UAN M
NK A
N
ZI M
LA
I
ZIM A
ZOMI
YS IA
WGING
Weekly News
R
KU
AL
U
A LUMP
Lom 1, Hawm (24) Coming together is a success
GAM THUMNA PAI DINGTE’ THEIH HUAI THU
Nung kaal a zom
Gambeelmi-in na bukna gam ah na nuntakzia, suahna,
sihna, kitenna, kikhenna, leh innkuanpihte’ thu le la
kikhelna cihte a om leh UNHCR or OPE khat
zawzaw ah a manlang thei pen in zaksak ding thupi
mahmah hi. Ahi zongin, gam thumna vai na
khawlnop kik leh zong UNHCR leh OPE khat
peuhpeuh ah zaksak in.
Na vai pen America gam ah a om khinsate theihsak
loh hang phamawh tuanlo hi. America gam atung
khin na tanaute omna ah na tun nop leh OPE ah a
manlang theithei-in zaksak in. Na vaite hong
vaansakna vuah manlang mahmah pah ding hi. Na u
le naute’ omna ah tung hamtang ding cihna a om lian
loh hangin ahoih pen in vai hong kihawmsak ding hi.
Kidop mahmah ding khat ah tu le ta tampi neih ding
pen America gam ii thukhun tawh kituak lo hi.
America gam na tun ma-in, NGO kipawlna tuamtuam
te in innkuan khat sim ading vai hong hawmsak khin
hi. Om nading inn, inn sung vanzat, silh le teen, nek
le dawn a kisam pah dingte a tammanpen ahih loh
hangin a siangtho sinsente mah tawh hong dawntuah
ding uh hi.
America gam na tun ciangin na vai hong vaansak
ding taangmite tawh na mailam ding geelkhopna pen
thupi mahmah hi. Taangmite in gam thumna ah nasep
na ngah theih nading hong vaansak ding hi. America
ah nasep hoih ngah nading hun tampi lak kul a, nang
sep ngei nasepte tawh a kilamdang zong na ngah thei
hi. Na muh masak nasep pen na nuntakna ding hong
sik khop nasep ahih theih ban ah tawmvei sung bek
ading zong hi thei hi. America gam pan huhna piak
dan pen na omna state tawh kizui-in kilamdang hi.
Mipi khualzin nading mawtaw leh meileng te khuapi
a tamzaw ah koih uh hi. Huhna hong piak hang un
mawtaw hong leisak liang samlo ding hi. >>> Zoplai
ding>>>
OPE/DHS zum tawmvei kikhak
September 22 – Octorber 03, 2010 sung OPE leh
DHS kikhak ding ahihmanin thu dawp nuam te in
zum kihon kik ciang bek in kidawp thei pan ding hi.
UNHCR Hubs
RSD interview ki sotto to, OPE, DHS interview
kisam hak te leh reject ngah te, UNHCR uliante tawh
26/09/2010
kimuh theihna mun leh ni te:
A mun: No. 15, 6th Floor, Blk D. Sunway Mentary Court
Date: 29/09/’10 Time: 10:00am –12:00
RST pan RC kicizaw ta
RST akici gambeelmite ii gamthumna pai theih na
ding tawh kisai pen Malaysia a om UNHCR zumte in
RST Interview ci nawnlo zaw uh a, RC (Resettlement
Counseling) cizaw ta hi. RST cih lian sangin RC a cih
uh pen a kituak zaw leh, a kicianzaw ahi hi. RST
interview ciangin a sep uh pen counseling lam hi zaw
a, interview ci-in thusit ngakngakna dan zong hi
khinlo hi. Tua hi-a namneu tuamtuamte a ding in RC
pen mailam ah akizang ding hi ta hi. Ahih hangin
RST Interview cih kammal pen kizang lai veve ding
a, zumlamte’ geel danin kisem toto ding cih thuthak
kiza hi. Thu leh la kigin ding leh, theih sawn ding
athak om cihna hi tuanlo a, Resettlement Counseling
akici (RC) tawh ong laih uh pen gambel siau galtaite
adingin a hoihzaw lam hi zaw, cih thu kiza hi. RC cih
pen September, 2010 ciangin kilimzat pan a, zang
suak ding cih thu ahi hi.
Zo Ngeina Khuado Pawi leh Pasian’ Thu
Nung kaal a zom. By, Rev. Dr. Cin Sian Pau
4.Khuado pawi in, hong bawlsia thei, dawi gilo,
kau gilote nawhkhiatna pawi ahih mah bangin,
Khalam thu ah zong, ih galpa ahi, Dawimangpa leh a
pawlte, taw neilo kuam (Bottomless pit) sungah
khiasuk a, kum tul khat sung, khumcipna, kolbuh
khaukhihna tawh a kibang ahi hi. Thu-um mite kum
tul khat sung, Topa tawh amankhop laitak in, Satan
bel, kum tul khat sungmah, khumcipna thuak ding hi.
Tua hun sungin Satan in, akhem ding mi kuamah
omlo ding ahihmanin, sikkol kibulh bangzah dongin,
taang theilo, asep mel ding mahmahmah omlo, cimlua
kisa in, khuisa sa ding hi. A khem ngei bangin,
mihingte khemnuamin, ki tomtom ding hi. (Rev. 20:2, 3)
5. Khuado pawi abawl, akhaamte thupha ngah hi
a, alung uh adam mah bangin, Khalam thu ah, hih
Kha anlak pawi pen, amasa thawhkikna hi a, thupha
ngah mite ahih manin mi lungdamte ahi hi. (Great
Joy). Tua sunga kihelte nihna sihna in, neukha beek
asukkhak loh dingte ahihmanin, thupha ngah mi
taktak ahi hi. Ih tuptup, ih sawmsawm, ih
lunggulhpen Khalam thu (The desire of ages) in, hih
thu ahi hi. ( Isa. 9:3)
 6. Hih khuado pawi in, innsung, huangsunga om,
dawi leh kaute nawhkhiat, hawlkhiatna pawi hi a,
“Inn siansuahna pawi” ahi hi. Tua mah bangin,
Khalam thu ah zong, Gumpa Topa Zeisu hong paikik
ni cianga dingin, a kiging kholsa aa ih om theih
nading, sunglam mawhnate nawhkhiat, hawlkhiatna
pawi ahi hi.
Tua sunglam mawhnate in: “Hoihlo ngaihsutna,
numei tawh mawhna, mi’ sum gukna, mi thahna, mi’
zi tungah mawhna, huaihamna, gitlohna, mi khemna,
kihhuai deihna, e’nna, mi gensiatna, kiphatsakna,
mawktatna” ahi hi. Tua in, ih Topa Zeisu dawn
dingin, a kiging kholsa a ih om ding, hong phawksak
hi.
7. Tua ban-ah hih Khuado pawi in, “Kum khen
pawi” zong kici a, khua hun khat leh khat kikhenna
ahi hi. Tuk hun bei-in, Phalbi hun hong tung ding hita
hi. Tua mah bangin Khalam thu ah, Leitung bei hun
(World’s end) etsakna hi a, nikhat ni ciangin, hih ih
tenna leitung hun bei tadinga, thu-ummite in, nuntak
tawntungna mun luah tading hi. Hih leitung mangpha
khak tading hi. Sihna natna, dahna kahna, khitui
luanna, lungzuan khuangaihna leh anduh gilkial
dangtakna a om nawn lohna “Munthak, Vanthak leh
Leithak” (New Heaven and New Earth) aluah ding ih
hihna zong hong phawksak hi. (Rev. 21)
Tua ding in, haksa pipi, neilo pipi-in, Khuado pawi a
hahbawl mahmah ih hi hi. Khuado pawi hangin,
Zomite innkuan khat, pum khat ih hihna hong
khangsak henla, Khuado pawi hong tunsimin hih
thute a phawktel thei tek dingin, Topa’n thupha hong
pia ta hen.
Khuado Tuukpeng kidemna om ding
Malaysia aa om Zomi te in kum sim aa ih neih ih Zo
ngeina Khuado pawi muakna in Zomi Khuado
Tuukpeng kidemna om ding hi. Khua/innpi kipawlna
pan (soccer team) in ading thei ding ih om leh a
manlang theithei in ZIM zum ah sazian nong puak
nadingun kong zasak uh hi. – ZIM sport team
UNHCR – CDU leh Community Leaders Meeting
September 24, 2010 (10:00a.m-12:00p.m) ni in
Chinese Assembly Hall ah a (9) veina CDU leh
Community Leaders Meeting kinei thei hi. Brittosia,
CDU makaipi nu in CDU leh SPF kilamdanna
gencianna leh mai lam ah kalsuanzia ding genna hong
nei hi Meeting ah thulupi 3 tawh kisai kikup nawina
kinei a,
1. Mikang pau sinna (English Class)
Tu ciangciang mikang pau sinna mun 8 ah kihong
khin in, a kipan thei ding a om aa leh sangsia ding,
NGO tungtawnin hong zonsak dingin tentan hun sung
80% akah te zawhnalai (certificate) kipia ding hi.
26/09/2010 ZIM Awging Lom 1, Hawm 24
2. Khangno Kigawmtuahna Mun (Youth United
Center)
Hih khangno kipawlna ah kum 13 – 24 ciang kisang
hi. Amun: Wisma Pudu Emas, Jalan Sungei Besi.
Mai lam ah UNHCR – CDU & Community Leader
meeting kha simin kinei toto dinga anuai a bangin
gelkholna kinei pah hi.
 October : Mobile Registration
 November : IOM (sisit khit gam 3na len
ding ngak sung theih huai thute kikupna)
 December : COU (Code Of Conduct)
CDU makaipi te: Britthosia-Head, Joanne-Focal Point
CDF makaipi pawl: Merry Uappi-Youth Coordinator,
Khan Cin-Social Issues, May San-Single Mother &
CRC Shelter, Thang Lian-Literacy Classes
Note: CDU=Community Development Unit
CDF= Community Development Facilator
۩۩۩Nasep۩۩۩
1. Vasa leh bilpi khawina ah mi 2 kideih
 Amun: Damansara
 Khasum: 900
2. Japan ansai ah numei 5 kideih
 Amun: Subang
 Khasum: 900
 Omna pia, an pia
3. Furniture setzung ah mi 8 kideih
 Amun: Sungei Buloh
 Khasum: Nitha 40 (nai 12 sung)
4. Hardware sai ah sai ngak ding
 Amun: Kuantan
 Khasum: 950 – 1000 kikal ngah ding
ZIM nasepna tawh kisai contact no. 016-697 4343
Van mang kimu (Lost & Found)
Jalan Choo Cheng Khay ah tawh
bom khat kimu in, anei ih theih
leh ZIM zum ah hong la hen….
Zomi Innkuan Malaysia office: No. 27 A, Jalan Ga Jus
Off Jln Loke Yew 50460 KL. Phone: 03-9222 0595
Mobile: 014-223 9498, 014-735 9124, 010-262 6780
ZIM Awging email zim.mly@gmail.com pan suakta
takin ki ngah thei hi