ZIM AWGING
Weekly News
Lom 2, Hawm (44) Restoring Hope, Rebuilding Lives
OPE pan kikan
Name DOB MY No
Nang Khan Cin 14/02/1970 06 MLS 02898
Phone: 016-375 4450, 019-215 4814
Khua: Kawlpi
Sisit ding: 14/02/2011 contact ki ngahlo
Name DOB MY No
Lun San Cing 01/05/2000 08 MLS 03926
Tentan kah ding: February 14 – 18, 2011
Name MY No
Thang Suan 115223
Zomi Innkuan zum/ Phualva Housing
February 09, 2011 ni-in Zomi Innkuan zumlui No. 27
A, Jalan Ga Jus pan in, zum thak mun No. 17 4th
Floor ( C ), Jalan Choo Cheng Khay, Off Jalan
Maharajalela, KL ah kituah ta hi. Zum nasep masuan
te a ngeina mah bangin kizom toto hi. Zumlui ah kum
khat dektak (Kha 11 sung lian) kalsuanna sangin
tangzai zaw sem dingin sep leh bawl ding ngimna
geelna tampi ih nei aa abeisa hun sangin mipih tawh
kizopna zong kiallap zaw sem dingin ih lemen hi.
Zomi Innkuan zum thak in Phualva Housing tawh kop
kawm ding ihhih mah bangin anuai bangin sep ding
bawl ding geelna te ih nei hi.
 Uham mikang pau sinna (Adult English
Speaking Class). Phone leh min sazian ki pia
khol thei ta hi.
 Zomi te ih tuntun na gam ah ih pianpih
kampau/ lai leh ih ngeina te mangthang lo-in
kepcing theih nadingin Zolai leh Zo ngeina te
hilhna leh sinna zong kinei ding hi.
 Thong sungpan UNHCR in lakhia in belh ding
neilo te in zan giakpak theih nadingin zong ih
vaihawm ding hi.
 Khua/ Innpi kituahna leh thu kikupna in zong
kizangh sak ding hi.
 Khual gamla (gtn: Penang, Ipoh, JB…) pan in
UNHCR zumpi ah appointment neite zan ki
tam kholh thei ding hi.
13/02/2011
Zum thak leh lutangpi thak
Zum thak lut zawh ni masa ni Februay 10, 2011 ni-in
Zomi Innkuan Lutangpi leh Coordinator athuah
khawm Sia Mungsan thadawn ding leh thakhek
dingin Zomi Innkuan Lutangpi ding ZIM – EC in
picing takin teelna kinei aa Dr. Cin Sian Pau in ZIM
Lutangpi dingin teelcing hong ngah ahihmanin ki
lungdam mahmah hi.
UNHCR – Youth United Centre ah CDU
makaihna tawh Limsuaih sinna kinei
February 12, 2011 ni in, CDU pan in YUC ah
khangno te limsuaih kisinna leh baang tungah
limsuaih kisinna 9:30 am – 5:00 pm sung kinei in
Zomi Innkuan pan khangno makai Tg. Paupi zong va
kihel thei hi.
The 63rd Chin National Day leh the 10th
Refugees Day - Malaysia
Ani: 20th February, 2011
Ahun: 10:00 am – 6:00 pm
Amun: Chinese Assembly Hall
Tukum 63 veina Zomi Nam Ni pen CRC leh ACR in
kum dang tawh kibang lo-in UNHCR Malaysia in
gambeel minsanna ngah theih nading lam hong
sialsak zawh Kum 10cinh pawipi tawh gawmkhawm
in bawl ding hi. Ih theih ding leh theih huai thu
manpha tampi ki gen ding ahihmanin ih pai man
nadingin ih hunte geelkhol ciat ni.
Pawi hun sungah: UNHCR zumpi ah Zomi te in
gambeel minsanna ih ngah theih nadingin lampi aphul
masa peen mimal 4, 5 na om in tua te sung pan Pa
Bawi Lian Mang (CHRO) leh UNHCR zumpi pan
ulianpipa in thuvuii sunna hizongin, thu tomno genna
COBEM leh Local NGOs: ACTS, Tenaganita,
Suaram te aa kipan gamthu ah makai pawl ahi CHRO,
CNC leh CNF pan in Chin National Day Statements
sim/ genkhiatna nei ding uh hi. Hih pawipi pian zawh
nadingin sum leh bei ding khempeuh CRC in panla
ding (Main Sponsor) aa CRC card tawi leh a tawi
ngei khempeuh in lucky-draw tawh a ki thuah pah
donation slip dal khat teh RM 5 ta tawh maa kipang
khawm thei lai hi. CRC zum ah Chin National Day T-
Shirt khat ciangin RM 25 ta tawh ki ngah thei hi.
 Vandaitui lo nasepna pan anpal lak masakna
Februay 10, 2011 ni-in Zomi Innkuan palai te in
Vandaitui lo nasepna ah va hawh in, lo nasem te tawh
holimna leh mailam nasep zia dingte zong kikupna
nei thei bek tham lo-in, anpal te kaih khopna zong nei
thei kawm pah uh hi. Vandaitui lo pan aa piang anteh
begah te pen chemical a kihello eklei (organic) bek
kizangin a ne te adingin cidam huai mahmah
ahihmanin mipih te tung mah ah man ol thei penpen
in kihawm khia toto ding ahihmanin adeih te in Zomi
Innkuan zum tawh nong kizop kholh nadingun kong
zasak khol uh hi.
Vandaitui lo ah ankam teh leh benang lawhna
Lo nasem pawl ZIM palai pawl
Zomi Innkuan zumpi pan man-ol takin hawmkhiatna
Zomi Computer Center(Zomi Setkhuak Pilsinna)
A vengveng ah kituah kawikawi Zomi Computer
Pilsinna pen tulaitak aa kisinna mun Wangsa Permai
pan asin thei ding a om nawnloh ciangin mundang ah
kituah kik ding hi. Alem penpenna mun ah tuah kik
tading ihhihmanin asin thei ding mi lom om ih om leh
Zomi Innkuan zum ah sazian nong piak kholh
nadingun kong zasak khol uh hi.
Zomi bup tungah 90% Human Right omlo
2009 – 2010 sungin Zogam phualsik in Johns
Hopkins University, Physician for Human Right pan
Professors te thu kan khiatna, Dr. Chris Beyrer in a lai
ten na khat ah anuai aa bangin gelh khia hi.
Zogam ah (Galkap te hangin 2009 – 2010 kum sung)
1. Human Right discrimination 1768
2. Galkap te in mipi thahlupna 6
3. Mi mang thang 29
4. Sim mawh bawlsiatna 23
5. Nu/pa lung kituaklo pi aa hihna 17
Ref.: Oo Wei Journal Feb. 2011
13/02/2011 ZIM Awging Lom 2, Hawm 44
Nasep !!! Nasep !!! Nasep
1. Ngasa khawi-na ah pasal pawl khat kideih
 Amun: JB, Khasum 1,100.00
 Nasep hun: Ni khat nai 12 sung
 Omna pia, Anpia
2. Mawtaw sawpna mun ah zong pasal 2 kisam
 Amun: Seremban, Nitha 25
 Nasep hun: Ni khai nai 8 sung
 Omna pia, Anpia
3. Plantation, Jahor Bahru ah mi 100 val kisam
Nasep hun: Ni khat nai 8 sung, nitha 30
OT omden, Omna pia, An pialo
Dahpihna
Lailui khua Pa Pau Thawn Dal @ Dalbawi leh Nu
Niang Lawh Nuam @ Nuamtom te tapa Tg. Anthony
Thang Sian Hau (Ni 17) in 10/02/2011 ni-in a lei
nunna nusia ahihmanin Puchong han phual ah aluang
hawm 12/02/2011 ni-in lei ah kivui hi. Anusiat anu
leh pa tawh kibangin ih dah khawm hi.
Zomi Innkuan Malaysia zum thak
ZIM zum thak zuat dan ding lahna gamlim:
 KL Kota Raya pan meileng LRT Masid Jamid
or Plaza Rakzat pan buta khat na Hangtuah LRT
Station ah tuak ding, Hangtuah buta pan UN paina
lam zuan ding,
 KL Kota Raya pan khe tawh: ZAM zum khen
lian taklam aa lampial ah tuaksuk ding, Jln Choo
Cheng Khay natunsuk teh veilam ah kawi phei ding,
 KL – Cheras, Cheras - KL bus tawh, ACR bus
stop or Time-square ah tuak ding, Pudu thongpi lui
gei Jalan Hangtuah dung zui pheiphei ding
ZIM Tawh kizop na ding: Office: 03-9222 0595
E-mail: zim.mly@gmail.com