AMAY NAMON

Amay namon,
Nga aada Ka sa mga langit;
Pagdayawon an Imo ngaran,
Ikanhi Mo sa amon an Imo ginhadi-an,
Ipasunod an Imo pagbuot dinhi sa tuna,
sugad san pagsunda didto sa langit.
Tagan Mo kami niyan
san karan-on namon sa ikinaadlaw;
Pagwad-on Mo an amon mga sala
Sugad san pagwara namon san nakasala sa amon;
ngan diri Mo kami bayaan,
basi diri kami pagdag-on san mga panulay,
kundi bawi-a kami sa karat-an. Amen.

MAGHIMAYA KA MARIA
Maghimaya ka Maria nga puno ka sin grasya,
An Ginoo nga Dios aada sa imo,
Gindadayaw ka labi san mga babaye ngatanan
Ngan gindadayaw man an imo anak nga si Jesus.
Santa Maria, Iroy san Dios,
ig-ampo mo kami an magpakasasala,
Yana ug sa oras san amon ikamatay.
Amen.

HIMAYA
Himaya sa Amay ug sa Anak ug sa Espiritu Santo.
Sugad sadton tinikangan, yana ug sa kadayunan
Ug sa ngatanan nga katuigan. Amen

NATOO AKO
Natoo ako sa Dios Amay nga makagarahum sa
ngatanan
Magburuhat san langit ug san tuna,
ug kan JesuCristo,
Iya bugtong nga Anak ug aton Ginoo;
Nga iginpanamkon sa gahum san Espiritu Santo,
Igin-anak ni Virgen Maria,
Iginsakit sa sugo ni Poncio Pilato,
Iginraysang sa krus, namatay, ug iginlubong,
Linusad ngadto sa impyerno,
Sa ikatolo kaadlaw nabuhi liwat,

Sinmaka sa langit, ngan nalingkod sa tuo san Amay.

Tikang didto, mabalik liwat
basi maghukom san mga buhi ug san mga minatay.
Natoo ako san Espiritu Santo,
Nga may Santa Iglesia Catolica,
Nga may pagkaangbitan san mga santos,
Nga may ikawawara san mga sala,
Nga may pagkabuhi san mga lawas
Ug may kinabuhi nga wara katubtuban.
Amen.
GINOO KO, HESUKRISTO
Ginoo ko, HesuKristo, matuod nga Dios ug
matuod nga tawo, Magburuhat ngan Manunubos ko,
nagbabasul ako nga gayud san akon mga sala
ngatanan sa bug-os nga kasingkasing ko, kay
nahigugma ako sa Imo labi san ngatanan kay Dios Ka
man. Nagtutuyo ako sin diri na pakasala liwat;
igkukumpisal ko an akon mga sala ngatanan;
naglalaum ako nga pagwawad-on mo an akon mga
sala ngatanan tungod san mahal nga pagkasakit ug
pagkamatay mo sa krus tungod sa akon. Amen.

AN MGA SUGO SAN DIYOS

1. Higugmaon mo an Dios labi san ngatanan
2. Diri mo mangngaron in panumpa san ngaran sa
Dios
3. Paglihi-an mo an mga Domingo ug an mga pyesta
nga iginlilihi
4. Tumahod ka san imo amay ngan san imo iroy
5. Diri ka pumatay
6. Diri ka makighilawas san diri mo asawa
7. Diri ka mangawat
8. Diri ka magbutang-butang in sala san imo
igkasitawo, ngan diri ka magbuwa
9. Diri ka maipa san diri mo asawa
10. Diri ka maghupol san garamiton san imo
igkasitawo

Sacramento
7 nga Sakramento
A. Sacramento san Christian Initiation
1. Bunyag (Baptism) [Katawo]
2. Confirma (Confirmation) [Pagtubo]

3. Eyukaristiya (Holy Eucharist) [Pagkaon]

B. Sacramento san Pagbulong
4. Pangumpisal (Penance) [Pasaylo/pagkahibalik]
5. Santo Lana (Anointing of the Sick)
[Pagtambal]
C. Sacramento san Pagmisyon (Vocation)
6. Pagpapadi (Holy Orden) [Pagserbi/misyon]
7. Kasal (Matrimony) [Paghigugma]