teuntee nyang dua
Agam ngon dara ji tundok keunan
Tareh nyang keulhee ileumee teuga
Akhirat donya cukop lam badan
Nyan kheuh kunci ulon bri cara
Jino ta mita nyang na lagee nyan
Neu cuba Ihoh siluroh banda
Nibak lon kira meusidroe pihtan
115
Baro cit sidroe jinoe nyang nyata
Lhee syarat kana geumat lam reugam
Cok keuputosan beureujang sigra
Mangat jak gisa jinoe awak nyan
Putoh pakat mat jaroe dua
Beudoh jak gisa sigra oh Iheuh nyan
Pak Ahmad Amins peu yakin anggota
Bekna le dakwa uroe komdian
Oh beungoh uroe geuwoe u Banda
Deungon rahsia di dalam eumpang
Sinan dalam map meulipat dua
Hanso jeut buka seubab teulabang
Oh troh u Aceh ka jipreh sigra
Uleh anggota sideh Blang Bintang
Di dalam moto hanso ceurita
Keubit rahsia teugunci hanban
Tadrop muloh taboh lam raga
Nyang raya-raya publoe u peukan
Watee pih katoe tempoe rab teuka
Teuploh rahsia di dalam eumpang
Awak politek peu balek cara
Ji peugah haba laen dicanang
Watee meusapat rapat ji buka
Bak warong cina ngon bineh jalan
116
Nyoe nyangka paloe rugoe meubura
Ka seusut ija Ibrahim Hasan
Meunyoe jadeh geuweh u Banda
Han teungeut mata uroe ngon malam
Gobnyan ka hebat pangkat ka raya
Sideh di Jawa kajeut pimpinan
Pubuet lom keunoe geuwoe u Banda
Jak uroh paya sipanyang jalan
Soe lom gantoe oh dudoe teuma
Sideh di Jawa urosan pangan
Gobnyan nyang uroh siluroh Indonesia
Pubuet u Banda geu jak meu kubang
Peu hana laen nyang tem keureuja
Keupeu ta tuka Ibrahim Hasan
Tugah geu tanyoe jinoe syeedara
Ta pileh raja ureueng teu pandang
Ureueng lam rantoe bek puwoe u Banda
Bekle peugisa nyang na jabatan
Laen ta tilek nyang ceureudek raya
Nyang ka biasa lam peuemurintahan
Meubagoe-bagoe ta deungo haba
Politek ji puta ureueng ngat mumang
Bak keude kuphi bak gaki lima
Tuha ngon muda peugah haba nyan
117
Ureueng gampong ladom meu haba
Peugah ceurita ngon sabe rakan
Lagee geu puwoe keunoe Pak Nana
Seubab tantra seunang keu gobnyan
Daud Gade nyang teuntee gisa
Dari Jawa keunoe geu riwang
Nyan kheuh ganto oh dudoe teuma
Geuboh keu raja akhe lapan nam
Keulompok peut blah ji bantah haba
Kon Pak Nana keunoe nyang datang
Seubab le ABRI han jibri teuma
Sideh di Jawa kana jabatan
Meunan kheuh adoe ta deungo haba
Meubagoe rupa ureueng peh canang
Dudoe lam koran hatnyan ta baca
Tangieng beurita ka laen macam
Hana rame le di rante nama
Tinggai cit dua nibak watee nyan
Jeut keupeudoman sinan ta baca
Bekle meuraba lagee nyang silam
Dokter Yuliddin yakin mantong na
Goh putoh asa teuma di gobnyan
Teuma sidroe treuk aneuk bahgia
Ji seubut nama Ibrahim Hasan
118
Kubu Pak Hadi han di teurima
Kareuna jeumba hana keu gobnyan
Kirem u peuti bagi u Jawa
Liwat ulama nibak masanyan
Troh buleun limong mantong keureuja
Sibok ulama bandum watee nyan
Awai buleun nam masanyan teuma
Baro ka reuda hana le goyang
Hat nyan watee teuntee ka teuka
Geu pileh nama lea wak Dewan
Awak DPRD sabe useuha
Bek jeut keu dakwa lam peumeulihan
Abdullah Masri ka geubri tanda
Seulaku keutua bak fraksi Dewan
Seubagoe utosan Golongan Karya
Hanso jeut dakwa nibak masanyan
Ka geu ceu gareh habeh ceurita
Tinggai keureuja anggota Dewan
Awak politek asek keupala
Beutoi nyoe tantra ureueng tuha nyan
Masyarakat awam hatnyan ka jaga
Ji tupeu kana ureueng pilehan
Hana le rame lagee nyang ka-ka
Ji peugah haba bak bineh jalan
119
Jinoe ka seungap hangat tanle na
Kareuna nama kana bak Dewan
Ta deungo baroe dua droe nama
Oh jinoe teuma hanle lage nyan
Suara bulat meuhat ka nyata
Cit saboh nama Ibrahim Hasan
Jinoe tinggai tanggai geutanda
Pajan teuma peugot peumeulihan
Habeh uroe meugantoe sinja
Sibok keureuja anggota dewan
Suson riwayat peu teupat agenda
Mangat sigra geubuka sidang
Manok panggang ta reundam cuka
Di ateuh meja teutop ngon pingan
Oh troh watee meu teuntee kutika
Sidang geu buka uleh pimpinan
Keudeh keunoe peusaho data
Seu tuju anggota top laju sidang
Lhe dro teu pileh geu tuleh nama
Salah sidro na Ibrahim Hasan
Oh Iheuh geu catat geu cap lom teuma
Uleh keutua bri tanda tangan
Paso lam amplop bek gob baca
Keu deh u Jawa geu ba le reujang
120
Bapak Keutua nyang ba u Jawa
Citka biasa sabe lagee nyan
Ubak Mengdagri geu jak bri haba
Ka Iheuh keureuja anggota Dewan
Sigoe ngon hase sare peuraba
Laju geu baca teuma watee nyan
Mentri lam nanggro Suparjo teuma
Hate geumbira hana pat lawan
Laju geu peugah ngon pantah sigra
Jinoe ulon ba ubak atasan
Neu preh jawaban pakriban teuma
Peu kheuh geu rela atawa cit han
Bapak Suharto dudoe bri haba
Nibak Istana ta preh jawaban
Ka jeut neu jakwoe jinoe u Banda
Neu preh troh haba dari lon tuan
Mumat jaro geuwoe le sigra
Oh troh u Banda hate ka seunang
Tingai preh janji mendagri teuma
Dari Istana jitron jawaban
Awak DPRD hana le haba
Seubab keureuja hana halangan
Tingggai bacut dek cut di lua
Timoh ceurita bak ureueng awam
121
Bungong seuke meubee leupahna
Bungong keupula di dalam taman
Bak buleun tujoh yoh saboh masa
Pak Hadi teuma geu meuhoi rakan
Bak peundopo meusaho dumna
Geu peugah haba nibak si malam
Cit tujoh droe meusaho nyang na
Laen keutua hana geu undang
Duk bak kurusi meuriti lingka
Oh peugah haba mangat deungo trang
Pak Hadi Thayeb ceureudek hansa
Diplomat tuha le peungalaman
Citka jameun kon carong bicara
Geu duek keu Duta rata saboh nyan
Rata nanggroe keudroe keupala
Politek donya hana so imbang
Baklakee meuah bagah leupahna
Bak awak muda beukas pasukan
Meuah hai adoe kamoe ka tuha
Jinoe troh masa habeh jabatan
Teurimong gaseh meuceh keu gata
Nyang that seutia keu ulon tuan
Habeh ta pubuet nyang jeut keureuja
Sampoe u Jawa ta perjuangkan
122
Langkah raseuki Tuhan bri kada
Dumna useuha habeh ta jalan
Ka teu keudi pakriban teuma
Sep sigoe saja masa jabatan
Masa dilee phon di ulon lupa
Hana lon sangka nyoe keujadian
Yohban ji sumpah roh salah baca
Lon sangka gata musoh lon tuan
Salah informasi jibri keu hamba
Sahbat seutia ji peugah lawan
Han jibri meusaho geutanyoe dumna
Meubagoe rupa jiba laporan
Karoh teu pateh ji peujayeh gata
Laporan jiba peut sagoe timang
Di peukaco uroe ngon sinja
Sampoe beurita ji tamong koran
Limong thon kamoe sinoe di Banda
Lam sia-sia dum kegiatan
Hate rakyat meuhat na luka
Rata jeub desa inong ngon agam
Lam sia payah upah keulua
Meureutoh juta habeh anggaran
Dalam politek teu balek angka
Golongan Karya hana torn meunang
123
Seubab tan meunang Golongan Karya
Sideh di Jawa hana sambotan
Di sinan salah langkah nyang ka-ka
Laju P Tiga di Aceh meunang
Bak malam nyoe deungo beurata
Hai aneuk muda nyang that lon sayang
Lon lakee meuah bagah beurata
Cara nyang ka-ka bekle meuriwang
Buet ka teulambat teulat kutika
Ka habeh masa jinoe lon tuan
Bahle ta ikot meunurot kada
Ta pulang jeumba keudeh bak Dewan
Waki rakyat meuhat nyang kira
Nyang pileh raja siri nyang reumbang
Keunan ta pulang uram ngon punca
Meunurot cara lam undang-undang
Leupah that panyang hat nyan ceurita
Habeh geu buka rahsia silam
Peumangat hate bekna le luka
Singoh ngon lusa bekroh na deundam
Geubri seumangat bek that meurana
Keu awak muda geneurasi datang
Seubab gobnyan peungalaman kana
Awai meurdeka tamong geulanggang
124
Manyang manyang geulayang cina
Pileh juara oh watee tunang
Ohka habeh bareh ceurita
Tujoh peumuda beudoh jak riwang
Gampong Lamteh retdeh Lueng Bata
Watee ie raya hanjeut jeumeurang
Tinggai Pak Hadi sunyi lam karna
Habeh ceurita tinggai keunangan
Tanging dalam gle awe meureuntang
Tanging dalam blang pade meubanja
Ta sambong kisah bagah hai rakan
Keureuja Dewan sideh tingkat sa
Ureueng keumawe di pante Calang
Tangieng meureuntang di mieng kuala
Anggota teuhoreumat siat tabayang
Nyang ikot sidang geu pileh raja
Nyan kheuh waki tabri saboh jan
Geuduk bak Dewan peunyambong haba
Waki geutanyoe meusaho sinan
Peut boh golongan jeut keu anggota
Fraksi ABRI-PDI Iheuhnyan
Keu lhee rakan Golongan Karya
Fraksi P Tiga na jeumba sinan
Ban peut fraksi nyan beukompak haba
125
Geumeuduek pakat uroe ngon malam
Pileh pimpinan nyang mat neraca
Waki rakyat nyang that andalan
Meusaho sinan lam geudong raya
Disinan teumpat meuhat awaknyan
Uro ngon malam pike keu bangsa
Suara rakyat nyang liwat keunan
Geu tampong reujang uleh anggota
Peuna masalah bagah geu sidang
Cok keusimpulan jalan nyang beuna
Meunan cit bagoe jinoe hai rakan
Anggota dewan sibuk keureuja
Tampong aspirasi kiri ngon kanan
Nyoh goh lom sidang geu lantik raja
Padum nyang anti siri nyang seunang
Anggota dewan peusaho data
Bandum aspirasi geu gan hatnyan
Si gala bidang hana nyang si sa
Meunan cit bagoe keudroe didalam
Anggota dewan bek jiplung suara
Bandum kasiap meuhat watee nyan
Bandum ka aman dalam ngon lua
Geutop agenda tangga ka meujan
Bak buleun lapan sidang geu buka
126
Si dang istimewa teuma geuboh nan
Dalam sidangnyan geu lantik raja
Jeut barang gaso ji deungo keunan
Asai undangan sajan na jiba
Ta ek moto tawoe u Matang
Deungon rombongan aneuk sikula
Dari Jawa ka teuka gambaran
Ka jitron nan keu calon raja
Di Lampaseh ureueng peh geundrang
Di Kuta Alam geu meuen bola
Dari Jakarta teuka habanyan
Mantong teusimpan lam amplop raya
Geusambot surat meuhat le dewan
Asoe didalam laju geu baca
Geunging aso ka meuso reujang
Beutoi ban jipham uleh anggota
Bak neumboi sa nama Ibrahim Hasan
Kedua bak nyan M Yusuf ZA
Abbas Abdullah leumah oh Iheuh nyan
Ban lhee awaknyan ka jitron nama
Peusi ap agenda teuma le Dewan
Uroe peumilihan peuteuntee sigra
Dua peut Juli hari keunangan
Thon lapan ploh nam geu pileh raja
127
Hana treb tempoe dudoe hai rakan
Hase sidang laju teu baca
Rame suara teuma watee nyan
Keu Ibrahim Hasan calon neumboi sa
Oh Iheuh pileh geu tuleh reujang
Uleh Pak Sekwan kirem u Jawa
Hana padum treb jiwet surat nyan
Tron persetujuan dari Jakarta
Mentri Lam Nanggroe Suparjo Rustam
Laju bak dewan ka geubri haba
Tangga dua tujoh geuboh di sinan
Bak buleun lapan geu lentik raja
128
Geu Lantik Keu Raja
Kapai laot ikot geulumbang
Kapai teureubang ateuh udara
Yohgoh ta peugah bah peulantikan
Bacut ta ulang awai merdeka
Sayang that manok dicok le musang
Sayang that ladang hana soe puga
Wateenyan Aceh ban jiweh Jeupang
Phon keumerdekaan Indonesia
Tapeh rapai khanduri apam
Bak ujong jalan lam buleun safa
Wajeb tathee teuntee hai rakan
Beukas pimpinan geutanyoe dumna
Mangat jituri le geuneurasi datang
Aceh saboh jan soe-soe keupala
T Nyak Arief jipeu ek hatnyan
Keureusidenan Aceh pertama
Aceh Ihe sagoe leungo meunguncang
Seubab meusugang sabe syeedara
Sama keudroe-droe meulho watee nyan
Blah Ulee Balang deungon Ulama
Prang Cumbok nama beuna ta tuban
Mate meutimphan kawom syeedara
Dalam seujarah geupeugah meunan
Jeut keupeudoman bekle meugisa
129
TM Daud Syah meugah ohlheuh nyan
Keuresidenan Aceh keudua
Daud Beureueh meuceh komdian
Dalam catatan meuteume nama
Gubernur Militer teuntee di gobnyan
Luwah jajahan hana ngon peusa
Langkat Tanah Karo sidroe geu reugam
Bandum angkatan gobnyan keupala
Lhee boh wilayah daerah jajahan
Nyang mat pimpinan keutua P U SA
Barat ngon timu meusyeuhu hanban
Aceh watee nyan leupah that teuga
Alat seunjata pihna lam reugam
Beude meureuyam leungkap sigala
Keudeh u Jawa teuma di pinjam
Keu alat muprang lawan Beulanda
Thon limong sa jituka gobnyan
Teuka pimpinan sideh di Jawa
RM Danubroto meuso deungon nan
Jeut Keuresidenan di Aceh teuma
Thon limong ploh lhee jigesee reujang
Teungku Sulaiman jiboh keupala
Teuseubut haba teuma masanyan
Aceh ji muprang sabe sibangsa
130
Rata jeub sagoe rugoe hana ban
Uroe ngon malam rakyat seungsara
Inong balee meuribee hatnyan
Jal an jeumbatan reuloh bubena
Dl Til akhi jeunulang
Teungoh jimuprang lawan Neugara
Padum thon sabe dalam gle Tuhan
Teuma ohlheunyan peutron Basuka
Gantoe lom laju Teungku Sulaiman
Keureusidenan bot laen teuma
Abdul Wahab ji angkat hatnyan
Keutua Staf Keuamanan Aceh mulia
Thon limong peut ji peuseuk gobnyan
Residen yohnyan laen jituka
Abdul Razak meusigak that nan
Jeut keupimpinan di Aceh teuma
Thon limong tujoh piyoh lom gobnyan
Aceh masanyan ka Istimewa
Ali Hasymy resmi pimpinan
Tujoh thon Iheuhnyan laen geu tuka
Watee Pak Ali bak kurusi manyang
Lhee keu istimewaan meu teume jeumba
Le peumerintah jisah watee nyan
Lhee boh bidang that istimewa
131
Phon istimewa beuna ta tuban
Manyang that maqam seugi agama
Seugi keudua teuma peundidikan
Keulhee keubudayaan deurajat sama
Boh jantong hate lahe masanyan
Teumpat tumpuan harapan bangsa
Geu kheun Unsyiah meugah hana ban
Di Darussalam geudong geu puga
Disampeng Unsyiah teuhah lom sinan
Sikula manyang bidang Agama
IAIN Ar-Raniry gob turi nan
Dalam komplek nyan meusapat dua
Dl Til Resmi pih hatnyan
Tamong pangkuan Indonesia
Peutron ngon beude sare meusajan
Leungkap meureuyam alat seunjata
Hasan Sal eh jadeh bot tangan
Sajan pasukan geutron u kota
Nyang muda-muda teuma masanyan
Ji latih ulang tarek keutantra
Thon nam ploh peut jeut Nyak Adam
Sideh Bakongan gampong geuh teuma
Nyak Adam Kamil gob turi nan
Dari angkatan jibot keu raja
132
Wat ee nyan nanggroe ta deungo goyang
Angkat an nam- nam l ahe u donya
Beuront ak PKI Rl j i l awan
R ame that korban dum bapak tantra
Han treb t eumpoe dudoe nibak nyan
Nanggr oe ka aman l age bi asa
Or de Bar o ato geul anggang
Rat a bi dang peumaj u car a
Hasbi Wahi di thon nampl oh l apan
Si t hon di si nan pi nah u Jawa
Muzaki r Wal ad angkat pi mpi nan
Si pl oh thon ti mang gobnyan kuasa
Wat eenyan timoh saboh bangunan
Meugah hanaban di Indonesi a
PT Aron l angsong jiboh nan
Mi nyeuk gah si nan han ek ta kira
Sal ah bacut dek cut masanyan
Dal am geul anggang talo suar a
Gol ongan Kar ya hana torn meunang
Maka seubabnyan bangunan hana
Madj i d i brahi m tujoh ploh l apan
Geuwoe bak Tuhan di gobnyan t euma
Gohl om habeh masa j abatan
Troh panggi l an dari R abbana
133
Aceh watee nyan didalam program
Teungoh geu rancang liwat Bappeda
Sabe barang jan gobnyan dikeunang
Bapak pembangunan Aceh Pusaka
Gohlom meuso gantoe watee nyan
Nam buleun timang Aceh tan raja
Mentri Lam Nanggroe dudoe nibaknyan
Yue jabat hatnyan bak Eddy Sabara
Thon lapan sa teuma hai rakan
Anggota dewan geu pileh raja
Hadi Thayeb tarek watee nyan
Dari kedutaan puwoe u Banda
Limong thon tempo gantoe lom gobnyan
Han ji peu panyang ronde keudua
Habeh tugah geu minah reujang
Bak Keudutaan sideh Jenewa
Keureutah puteh ta tuleh hitam
Huruf ejaan mangat ta baca
Kalheuh lon tuleh meuceh pimpinan
Awai keumerdekaan hingga lapan sa
Mangat jituri le geuneurasi datang
Bacut ringkasan seujarah bangsa
Bek teuma dudoe han ji tuso nan
Aceh yoh silam padum droe raja
134
Di Lamdingen meuen geulayang
Musem luwah blang pileh juara
Ta puwoe haba teuma bak dewan
Lam persiapan geu lantik raja
Geu peungui geudong lua ngon dalam
Kurusi meureuntang duk jame teuka
Karangan bungong meugunong sinan
Lagee piasan ta kalon rupa
Uro pih beungoh mehmoh kon wayang
Peugot persiapan untuk acara
Anggota komisi fraksi pih meunan
Pakek jah panyang emblem bak dada
Tangga dua tujoh katroh hitongan
Nibak uronyan geu lantik raja
Ateuh nan Presiden teken masanyan
Ureueng teupandang Sudharmono SH
Meuntri Lam Nanggroe Suparjo Rustam
Nibak wateenyan han jeut geu teuka
Dalam tika eh disideh gobnyan
Lam peurawatan saket anggota
Pak Sudharmono keudroe peutimang
Ibrahim Hasan nyan kheuh keutua
Bak Departemen Cendikiawan
Saboh bidang bak Golongan Karya
135
Dua ploh tujoh bak buleun lapan
Ibrahim Hasan sumpah geu baca
Jilhat pangkat leugat watee nyan
Bruk kreung jipasang laju bak dada
Pak Ahmad Amins nyang pimpin sidang
Rame undangan watee nyan teuka
Rame peujabat nyang pangkat manyang
Kawom peudagang rame cit teuka
Ladom jijak ngon kapai teureubang
Peureute hartawan dari Jakarta
Dilee baro kon hantom lagee nyan
Kompak peudagang bak lantik raja
Nacit teuka teuma hai rakan
Suke ilmuan tingkat sarjana
Kawom peumuda pihna meukawan
Laen nibaknyan dum mahasiswa
Habeh pidato tajo jak salam
Sibok wartawan bak jicok gamba
Mata ureueng ka bandum keunan
Kalon lakuan peujabat Neugara
Keunan geujak peulagak pahlawan
Dilee jiteuntang meubagoe cara
Donya politek hai dek jeunulang
Citka lagenyan meusandiwara
136
Bek tahireun wahe buleun trang
Citka meunan politek donya
Meunyo ta kalon bangon sang wayang
Uroe ngon malam laen bicara
Seulawah dara gura hana ban
Meusalop awan beungoh ngon sinja
Habeh mat jaroe dudoe jak riwang
Ka tinggai keusan bandum lam dada
Nyan kheuh uroe pasoe catatan
Awai keujadian dumna peukara
Gubernur baro geu ato program
Kana catatan dalam agenda
Keulompok anti meuri disinan
Dalam geulanggang tuah tanle na
Pak Hadi Theyeb jitarek ulang
Teumpat meuriwang keudeh keu Duta
Tulo dum jiphoe cot uroe timang
Leumah meukawan dalam blang raya
Ohno mumada haba peulantikan
Ta sambong reujang laen acara
Bak anjong Mon Mata teuma oh malam
Peugot perpisahan awaknyan dua
Pengantar tugah istilah meunan
Citka reusam peujabat Neugara
137
Meusaho ureueng bandum watee nyan
Inong ngon agam tuha ngon muda
Hadi Thayeb ngon Ibrahim Hasan
Bak malamnyan saleng meuwa-wa
Hanjeut keuhireun bayeun teureubang
Salah peutimang jiwoe lam rimba
Pak Hadi bungka masa cit ohnan
Lam Peumeurintahan cit lam biasa
Dalam acara teuma malamnyan
Ibrahim Hasan geu peugah haba
Sipatah kata geu baca hatnyan
Di hadapan undangan nyang na
Teurimong gaseh wareh ngon rakan
Disampeng baknyan keu rakyat dumna
Keu waki rakyat horeumat saban
Nyang ka lam sidang geubri suara
Ta kalon dali bukti lahe trang
Anggota dewan that bijaksana
Kekuatan sosial politek tatilek sinan
Kana kekompakan dalam bicara
Keu ulon geujok tampok pimpinan
Peulanjut program raja nyang ka-ka
Jinoe geutanyoe saho haluan
Ta utamakan dumna prakarsa
138
Ta mita cara bekna le kesenjangan
Beu gadoh jurang gasin ngon kaya
Aceh bekle sabe ketinggalan
Nyan kheuh program nyang utama
Efek sampeng kayem bermunculan
Ta peureudam bek leumah nyata
Konsekwensi dari peumbangunan
Bek timoh sinan dumna gejala
Peureulee sikap tamat lam reugam
Nyona tantangan ngon peutheun kana
Ta kalon donya dimasa datang
Geujolak peurubahan bagah leupahna
Mangat seuiamat ingat beureujang
Beuna gagasan deungon methoda
Keureuja ngon karya beuna sijalan
Ngat na peumbaruan bekle ban nyang ka
Bekle mat palee watee kejayaan
Treb that meuriwang bak jino masa
Tabangun Aceh leubeh le bidang
Lua ngon dalam haroh ta bina
Harga diri mesti ta peukeumang
Martabat peradaban tamah budaya
Hanjeut peupiyoh putoh bak jalan
Bah that tantangan sabe na teuka
139
Geudrop udeung lam neuheun Tibang
Ohlheuh geutimang paso lam raga
Habeh ceuramah minah jak riwang
Ibrahim Hasan sambong acara
Likot Pendopo meusaho keunan
Para wartawan lam kota Banda
Keupala Humas Ramli Dahlan
Gobnyan peutimang dum kuli tinta
Dari Jakarta pihna wateenyan
Bapak Zulharmans keudroe geu teuka
PWI Pusat geumat jabatan
Bandum wartawan gobnyan keutua
Duek lingka meja teuma meureuntang
Ibrahim Hasan geubuka haba
Wahe sahabat nyang that lon sayang
Jinoe lon tuan keunoe lom gisa
Yoh masa dilee teuntee ta keunang
Di Darussalam ulon keupala
Rektor Unsyiah geupeugah nan
Rangkap jabatan deungon Bappeda
Thon lapan dua teuma oh Iheuhnyan
Pinah lon tuan keudeh u Jawa
Deputy Bulog ji culok keunan
Peut thon disinan keuno lom gisa
140
Watee di Jawa teuma lon tuan
Jeut keuwartawan Harian Pelita
Dalam politek hai dek jeunulang
Jibri jabatan bak Golongan Karya
Jibri keureuja teuma disinan
Bidang Cendikiawan meuteumee jeumba
Hingga saat nyo kamoe teumpat nyan
Nyang bri pikeran peumaju bangsa
Bak uroe nyoe kamoe hai rakan
Ngon izin Tuhan kajeut keuraja
Gubernur Aceh geu peusaheh nan
Keupala peumeurintahan Aceh mulia
Tanggai dua tujoh taboh catatan
Thon lapan ploh nam phon lon keuraja
Mulai jinoe kamoe harapkan
Deungon wartawan sama kereuja
Phon malam nyoe geutanyoe rakan
Bandum jaringan haroh ta buka
Jaringan komunikasi mesti beukeumang
Sigala bidang wajeb kuasa
Ta bangun Aceh beuleubeh lom trang
Bek lagee silam jameun nyang ka-ka
Seubab saat nyoe geutanyoe tapham
Get that beukeumbang ileumee donya
141
Jameun tehnologi pakri ta paban
Inong ngon agam laloe bekle na
Nyo meuheut maju mutu beu saban
Uroe ngon malam ileumee ta mita
Kamoe meuharap meuhat bak rakan
Ta peutroh peusan haba nyang beuna
Tabri informasi asli keujadian
Bekle sikhan-khan ta peutroh haba
Warna asli tabri khabaran
Rata bidang beu cukop data
Bek ta gogajoe bak taloe jalan
Pasti han saban ngon bukti nyangna
Lazem that jinoe ta deungo meunan
Ji ba peusan kon lagee nyan na
Salah informasi bak jibri peusan
Laju program porak poranda
Sayang rakyat meuhat lagee nyan
Nekmat peumbangunan hana meurata
Padahai geutanyo uroe ngon malam
Lakee dukungan bak rakyat dumna
Sigo treuk lon lakee keumbee on asan
Bak rakan wartawan nyang keunoe teuka
Paso beurita rata jeub koran
Le ureueng awam mangat jibaca
142
Ta peutroh haba rata jeub peukan
Bhah peumbangunan dum ta calitra
Ta peugah Aceh beuleubeh beukeumang
Rata bidang bangunan beuna
Nyoe dari gata hana bantuan
Pajan ek seunang rakyat jeulata
Gata ngon kamoe beusaho haluan
Mangat gampang peu ta keureuja
Gata dianggap meuhat jeumbatan
Ureueng ba peusan bak rayat dumna
Haba bak rakyat antat u manyang
Puwo lom Iheuhnyan peusan bak raja
Sep kheuh ohno kamoe bri peusan
Watee laen jan ta sambong teuma
Nyang peunteng bathen kana ikatan
Deungon lon tuan bandum na gata
Malam ka jula lanja jak riwang
Ohka Iheuh salam bandum jak gisa
Putoh riwayat siat disinan
Laen karangan jino ta rika
143
Peusijuk Le Golkar
Moto PMO jiwoe Gampong Blang
Bak teungoh jalan ka patah ruda
Padum uroe dudoe nibaknyan
Bak saboh malam peugot acara
Pante pirak rot jak u peukan
Liwat jeumbatan BTU lama
Peungurus DPD ngon sabe rakan
Ibrahim Hasan peusijuek sigra
Deungon bu leukat meuhat lam idang
Manok teupanggang breuh pade muda
Citka biasa teuma lagee nyan
Kajeut keu reusam peusunteng raja
Meunan cit bagi Ibrahim Hasan
Bak malam nyan geupeu mulia
Tanda horeumat adat jih meunan
Peukong ikatan taloe syedara
Ureueng dum jithee teuntee wateenyan
Ibrahim Hasan banjeut keu raja
Golongan Karya nyang bela gobnyan
Lam peumilihan rame suara
Ohlheuh jilantik han geutik meunan
Adat ngon reusam wajeb geu jaga
Mangat singoh oh u lapangan
Bek bertentangan watee keureuja
145
Gareh politek tarek beusaban
Bekle meu ulang lagee nyang ka-ka
Ujong ngon iku sulu teubeuntang
Pucok ngon uram beu seu irama
Lheuh peusijuk duek meusimpan
Inong ngon agam ikot acara
Pak Ahmad Amins pimpin watee nyan
Seubab disinan gobnyan keutua
Lakee peutuah bagah le reujang
Bak Ibrahim Hasan tanda mulia
Silapeh raja keudua Iheuhnyan
Keutua Pertimbangan Golongan Karya
Pujo ngon syukor keupada Tuhan
Ibrahim Hasan kalam geu buka
Seulaweut saleum ateuh janjongan
Geu sambong yohnyan laju ngon sigra
Teurimong gaseh meuceh ohlheuh nyan
Keupada rakan lam golongan Karya
Nyang ka geu bantu geubri su hatnyan
Seuhingga meunang leubeh suara
Bak malamnyoe sinoe lon peutrang
Ta mita jalan pakri ban cara
Golongan Karya teuma beu meunang
Bek lagee silam jatoh that angka
146
Dilee geutanyoe rugoe meukuyan
Dalam geulanggang hantom juara
Beudoh beusigoe jinoe hai rakan
Deungon lon tuan bekerja sama
Ta ato langkah bagah beu saban
Suson baresan laju beusigra
Dari ateuh phon jitron bak uram
Beu sama ragam bak peugah haba
Peutroh informasi asli beu saban
Bekna meunyimpang lagee nyang ka-ka
Bekle takoh bak teungoh jalan
Han sukses program peu ta keureuja
Masa dilee teuntee ka tapham
Pakon han meunang Golongan Karya
Geutanyoe laloe sinoe di manyang
Hantom deuh ruman keudeh u desa
Hantom tajak bak ureueng awam
Geutanyoe bokbang ngon si nggasana
Deungon rakyat mupakat jarang
Peu keuperluan hana ta kira
Jinoe ta ubah langkah yoh silam
Jeut peungalaman peumilu teuma
Lawan politek ceureudek hanban
Jicok keuleumahan geutanyoe dumna
147
Golkar talo ka hanco program
Rugoe meukuyan Aceh mulia
Sabe lampu hantom na hu trang
Aceh lam suram si umu masa
Propinsi laen kayem lam meunang
Geutanyoe rakan hantom juara
Pakri ek maju makmu ngon seunang
Meunyo lagee nyan talo suara
Sideh dipusat nyang mat pimpinan
Ban saboh kawan Golongan Karya
Teuka geutanyoe sidroe meulang-lang
Lakee bantuan jak peugot desa
Ohban jitilek tarek keusimpulan
Hana torn meunang Golongan karya
Pakri jibantu teungku budiman
Jingieng kon rakan nyang theun raga
Tawo meucohcoh tan peunoh eumpang
Gl ah keulabang han glah keubata
Geunap thon sabe han jibri anggaran
Peuhan meukubang jalan bubena
Tugah dum gata buka pikeran
Phon dari peukan sampo u desa
Bekle ta pike nyang macam-macam
Acehnyo saban ngon laen kota
148
Sama pangkat deurajat saban
Duek bersandengan geutanyoe dumna
Aceh Maluku Bengkulu Padang
Jakarta Irian deurajat sama
Meuheut maju laju peumbangunan
Wajeb peumeunang Golongan Karya
Thon lapan tujoh ta kayoh sampan
Bekle meu ulang lagee nyang ka-ka
Geuyue u laot bek tagrop u blang
Geuyue u ladang bek grop lam paya
Geuyue jak uroe bek peutoe malam
Nyan keujeut suwang hana beulanja
Nyang ikot acara teuma watee nyan
Baro teubayang akibat nyang ka
Di dalam ulee teuntee meulabang
Nyang ka geu peutrang buno le raja
Nyang ka geu kuyak le Pak Ibrahim Hasan
Jeut keupeugangan watee keureuja
Baro meuteumee ileumee dagang
Cara blo barang bak peungeut cina
Dilee baroe kon hantom lagee nyan
Geu publoe bawang lam toko ija
Patot kheuh Aceh han jiweh suwang
Seubab atasan laloe ngon tahta
149
Duek bak kurusi gaki ji simpan
Meusigoe pihtan jitron u desa
Ohka geu teugah bagah teubayang
Jeut peungalaman oh dudoe teuma
Tajak u pante ba kawe panyang
Jikab beulukang lawok ngon sira
Keudeh keuno geu cawo canang
Teuma ohlheuh nyan ureueng jak gisa
Ateuh bak maken na cicem pala
Aneuk leuk kuwa ateuh bak mamplam
Kaseb ohnan golongan karya
Jinoe calitra bhah peumeurintahan
Disinan kunci dumkri peukara
Rakyat jeulata bri peulayanan
hana paedah meugah that raja
Nyoe sia-sia dum but bawahan
Tugah peugawee teuntee ka nyata
Wajeb keureuja bhah peumbangunan
Maseng bagian bidang citkana
Ka geubri jeumba dumna bawahan
Nyang seumike peureute keupala
Nyang keureuja tingkat bawahan
Bandum ka tathee peugawee nyang na
Dalam keureuja meunurot atoran
150
Bandum jeulah tugah nyang kana
Pakon cit teuma teuka hambatan
Kayem that program jalan meuputa
Meugisa-gisa peugot urosan
Seubab bangsat jahat lagoina
Goh jikeureuja beulanja jikuran
Disinan paloe rugoe neugara
Dum rakyat desa ka habeh korban
Gubernur baro ato keureuja
Ka geu pareksa dumna bawahan
Salah saboh teungoh geu jaga
Uleh keupala Pak Ibrahim Hasan
Bekna le tikoh lam bungkoh saka
Bekle jiseuba dana bantuan
Habeh geu ato biro dum nyang na
Laju geu tuka nyang keutahuan
Tamong lam kanto ato keureuja
Peusaho data padum bawahan
Padum peujabat nyang pangkat raya
Padum usia dalam jabatan
151
Wasiet bak Korpri
Cempal a kuneng meuen lam paya
Oh uroe sinja jiwoe dalam blang
Bak si watee meu teuntee kutika
Dipoteuraja meuhoi bawahan
Ka geu peusapat leugat be nyang na
Hana geubeda inong ngon agam
Uroe tujoh blah geu peugah tangga
Upacara bendera nibak lapangan
Buleun sikureung bandum kateuka
Apel raksasa thon lapan ploh nam
Meusaho Korpri meuriti banja
Nyang peugah haba Ibrahim Hasan
Ta deungo kamoe jinoe syedara
Tuha ngon muda bandum karyawan
Mulai jinoe kamoe keupala
Harap bak gata beuna bantuan
Bak saatnyoe deungoe beurata
Bacut ceurita teuntang lon tuan
Cara lon pimpin peu yakin sigra
Singoh ngon lusa mangat ta tuban
Konjak seumampoh troh keuno teuka
Hana reuncana gantoe bawahan
Pidie Utara sama bak hamba
Hana lon beda Barat Seulatan
153
Ulon duek sinoe saho ngon gata
Bekerja sama peumaju program
Kepemimpinan lon tapuphom sigra
Pakriban cara ulon peujalan
Ta peugot kontak jarak bekle na
Bathen ngon lua ta sambong reujang
Saleng asuh saleng asah bagah ta bina
Toleransi bakna bah barang gajan
Bek timoh ragu tahu nyang hana
Dalam keureuja bek seugan-seugan
Tugah geutanyoe sinoe ka nyata
Rakyat jeulata tabri bimbingan
Disampeng baknyan iman le gata
Wajeb keureuja bhah peumbangunan
Teuma nyang keulhee teuntee lom nyata
Peu sukses sigra bhah peumeurintahan
Sinoe lon lakee meuteuntee raya
Bandumna gata peugot kerukunan
Nyoe sapeu pakat barat uiara
Baro jiteuka kebersamaan
Phui deungon brat nyoe tamat sama
Disinan teuka keu ikhiasan
Ngon kerukunan sinan lom teuka
Pikeran gata nyang leubeh matang
154
Ngon kerukunan gampang bercipta
Mudah lagoina bakcok putosan
Pajan tapike keusabe bangsa
Deungon Neugara keseluruhan
Pike keu Aceh ka leubeh teuga
Ohleuhnyan teuma pike golongan
Ta pike keudroe oh dudoe teuma
Ohlheuh keureuja keu ureueng awam
Beuna ta pandang keu Lambang Raya
Nyan Pancacita beugot peutimang
Anggota Korpri janji seutia
Bek sampo ceuma Aceh po Lambang
Nyang lon harap meuhat bak gata
Loyalitas beuraya keupada lambang
Dalam politek ceureudek bakna
Akai ta puta meuribee jalan
Seubab politek konle panglima
ka tinggai masa bekle ta ulang
Jinoe ta gali pakriban cara
Dalam keureuja beuna peuningkatan
Ta peusaho droe gatanyoe dumna
Bandum keuluarga taba meusajan
Aneuk ngon binoe peusaho sigra
Lam Golongan Karya meuhimpon keunan
155
Dalam Golkar gata berkarya
Jeut ta keureuja meuribee macam
Teumpat politek hai dek meutia
Lam Golongan Karya pihna lapangan
Nyan kheuh wadah bagah ta raba
Nyang geu seudia untuk karyawan
Anggota Korpri janji kalheuhna
Golongan Karya wajeb peumeunang
Thon lapan tujoh bekroh ta lupa
Ingat lam dada uroe ngon malam
Dalam buleun peut tabeut le gata
Dua lhee tangga leumah disinan
Uroe peumilu beudoh geu gamba
Bak neumboi dua culok beutimang
Nyan kheuh tantangan pakriban cara
Peumilu teuma Aceh beu menang
Wate ka singkat ingat beurata
Bak ta keureuja brat hana lawan
Pesta demokrasi mesti terlaksana
Bandum na gata ikot didalam
Gata ba ulee meu teuntee raya
Ohlheuhnyan teuma dum ureueng awam
Seubab gatanyoe na bagoe kaca
Rakyat jeulata jilhoh droe sinan
156
Nyoe salah pubuet bacut na ceuma
Gadoh peucaya bak ureueng awam
Uleh seubabnyan peusan keu gata
Bek sia-sia uroe peumilihan
Seulaku Gubernur laju useuha
Golongan Karya haroh beu meunang
Bawahan ulon duson ngon kota
Keupala desa dan keulurahan
Wajeb ji ikot di likot hamba
Meunan cit gata bandum karyawan
Bekna meusidroe publoe suara
Oh dudoe teuma lam peumilihan
Retnan jinoe geutanyoe mita
Sideh di Jawa beutroh anggaran
Nyotan anggaran program tertunda
Bangunan hana jalan meukubang
Meunan kheuh peusan hatnyan bak raja
Golongan Karya geuyu peu meunang
Hana torn pre sabe peu jaga
Nyan neumboi dua culok beutimang
Dalam kanto pidato saja
Rata kutika uroe ngon malam
Dalam rapat peu ingat sigra
Bandum keupala deungon bawahan
157
Meujan meuhudom bak anjong mon mata
Tuha ngon muda geubri wejangan
Seubab peumilu dikeu rab teuka
Brat that keureuja Ibrahim Hasan
158
Jak Seumah Tokoh Masyarakat
Bineh lampoh soh timoh pisang brat
Boh jih sarat ta kalon leumah
Uroe peumilu dikeu katoe that
Bandum aparat beu habeh keumah
Cit lapan buleun leu-eung na saat
Mesti geu karat bah apoh apah
Geumita cara sigala syarat
Suara rakyat beu ek meutamah
Pesta demokrasi geubri keu rakyat
Limong thon teupat le peumeurintah
Uroe peumilu geuyue meusapat
Watee nyan meuhat culok keureutah
Thon lapan dua masa ka liwat
Aceh meukarat ta kalon leumah
Masa Pak Hadi seu-i leupah that
Raja di pusat beungeh sileupah
Lhee ploh nam persen jimeuen teupat
Han ek peuliwat angka meutamah
Pak Bus geuboh peng meuploh tem sarat
Timu ngon barat rata meunasah
Golkar han meunang masanyan meuhat
Kareuna rakyat ulee goh teuhah
Keudeh bak P Lhee bubee jipeurap
Golkar meuhat ka teuhah babah
159
Thon lapan tujoh haroh geu karat
Suara rakyat beu ek meutamah
Si gala daya geumita leugat
Deungon siasat laju geu ubah
Ibrahim Hasan yohban diangkat
Pasang peurangkap jareng geu tamah
Geu mita beusoe geunantoe tungkat
Ileumee sunglap meurunoe bagah
Cara tung hate bube na rakyat
Timu ngon barat kawe geu tamah
Geu mita rimung nyang ta urn kuat
Bak keuing meuhat geutingkue gajah
Ibrahim Hasan memang utoh that
Lam ulee bulat akai meulimpah
Banjeut keuraja bah raya pangkat
Geutem jak dolat teungku meunasah
Meunan cit bagoe contoh ka liwat
Rata jeub teumpat ureueng geu seumah
Rata sagoe meusidroe han silap
Bandum geu ingat toh nyang kreuh babah
Laju geu mita peutua masyarakat
Peumangku adat nyang na maruwah
Bak Zaini Bakri geu ili phon that
Geujak meuhadap sira geu seumah
160
Zaini Bakri Bupati ka liwat
Raya martabat di Aceh luwah
Ramee peungikot dilikot meuhat
Sinan geu harap angka meutamah
Abu Beureueh meuceh lom meuhat
Uboe masyarakat raya maruwah
Keunan geu peutoe jaroe geu mumat
Deungon amanat geu lakee bagah
Wahe Abu neu bantu leugat
Uroe kasingkat watee toe leupah
Pakri ban cara teuma nyang teupat
Suara rakyat beu ek meutamah
Abu Beureueh peumeuceh leugat
Leupah that mangat angka meutamah
Peukong iseulam barang jan saat
Aceh seulamat hana le sosah
Ateuh bak kajee meujuntee ulat
Kahabeh jikap pucok on mirah
Minah bak Abu laju beurangkat
Uboe masyarakat laen geu seumah
Ali Hasymy bak gaki geumat
Gobnyan geu harap bekle meuminah
Barang hoe geujak jarak bek siat
Bah barang gapat geubri ceuramah
161
Hasan Ali Meuntri Dl saboh hat
Bak gobnyan leugat laju geulangkah
Geu peugah teuma cara nyang mangat
Geutanyoe meusapat bekle meu pisah
Hasan Saleh gigeh leupah that
Rata jeub teumpat haba geu peugah
Watee digampong langsong jipagap
Untong seulamat hana roe darah
Bandum peutua geu teuka leugat
Lakee peundapat deungon peutuwah
Ban saboh Aceh cungkeh ka geumat
Peumuka adat bandum ka ramah
Disampeng peutua ngon peumuka adat
Lom geu peusapat teungku meunasah
Keucik ngon waki geubri isyarat
Bek sampoe silap bagi keureutah
Ibrahim Hasan hatnyan geu karat
Beu cukop alat deungo ceumeucah
Ohka meusaho bak sago bulat
Wateenyan leugat ka geu beurekah
Bandum tokoh ka saboh pakat
Sapeu kalimat watee ceuramah
Ibrahim Hasan badan ka mangat
Parang tajam that deungon seumeuplah
162
Ohka seuleusoe peusahoe tungkat
Laju beurangkat jakba seuneumah
Bak raja raya sigra meuhadap
Jaroe geu angkat geu lake meuah
Wahai Bapak nyang bijak sangat
Ulon ka teulat keunoe troh langkah
Teulat troh keunoe kamoe meuhadap
Lon meubut siat oh Iheuh geu sumpah
Lon jak u duson lon kunjong rakyat
Lon jak peu teupat buet nyang ka salah
Dilee baroe kon hantom meuningkat
Suara rakyat sabe lam kalah
Peumilu go nyoe lon puwo ubat
Beu menang bulat Seuramoe Makkah
Bak droen lon lakee meuribee harap
Bak saboh saat keudeh neu langkah
Na ulon deungo meunyo han silap
Bapak beurangkat neu meucok langkah
U nanggroe Medan pajan beurangkat
Watee nyan meuhat keudeh neu langkah
U kota Langsa teuma neu peurab
Lestrek rakyat neu tulong peusah
Mangat jithee teuntee le rakyat
Kalheuh na mandat bak peumeurintah
163
Pak Harto seuot leumbot leupah that
Watee beurangkat teuma lon singgah
Beudoh ta jak woe jinoe beuleugat
Jak pimpin rakyat bektreb ta keubah
Laporan gata banja ka teupat
Bak saboh saat Aceh meu ubah
Golkar meunang meumang ta harap
Nyang keujeut seubab ta mita ilah
Tarek simpati barang ri teumpat
Bubena rakyat pakat beu bagah
Soai bantuan gampang ta ingat
Bak saboh saat teuma ta tamah
Ohka seuleusoe jaroe geu mumat
Teubiet leugat lam geudong meugah
Keudeh bak pak Bus laju geu peurab
Lake nasehat pakri nyang mudah
Bustanil Arifin peu yakin leugat
Beutoi leupah that lagee ta peugah
Bah buet kamoe dudoe meupakat
Digata meuhat jakwoe beu bagah
Rahman Ramli pasti lon pakat
Ureueng peusapat minyeuk deungon gah
Keudeh u Langsa teuma meusapat
Tajak peusiap peu hana keumah
164
Putoh haba sigra beurangkat
Gi sa u teumpat Seuramoe Mekkah
Na padum uroe tempoe ka liwat
Troh taloe kawat buetnyoe ka keumah
Ibrahim Hasan yohnyan yu karat
Bak Zainuddin Mard bandum beukeumah
Peugleh kotoran jalan geu liwat
Bandum beuleungkap kurusi ngon kemah
Seubab watee teuntee ka teupat
Laju bak rakyat haba ta peugah
Keupala nanggroe keunoe geu liwat
Jak sambot leugat deungon meuriah
Meusahoe ureueng lam mideun sarat
Deungon seumangat hanpeu ta peugah
Bapak Suharto peutoe bak rakyat
Jaroe geu mumat ngon ramah tamah
Habeh acara gisa u pusat
Hanpeu panyang that haba ta peugah
Gubernur Aceh leubeh seumangat
Peu nyang geu harap bandum ka leumah
Troh Presiden beuken leupah that
Simpati rakyat maken meutamah
Geu kalon bukti bak dali adat
Golkar meuhat suara meutamah
165
Geuwoe di Langsa keureuja lom brat
Utara Barat haroh geu langkah
Seulatan Teunggara sigra beurangkat
Keudeh istirahat u Aceh Tengah
Di ateuh tampong tiong jilumpat
Ka jidrop ulat saboh ngon babah
Bak lon teumuleh habeh keunarat
Karang hikayat leupah that sosah
Lam krung miruk na jiduk buya
Teungoh that dara juwah hanaban
Ibrahim Hasan wateenyan teuma
Saboh tim raya geuba rombongan
Habeh meusahoe sosoe nyang geuba
Sukee keupala nyang na jabatan
Bustanil Aritin dari Jakarta
Ikot seureuta nibak watee nyan
Muhammad Diah Haji gob turi nama
Pansion tantra anggota Dewan
Meulinte Abu Daud meusyeuhu raya
Ikot seureta dalam rombongan
Geujak meupakat mangat seumporna
Pakriban cara Golkar beu meunang
Laju u Sigli geu ili sigra
Bak ureung tuha leu peungalaman
166
Abu Beureueh sideh lam karna
Keunan geuteuka Pak Bus masanyan
Likot meuseujid keubit seunia
Geupeurab sigra Ibrahim Hasan
Geucom jaroe sigoe ngon geuwa
Geupeugah haba laju watee nyan
Kamoe nyoe katroh jeuoh meuteuka
Ubak ayahda lakee bantuan
Horet meuliwat mangat sijahtra
Golongan Karya sinoe beu meunang
Neubri restu hai abu sigra
Keu kamoe muda jinoe beureujang
Doa bak Abu peureulu raya
Mangat sijahtra bak lon berjuang
Angkat deurajat rakyat lam desa
Bekle ban nyangka lam keutinggalan
Abu geu peusan masanyan teuma
Golongan Karya peureulee menang
Asai Iseulam keumang beuraya
Teudong beuteuga bekna soe goyang
Nyang laen teuma bekna ta lupa
Ta lakee doa sabe bak Tuhan
Bapak Suharto sidroe keupala
That bijaksana bakmat atoran
167
Di masa datang beu gobnyan teuma
Di Indonesia nyang mat pimpinan
Si umu udep bah treb kuasa
Seubab Neugara sabe lam aman
Bak Pak Suharto bek tuwoe ta pinta
Meusiblah mata Aceh geu pandang
Mangat maju makmu jiteuka
Ngon laen kota mangat seu imbang
Bustanil Arifin peuyakin sigra
Wahe ayahda ulon na sajan
Si ap lon bantu peu nyang neu pinta
Sajan ngon raja Ibrahim Hasan
Abu geu beudoh mehmoh lagoina
Kupiah geu yuba didalam idang
Kupiah riman pasang le lanja
Ateuh keupala Ibrahim Hasan
Ohlheuh kupiah bagah lom raba
Reuncong pusaka geubri lom yohnyan
Reuncong meupucok geujok keutanda
Mahkota raja mat keurajaan
Ohka leungkap siap acara
Laju meuwa-wa bandum awaknyan
Para wartawan rombongan geuba
Ka jicok gamba teuma ngon reujang
168
Lam Sidang Waki Rakyat
Ateuh bak jambe tupe jilumpat
Ka habeh jikap boh teungoh mirah
bak siuroe poe raja dolat
Lam sidang rakyat geubri ceuramah
Awak DP RD sabe meusapat
Geu meurok pakat peu nyang goh keumah
Meunan cit bagoe uroenyoe meuhat
Waki rakyat bandum ka leumah
Bak buleun siploh yoh saboh saat
Tanggai jih teupat dua ploh jeulah
Akhe lapan nam masanyan sahbat
Anggaran meukarat wajeb geu tamah
Pak Ahmad Amins nyang pimpinan rapat
Palee ka geumat sidang geu peuhah
Ohlheuh sambotan bak gobnyan siat
Bak raja daolat laju geu seurah
Ibrahim Hasan salam geu ucap
Puj oe Hadharat sidroe Po Tallah
Seulaweut neubri keu Nabi Muhammad
Panghulee umat nyang that amanah
Teurimong gaseh meuceh leupah that
Keu waki rakyat laju geu tamah
Baro sigo nyoe keunoe meusapat
Ohlheuh saboh hat yoh baca sumpah
169
Uleh seubabnyan gobnyan geu harap
Bak waki rakyat beu raya meuah
Nibak saatnyoe sinoe lon antat
Limong boh syarat neuphom beu bagah
Phon keurukonan nyang trang lon harap
Bah barang gapat geutanyoe meulangkah
Meunyo ka rukon langsong meukeumat
Laot ngon darat bandum ka ramah
Barang hoe tajak jarak ngon teumpat
Wareh keurabat laju ji seumah
Seubab geutanyoe ka sahoe pakat
Adakna but brat siat ka keumah
Keureuja sama beuna ta ikat
Waki rakyat ngon peumeurintah
Neubri bantuan sajan peu ingat
Kadang na silap kamoe meulangkah
Nyang keudua teuma lon harap
Ikheulah meuhat beu neu peuleumah
Ngon hate suci neubri peundapat
Bekna neu harap bulung meutamah
Bah barang gasoe dudoe geu angkat
Bak saboh teumpat le peumeurintah
Wajeb neu bantu laju beu leugat
Yohgoh lom silap bak ji meulangkah
170
Seubab atranyan Tuhan nyang tupat
Geu tanyoe umat pasti han leumah
Langkah raseuki bagi ka meupat
Hanjeut ta hambat deungon piteunah
Meunyoe ikheulah langkah seulamat
Bah barang gapat tanyoe jak tugah
Bandum peukara sigra le teupat
Hanle meuhambat asai ikheulah
Ngon peungalaman sinan teulihat
Meunyoe khianat siat ka punah
Dalam agama hina leupah that
Meunyoe na umat nyang ba piteunah
Teuma nyang keu lhee meuteuntee nyopat
Neu deungoe leugat jinoe lon peugah
Dalam seumike beulahe that that
Mangat ji anggap umu meutamah
Bak bri pandangan sinan deuh sikap
Ureung meu adat atawa bideuah
Ureung dewasa na geuba tungkat
Watee geu lumpat han sagai reubah
Teuma nyang keupeut neu beut beutamat
Bek sampoe silap watee meulangkah
Kehormatan pantang leupat hat
Deungon martabat bagi daerah
171
Wajeb ta jaga nama barang pat
Meunurot adat nyang ka geu peusah
Lambang Pancacita beuna teu ingat
Harkat ngon martabat asas daerah
Nyang keu limong meukeunong that-that
Peureulee keurabat wajeb peupinah
Peureulee pribadi ta peusi siat
Seubab peunteng that untuk daerah
Pribadi ngon golongan barang jan saat
Ta peuduek siat pike daerah
Kepentingan daerah leubeh meukarat
Sinan seubab wajeb ta pilah
Limong boh tanda beuna neu ingat
Panyang leupat that meunyo ta peugah
Cit saboh taloe meunyoe neu tupat
Sideh meusambat bak lambang daerah
Keadilan kemakmuran sinan ji mumat
Haroh meusapat hanjeut peupinah
Kepahlawanan kesejahteraan lom meuhat
Tacok keu tungkat laju beu bagah
Siploh peudoman barang jan saat
Sinan ta mumat watee meulangkah
Mulai jinoe geutanyoe sahbat
Tatung beureukat bak lambang daerah
172
Teuma nyang laen peunteng leupah that
Jinoe beuleugat anggaran neu tamah
Beuna beulanja bekna meukarat
Bandum aparat mangat bek sosah
Ohnoe mumada haba lam rapat
Meunyo ta sambat panyang sileupah
Geupeh palee teuntee le leugat
Tanda jih rapat ka geutop bagah
173
Geu Galang Peumuda
Seugal a pujoe keu sidroe Allah
Nyang peurintah langet ngon donya
Raja Aceh meusaheh leupah
Ban Iheuh geu sumpah galang pemuda
Sayang peurahoe ka hancoe beukah
Tiang jih patah buet angen raya
Keuhai peumuda teuma ta kisah
Sayang sileupah ta kalon rupa
Citka baroe kon ta kalon leumah
Sayang sileupah peumuda dumna
Inong ngon agam dalam kuliah
Umu lapan blah dalam SMA
Tamat sikula hana nyang ceudah
Dakna ijazah cuma keu tanda
Hana nyang ahli industi ji peuhah
Hanjeut ji ilah buka useuha
Nyang jeuet tiep uroe peusaho ijazah
Bak peumuerintah lamaran jiba
Rata jeub kanto ji ato langkah
Peuna geu peuhah teumpat keureuja
Meunan kheuh contoh adoe meutuwah
Sayang sileupah tangieng peumuda
Rata jeub simpang oh malam leumah
Jipoh beurakah ngon sabe muda
175
Oh teungoh malam pikeran leumah
Beudoh jak rampah putik u muda
Ladom peumuda kaca ji ramah
Mata ka mirah mabok ngon ganja
Teuma nyang ladom muphom bube drah
Jak mita wadah teubit ulua
Lam organisasi diri peureubah
Uleh dijak cah ngat teubleut mata
Oh troh keunan pih saban sosah
Saboh beureukah sabe meudakwa
Citka awai kon ta kalon leumah
Meu siblah-siblah oh peugah haba
Ka habeh ere bre sabe daerah
Habeh meudarah asoe lam dada
Meunyoe ulua hana that leumah
Padahai beukah rab putoh dua
Bandum organisasi meuri sileupah
Gareh peurintah hantom na sama
Dak miseu AMPI dali ta peugah
Droe dipeusiblah bak sago teuma
Induk organisasi KNPI nyang sah
Tapi lam kancah laen bicara
Masing keutua dada peuleumah
Peuthe droe gagah ngon bijaksana
176
Aspirasi pemuda hana bube drah
Nyang na leumah akai ketua
Didalam rapat teupat ji peugah
Laen peurintah hana ta kira
Nyan keuh contoh di Seuramoe Makkah
Ka hancoe wadah dum awak muda
Sayang peumuda hana le wadah
Teumpat seumeugah dumna peukara
Kareuna tathee meuteuntee leupah
Donya nyo indah seubab peumuda
Meunyo peumuda hana nyang ceudah
Nanggroe beukah jeut prang raya
Aceh Ihe sagoe Seuramoe Makkah
Wajeb ta ubah bekle ban nyang ka
Geuneurasi muda bakna maruwah
Beujeut berkiprah peunoh prakarsa
Ibrahim Hasan pikeran leumah
Geu galang bagah dumna peumuda
Bak saboh teumpat meuhat nyang luwah
Geubri ceuramah keu awak muda
Gobnyan ka geu the peureulee leupah
Beu saban peugah dum awak muda
Uroe peumilu dikeu ka leumah
Geu ikat bagah suke balia
177
Meunyoe meusapat mangat peurintah
Bak tayue mudah hana le dakwa
Laju watee nyan geu peusan bagah
Dalam ceuramah dokrin geu baca
Wahe peumuda yang ka troh langkah
Jinoe lon peugah bandum bak gata
Ta peu siap droe jinoe beu bagah
Bandum beukeumah agam ngon dara
Bandum geutanyoe di Seramoe Mekkah
Beudoh cok langkah nging alam nyata
Bekle diyub bruk taduek meu siblah
Jinoe ta peuhah teubit ulua
Beudoh tajak eu peu-peu nyang salah
Peubeutoi bagah laju ngon sigra
Kareuna nanggroe jinoe ka ubah
Ureung dalam glah ji peugah haba
Jameun tehnologi meukri sileupah
Komunikasi teuhah ban saboh donya
Tapi geutanyoe laloe meureupah
Pajan meu ubah hudep sijahtra
Wahe peumuda bak gata lon peugah
Seuramoe Makkah wajeb ta bela
Meunyoe jameun ta theun roe darah
Talet peujajah mangat merdeka
178
Peut ploh sa thon neu peutron le Allah
Nanggroe meutuwah dalam meurdeka
Hana sapeu ta eu na leumah
Rata daerah mantong meupaya
Tugah gata nyoe jinoe beubagah
Citra ta ubah bekle ban nyang ka
Nyang phon ta pubuet dekcut meutuwah
Mata ta peuhah ngon gelinyung dua
Nyang keudua manja ta keubah
Beudoh beubagah ileumee ta mita
Tajak meununtut beujeut ilmiyah
Ileumee tilsafah beuna lam dada
Nyang keu lhee deungki mesti ta pinah
Beuna ikheulah peu ta keureuja
Nyang keupeut seutia pada peumeurintah
Undang-undang nyang sah ngon Pancasi l a
Keulimong toleransi beutinggi leupah
Untuk daerah barang jan masa
Meunyo kana nyan aman sileupah
Oh ta meulangkah hanle meuraba
Bak uroe nyoe keunoe troh langkah
Gata ulon krah ngon lapang dada
Seubab ulon thee meuteuntee leupah
Nasib daerah lam jaro gata
179
Gat a nyoe muda raya that tugah
Beudoh jak ubak citra nyang kana
Dalam politek ta balek arah
Watee berkiprah nyang bijaksana
Jinoe ka teulat mat parang patah
Politek ka meu ubah kon le panglima
Politek karya nyata sigra peuleumah
Jalan that luwah pileh le gata
Prestasi dedikasi bak meuri leumah
Angka ta tamah rata kutika
Nyang mampu berprestasi cit meuri bagah
Aktif sileupah dalam prakarsa
Nyo na ambisi keu kurusi meugah
Wajeb ta ilah ngon haleu cara
Bekna itikad karat boh mirah
Jalan jih salah membabi buta
Pol a pike bekle nyang salah
Beu ta peusiblah agama ngon neugara
Politek donya neugara beu meugah
Peugadoh sosah rakyat jeulata
Peumilu goe nyoe di Seuramoe Makkah
Beudoh peuleumah hase keureuja
Ta mita cara angka bak meutamah
Mangat lom meugah Aceh mulia
180
Inovator pembangunan nyang na leumah
Cit saboh wadah Golongan Karya
Dalam nyan gata teuma berkiprah
Angka ta ubah beu ek neumboi sa
Lam jaroe gata teuma seujarah
Puteh ngon mirah peu nyang ta hawa
Meunyo seunang keu masa deupan ceurah
Beudoh seuleuah jinoe beu sigra
Bandum peumuda teubuka babah
Deungoe ceuramah bak poteuraja
Dilee baroekon hantom so peugah
Yohgoh lom bicah kubu peumuda
Untong na raja mata geu peuhah
Ate meudarah ka puleh luka
Timoh seumangat leugat ngon bagah
Ubat ceuramah geubri le raja
Beudoh disinan rumah meu ubah
Badan ka gagah jiwa meumbara
Seumangat juang masanyan leumah
Siap roe darah bak bela raja
181
Bak Uroe Lahe Unsyiah
Jitoh hujeun oh buleun leumah
Takalon bobah ie dalam paya
Boh jantong hate sabe na kisah
Yoh phon geu peuhah sabe na haba
Thon lapan ploh nam reukam seujarah
Peunteng sileupah keu tuha muda
Buleun sikureung lam ruweung meugah
Acara Unsyiah bak tangga dua
Oh uroe lahe sabe meuriah
Ta kalon leumah dalam acara
Dua ploh limong thon suson seujarah
Mulai geu peuhah thon nam ploh sa
Wateenyan dali bukti lahe sah
Umu Unsyiah meutamah tuha
Sabe peu ingat saat geu peuhah
Bukti seujarah mangat bek lupa
Bak uroe nyan keunan troh langkah
Ma deungon ayah calon wisuda
Nyang awai peutoe Rektor Unsyiah
Baroe troh langkah peujabat dumna
Gubernur Aceh jadeh ceuramah
Nyang pheut seujarah yoh awai punca
Ibrahim Hasan sinan treb leupah
Watee Unsyiah baro geu buka
183
Disinan jameun meukaleung darah
Dalam geu papah dum Mahasi swa
Seun sitapak jarak meulangkah
Seuhingga meugah ban saboh donya
Leupah that raya j asa Unsyiah
Dalam seujarah peumaju bangsa
Kana sarjana rata daerah
Uleh Unsyiah peuteubleut mata
Dua droe ureueng jameun ka meugah
Rektor Unsyiah geuboh keu raja
Madjid Ibrahim nyang phon geu sumpah
Ibrahim geu peusah kali kedua
Disinan tanda karya Unsyiah
Kader dum kaglah jijak ulua
Dakjeut beu sabe lahe nyang ceudah
Jimat peurintah sampoe u Jawa
Dalam acara nyang ka ta peugah
Keunan troh langkah alumni dumna
Ibrahim Hasan meunan cit ulah
Deungon bajee jah bruk kreung bak dada
Keunan geu teuka ka beda tugah
Meutamah luwah geumat kuasa
Dilee baroe Rektor Unsyiah
Jinoe meu ubah kajeut keu raja
184
Oh peunoh ureueng lam ruweung luwah
Rektor Unsyiah buka acara
Abdullah Ali meukri sileupah
Seun-seun sipatah kalam geu buka
Ohka seuleusoe dudoe geu minah
Panggong geu seurah bak poteuraja
Para undangan teunang that leupah
Hana sipatah ta deungo haba
Ibrahim Hasan yohnyan geu langkah
Leupah that gagah ta kalon rupa
Meuri that raja raya maruwah
Leungkap kupiah ngon bajee toga
Dong ateuh mimbar lanja le bagah
Deungon Bismillah pidato geu baca
Pujoe han teuwo keu sidroe Allah
Keu Rasulullah seulaweuet teuma
Nibak uroe nyoe deungo' lon peugah
Uroe thon Unsyiah keu dua lima (25)
Laen that beda ngon masa sudah
Keunoe lon langkah acara nyang sama
Uleh seubabnyan keusan meu ubah
Jeut keuseujarah lam hudep hamba
Dilee baroe Rektor Unsyiah
Jinoe ceuramah ateuh nan raja
185
Bak dua limong meukeunong leupah
Tanda Unsyiah meutamah dewasa
Meutamah umu maju silangkah
Dalam berkiprah leubeh lom teuga
Seulamat ulang thon lon ucap bagah
Mangat meutamah prakarsa lom teuma
Dalam prestasi mesti ta tamah
Mangat lom meugah troh lua donya
Bidang sikula beuna meutamah
Nibak Unsyiah bakna S dua
Fakultas Sosial Budaya sigra tapeuhah
Di sampeng Fakultas Matematika
Geutanyoe jinoe na dua tugah
Uleh daerah wajeb geu laksana
Nyang phon dilee ileumee beu meutamah
Mangat ceudah putri ngon putra
Meuningkatkan kemampuan dalam berkiprah
Ketrampilan ta tamah keu putri putra
Meraih kesempatan nyang na leumah
Ngon sigala tuah nyang na lam dada
Di sampeng baknyan lon tuan peugah
Wo u daerah nyang kalheuh wisuda
Jakpeugot keudroe nanggroe roe darah
Mangat bagah rakyat sijahtra
Tugah phon that meuhat ka leumah
186
Maka Unsyiah geu karat buka
Mangat peumuda bekna le leupah
Ulua daerah ileumee jak mita
Ohka seuleusoe beu jiwoe bagah
Keudeh sajan yah buka usaha
Seubab geutanyoe nanggroe dang sosah
Ureueng berkwalitas payah that mita
Ketrampilan canggih ngon raih tugah
Asai na leumah sanggop di raba
Di sampeng baknyan wawasan luwah
Mampu ji pilah keadaan bangsa
Na toleransi menghargai daerah
Han seurakah bak mita kaya
Nyoe nyang peureulee meuteuntee leupah
Lam ta bangun daerah ngat leubeh jaya
Leubeh lom panyang peusan geu-peugah
Lon lakee meuah hana lon rika
Meunyoe ta tuleh habeh keureutah
Roh muntah darah bak keutik angka
187
Peu Jok Droe Bak Ulama
Ji meuen galah bak babah jurong
Tangieng meuron-ron dum aneuk muda
Yoh dilee jameun ureueng di gampong
Geu peujok hukom ubak ulama
Ta pula pi sang di dalam keubon
Ta pula bakong bineh lueng raya
Aceh that kuat adat ngon hukom
Turon teumuron got that geu jaga
Adat bak Poteu Meureuhom
Hukom bak Syi ah Kuala
Hadih maja nyang ka meu thon
Tan soe sambong Iheuh meurdeka
Tangieng jinoe han meuhoe kong
Ureueng gampong sosah raya
Teungku sagoe hansoe lindong
Seubab hukom ka bak jaksa
Dum imeum eik jitiek lam tong
Han soe junjong lagee nyang ka
Oh geujak woe taloe jurong
Hanle soe coem jaroe dua
Seubab Camat han that muphom
Teungku gampong tan geu bina
Hantom gaji geubri habeh thon
Si krak ija krong hantomna geuba
189
Hana geu tupeu weu ureueng gampong
Geu ek geu tron rumoh ulama
Uroe malam keunan meu hudom
Jak beut hukom bhah agama
Watee peureulee jak lakee tulong
Bak teungku gampong yue tarek massa
Pane geu tem jak ta sinthak idong
Yoh awai phon hana ta bina
Peungalaman dilee teuntee ka meuthon
Watee yue tulong Golongan Karya
Han geu peuduli bah geubri bakong
Teutap geu usong gamba P Tiga
Pucok bak labu meu sinthue ujong
Habeh luroh on but angen raya
Ibrahim Hasan gobnyan ka muphom
Wajeb geu lindong alim ulama
Bak saboh watee geumee lam geudong
Habeh geu himpon bandum u Banda
Ladom geujak sawak ija krong
Rukok teugulong dalam ceureupa
Ibrahim Hasan geu salam langsong
Laju ka geucom jaroe ulama
Peuduek bak teumpat nyang that teulindong
Meu atoe turon soe awai teuka
190
Ohka meusahoe peutoe podiom
Assallamulaikom haba geu buka
Ohlheuh geu pujoe sidroe Kadiron
Seulaweut langsong akan Saidina
Wahe dum abu teungku di ulon
Beuraya ampon neubri keu hamba
Nyang patot hak lon jak u gampong
Keudeh lon kunjong beu meuseunia
Akan teutapi pakriban lon tron
Watee na baklon singkat leupahna
Lapan buleun teumpoe uroe teuhitong
Haroh ka rampong bandum keureuja
Jan laen watee teuntee lon kunjong
Keudeh bak geudong teungku ulama
Keudeh lon langkah ta peuhah panton
Taduk meuhudom bak rangkang raya
Nibak uroe nyoe keunoe meuhimpon
Kareuna ulon hajat that raya
Nyang phon hajat kasad lam jantong
Nyang ka meuthon-thon rindu lam dada
Dari Jawa gisa u gampong
Hajat jak tulong wareh syeedara
Nyoe keuseumpatan Tuhan peulurong
Baroe troh ulon keunoe lom gisa
191
Yohgoh lom meugrak tapak lon ayon
Lakee peulindong ubak Rabbana
Ubak ulama nyang ka meuhimpon
Lon neu peu tudong bek lam uroe kha
Nyopat aneunda gisa u gampong
Siluweu puntong gohlom na ija
Badan ngon bajee mantong meu bee on
Bee jeumphan teupong lawok u muda
Lagee aneuk mit meusawiet idong
Dalam keu nurong meugisa-gisa
Teungoh lon takteh bek teupeh punggong
Gohlom lon jeut tron bak jalan raya
Jinoe hai teungku neu bantu ulon
Neu tunyok jurong siri nyang beuna
Bekroh meusuruk lon duek ateuh tong
Seubab goh meuphom tata keurama
Maseuneh geuritan jabatan ulon
Dari stasion peunumpang geuyue ba
Maseuneh dilee teuntee ka geutron
Sambong meunyambong padum go tuka
Phon dari Banda geuba u Grong-grong
Maseuneh geutron laen geu tuka
Laen beurangkat meuhat di Grong-grong
Piyoh lom geutron di Pante Raja
192
Jinoe geuritan sinan ka meuthon
Geu tugah bak lon hoe laen geuyu ba
Konle u Banda gisa stasion
Keudeh Lhoksukon yue puta ruda
Lon ba geuritan jalan goh muphom
Lon takot meukong ngon moto sewa
Meunan umpama beuna neu puphom
Ateuh pundak lon tugah that raya
Nyohan neu bantu le teungku gampong
Geuritan bak stasion han meugrak ruda
Rakyat lam desa neuba meuron-ron
Neuyu ek langsong dalam keureta
Ngat ta beurangkat leugat u Lhokseukon
Bakle ta tron-tron bak jalan raya
Padum treb masa ruda meugulong
Allah Kadiron nyang thee si beuna
Tujuan peumbangunan meunan neu puphom
Kota ngon duson wajeb ta puga
Rakyat lam nanggroe ta peugoe langsong
Yue tiek ija krong yue jak seumuga
Seulaku ulama nyang na lam gampong
Ureueng ka muphom meubagoe bahsa
Neu teujeumah mangat jeulah dalam duson
Ureueng gampong mangat hudep bahagia
193
Bak Taman Sari meukri sileupah
Warong geu peuhah uroe ngon malam
Bak ureueng gampong neu tulong peugah
Watee ceuramah bak inong agam
Orde Baroe nyang atoe langkah
Pusat ngon daerah beuna bangunan
Reali sasi Pancasi la nyata sileupah
Le peumeurintah laju peukeumang
Bak Pancasi la dumna daerah
Tacok filsafah keu peumbangunan
Lam GBHN tolen ka leumah
Gareh perintah deungon atoran
Meunan cit Aceh saheh sileupah
Hanjeut ta minah u lua jalan
Citna gareh droe hansoe jeut pinah
Ka geu amanah lam undang-undang
Lon lakee bantu bak teungku bagah
Tulong teujeumah bandum atranyan
Bak ureueng droe peudeungoe beujeulah
Jeub-jeub meunasah dum ureung awam
Nilai agama raya paedah
Keu rakyat barollah lam keuhidupan
Umat Iseulam iman neu tamah
Beu aktif leupah lam peumbangunan
194
Bandum masyarakat mangat ikheulah
Dalam berkiprah uroe ngon malam
Ta bangun gampong jurong beuluwah
Bak peumeurintah lakee anggaran
Bidang agama sama geu peuhah
Rata meunasah neu peugot program
Bandum pasantren bak beuken leumah
Santri beu ceudah oh Iheuh disinan
Meunan cit dron nyoe jinoe beukeumah
Keu peumeurintah neujak bri saran
Neubri peundapat meuhat beubagah
Kadang na salah bak cok putosan
Ide ngon cara sigra peuleumah
Mangat daerah maju peumbangunan
Sabang Merouke beu sabe jatah
Bekroh brat siblah jitron anggaran
Bek lagee dilee meuteumee seupah
Keujeut daerah tan peumbangunan
Jinoe ta mita cara nyang mudah
Beulanja meutamah geutanyoe aman
Laju keureuja peuna peurintah
Bekle ta pantah bah hana seunang
Ta jaga hate bekle meudarah
Mangat daerah maju berkembang
195
Peumilu goe nyoe meusahoe bagah
Beudok ta reupah dum keuseumpatan
Beudoh ta reubot ngon leumbot ramah
Peu nyang na leumah neucok beureujang
Saboh cara nyang ka trang leumah
Suara bak meutamah lam peumeulihan
Golongan Karya angka ta tamah
Nyan kheuh tugah neu pubuet reujang
Kaseb kheuh ohnoe kamoe ceuramah
Tulong teujeumah bak ureueng awam
Jinoe bak teungku laju lon seurah
Beuna ngon salah neuci peutimang
Teungku ulama dada ka teuhah
Lampu nyang mirah cahaya ka trang
Seubab bak raja kana peurintah
Geuyue meukeumah sigala bidang
Dilee baroe kon hantom soe peugah
Keucik ngon lurah han jibri saran
Nyang keujeut seubab rakyat barollah
Ngon peumeurintah sabe na jurang
Sangkira dilee geu pangkee bagah
Hana that parah dalam hubongan
Teungku agama hana soe papah
Hudep ngon pitrah buleun Ramadhan
196
Teutapi jinoe ta deungoe jeulah
Keudroe geu peugah Ibrahim Hasan
Wajeb ta ikot dilikot bagah
Mangat na jatah lam peumbangunan
Kaseb acara teuma jak minah
Ohka Iheuh seumah Ibrahim Hasan
Ta kalon muka bandum ka ceurah
Seubab ka bicah ceumut bak badan
Ibrahim Hasan seunang sileupah
Geu kalon ulah nibak watee nyan
Seubab ka meuri dali ka leumah
Ulama ngon peumeurintah ka gadoh masam
Bak geutueng hate meusampe leupah
Dum teungku syiah tinggai seureuban
Ka geu peusahoe bak sagoe keemah
Seunang ngon sosah beusabe sajan
Bak saboh saat bulat le leumah
Peu nyang geu peugah hana geu lawan
Seubab yoh dilee ka teuntee leupah
Droe ka geu seurah bak teungku imam
Yue tunyok jalan kadang na salah
Bak geubot langkah watee saboh jan
Janji seutia hana meu ubah
Peulom seudeukah sabe peureugam
197
Ulama umara sama berkiprah
Meunyoe na salah peu ingat reujang
Uleh seubabnyan aman sileupah
Hana le sosah Ibrahim Hasan
Dua awaknyan ka saban arah
Nanggroe pih mudah hana le goyang
Disinan kunci meudali leupah
Dalam seujarah kana catatan
198
Tawok Bawahan
Ureueng meusak-sak geujak u Banda
Tuha ngon muda jak ngieng piasan
Ohka Iheuh hase geurante ulama
Nyang laen teuma geu cipta program
Malam ngon uroe laloe keureuja
Dalam agenda kana urotan
Meusahoe bawahan keunan yue teuka
Laju ngon sigra bri peungarahan
Mangat bereh peujadeh sigra
Bekle tertunda bubena program
Meunyo geu im droe meupaloe teuma
Proyek nyang kana han habeh jalan
Nyang gohlom lahe geu pike sigra
Program geu puga deungon anggaran
Rata bidang program geu cipta
Sampoe u desa beutroh bangunan
Nyang phon geu tawok beutrok ji teuka
Nyang jeut keupala bak keuseuhatan
Udin Muslaini bak kurusi keupala
Ngon pantah sigra katrok le keunan
Oh troh keunan hadapan raja
Ngon jaroe dua beu ot u manyang
Laju peurintah bagah ji teuka
Bak poteuraja Ibrahim Hasan
199
Jinoe ta deungoe kamoe bicara
Dalam agenda catat beureujang
Watee peumilu dikeu rab teuka
Peulayanan beuna bak keuseuhatan
Jinoe mulai peurinci reuncana
Puskesmas bakna jeub kecamatan
Beuna dotoe nyang toe ngon desa
Peurawat teuma seureuta bidan
Ureueng gampong ta tulong sigra
Rawatan bakna uroe ngon malam
Bekna meusidroe lon deungoe haba
Na rakyat desa hana layanan
Dokter Udin yakin ngon sigra
Cuma geu pinta tamah anggaran
Bangun Puskesmas tamah teunaga
Beutroh u desa peu tamong bidan
Raja geu seuot leumbot suara
Soai beulanja urusan lon tuan
Asai ka meunang Golongan Karya
Meureutoh juta jitron anggaran
Uroe pih beungoh mehmoh lom teuka
Sidroe keupala raya peutimang
Insinyur Mulok katrok ngon sigra
Deungon agenda didalam tangan
200
Tamong meuligoe peutoe bak raja
Bot jaroe dua keu Ibrahim Hasan
Ohlheuh jep kuphi geu rawi haba
Dalam agenda geu catat reujang
Hai keupala PU lon yue bak gata
Beudoh keureuja jak peugot jalan
Banda Meulaboh beuteumboh sigra
Bekna le paya serta ngon kubang
Bandum raket peulet ulua
Jinoe beusigra peugot jeumbatan
Sayang that rakyat meukarat raya
Meujak u kota ka hana jalan
Sampoe u gampong jurong ta puga
Ubena desa mangat berkembang
Proyek krueng Aceh peujadeh sigra
Padum biaya suson beureujang
Dalam thon nyoe beukeunoe teuka
Ureueng keureuja nibak proyeknyan
Lom bek tuwoe ta deungoe lanja
Irigasi beuna bandum rata blang
Mangat jimeugoe oh dudoe teuma
Bekle ban nyang ka preh ie lam awan
Bek meukarat rakyat jeulata
Watee peumula hana ie diblang
201
Nyang keujeut pade hase jih hana
Lage nyang ka-ka bekle lon pandang
Meunyoe got pade hase meugunca
Rakyat lam desa hana le mumang
Sithon dua goe dudoe seumula
Meunan reuncana nibak lon tuan
Rakyat makmu maju neugara
Pajak meujuta teuka disinan
Bedoh jak ukoe atoe ngon sigra
Bandum rakyat bha mangat dipandang
Ohlheuh peumilu laju keureuja
Peugot beusigra bubena jalan
Tarek simpati waki keutua
Golongan Karya supaya meunang
Mangat mudah bak peugah haba
Jingieng nyata na pembangunan
Habeh peurintah bagah jak gisa
Laen lom teuma geu tawok keunan
Hana geu piyoh geu ratoh cara
Bosan hantom na Ibrahim Hasan
Bak Jambo Tapee na keudee Ci na
Aneuk sikula mubloe dum keunan
Bak siuroe dipoteuraja
Peugot reuncana kalon kawasan
202
Jak Kalon Kawasan
Sinyak keumawe bak Pante Lhoknga
Ureueng meurusa lam gle Blanggalang
Ohlheuh peusahoe padum droe keupala
Beurangkat sigra Ibrahim Hasan
Deungon peujabat nyang pangkat raya
Sajan lom geuba awak wartawan
Watee ka keumah bagah geu bungka
Moto meubanja sipanyang jalan
Moto dijak meuhayak ruda
Siat kutika katroh tujuan
Ji tamong Bireuen lam mideun Jeumpa
Istirahat teuma pajoh bu siang
Ohlheuh khanduri bot gaki sigra
Beurangkat teuma ohlheuh seumbahyang
Arah Takengon ta kalon geuba
Moto meubanja ikot rombongan
Rame pejabat nyang pangkat raya
Jak sajan raja Ibrahim Hasan
Bandum seupe hate geumbira
Ikot ngon raja jiba rombongan
Moto dijak meusinthak ruda
Seutio jiputa kiri ngon kanan
Keulompok wartawan pihna cit geuba
Nyang jeut keutua Ramli Dahlan
203
Syahruddin Hamzah tugah citkana
Nibak Antara jeut keu wartawan
Nurman Syamhas siblah Swadaya
Di kota Banda teubit Mingguan
Ali Jauhari bak RRI teuma
Dari Waspada geu jak bang Adnan
Saboh keulompok nyang peupok haba
Pasoe beurita u dalam koran
Jiplung motoe leungoe lam dada
Ruda meuputa hana pat lawan
Hana padum treb buket jihala
Bak cot Panglima troh le reujang
Ta kalon uroe lam taloe asa
Lagak leupahna deuh peumandangan
Leupi lam hate bekle ta kira
Ta kalon rimba kuasa Tuhan
Kayee meususon rimbon lagoina
Bubebe raya timoh disinan
Hoe ta kalon teudong meubanja
Ji teuka hawa hate didalam
Menyoe nanggroe gob ka jitop tanda
Pabrek jibuka lanja jiteubang
Jicok hase bekle ta kira
Meuribee juta peng dum disinan
204
Teuma geutanyoe soe pakoe hana
Modal useuha hana lam reugam
Tapreh troh jamee jimee on juta
Ngon sikiep mata habeh jiteubang
Oh leupah jiwet buket panglima
Katroh le sigra bak inang-inang
Motoe jitron meuhayon ruda
Bak tarasa kasrot lam jurang
Sipanyang jalan siteuntang mata
Kuphi jipula ateuh gle manyang
Takalon hijoe meuhamboe rata
Citnyan useu'na ureung disinan
Tamong peundopoe uroe ka sinja
Ji sambot raja deungon tarian
Pak M Jamil , Bupati teuma
Citka seudia deungon pasukan
Geucok Gubenur ngon ibu sigra
Di Ateuh tahta geu puduk yohnyan
Cok buleukat leugat le teuma
Peusijuek raja Ibrahim Hasan
Siat sahoe seuleusoe acara
Makeun bersama seubab ka malam
Ohlheuh pajoh bu poe meulu cina
Jak mita karna awak wartawan
205
Udara Gayo barangsoe teuga
Meusti teurasa sijuek lam badan
Oh watee ta eh meulapeh ija
Bah that lam karna di ateuh tilam
Beungoh uroe jipeugoe sigra
Meusahoe teuma dara ngon agam
Keudeh meusapat bak teumpat raja
Gobnyan ka hana leupah seumbahyang
Yohgoh lom suboh geu beudoh sigra
Geucok ngon ija geu teubiet sinan
Dalam meuseujid wirit geu baca
Ka taheu mata ureueng wateenyan
Jinging Gubemur teukui bak tika
Nyang laen gohna gobnyan ka keunan
Dum raja laen lazem nyang ka-ka
Hantom deuh muka hat suboh itam
Nibak uroe nyoe keudroe nging nyata
Dum ureung lingka kota Gayo nyan
Baroe ka jithee ileumee teuga
Taat agama Ibrahim Hasan
Ohleuh seumbahyang watee nyan teuma
Bak poteuraja yue bri bimbingan
Geubri ceuramah keubhah agama
Peukawen teuma ngon peumbangunan
206
Woe bak meuseujid geu teubit sigra
Buka sikula ohlheuh sarapan
Bineh gaki gle lahe acara
Glong batee tanda nibak uronyan
Tanda jih geupeh jadeh keureuja
Rumoh sikula geu peudong sinan
Universitas Gajah Puteh meutuleh nama
Rame mahasiswa sikula keunan
Ohka seuleusoe jakwoe u kota
Rame ulama ka teupreh sinan
Dalam geudong meuhimpon dumna
Ladom ka tuha pakek seureuban
Tron ateuh moto gilhoe cong bata
Hebat lagoina Ibrahim Hasan
Tanging sipatu hu meucahya
Bak takue teuma geu Ihat seulendang
Ureueng gagah leupah wibawa
Dikeu ulama geuduek le reujang
Protokol tajoe pidatoe dibuka
Seubab ka teuka bandum undangan
Sikrak sahoe jipuphon haba
Laju bak raja geu peusilakan
Beudoh Gubernur laju ngon sigra
Mik geu raba Ibrahim Hasan
207
Dong dikeu guree teuntee na beda
Bak peugah haba pih laen macam
Leumoh leumbot meudhot hantom na
Hate ulama get geu peutimang
Ayat ngon hadih dalih geu baca
Ulama umara beuna saboh pham
Bergandeng tangan barang jan masa
Dalam bekerja demi pembangunan
Sinoe lon harap sangat leupahna
Wahe ulama bantu lon tuan
Dalam seumike bekle ban nyang ka
Ta ubah cara jinoe beureujang
Yoh masa jameun ta urn P Tiga
Peumilu teuma Golkar beu meunang
Mangat got nanggroe oh dudoe teuma
Rata jeub desa na peumbangunan
Aceh Teungoh timoh neumboi sa
Golongan Karya sabe lam meunang
Daerah laen beu jitem sama
Ta mita cara pakriban jalan
Ta peusandeng beu kayem dua
Ulama umara bah barang gajan
Meunyoe kompak pihak ulama
Meusahoe suara Golkar meunang
208
Bek sayang umat meuhat di desa
Meunyoe ulama hana tron tangan
Hanjeut jituleh aleh deungon ba
Hanjeut jibaca asoe al-Quran
Dumna meunasah ka teuhah rungkha
Ureueng tanle na nyang jak seumbahyang
Nyokheuh tugah Golongan Karya
Peuramee teuma jama'ah malam
Jak bak teungku beulaju sigra
Meurunoe aleh ba jak beut Al-Quran
Mangat nanggroe bek rugoe teuma
Meunyoe ulama hana kegiatan
Keudeh keunoe geu cawoe haba
Seunang ulama hana pat bayang
Baroe sigoe nyoe geu deungoe cakra
Beurakah raya Ibrahim Hasan
Habeh ceuramah seumah ulama
Nyang ladom geuwa geucom bak tangan
Ohka seuleusoe jakwoe lam kuta
Uroe ka jula jak makeun siang
Ohlheuh pajoh bu seungu ceurita
Putoh ngon haba seubab prut ceukang
Awak peujabat meuhat lam tika
Nyang tinggai teuma awak wartawan
209
Bah that cot uroe laloe meuraba
Mita beurita keu asoe koran
Jak ngon tapak meusigak raya
Keudeh ji teuka bak bineh kulam
Jak ateuh gunong kalon ulua
Deuh laot tawa indah hana ban
Leumah eungkot jigrop meulumba
Roh laloe mata watee ta pandang
Keuteumpat tureh lareh lagoina
Parawisata beu geutron tangan
Peugot teumpat beuthat seunia
Pasti roh teuka ureueng meukawan
Awak lua nanggroe keunoe jiteuka
Nging laot tawa get peumandangan
Retnoe jalan hai rakan dumna
Tarek beulanja bak turis datang
Salah saboh ret keu aset neugara
Meureutoh juta meunyoe ka jalan
Laen lom kuphi peutani pula
Ret parawisata peugot cit program
Nanggroe Gayo dumhoe troh nama
Indah lagoina dum peumandangan
Laen lom adat hebat lagoina
Tamah lom teuma ngon keuseunian
210
Keudeh keunoe peulaloe mata
Oh leupi dada beudoh jak riwang
Dalam hate teupatre gamba
Pajan leh teuma keunoe ta ulang
Ohna watee teuntee ta gisa
Lagak leupahna deuh peumandangan
Meunyoe tureh sideh ji teuka
Oh jingieng rupa pasti teugiyan
Pakon geutanyoe hansoe keureuja
Peuneurangan taba rata jeub simpang
Bak publoe informasi seu-i lagoina
Kanto parawisata hana keugiatan
Padahai geuthee keudee pusaka
Tamong beulanja tiep urou Tuhan
Pakon han geucet ngat get dimata
So nyang teuka hate ngat seunang
Gampong Pande hana le paya
Siteuntang mata ka jikueh kulam
Uroe ka jilop seupot cuaca
Wartawan gisa bak peuginapan^
Peukan Sibreh bineh sikula
Ureueng beulanja ramee disinan
Uroe beungoh mehmoh leupahna
Peusiap sigra bubena barang
211
Kana peurintah beu bagah lanja
Beurangkat teuma deungon rombongan
Ohka meusahoe ek moto dumna
Ruda meuputa sipanyang jalan
Di Aceh Teungoh ka peunoh acara
Aceh Utara peugot kunjongan
Sira geuwoe moto yue puta
Peurintah raja Ibrahim Hasan
Geuci jak kalon bangon ban rupa
Hase keureuja pabrek disinan
Pabrek kuphi nyang bagi laba
Deungon Beulanda peu mantong jalan
Ohtroh bak teumpat meuhat na tanda
Leumah meubanja bijeh meureuntang
Bijeh kuphi dali ka nyata
Meunyoe ta pula hantroh pandangan
Tamong lam pabrek tilek peu nyang na
Seunang lagoina Ibrahim Hasan
Kalon komoditi kuphi get raya
Sumber devisa tamah anggaran
Laju geu peusan masanyan teuma
Beugot ta jaga bandum barangnyan
Bandum karyawan peutimang le gata
Beugot ta jaga bekna gangguan
212
Karyawan bek rugoe nanggroe beu laba
Peutani nyang na ta bagi lahan
Yu tanom kuphi pakri kheun gata
Bandum beulaba hase peumbangunan
Lheuh bri peutuah bagah jak gisa
Bak jalan raya bek sampoe malam
Meusu meusen meupuseng ruda
Beurangkat sigra bandum rombongan
213
Kawasan Aceh Utara
Ta pula kacang sajan bak mula
Watee rab sinja beudoh jak siram
Teubit Takengon tamong u Jeumpa
Rombongan raja jak taloe jalan
Keu Pak Bupati ka geubri haba
Gubernur teuka geuba rombongan
Mangat siap teumpat geu seudia
Citka biasa jameun lagenyan
Letkol Ali Basyah geu krah anggota
Bupati Aceh Utara nibak masanyan
Hana treb tempoe oh dudoe teuma
Geuboh nyang muda Ramli Ridwan
Dua jeum tempoe ban moto jiputa
Aceh Utara tamong kawasan
Bak PTAr on meuhimpon dumna
Para anggota ji peutron barang
Jak istirahat teumpat seunia
U dalam karna bandum rombongan
Peu eh dua droe lam saboh karna
That istimewa nibak teumpatnyan
Leubeh deurajat teumpatnyan teuma
Jeuoh that beda ngon Hotel Medan
Deungon teumpat eh meutindeh busa
Kolkas citkana ngon ie didalam
215
Permadani dari nanggroe lua
Leupi lam dada ta tamong keunan
Watee ta manoe tan taloe tima
le teupanca jeut ta meukubang
Bek panyang that riwayat ta rika
Bandum na gata ka habeh tapham
Neu maklum keudroe nanggroe merdeka
Dumpeu ta hawa kana disinan
Ta pula reuteuk ta sipreuk baja
Watee keunong sa jaga bek karam
Keu PTAr on ulon calitra
Sumber devisa tamah anggaran
Dum ureueng awam ji karang haba
Hana bijaksana PTAronnyan
Ji tarek hase han ek le kira
Meuribee juta gah dum ji kuran
Keu ureueng gampong ji tulong hana
Beungoh ngon sinja lam keulaparan
Jicok minyeuk gah bagah geuyue ba
Ngon kapai raya keudeh u Jeupang
Jitung peugawee meuribee nama
Padum dro saja nyang ureueng dalam
Padahai disinoe meusahoe peumuda
Luloh hantom na watee sarengan
216
Meunan jimuproe deungoe di lua
Roh salah sangka dum ureueng awam
Salah informasi bak jibri haba
Konban sibeunaji peutroh peusan
Padahai tathee teuntee yoh mula
Ka geubri haba masa saboh jan
PTAron nyang puphon pertamina
Ngon ureueng lua ikat hubungan
Geu ikat kontrak ngon awak lua
Seubab Pertamina hana anggaran
Habeh kontrak geu cetak laba
Baroe ta rasa na keu untongan
Seudangkan jinoe nyang poe Amerika
Nikmat ta rasa han ek ta lawan
Disampeng PT Aron na geudong raya
Nyang laen pihna jeut peurusahaan
Pabrek Pupok Iskandar muda
Hase meugunca neubri le Tuhan
PT PUSRI nyang keundali pih neugara
Pajak bak laba meutamah anggaran
Disampeng PIM geu jalin teuma
Pabrek geu buka uleh Asean
Geubuka pabrek jitarek laba
Publo Urea rata jeub peukan
217
Sinan untong langsong ta rasa
Ramee peumuda jeut keu karyawan
Bandua pabrek tarek teunaga
Agam ngon dara na peunghasilan
Di Lhokseumawe ramee jinoe ka
Maju leupahna ta kalon peukan
Berkat na Aron untong ta rasa
Lampu meucahya oh watee malam
Di Krueng Geukueh geu caruh buya
Publoe keu Ci na keudeh u Medan
Ibrahim Hasan keunan ka teuka
Geujak pareksa hase pabreknyan
Dilee baroe geu deungoe haba
Pajak hantomna bayeu disinan
Pajak PBB bekle tertunda
Bayeu beusigra bek macam-macam
Meutheun PBB reule bubena
Hansep beulanja keu pembangunan
Disampeng pajak jak bayeu sigra
Bantuan beuna untuk kawasan
Habeh peurintah bagah keureuja
Meureutoh juta teubit anggaran
U Banda Aceh lileh meu juta
Bantuan jiba u Darussalam
218
Bantu Unsyiah peukakah dumna
IAIN pihna jitron sumbangan
Dipeugot gampong jurong jibuka
Peurintah raja dilaksanakan
Keu Tuhan sidroe pujoe bek lupa
Nekmat ta rasa hase peumbangunan
Ibrahim Hasan karang reuncana
Meuribee juta tamong anggaran
Bapak Bupati raseuki raya
Dilee nyang ka-ka hana lagee nyan
Jinoe meutabu ta eu beulanja
Peu-peu nyang hawa bangun le reujang
Ta kalon nanggroe jinoe ka beda
Habeh aseupa bandum na jalan
Ta kalon lampu hu meucahya
Indah lagoina oh watee malam
Ta pula pade sabe ta jaga
Tuloe jih bekna jidom disinan
Keu PTAron puntong ceurita
Ka ji keureuja lagee geu peusan
Kuala Idi pasi that raya
Kuala Langsa aron meureuntang
Rombongan bantroh ta ratoh haba
Nyang jak ngon raja Ibrahim Hasan
219
Gampong Lam Pi sang jalan u Lhoknga
Gampong Lam Ara ureung meukulam
Ka puleh mumang rombongan nyang na
Ikot acara sigra wateenyan
Habeh meuhimpon lam geudong raya
Suke keupala nyang na jabatan
Ibrahim Hasan bri peusan sigra
Keu ureung teuka lam pertemuan
Ta deungo kamoe jinoe syeedara
Si patah dua ulon bri saran
Geutanyoe bandum bulung ka Iheuhna
Meunurot jeumba dalam jabatan
Dilee barokon hantom ta bina
Ji noe syedara wajeb jalankan
Jaringan komunikasi mesti ta buka
Dalam ngon lua haroh berkembang
Nyang peugot nanggroe kon sidroe gata
Rakyat jeulata peu ikot sajan
Tabri bimbingan beureujang teuma
Cara keureuja lam peumbangunan
Peugah beuteupat bak rakyat dumna
Pakriban cara beuna anggaran
Beutroh anggaran reujang di Jawa
Mangat ta puga si gala bidang
220
Saboh jalan ta peutrang sigra
Mudah leupahna jitron anggaran
Dalam peumilu dikeu rab teuka
Golongan Karya wajeb pemeunang
Meunyoe ka meunang Golongan Karya
Peu nyang ta hawa ji teuka reujang
Nyan kheuh kunci lon bri keugata
Komunikasi ta buka ngoe kawom awam
Seubab that leubeh Aceh Utara
Mudah keureuja cukop anggaran
Hana alasan bantahan taba
Janji kalheuhna dilee sabohnyan
Aron PT PIM jalin keureuja
Mobil Oil teuma deungon Asean
Banpeut gata nyoe beusahoe haba
Saboh bendera troh u lapangan
Peumilu dikeu tayu geu gamba
Bak neumboi dua yu top beutimang
Bek sampoe kamoe payah top muka
Watee u Jawa mita anggaran
Panyang leupah kisah geu baca
Seunang ngon duka habeh geu bayang
Watee baroe kon hantom teubuka
Lam peutoe kaca bandum teusimpan
221
Sampoe dua jeum geu beunteung haba
Meublek-blek mata bandum undangan
Leupah that mangat peungat bak raja
Hebat lagoina Ibrahim Hasan
Habeh ceuramah minah ulua
Beudoh jak gisa para undangan
Oh singoh uroe meusahoe teuma
Jak sajan raja ikot rombongan
Jalan rot barat meuhat geu gisa
Geujak pareksa dumna bangunan
U Pante Lhong langsong geu teuka
Geujak peunyata irigasinyan
Ohban geu pandang sayang lagoina
Ateung ka jiba rata ngon lahan
Bapak Gubenur laju bri tanda
Beubagah teuma peugot ateung nyan
Bek trep tempoe ateung nyoe beuleungka
Padum biaya na bak lon tuan
Got irigasi ie jih pih kana
Gadoh deurita awak jak u blang
Saboh tugah peumeurintah teuma
Peugot bubena irigasi lam blang
Reuloh irigasi ie jih hana
Rugoe neugara lam seugi pangan
222
Geutanyoe bekle pike ban nyang ka
Bak pertamina gantung harapan
Bak saboh saat meuhat troh masa
Habeh bubena minyeuk ta kuran
Mulai jinoe geutanyoe dumna
Haroh ta mita gantoe minyeuk nyan
Bandum komuditi mesti ta puga
Sumber devisa tamah anggaran
Laot deungon gle bekle teuhanta
Beudoh jak puga meunurot bidang
Jakcok hase bube nyang hawa
Pubuet beusigra lewat atoran
Ibrahim Hasa meunan meuhaba
Ji deungoe rata bandum watee nyan
Habeh geu marit teubit ulua
Laju geu gisa keudeh bak jalan
Tamong lam moto sigoe bubena
Beurangkat teuma tamah kunjongan
Hana padum treb meupalet ruda
Katroh geu teuka bak saboh simpang
Ohtroh u Jeunib teubit meubanja
Dumna ulama ka teupreh sinan
Beudoh jak eumpeung geujak urn raja
Meuah ngon meuwa laju wateenyan
223
Tamong lam balee teuntee le teuma
Bandum ulama geu ireng sajan
Citka meuato kasoe meusuja
Teumpat duek raja Ibrahim Hasan
Ohka istirahat siat seunia
Geu buka haba sigra masanyan
Wahe ustaz nyang that lon cinta
Ngon lapang dada ulon peugah ban
Sinoe lon kisah keubhah Neugara
Sibok leupahna lam peumbangunan
Barang ho tajak tapak ta puta
Urueng keureuja rata lapangan
Rata jeub duson jurong geu puga
Siluroh Indonesia bandum lagee nyan
Bandum rakyat ligat keureuja
Hana meubeda inong ngon agam
Oh troh watee meuteumee beulanja
Tron dari Jawa dana milyaran
Pajan peureulu geu bantu sigra
Hana pareksa kiri ngon kanan
Seubab jitupeu ka sapeu haba
Ulama umara bergandeng tangan
Baranghoe geujak sikrak bendera
Golongan Karya geumat lam reugam
224
Teuma geutanyoe paloe leupahna
Golongan Karya hana torn meunang
Dalam peumilu maju hantom na
Peuhan di Jawa jitheun anggaran
Ngon peu ta peugot rot lam desa
Hana beulanja meusipeng kupang
Dalam seumike sabe meubeda
Toh jalan teuma na peurubahan
Neu coba cari pakri ban cara
Ulama umara beuna sipaham
Nibak uroe nyoe kamoe troh teuka
Ubak ulama mita bantuan
Neu bantu Gubernur laju beusigra
Mangat teubuka pintoe anggaran
Ta peu yakin peumimpin di Jawa
Meuribee cara ta peugot ragam
Nyang phon jalan lon tuan buka
Bantuan ulama kunci peumbaharuan
Meunyoe ulama ka bersedia
Tanle keundala bah barang gajan
Lam jaroe ulama dumna rakyat bha
Nyang geupeucaya seubagoe imam
Hantom jibantah sipatah haba
Takot meureuka keupada Tuhan
225
Uleh seubabnyan lon tuan pinta
Wahe ulama bantu lon tuan
Car a seumike bekle ban nyang ka
Yue ubah cara dum rakyat awam
Jameun jinoe geutanyoe dumna
Akhirat donya hana torn saban
Dalam al-Quran katrang ta baca
Akhirat donya beusama jalan
Hantom na pre zike ta baca
Pujo Rabbana uroe ngon malam
Disampeng zike pike pih bakna
Hudep lam donya ta mita jalan
Zike ngon pike beusabe sama
Mangat sijahtra akhirat donya
Meunyo sabe zike teuh nyang na
Hudep lam donya tan perubahan
Ta peusandeng peukawan dua
Pike ngon doa mangat seu imbang
Leu ta seumike hase meugunca
Meunyo leu doa ampon bak Tuhan
Ji noe ta pike beusabe rata
Pakriban cara beuna perubahan
Deungon politek ta tarek laba
Gol ongan Karya beu ta peumeunang
226
Meunyo ka meunang Golongan Karya
Soai beulanja leupah that gampang
Ji noe lon pulang lam reugam ulama
Peukheuh neu rela atawa cit han
Geu seuot teungku laju le sigra
Kamoe seureuta wahe junjungan
Kamoe meuturot meu ikot raja
Golongan Karya kamoe peumeunang
Mulai uronyoe kamoe si neuna
Si ap seudi a bergandeng tangan
Peumaju Aceh beuleubeh nyang ka
Ngon laen kota mangat seu imbang
Laju meudali bukti ka nyata
Luar bi asa Ibrahim Hasan
Bak geutung hate peureute ulama
Ji meuseutia bandum keu gobnyan
Habeh mupakat mat jaroe dua
Beudoh jak gi sa teuma le reujang
Keudeh bak moto meusahoe dumna
Beurangkat lanja para rombongan
Jiplung moto leungoe lam dada
Siat kutika katroh tujuan
Keudeh Lam Poh Weng ka jirem ruda
Jak saweu guha gampong halaman
227
Lam Keucamatan Simpang Tiga
Geuwoe gampong Ma Ibrahim Hasan
Sinan teumpat hat saboh masa
Lahe u donya goh tamong Jeupang
Sipanyang jalan siteuntang mata
Ureueng dum teuka inong ngon agam
Ka ji meuhase bekle ta kira
Jipreh woe raja Ibrahim Hasan
Deungon spanduk jipeuduk lingka
Boh kata-kata seulamat riwang
Watee tron moto gilhoe seul asa
Jisambot sigra Ibrahim Hasan
Sipreuk breuk pade sare seulingka
Peu ek u tangga laju le reujang
Dalam rumoh peunoh teuhanta
Meubagoe rupa tanging lam idang
Srah ngon jaroe sigoe bubena
Pajoh peu nyang na sajan rombongan
Ohlheuh pajoh bu laju tron teuma
Geujak pareksa dum peukarangan
Bupati Pidie cit ahli raya
Ji tuoh cara Nurdin A Rahman
Sambot Gubernur laju ka jiba
Peuleumah dumna dampak lingkungan
228
Kalheuh ji ato jilabo bata
Rampak lagoina watee ta pandang
Seunang that hate bekle ta kira
Dipoe teuraja Ibrahim Hasan
Ha na padum treb geuwet-wet lingka
Beudoh jak gisa teuma rombongan
Ohlheuh geupeusan bak agam dara
Golongan Karya geuyu peumeunang
Laju beurangkat leugat simua
Gi sa u Banda para rombongan
Lhee boh Wilayah langkah geu hila
Kunjungan perdana Ibrahim Hasan
Musem timu ta tabu kacang
Ta pula bawang bak tanoh data
Padum uroe Iheuh woe kunjungan
Ibrahim Hasan peugot keunira
Tajak u Pandrah singgah u Sawang
Jak publoe barang eumpang ngon tika
Duk likot meja puta pikeran
Peugot rancangan kira mira
Lhee wilayah leumah geu pandang
Sitaloe jalan kalheuh geu baca
Kalheuh geunging ceuding lam blang
Ateung kulam ka geu peunyata
229
Padum boh toko meuasoe dalam
Ka meudum jalan nyang tan aseupa
Geu kira hase pade dalam blang
Sithon timang sigoe seumula
Peutani payah paedah kurang
Haroh beureujang ta ubah cara
Sithon dua goe meugoe nyang timang
Hase lam blang meulipat ganda
Peugot irigasi peu ek ie ublang
Nyan kheuh jalan saboh na cara
Peutani tambak peulagak kulam
Ileumee peurikanan beujeut beurata
Hase udeung bek kureung timang
Publoe u peukan beu ek na laba
Bandum toko nyang toe ngon jalan
Beu peunoh barang sigala rupa
Nyang ubit pangkai tabri pinjaman
Kridit di Bank haroh beulanca
Jalan rusak tambak beureujang
Tadoe dum kubang deungon aseupa
Ekonomi rakyat mangat berkembang
Bekna rintangan mise nyang ka-ka
Meunyoe kajeut banpeut atra nyan
Rakyat ka seunang makmu jiteuka
230
Hana le payah sosah pikeran
Pajak meukuyan untuk Neugara
Lheuh geupike peusabe program
Geuyu jalankan laju ngon sigra
Dalam rapat leugat geu peutrang
Bandum bawahan itong beulanja
Leungkap data angka hitongan
Meudum anggaran nyang geuseudia
Pante Raja bangka meureuntang
Get peumandangan teumpat tamasya
Padum uroe dudoe nibaknyan
Ibrahim Hasan tron lom u desa
Aceh Barat nyang brok that jalan
Peugot kunjongan Dipoteuraja
Keupala PU dikeu wateenyan
Nyang mat peuranan bak jalan raya
Banda Meulaboh goh teumboh jalan
Mantong meukubang abee meubura
Seubab ngon anoe pasoe lam kubang
Nyobrat muatan moto teupula
Liwat geurutee abee meugantang
Moto rombongan payah top kaca
Oh liwat Lamno moto rombongan
Ka meutheun jalan ie paseung raya
231
Raket Lam Beusoe meusahoe keunan
Ibrahim Hasan geu urot dada
Watee geu kalon bangon lagenyan
Seudih hanaban Dipoteuraja
Sayang that rakyat bak jiba barang
Hantroh u peukan uroe ka sinja
Insinyur Mulok meuntundok sinan
Sipatah kalam hanjeut meuhaba
Padum treb watee pangkee jabatan
Mantong cit jalan meukubang raya
Peucit ji pike sampe lageenyan
Raket meureuntang si umu masa
Ramee that ureueng meutheun disinan
Jipreh jeumeurang rombongan raja
Moto ka leupah dibabah Arongan
Jak ateuh jalan meusireuk ruda
Wi ngon uneun meulinteung kubang
Bandum rombongan reuoh teupanca
Takalon seupe hate lam bokbang
Takot meupanggang lam uruk raya
Bak raket Teunom kalom lagenyan
Piyoh rombongan bakjambo tuha
Preh liwat moto uroe rab malam
Pakri ta paban titi gohlom na
232
Troh u Meulaboh poh tujoh malam
Bandum rombongan ka puteh muka
Ban saboh ulee abee meugantang
Bajee bak badan meu ubah warna
Tamong lam karna lanja le reujang
Jak srah badan manoe meu upa
Ohka siap leugat wateenyan
Peutoe bak idang makeun bersama
Ohlheuh pajoh bu laju jak riwang
Seubab malamnyan hana acara
Bak saboh teumpat meusapat sinan
Para rombongan nyang dari Banda
Nyang kuweut tuboh yuboh cap galang
Ban saboh badan gusuk beurata
Dibanteng le moto hat bunoe siang
Sipanyang jalan hana torn reuda
Sibleh rot timu jimeusu musang
Meusu cakeuk blang uroe rab paja
Lheuh beudoh eh jak peugleh badan
Teuma ohlheuhnya ikot acara
Keudeh meusahoe nibak uroe nyan
Dalam ruangan tuha ngon muda
Bupati Barat meuhat wateenyan
Malek Ridwan pimpinan acara
233
Meusahoe Camat leu that dum keunan
Bajee seuragam buk kreung bak dada
Teungku ulama pihna geu undang
Tamah karyawan kalangan pemda
Gubernur Aceh peusaheh yohnyan
Bhah peumbangunan ka geu calitra
Hadih ngon ayat teupat geu peutrang
Asoe al-Qoran ka geuboh makna
Ka geu peugah keubhah jeumbatan
Phon jameun Jeupang troh merdeka
Sabe raket meupalet sinan
Uroe ngon malam ta kalon rupa
Hantom ta pike bekle lagenyan
Raket meureuntang rata kuala
Hana teuingat rakyat teuhalang
Oh jiba barang kabrok lam raga
Jinoe ta ubah bagah hai rakan
Alam pikeran laju ta buka
Aceh lhee sagoe lawetnyo suram
Sigra ta peutrang peu beudoh cahya
Mulai jinoe ta deungoe reujang
Cara ka silam bekle keureuja
Peumilu dikeu ta bayeu utang
Raket bak jalan saboh bekle na
234
Raket ta gantoe beusoe jeumbatan
Asai ka meunang Golongan Karya
Jalan beuluwah bek sihah meunan
Bandum na kubang tampai aseupa
Banda Meulaboh beuteumboh jalan
Konbut gampang bak ta keureuja
Raket gadoh peutimoh jeumbatan
Nyan kheuh utang geutanyoe dumna
Peng ta mita cara jih gampang
Culok beutimang bak neumboi dua
Watee peumilu ta eu disinan
Taloe ngon meunang Golongan Karya
Meunyoe talo hanco dum program
Meunyoe meunang nekmat ta rasa
Toh ta pileh hai wareh rakan
Tugah lon tuan peuteubleut mata
Pulang pike hate nyang dalam
Sosah seunang geutanyoe rasa
Dumna gata nyang ka teu undang
Inong ngon agam ingat lam dada
Ohwoe disinoe peugoe lingkungan
Peugah beureujang dumna syedara
Beudoh beusare bekle ban silam
Ta ikat pinggang peumaju bangsa
235
Aceh Barat beuthat ta sayang
Jeub Keucamatan bangunan beuna
Peulom lam gampong tulong beureujang
Ta peugot jalan bekle meupaya
Tugah geutanyoe jinoe berjuang
Beutroh anggaran sideh di Jawa
Jameun dile ta lake anggaran
Sikhan eumpang troh u banda
Ta lake siploh troh sepernam,
Gl ah keutiang han glah keu bara
Keujeut raket meupalet sinan
Peudong jeumbatan hana beulanja
Bak pak Camat harap lon tuan
Uroe ngon malam tron u desa
Meurumpok rakyat meupakat sinan
Mita jalan peumaju desa
Teuma bak gure lon lake reujang
Bandum pak imam nyang na lam desa
Neu tulong bantu teungku budiman
Rakyat lon tuan tuha ngon muda
Dalam meunasah neupeugah beutrang
Bhah peumbangunan rata kutika
Bak ureung inong bak ureung agam
Sabe neu bayang akhirat donya
236
Hudep lam donya beuna amalan
Mangat seunang akhirat teuma
Jeut ta ibadat na teumpat seumbahyang
Ija bak badan bek koto ceuma
Nyotan beulanja patna amalan
Meu ija pinggang han ek ta daya
Meunan neu peugah bagah hai imam
Bak inong agam nyang na lam desa
Yu ubah cara mita amalan
Mangat seunang akhirat donya
Seunang lam donya na asoe eumpang
Seunang komdian amalan taba
Mita reuseuki siri nyang gampang
Meubagoe ragam cara ta mita
Nyang meuniaga beuna jeumbatan
Rot jiba barang publoe u Banda
Ureueng meutani tabri beu seunang
Pade dalam blang bek keunong hama
Peutani tambak beu lagak kulam
Ureueng neulayan peuraho bak na
Meunan teungku laju neu peutrang
Bak wareh lon tuan nyang na di desa
Nyang bek tuwoe peurunoe reujang
Yutop beutimang bak neumboi dua
237
Nyan kheuh cara mita anggaran
Peunoh eumpang troh dari Jawa
Meunyoe na peng enteng pikeran
Jal an jeumbatan mudah ta puga
Leubeh peunteng beu neutem reujang
Bergandeng tangan deungon umara
Bah barang gapat meusapat sajan
Uroe ngon malam beusabe dua
Taloe ta mumat adat ngon reusam
Hadih fireuman tungkat ngon suwa
Umara ulama beuna sipaham
Mangat gampang peu ta keureuja
Aceh Barat nyang that lon idam
Beudoh peukeumang adat nyang kana
Teuku Umar Johan Pahlawan
Cok teuladan geutanyoe dumna
Dile ngon peudeung ureueng geu meucang
Uroe ngon malam geutak Beul anda
Bak jameun jinoe ta gantoe ragam
Deungon pikeran peumaju bangsa
Teungku meunasah tugah cit katrang
Peubeut al-Quran agam ngon dara
Peurunoe agama cara seumbahyang
Watee malam oh lheuh sikula
238
Seubab di Aceh leubeh bidangnyan
Awai iseulam keunoe troh teuka
Beuna ta jaga pusaka silam
Beujeut keu iman ohtroh ulua
Meunyoe hanjeut tabeut al-Quran
Cara seumbahyang meuphom pih hana
Oh watee gobyu maju keu imam
Toh siri jalan tulak le gata
Seubab jithee ileumee manyang
Aceh gob pandang teuga agama
Meunyokon jinoe peurunoe reujang
Geuneurasi datang hanjeut alehba
Nyang lon peugah bagah jalankan
Wahe pak imam nyang na lam desa
Bek sayang dudoe dum cucoe Adam
Inong ngon agam kureung agama
Ileumee agama beuna lam badan
Disampeng baknyan ileumee donya
Adab ngon Adat neu trap beu dalam
Mangatna kesopanan geuneurasi muda
Takzem keu guree meuteumee bintang
Ijazah manyang geubri keu gata
Takzem ta tamah keu yah deungon nang
Watee saboh jan geubri areuta
239
Takzem keu nanggroe barang soe saban
Pangkat manyang geubri keu jeumba
Takzem keu rakyat meuhat ji sayang
Nanggroe aman makmu ji teuka
Neuyu jak sikula beurata bidang
Ban sabohnyan troh nanggroe lua
Mangat dudoe geutanyoe berkembang
Luwah peungalaman ohwoe u desa
Nyang hana mampu laju peugah ban
Bak ulon tuan seulaku raja
Asai na utak rancak pikeran
Dana bantuan ulon seudia
Hoe nyang galak yujak beureujang
Bekna sosahan soai beulanja
Bak peumeurintah bagah bantuan
Sona keu inginan bak jak sikula
Bidang ekonomi pih geubri jalan
Bidang pertanian ngon agraria
Bidang agama pih na bantuan
Siri toh bidang pileh sikula
Mangat Aceh leubeh ceumeurlang
Ramee cendikiawan pike keu bangsa
Bek lage baroe geutanyoe suwang
Hanjeut peutimang atra nyang kana
240
Beudoh jinoe binoe ngon agam
Tajak peudalam ileume dumna
Mangat singoh ji timoh seunang
Seubab pikeran sabe teubuka
Meunyoe ileume dukhe lam badan
Talo lam kawan si umu masa
Tugah peuemeurintah geu peuhah jalan
Rakyat beu seunang dalam useuha
Peu meugrak-grak lambak pisang
Aneuk musang sijudo dua
Geupeugah haba sigala bidang
Ceuramah panyang bak poteuraja
Angen jipot kasrot seuludang
Patah keutapang bak jalan raya
Lhee jeum tempoe mupro masanyan
Bandum undangan meublek-blek mata
Baroe jituri ahli rancangan
Sigala program lua keupala
Hadih ngon ayat mangat geu peutrang
Ureueng lagenyan payah ta mita
Habeh ceuramah bagah masanyan
Bandum undangan jak seumah raja
Jakcom jaroe poe junjungan
Keupala peumeurintahan Aceh Mulia
241
Teungku imeum geukheun wateenyan
Sigo ngon salam com jaroe dua
Kamo meu ikot turot ban peusan
Ngon izin Tuhan siap seudia
Asai bak raja kana jaminan
Adat ngon reusam wajeb ta jaga
Kamoe lam gampong langsong berjuang
Kamoe peumeunang Golongan Karya
Raja Aceh teuseuheh hatnyan
Deungoe jawaban nibak ulama
Meunyoe ulama kana lam kawan
Bandum urosan payah tanle na
Dumna umatmeuhat na sajan
Uroe ngon malam deungon ulama
Hoe nyang geuyu laju jak reujang
Diateuh jalan hukom agama
habeh acara jak gisa yohnyan
Awak rombongan nyang dari Banda
Lheuh pajoh bu laju seumbahyang
Aceh Seulatan beurangkat sigra
Teubit meulaboh siluroh rombongan
Moto meureuntang jiplung meubanja
Jijak moto han leungoe badan
Kareuna jalan bandum aseupa
242
Jal an kaget jipeuget hatnyan
Hate that seunang rakyat jeulata
Hanale sosah payah pihka tan
Bak jimee barang jak meuniaga
Hana padum treb meuwet-wet simpang
Aceh Seulatan tamong lam kota
Ayah Cek Zainal kana disinan
Geupreh rombongan Dipoteuraja
Sambot Gubernur laju ngon seunang
Ateuh peulaminan geupuduk lanja
Cok buleukat leugat le reujang
Ibrahim Hasan peusijuk sigra
Peureutek ie on langsong wateenyan
Adat ngon reusam ka geu keureuja
Ohka seul eusoe peutoe bak idang
Para rombongan makeun bersama
Lheuh pajoh bu laju poh rantam
Duk meureuntang seulingka meja
Peugah ceurita sigala macam
Dum peungalaman dilee nyang ka-ka
Peujabat Bupati cit gob turinan
Nibak malamnyan peugah haba kra
Meukheum meukhak galak han ban
Peureute atasan tingkat keupala
243
Watee meusahoe ta deungoe rantam
Si gal a macam dum geu calitra
Jeum ka jula jiteuka malam
Piyoh poh rantam tamong lam karna
Ateuh peuratah peureubah badan
Nibak wateenyan lazat jiteuka
Karonya Po sidro Tuhan
Nikmat hanaban oh teungeut indra
Han ek taboh yum padum bilangan
Karonya Tuhan keumanusia
Meunyoe han teungeut azeub hanaban
Pijut ngon badan luroh anggota
Keupeu adakna areuta meukuyan
Di sampeng sajan inong jroh rupa
Watee ta eh meulapeh tilam
Troh teungoh malam han teupet mata
Ateuh bak maken na cicem nuri
Ci cem keudidi jiphoe dalam blang
Uroe pih beungoh mehmoh han sakri
Peujabat Bupati peusiap idang
Teuka rombongan keunan meuriti
Pajoh khanduri bu ka teu idang
Ohka seul eusoe jaroe geu cuci
Peusi ap diri laju le reujang
244
Keudeh bak moto sigoe geu ili
Keucik ngon waki geu ikot sajan
Moto dijak meusinthak keumudi
Labuhan Haji peudong disinan
Ban sare troh piyoh meuriti
Sambot le santri inong ngon agam
Lheuh mat jaroe peutoe kurusi
Le Teungku Nasir geuyu duk reujang
Nyang poe pasantren beuken han sakri
Teungku Nasir Waly ureung seubut nan
Warisan bak yah geu peugah rawi
Teungku Muda Waly ureueng teupandang
Ramee peungikot turot meungaji
Putra ngon putri meusahoe keunan
Watee raja teuka keumisi
Hate beureuhi han pat lawan
Kalon peumuda ceuria han sakri
Calon santri di masa datang
Ohka tamat meuhat meungaji
Watee ka ahli bak paneuk panyang
Tacok keuguru laju ta gaji
Tayu peuturi aso al-Quran
Kirem udesa jeub rata seugi
Keu guru ngaji inong ngon agam
245
Meunan teupike kande johari
Lam sanubari Ibrahim Hasan
Natreb sikeujap siat meunanti
Laju mulai kata sambotan
Nyang awai maju cit teungku Nasir
Keupala santri nibak teumpatnyan
Nyang keudua teuma Bupati
Keu basa-basi adat jih meunan
Teuma nyang keulhee teuntee ta turi
Poe Raja Nangri Ibrahim Hasan
Badan geugrak bak kurisi
Dikeu santr ka geudong timang
Awai geu oujoe sidroe llahi
Seulaweut keu Nabi junjungan alam
Laju bagah kisah geu rawi
Manfaat santri oh akhe datang
Ta deungoe kamoe jinoe hai akhi
Ulon peugah kri teuntang iseulam
Agama mulia hana peuganti
Jaminan Rabbi sipanyang jaman
Wajeb ta jaga hai putra putri
Agama suci teumpat peugangan
Jameun jinoe deungoe lon kheun kri
Era tehnologi teungoh berkembang
246
Bandum na gata ta jaga diri
Bah that barangkri bek sampoe goyang
Jeut ta kalon nonton bak Tivi
Hai putra putri nyang ulon sayang
Dilua nanggroe oh ta deungoe kri
Leupah that ngeuri dum keujadian
Adun ngon adoe hana soe turi
lage bubiri didalam padang
Inong ngon agam sinan meunari
Bajee yukensi ka teuhah badan
Bandum akibat meuhat teujadi
Oh lupa diri mabok keupayang
Keu agama hana peuduli
Bala teujadi sigala macam
Meunan cit teuma gata nyoe santi
Beu hati-hati lam pergaulan
lleume nyang na jaga bek sunyi
Malam ngon hari pubuet amalan
Watee ka tamat bak teumpat ngaji
Beudoh meungabdi ke ureung awam
Tajak peurunoe jeub sagoe nanggri
Mangat jituri hukom iseulam
Meunyoe dum gata hana peuduli
Hancoe geuneurasi dimasa datang
247
Ma-deungon ayah payah jitur i
Akai ngon budi lagee binatang
Sinoe lon harap sangat hai santri
Komdian hari beudoh jak magang
lleume akhirat that leupah suci
Adak barangkri payah soe teuntang
Ngon ileume agama ta jaga diri
Lam era tehnologi gata han goyang
Aceh ta jaga nama bek hanyi
Wahe dum santri inong ngon agam
Seulaku raja konka ta tukri
Wajeb ulon bri dum peuringatan
Seuramoe makah meugah han sakri
Citka gob turi yoh jameun silam
Tugah geutanyoe jinoe hai akhi
Tanoh nyang suci bekjeut keu itam
Habeh ceuramah seumah le santri
Beulanja geubri untuk bangunan
Hana peu panyang ta karang rawi
Maklum seundiri wahe dum rakan
Lheuh mumat jaroe poe raja doli
Beurangkat lagi deungon rombongan
Gisa u banda lanja hai akhi
Ka tinggai santri inong ngon agam
248
Troh bak peundopo moto berhenti
Pujoe keu Rabbi bandum rombongan
Ka seulamat rakhmat Tuhan bri
Katroh keumbali tanna halangan
249
Aceh Geu Keupong
Ateuh bak reuhat ulat meu ayon
Dicong bak sukon eumpung cempala
Thon lapan tujoh reuyoh jeub gampong
Ureung dum jitron agam ngon dara
Kampanye peumilu ta teupeu langsong
Seubab geupeh gong deungon reubana
Rata sagoe na beusoe panggong
Leumah meu ayon dum gaba-gaba
Ibrahim Hasan masanyan geutron
Rata jeub duson jak peugah haba
Pasukan geuba hana torn tanggong
Meu bataliyon tuha ngon muda
Aceh watee nyan sang-sang meugulong
Habeh geu keupong laot ngon rimba
Dari Jakarta pihna cit geutron
Beulanja meutong ta kalon geuba
Pak Sudharmono sidroe nyang puphon
Lheuhnyan meuron-ron laen troh teuka
Pak Dharmono keunoe rata thon
Kota ngon duson habeh geubaca
Bak Golongan Karya keutua agong
Gobnyan nyang himpon sigala dana
Rata daerah langkah geu ayon
Lam lungkiek jurong kayem geu teuka
251
Meu ulang-ulang gobnyan geurawong
Geuyu jak dukong Golongan Karya
Bekle ban nyang ka angka that jitron
Sayang that gampong bangunan hana
Bustanil Arifin Pak Him ba langsong
Jeub sagoe duson geuroe beulanja
Takalon leumah keureutah cap patong
Meugulong-gulong jok keu ulama
Keucik ngon waki geubri cit untong
Meunyoe ta suson meureutoh juta
Padum nyang pahna hana geu itong
Nyang peunteng lambong dalam suara
Pak Bus masanyan hai rakan kawom
Geu ek ngon geutron geu peugah haba
Ibrahim Hasan atasan langsong
Sabe geu tem tron asai geu maba
Marzuki Nyakman han tanggong-tanggong
Keudeh u gampong geujak meutapa
Aceh Seulatan gobnyan nyang kurong
Rata jeub gampong geu peugah haba
Yusuf Gadeng pih geu tem cit ron
Beulanja geu ron meu juta-juta
Ibrahim Risyad lipat ija krong
Geuba meutong-tong keunoe u Banda
252
Keu inong balee geume jeub gampong
Bantu ija krong deungon rupia
Hantom geu surat ingat lam jantong
Nyang peunteng lam tong asoe bekle na
Muhammad Diah Haji u Pidie geutron
Ngon ureueng gampong jak peugah haba
Rata jeub lungkiek geu puliek panton
Geu lakee dukong Golongan Karya
Laen nibaknyan peudagang geudong
Teuka meuron-ron keu u Banda
Jibri beulanja ngon puga duson
Rata jeup gampong ta kalon rupa
Ibrahim Hasan memang that muphom
Hase geu himpon tokoh bube na
Rahman Ramli nyang ahli hitong
Peng geuyue peutron bak Pertamina
Saboh dali bukti ta himpon
Aceh geu keupong meubagoe cara
Supaya rakyat mangat ji puphom
Banda ngon duson beu teubleut mata
Bekle laloe mat beusoe puntong
Limbot ija krong pip rukok suwa
Bandum geu peugoe bekdoe lam jantong
Wajeb geu tulong Golongan Karya
253
Rata kutika raja geu meukong
Beu ek na untong Aceh mulia
Puwoe maruwah meugah jameun phon
Watee mat hukom Iskandar Muda
Saboh kutika gura meulambong
Pak Naro jitron dari Jakarta
Keutua P Lhee keumbee sitawon
Di dalam geudong geu peugah haba
Uroe nyang sama teuma hai ampon
Dharmono pih tron geujak u Banda
Laen peusawat meuhat watee tron
Hoe laen jurong digobnyan geuba
Pak Naro geuba teuma bak Anjong
Keunan meuhimpon awak P Tiga
Pak Sudharmono peusaho kawom
Keudeh bak geudong Abulyatama
Bak Anjong Mon Mata hana meuhudom
Ureung ka geuron bak Abulyatama
Keunan meusapat rakyat jeub gampong
Pak Ibrahim langsong pimpin acara
Geu atoe acara bekna teusinggong
Lam seugi hukom pih hana ceuma
Ibrahim Hasan memang that muphom
Bak peu ek peutron politek donya
254
Dicong bak kayee himbee meu ayon
Ateuh bak rambong aneuk leuk kuwa
Habeh geu teuka banda ngon duson
Habeh geu peutron pasukan nyang na
Tokoh ulama nyang ka geu himpon
Rata sagoe don jak peugah haba
Peutua Adat theun jhab di gampong
Bandum ka muphom kaleuh geu aja
Tokoh masyarakat Ihat pipa bakong
Geujak peh panton Golongan Karya
Tamong beuleun peut ka geulheup panggong
Ureung meupanton saboh beklee na
Minggu teunang meunan geu puphom
Secara langsong kampanye bekna
Awak peumeurintah jipeusah hukom
Cara teuseulubong kampanye jiba
Meunan cara angka meulambong
Bak kaye rimbon beu meunang teuma
Ibrahim Hasan nyang reugam payong
Teutap geu lindong kader bicara
255
Intat Bantuan
Bak bineh pasi ili kapai parang
Jipok geulumbang iku meuputa
Ta puwoe haba teuma hai rakan
Keu Ibrahim Hasan dalam istana
Keucik ngon waki ka geubri saran
Nibak uronyan beugot keureuja
Ureung gampong geuyue ron keunan
Uroe peumilihan jak bri suara
Nyang saket tuboh hantroh datang
Antat beureujang u rumoh tangga
Bek sia-sia suara hilang
Uleh seubabnyan wajeb ta jaga
Bekna meusidroe laloe bak ladang
Inong ngon agam beu habeh teuka
Nyang wajeb pileh beu habeh datang
Bekna alasan ji peuna-peuna
Rata tingkat dua ka geuba peusan
Kalheuh geu peutrang sigala cara
Jinoe preh hase pade dalam blang
Bek sampoe runyam but tikoh seuba
Aleh peu meulaba atawa karam
Gohlom geu tuban hase suara
Uleh seubabnyan gobnyan goh teunang
Sabe lam teugang beungoh ngon sinja
257
Taloe bineh krueng ureueng meu kulam
Taloe bineh blang ureung seumula
Awai lapan tujoh katroh hitongan
Ibrahim Hasan mantong keureuja
Mantong geu teuka rata keulurahan
Jakbri bantuan rata jeub desa
Bidang agama pihna santunan
Keu teungku imam geubri cit jeumba
Rata meunasah geulangkah gobnyan
Jakbri wejangan keu rakyat dumna
Bak buleun dua haba meuguncang
Ibrahim Hasan keubiet nyoe raja
Meunan jikheun dum ureueng awam
Rata simpang jipeugah haba
Dilee baroe kan hantom na meunan
Teuka pimpinan rata jeub desa
Aceh saboh roe meubagoe ragam
Jiboh pimpinan meutuka-tuka
Hana meusidroe nyang meunoe macam
Uroe ngon malam jak peugah cara
Rata meunasah ceuramah panyang
Hadih fireuman habeh geu baca
Dum teungku sagoe sampoe teuceungang
Hana teubayang lagee nyan rupa
258
Sidroe Gubernur jeut baca Qur'an
Hana bagoe nyan peumimpin nyang ka
Rata tiep sagoe ji muproe meunan
Dum rakyat awam tuha ngon muda
Timu ngon barat got that meuguncang
Strateugi lawan hancoe bube na
PDI ngon P Lhee ka layee lambang
Eungkot dalam jang habeh ulua
Jingieng peumuda rata keulurahan
Jidong meureuntang ji sambot raja
Jidong AMPI antri bak jalan
Bajee seuragam emblem bak dada
Disampeng AMPI FKPPI saban
Deungon pakaian seuragam tantra
Peummuda Pancasi l a pihna lam kawan
Tamah pasukan karang taruna
Jisambot raja teuka kunjungan
Ibrahim Hasan geu tron u desa
Meunan sabe hana pre malam
Habeh goyang strategi nyang na
Disampeng PDI ka meuri mumang
Leubeh lom sayang awak P Tiga
Ka habeh cara ji mita jalan
Teutap awaknyan dukungan hana
259
Watee kampanye ta eu disinan
Bak Ibrahim Hasan ureueng meu keuba
Troh dari pusat hebat kon wayang
Deungon bantuan laju ka jiba
Meugantoe-gantoe keunoe teureubang
Jeub keucamatan jak peugah haba
Ureueng jitron meu hudom keunan
Bah barang gajan kampanye jiba
Bak si uroe ta deungoe beutrang
Lam minggu teunang raptoe ngon pesta
Dari peundopo peusahoe rakan
Ibrahim Hasan geutron u desa
U Lamdingen jak meuen gobnyan
Jakba bantuan keupala neugara
Wali kota ka geuba sajan
Geu meuhoi nan Baharuddin Yahya
Awak muda yoh masa silam
Lakee bantuan keudeh u Jawa
Bapak Presiden nyang teken sinan
Untuk bangunan sarana agama
Antat beulanja le raja hatnyan
Jumlah bantuan duaploh limong juta
Geu peugah haba teuma watee nyan
Di hadapan masyarakat desa
260
Nyo hadiah peuhah beureujang
Ngon hate seunang neu sambot sigra
Hadiah nyang lon ba beu rata neupham
Bek salah waham singoh ngon lusa
Dari Pak Harto keunoe geu sumbang
Keu peumbangunan sarana agama
Laen desa hana lagenyan
Troh bantuan Keupala Neugara
Desa Lamdingen beken kon wayang
Sampoe bantuan troh dari Jawa
Disinan dali bukti lon pandang
Tanda persatuan sabe geu bina
Disampeng beulanja na laen bahan
Geuyue sampaikan bak rakyat dumna
Dari Pak Harto meunoe geu peusan
Neu deungoe beutrang ulon peuhaba
Uroe peumilu laju watee nyan
Inong ngon agam beu habeh teuka
Bekna meusidroe laloe uroe nyan
Laju beureujang jak bri suara
Lhe boh gamba kana disinan
Culok beutimang toh seunang gata
Bek sampoe beukah peuhah gambanyan
Rugoe hanaban gadoh suara
261
Dari Jawa teuka peusan nyan
Liwat lon tuan seulaku raja
Bak malam nyoe sinoe lon peutrang
Amanah meunan bak lon geuyu ba
Seulaku raja keupala pemerintahan
Na laen peusan peunteng leupahna
Beuget neu deungoe jinoe beureujang
Amanah lon tuan keu tuha muda
Kalheuh ulon jak suak ngon ladang
Habeh lon pandang duson ngon kota
Rata meuseujid khatib lon tuan
Rata ruangan lon peugah haba
Aceh lhee sagoe tiep uroe Tuhan
Langkah lon layang jak kalon rupa
Lon kalon gampong jurong deungon gang
Gohlom na jalan nyang samporeuna
Seubab geutanyoe laloe ngon wayang
Rata jeub simpang lalee poh cakra
Hana ta pike meu ube labang
Siri toh jalan peumaju desa
Gotong royong ta kalon katan
Kon lagee silam bekerja sama
Naleung dum timoh peunoh halaman
Bak kayee rindang meusibak hana
262
Jinoe beubagah ubah caranyan
Bergandeng tangan geutanyoe dumna
Musyawarah meupakat ingat barangjan
Peuna persoalan pike beusama
Teungku ngon Keucik bek tatiek meunan
Si gala bidang ikot seureuta
RT ngon RW beusabe jalan
Mangat sipadan dumna keureuja
Seulaku raja konka neu tuban
Wajeb lon peusan bandum syeedara
Jinoe neu pike ngon hate lapang
Siri toh jalan bangunan beuna
Aceh saatnyoe rugoe jeub bidang
Hana peumbaharuan ta kalon rupa
Peng lam jaro geutanyo cit tan
Tapi pikeran ta ubah cara
Si deh di Jawa nyang na atranyan
Jinoe pakriban beu keunoe teuka
Beutroh beulanja meujuta kuyan
Titi ngon jalan mangat ta puga
Saboh cara na bak lon tuan
Hai dek deungon bang deungoe beurata
Mantong teu ingat meuhat yoh silam
Hana torn meunang golongan karya
263
Sabe suara hana tom manyang
Keujeut bantuan keunoe han teuka
Sabe Aceh han jiweh suwang
Seubab bangunan geutanyoe hana
Ta balek bagoe jinoe beureujang
Bah ta peumeunang nyan neumboi dua
Seubab di Jawa konka ta tuban
Nyang mat pimpinan Golongan Karya
Meunyoe geutanyoe dudoe ka meunang
Leupah that gampang mita beulanja
Seubab awak droe meusahoe sinan
Oh tatheun eumpang hana geu dakwa
Cuba neu seuot na patot meunan
Ta balek ragam bekle ban nyang ka
Politek donya beuna neu tuban
Hana hubungan deungon agama
Jiseuot rakyat leugat masanyan
Kamoe sipaham lagee kheun raja
Kamoe meuturot meu ikot sajan
Kamoe peumeunang Golongan Karya
Sidroe inong tanyong watee nyan
Bak Ibrahim Hasan sibagoe raja
Dolat ampon ulon pakriban
Lakoe lon tan aneuk karaya
264
Tamat SMA yoh masa silam
Dua thon timang hana keureuja
Peujeut neu tulong keu ulon tuan
Keu aneuk agam pakriban cara
Lon takot paloe uroe komdian
Duek bak simpang rata kutika
Hana le jithee watee ka reumbang
Laloe ngon rakan nyang sabe muda
Meunyoe ka mangat lazat disinan
Tuwoe seumbahyang deungon puasa
Kayem ta kalon bangon lageenyan
Jiduek bak simpang dum aneuk muda
Raja neu seuot ngon leumbot kalam
Neubri jawaban !aju ngon sigra
Rata daerah langkah lon layang
Jeub keucamatan habeh lon teuka
Leupah that ramee meuteumee meunan
Inong ngon agam putoh sikula
Hanle sikula keureuja pihtan
Jiteuka sayang ta kalon rupa
Cit saboh cara nyang na bak laman
Lon bri bantuan ngon jak sikula
Asai jih rancak utak pih jalan
Yue tamong reujang ho nyang ji hawa
265
Meunyoe ka luloh yoh masa ujian
Jak cck bantuan laju bak hamba
Nyan kheuh cara hana halangan
Nyang laen bidang hanjeut lon bela
Putoh haba ka jula malam
Ibrahim Hasan geutop acara
Tuha peut beudoh mehmoh masanyan
Geujak com tangan sigoe ngon geuwa
Bandum rakyat leugat jak riwang
Hate dum seunang hana ngon peusa
Teuka raja geuba bantuan
Keupeumbangunan sarana agama
Poe awak muda pihna bagian
Geubri sumbangan le wali kota
Hate geumbira hana pat lawan
Jidong meureuntang horeumat raja
Memang that ahli Ibrahim Hasan
Bak geu peutimang dum aneuk muda
Bak geu peulaio ngon cako rantam
Si gal a bidang hana rahasia
Jipot angen meuen geulayang
Watee musem blang pade ta pula
Tempoe katroh tanggoh ka meujan
Uroe peumilihan jitamong tangga
266
Liwat RRI ret TV saban
Geubri siaran hana tom reuda
Uroe peumilu geuyue laksanakan
Inong ngon agam jak bri suara
267
Uroe Peumilihan
Tangga dua ploh lhee watee that timang
Uroe peumilihan Indonesia
Akhe buleun peut kajuet catatan
Inong ngon agam jak bri suara
Ureueng dum jitron gampong ngon peukan
Nyang ka geu undang le panitia
Poh lapan beungoh ka peunoh keunan
Teuka meukawan tuha ngon muda
Ohlheuh geu catat leugat geuhoi nan
Yu tamong reujang keudeh lam karna
Lhe boh gamba citka na sinan
Siri nyang seunang geu pileh sigra
Hana soe deungoe hana soe pandang
Seubab atranyan leupah rahsia
Hanjeut ureung thee watee culoknyan
Le undang-undang geularang raya
Ohlheuh geu culok geucok gambanyan
Peutamong reujang lam tong suara
Beudoh jak gisa bekna le sinan
Kajeut geu riwang teumpat keureuja
Uroe peumilu ta tupeu saban
Nibak uroe nyan tan pre keureuja
Ohka lheuh bri su laju jak riwang
Tinggai teumpatnyan cit panitia
269
Ohka habeh tuleh hitongan
Geu catat reujang padumna angka
Habeh meuteuntee ban lhee kontestan
Meu ulang-ulang geu bileung data
Nyang salah culok pih geucok saban
Bekna keutinggalan keureutah suara
Ohka seuleusoe peusahoe sinan
Tron tanda tangan saksi bubena
Saksi PDI bri tanda tangan
Pe lhee pih meunan ngon Golongan Karya
Ohka lheuh teken peuropen pulang
U keucamtan geu baplung sigra
Keudeh meusapat meuhat awaknyan
Bandum keulurahan seureuta ngon desa
Geu peusahoe tong langsong watee nyan
Pak Camat yohnyan geu tuleh angka
Tuleh nyang talo ato nyang meunang
Baplung lom reujang u Tingkat dua
Keunan meusapat tingkat Keucamatan
Talo ngon meunang peutron lom angka
Ohka seuleusoe pasoe hitongan
Kirem laporan keudeh tingkat sa
Awak PDI sabe barang jan
Geupreh telegram bak tingkat dua
270
Sibuk bukonle PPD hat nyan
Sampoe an malam jipreh beurita
Leubeh lom gura teuma masanyan
Bak geudong manyang Golongan Karya
Peunguroh DPD hana pree malam
Peugot rancangan meubagoe rupa
Awai kampanyeu ta eu awaknyan
Meu ulang-ulang konsep geu tuka
Mursyid Minorsa nyang hana lawan
Ban sabohnyan jiteumee raba
Nyan kheuh ruda beuna ta tuban
Ureueng peujalan Golongan Karya
Hana ji piyoh jiratoh program
Bajee bak badan jareung jituka
Dalam ulee meuribee rancangan
Buku catatan manyang oh dada
Peu nyang peureulee lakee bak gobnyan
Si gala bidang leungkap na data
Lagee meusen jisalen program
Leupah that seunang nyang jeut keutua
Meunan cit bagoe uroe peumilihan
Ban saboh nyan jicatat data
Jeub tingkat dua kana watee nyan
Taloe ngon meunang laju meutanda
271
Raj a Aceh tan geuweh sinan
Ngon sabe rakan tingkat keupala
Duk poh cakra dang teuka laporan
Ibrahim Hasan mantong cok sangka
Di dalam dada na rasa bimbang
Takot han meunang Golongan Karya
Nyang ka ulikot surot hitongan
Hana tom manyang jibeudoh angka
Sampoe saatnyoe goh meusoe meunang
Seubab laporan goh habeh teuka
Nyan jeut seubab dolat junjungan
Hase telegram keudroe peunyata
Geujak pareksa angka peumilihan
Jeub keucamatan ngon tingkat dua
Hana treb tempoe dudoe nibaknyan
Ka leumah meunang Golongan Karya
Bandum angka nyata watee nyan
Ban Ihe kontestan jiteubit data
Dipoteuraja dada ka lapang
Hase peumilihan jeuoh that beda
Thon tujoh-tujoh luroh meuthimphan
Han jitem meunang Golongan Karya
Thon lapan dua sama lagee nyan
Hana cit manyang jumlah suara
272
Ureueng koh bangka rata jeub kulam
Jitot keu arang ngon geusok ija
Dua goe peumilu geu adu tunang
Sabe lam runyam Golongan Karya
Thon lapan tujoh jeuoh meulayang
Angka that manyang Golongan Karya
Limong ploh dua persen beuken hanaban
Cuma Ihe ploh nam hat lapan dua
Peumilu gonyoe sidroe Ibrahim Hasan
Aceh geuguncang na misee geumpa
Rata lungkiek gle kawe geu pasang
Rata lungkiek blang geu pasang sula
Ureueng geu peugoe bek lalo bokbang
Dawok bak reugam gamba ka tuha
Meunyoe na ustaz nyang that meumbangkang
Ibrahim Hasan keunan geu teuka
Dua goe sahoe geu cakoe canang
Ustaz ngon reujang tundok bak raja
lleume Tarikat kuat lam badan
Payah bot salam bandum ulama
273
Malam Khanduri
Di Lampuk peuduk seudati
Di Indrapuri na sandiwara
Ohka leungka pesta demokrasi
Jeub sagoe sunyi hana le subra
Golongan Karya angka that tinggi
Watee lam undi timoh neumboi sa
Partai Persatuan sayang han sakri
Kureung kurusi dalam lembaga
Meunan cit laen cutlem PDI
Gobnyan kurusi meuteume dua
Habeh useuha hana raseuki
Suara jibri keu Golongan Karya
Ohka habeh geu pileh waki
Peugot khanduri teuma le Pemda
Tanda syukuran keu Tuhan Rani
Pesta demokrasi ka samporeuna
Ibrahim Hasan undangan geubri
Yue jak khanduri bak teumpat raja
Ban lhee kontestan keunan yu ili
Hana keucuali bandum beu teuka
Watee acara ka geu mula-i
Undangan antri laju bak meja
Nyang hana teuka lanja le meuri
Bapak Razali dari P Tiga
275
Razal i Amna hana geu ili
Beungeh han sakri taloe suara
Geu peugah pesta hana demokrasi
Rakyat su jibri di dalam paksa
Ibrahim Hasan han geu peuduli
Keu Pak Razal i bah that bek teuka
Hana geu tilek ngon lisek budi
Pesta demokrasi memang si beuna
Bandum rakyat ka jimat janji
Suara jibri keu Gol ongan Karya
Gol kar meunang memang ka pasti
Kalheuh geu kaji yoh awai mula
Pak Bus masanyan kontan geukheun kri
Aceh ka pasti leubeh suara
Bapak Suharto deungoe lam Tivi
Seunang han sakri geu kalon nyata
Ibrahim Hasan yohnyan peugah kri
Nyang meunang undi Aceh mulia
Bandum geutanyoe jinoe mulai
Atoe strateugi ta bangun bangsa
Meusu musang oh malam sunyi
Su adi-adi oh watee sinja
Mumada ohnoe rampoe lon rawi
Sambong keula-i bak jilid dua
276
Neupreh Seunambong
Blah deh Laweung uteun Seulawah
Ureueng ceumeucah geu pula bakong
Ngon lapang dada beuraya meuah
Kareuna kisah disinoe puntong
Bak lon teu muleh habeh keureutah
Daweut ka bicah hanle jitem tron
Meunyoe na umu Tuhanku keubah
Haba sijarah akan ta sambong
Jilid nyang keusa mumada sudah
Nyang dua bagah laju ta suson
Jilid keudua gura that leupah
Leubeh lom indah nibak jilid phon
Sinan bandum rangkum sijarah
Lheuh baca sumpah keu raja agong
Seulaku raja keupala peumeurintah
Keurajeun luwah sampoe u gampong
Geu atoe nanggroe duroe geu pinah
Rakyat barollah bekroh teusinggong
Bak jilid dua teuma ta peugah
Rakan meutuwah neupreh lon suson
Soe hana baca jiteuka teulah
Kareuna kisah teujadi langsong
Ibrahim Hasan insan meutuwah
Geuceu sijarah bak tanoh reuncong
277
Riwayat Peungarang
Si gal a pujoe keu poe Yang Esa
Salaweut dumna keu Muhammadi
Keu ureung suson ulon peuhaba
Aneuk mit desa mangat neu turi
Lahe u donya tangga lhee ploh sa
Meunan geutanda le ma ngon abi
Buleun duablah geu peugah teuma
Peut lapan nyata thon jih geurasi
Si kul a rakjat tamat beulaja
SMP- SMA luloh lom akhi
Tanle geusambong puntong beulanja
Ayah deungon ma gasin han sakri
Nurman Syamhas ayah boh nama
Rayeuk lam desa sajan fimili
Gampong Lamdingen beukeun leupahna
Jal an Syi ah Kual a alamat meuri
Alamat teupat meuhat lorongsa
Gampang ta mita wahe dum akhi
Mudah neutuhoe meunyoe neu mita
Tuha ngon muda rame nyang turi
Thon namploh nam dalam kawan bha
Lam kota banda ganyang PKI
Angkatan nam-nam sajan seureuta
Meuputa-puta lam kawan KAPPI
279
Uroe ngon malam giliran jaga
Ngon rakan dumna sabe PM
Tamong wartawan ohlheuh nyan teuma
Jeut keu anggota dalam PWI
Thon lapan peut pihjeut anggota
Nibak tingkat sa lam KNPI
Masa Pak Wali Baharuddin Yahya
Geu pileh teuma peungurus AMPI
Jino hai sahbat seubab ka tuha
Tamong lam Golkar seurta ngon KORPRI
Disinan kamoe jinoe syeedara
Nibak tingkat sa peugawee neugri
Dalam meurawi ahli cit hana
Baroe lon cuba peusama bunyi
Koma ngon titek lon tarek sama
lleume sastra kureung meungerti
Uleh seubabnyan hai rakan dumna
Meuah beuraya keu kamoe dungi
Bekroh meukeumat akhirat donya
Bek akhe masa kamoe geu caci
Teurimong gaseh keu wareh lingka
Nyang ka neu baca kamoe po rawi
Meunyoe na nyawong mantong lam dada
Bak saboh masa meurumpok keula-i
280