CHANCHINBU ENKAWLTUTE

Editor : Chanchinmawia (9615820416) Jt. Editor : Lalnunsanga Fanai (9862120903) News Ed. : K.Lalremsiama, H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXII

Vawi : 50 Tahrik Ni : 15 Pawltlak thla (December) 2013 Phek 4

TAR KA LO NIH HUNAH CHUAN

Phek 3

CHRISTMAS- ENGNGE AN SAWI

LAWRKHAWM
Lusun
Pi Vanlalengpuii Sailo (77), Vanpa Sect ion chu Dt 18.12.2013 (Nilaini) Dar 12:00 am khan Thisen sang avangin a boral a. Lusun chhungte Palai Editorial Board-in kan tuarpui tak meuh meuh a ni.

Lawmthu Sawina
Kan Branch-in khawlai kan cheina atan hian kawng hrang hrangin tanpuina kan dawng a. Hetiang hi kan tanpuina dawn dan leh a petute an ni : 1. Thingpui : a) Nl.Zoremi
b) K.Zirlianthanga c)R.Pachh unga d) Pu Thanga (Mapeki Store) 2. Pawisa : a) R. Lalbiakzuala - Rs 2000 b) Pu Manga -Rs 200 c) Vengthlang VC - Rs 10000 d) Pu PC Lalrinngheta-Rs 500 (S/o PC Darngaia) e) Pu LalhmingmawiaPachuau Rs 1000 f) Pu Zoremthanga Chalngeng - Rs 1000

BRANCH EXECUTIVE COMMITTEE NEIH A NI

Ni 22 Pawltlak Thla 2013: Dt 17.12.2013 (Thawhlehni)

Heng sum leh pai bakah hian heng mite hnenah hian lawmthu kan sawi tak meuh meuh a ni. 1) Pu Saia 2)Pu Zarzoliana Sailo 3) Tv B.Lalrammawia (Frooty) 4) Pu C.Lalrammuana (Chhang) 5) Pu Hualdingpuia (Rawng) 6) Pu Rualthankhuma (Sawhchiar min siamsak) 7) Pu C.Chawngruma JCB 8) Pu C.Lalawmpuia JCB

Tanpuina Pe Dawn
Vengthlang Branch KTP chuan an Kumpuan Midang Tanpui Uar denchhenin heng a hnuaia mite hnenah hian tanpuina an pe dawn : Champhai Home hrang hrang, District Hospital Champhai, Nl. Zonunthari (Davida Team) Kolasib bakah Vengchhunga vohbikte thlan chhuah te hnenah Krismas thilpek pek an tum bawk. Ni 21.12.2013 (Inrinni) hian Vengthlang Branch chuan an Kumpuan bawhzuinan A duh apiang In turin Thingpui leh a hmeh a thlawnin an sem bawk dawn.

Zan khan Pu F Lalrinmuana inah kumin chhunga Vengthlang Branch YMA Executive Committee hnuhnungber neih a ni a. He committee-ah hian member 31 an kal thei a. Kum 2014 Branch YMA hruaitu thlan dan tur an rel a ni. He committee hi Branch President Pu F Lalrinmuanan kaihruaiin Pu C Vanlalnema, Branch Adviser-in hunserh a hmang. Kum 2014 chhunga Branch YMA hruaitu thlan dan chungchang an rel a. Inthlan hun atan Dt 27.12.2013(Zirtawpni) zan ruahman a ni a. A hmun atan YMA Run an ruat nghal a, programme kimchang chu Branch OB kutah an dah a. Branch OB thlan hi YMA Dan Bu tlawhchhanin buatsaih a ni ang a, official nominate nei lovin floor atanga nomination siam tur a ni a. Post by Post a inthlangin post khatah nomination pathum zel a siam theih ang. Heng mite hi inthlanpuitu atan an ruat nghal : Returning Officer : Pu C Vanlalnema Recording Secretary : Pu F Lalfamkima Polling Officer : Pu HS Vanlalfakzuala Pu RC Zahlira Pu PC Zohlira Pu C Lalhnunpuia Inthlan zan hian Branch Report, Section Report leh Branch Finance Report te pek nise an ti bawk. Branch Committee-ah hian Krismas leh Kumthar hmalakna tur langsar tak tak Security leh Decoration chungchang pawh tarlan a ni a. Security hi theihtawpa hmalak tum mek a ni a, C Denga Colony kawt vela ruihlo ngaite leh a zuartute awm thin pawh ngaihmawh a ni a. Tin, decorotion hmalakna report pawh Decoration Chairman Pu C Laltanpuia hnen atangin ngaihthlak a ni a. Kalkhawmten an hmalakna chu fakawm an ti hle a ni. Committee-ah hian damdawi kheh avanga ensan tawkte hnen atanga ngaihdam dilna lehkha lo lut ngaihtuah a ni bawk a. Mahse tuna ngaihtuaha thutlukna siam mai theih niin an hre lo a ni. YMA palai semtute chungchang pawh ngaihtuah a ni a, an lawmman tur pawh sawikhawm nise an ti.

Welfare thuchhuak
Awmpui veng Welfare Committee chuan thuchhuah siamin Awmpui veng chhungah Krismas leh kumthar thlamuang taka hman a nih theihn nan an duty thin dawn a, an welfare huam chhungah hian bengchheng siam leh ruihtheih thil tih phal a ni lo tih tarlangin, hetiang tilui an awm a, man an nih chuan na taka action lak nghal an tum a ni. Rahsi veng welfare committee thuchhuak angin veng chhungah zuruih, bengchhen, buaina siam leh rukruk khap tlat a ni a. A tilui man an awm a, an chunga harsatna a thleng a nih pawhin, sawi buai theih a ni lovang.

Lo Haw
Mizoram Legislative Assembly member atana kan bial atanga thlan tlin kan Branch mi leh sa Pu TT Zothansanga chuan nimin khan Champhai a rawn lut a. Kan Branch chuan lawmpuina pangpar kan lo pe a. A ni hi Parliamenntary Secretary niin LAD, Horticulture a chang ang. A ni hi kum hmasa lamah pawh nasa taka kan Branch tana sum leh pai leh ngaihtuahna lo thawhtu a ni a, hetiang dinhmun a luah thei hi kan chhuangin kan lawmpui tak meuh meuh a ni.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalfakmawia, Lalawmpuia, CB Lalbiakdika, Saidingliana, Vanlalchhuanga, ZD Zorinpuii, ZD Lallawmzuala, Lawmsangzela, C. Vanlalhriata, Lalruatpuia, Lalrindika Neuva Section :Vanlalzuia, Freddy-a, Vanlalruatzela, C. Lalrinthianghliama, Lalhminghlua, Lalbuatsaiha Khuangchera Section : Lalruatsanga, Henry Mawia, Omeg Lalremthanga, Lalzomuanpuia, Rotluangpuia, Malsawmsanga

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

Mizote Krismas kum 100-na (2012)

-B.Lalthlangliana (source:mizoarticle.blogspot.in)

Kumpui lingleta kan lo nghah tawh Krimas hunpui chu kan thleng leh dawn ta a, kumthar lawm turin min hmuak bawk si. Veng chhung mipuite Krimas chibai ka buk a che u. Kar kalta kha dawra sum a chhuah hnem ber a ni ngei awm e. A lang thei lama inbuatsaihna kan kalpui tha a, huau huau leh sahawkna veng turin kan che chhuak leh zung zung tawh bawk a, tunah chuan ralmuang taka hmang turin a lang thei lo lama inbuatsaihna kan kalpui a hun tan ta hle mai. He kutpui hi a lang theia hmanral atan chuan a uiawm lutuk, a lang thei lo lama hlawkna chhar thei turin inruahman ila a fuh ngawt ang mawle. Krismas hi chuan boruak rit tak hi a kengtel hrim hrim a! Nuam tak ahman kan tumna hian phurrit min siam ta niin a lang. Hei hi paihbo a nih theihna tur chuan kan inbuatsaih dan hi thlak ila, a lang thei lama insengso lutuk lo hian a pawimawh chin chauh ngaihtuah tel ila, khawvela Krismas nuam ber kan hmang theiin a rinawm. Engpawh nise, kan chin dan leh kan lo hman dan hi chu vawilehkhata han tihdanglam theih a ni lova, a pawimawh ber chu he hunpui hi thianghlim takin hmang ila, hlimna hun a nih angin chhungkuaa hlimna atan hmang ila a dik a ni mai

Khawvela krismas hmang hmasa bera hriat Rome khawpuiah kum 336 (AD)a an hman atanga kum 1567-na kum 1903 khan Mizoram Kristian tlemte chuan an lo hmang tan ve a. Hei hi a chhinchhiah tlak ve hle a, kum 100 a lo tling ve ta reng mai. Hetih lai hian Mizoramah kristian 36 emaw chauh an la awm a, ziaktu thenkhat chuan 125 vel awmin an sawi thung. Biak in an la neih loh avangin Aizawla hmeichhe sikulah an hmang a, Zosaphluia te, Zosapthara te, Khuma te, Khara te, D.Thianga te leh chutih laia sikul naupang zinga kristian naupangten an hmang hlawm. Inkhawmah hian Zosaphluia leh Zosapthara ten thu an sawi nghe nghe. Zaipawl intihsiakna na nei a, 'Tlangval Zaipawl'te, Dala ho 'Naupang Zaipawl' te leh Thanga ho 'Tleirawl Zaipawl' te an ni a. Dala ho 'Naupang Zaipawl' in lawmman an dawng. An intihsiakna hla chu, kum 1902 vela a phuah; Mizo kan nih lawm ilang-in, Kan hnam that-na thu zawng zel-in, Thil tha-in kan ram ti-mawi-in, Mizo lawm teh u! tih hla hi a ni a. Intihsiak nana he hla an thlang kher hi eng nge a chhan ni ang le? Heng hun lai hian Kristian Hlabu hmasa ber, hla 18 chuanna 1899 khan a chhuak tawh a. Kum 1903 hian bu 2-na, hla 81 chuanna (a bu 1-naa hla 18 telin) a chhuak tawh bawk a, hla 81 lai Kristianten an nei tawh a, Krismas lam hawi hlate pawh an nei tawh ngei tih kan hria a. He 'Mizo kan nih lawm ilangin' tih hla ber kher an thlan chhan hi, he hlain a sawi tum leh a awmzia te hi naupang rilruah tuh a, an thenlenpui atan thun ngei an duh lian hle niin a lang. Tin, hemi tum hi Zofate zinga zaipawl intihsiakna hmasa ber a ni ta bawk. Mizoram Kohhran leh pawl hrang hrnagte hian Silver Jubili te, Golden Jubili leh Centenary lawm kan uar hle a. Mahni khaw bil Jubili lawm chenin kan hmaih ngai lo a tih theih a. Mahse he Mizoten Krismas kum 100-na hriatrengna siam emaw, lawm emaw erawh hi chu tuman kan sawi ri lo a ni awm e, kan reh vung vung hlawm mai. Mizoten Krismas an hman hmasak ber 1903-ah hian bawng an talh a, ruai an theh a. Mission Sap ho erawh chuan an theh ve lova, a hrangin an eiho thung. Tin, zaikhawmna an nei lem lo bawk. Kawlram Mizote chen tamna ber Tahan khawpuiah chuan 'Mizote Krismas kum 100-na" hi bawng 2 leh vawk 3 talhin ruai ropui tak nen an lawm a, 'Souvenir' mawi tak, Krismas lam hawi thu ziak leh Krismas hla zir chianna thu ziak chhiar manhla tak tak a chuang a, a duhawm hle. A huaihawttu chu 'Literature Circle, Tahan' an ni a. Anniho hi Kawlrama Mizote zinga Thu leh Hla lama hnarkaitu ber leh nung tha tak a ni. Kohhran, Pawl hrang hrang leh Khaw bilte hian Jubili kan lawm thin a, kan la lawm zel dawn bawk a. A hlimhlawp zawng leh a nuam lam ngawt ngaihtuaha programme duang lovin, ruai ringawta buai hek lovin, khawtlang te, pawl tan te leh mipui tana tangkai tur, hmasawnna tha leh ngelnghet buatsaih nan hmang thei hlawm ila, thil tangkai tak a ni ang a, thangthar lo la awm zelte tan hriatreng tlak kan hnutchhiah thei dawn a. Chutiang lam hawi chuan ngaihtuahna hmangin tha leh hun hmang thei hlawm ila, a duhawm hle ang. Mizoten Krismas kum 100 kan hman ve kum 2003 pawh hi, a hlimhlawp bawl zawng leh a huau huau ngawt a ngaihtuah lova, hlimawm tak, mahse sual leh bawlhhlawh tel si lo; nuam tak, mahse hautak lutuk lo zawng leh buaina tel lo, mi tinten zalen leh hlim taka kan hman tlan theih zawngin hmang ila, a duhawm hle ang. Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, Ramluahpuia, R. Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

Leader Asst Leader

YMA ADVISER
Pu RC Zahlira ; Pu C. Vanlalnema ; Pu F. Lalfamkima ; Pu HS Vanlalfakzuala

:Tv Lalremruata :Tv Christopher Chawngthanmawia Secretary :Pu V Laldinthara Asst Secretary :Tv Lalramzauva Chawngthu Treasurer :Nl Helen Lalramsangi Fin.Secretary :Pu PC Lalngaihtuahkima

VANAPA SECTION

YMA Thuvawn : YMA chu tanpui ngaite tanpuitu a ni

BOXING DAY
-Sawmtei Pa

I hria em ?
@ Krismas putar hian sazuk 8: Comet, Cupid, Dasher, Dancer, Prancer, Vixen, Donder Blitzen a nei. @ Christmas tree sang ber chu kum 1950 khan Seattle Washington-ah siam a ni a, feet 221 a sang a ni. @ Krismas hmingchawi thliarkar pahnih a awm a, Christmas Island (for mer ly Kiritimati) Pacific Ocean a mi leh Christmas Island Indian Ocean a mite an ni. @ Naupangin mawza an khai a, a harh zualin lungalhthei chauh an dawn thin hi Italy atanga chin chhuah a ni. @ Jingle Bells hi James Pierpont in 1857 a a puah a ni a. A tira a ruahman danah chuan Thanksgiving Day atan a ni. @Twelve Days of Christmas ah hian thilpek 364 a awm. @ Kum zabi 18 atang khan Krismas a cheina atan hian mombati hman tan a ni. @ Electric Christmas tree hi kum 1895 atana hman tan a ni. @ Christmas card-a Robin sava lem chuang hi kum 150 kalta kha chuan fiamthu atana hman thin a ni. Card sawi takah chuan Mizoram hian engtik atang khan nge Christmas card hi kan hlamchhiah tak le? A va ngaihawm si em! @ Victorian hunlai khan sa ei lo an tam hle a, Christmas chhang, Mince pie an tihah hian bawngsa telh a ni teh tlat thung! @ Christmas Carol hi kum zabi 13na hma kha chuan Kohhrana lakluh a ni ngai lova, a ching chhuaktu chu St.Francis of Assisi a ni. @ Mawz a kh ai kha a r aw n chhuahna bul chu Holland ram atangin a ni. @Bible-ah hian van zaipawl an zai kan hmu a, Angel an ni kher em tih erawh engmah sawi a awm lo!

Mizote pawh hian kan hmelhriat ve ta viau mai, mahse a awmzia leh a nihphung diktak hi chu kan la hre meuhlo niin a lang. Rinthuin kan la sawikhawm vel mai mai thin. A nihna takah chuan a hming phuah chhuak tute ngei pawh hian a tobul diktak hi chiangfak a sawi tur an hre biklo. Inhnialna chawkchhuak tu liantak pakhat a ni. An sawi danah chuan kum 1500 AD velah khan The Church of England te chuan christmas dawn leh a ni ah biakin a kalte lakah thawhlawm bawm an hung thin a, tichuan christmas tukah chu bawm chu hawngin mi rethei leh harsa te hnenah an sem thin a, chuta tang chuan Boxing Day hi a lo piang ta ani an ti. Sawidan dang lehah chuan hetih hunlai vek hian chhiahhlawhte leh hnathawktu ten an pute hnen atangin a hnathawh that man present, christmas box tih chu an dawng thin a, he ni ah hian chawlh phalsak thin an ni a, an chhungte hnenah haw in an present box chu hlim takin an hawng thin a, chuvang chuan he december ni 26 hi Boxing Day ti a koh zui a ni ta a ni. A pawmawm ve ve a, khawinge dikzawk erawh chu tunthlengin hriat a ni ta lo. Chiang em em erawh chu he Boxing Day kan tih hi infiamna boxing nen hian inkungkaihna pakhatmah a nei lo. Tichuan hetianga kalchho zel hian Boxing Day chu ram hrang hrang United Kingdom, Canada, Hong Kong, Australia, New Zealand, South Africa leh Commonwealth Nations ram thenkhat ten an pawm chho zel a, December ni 26 chu National holiday ah puan a ni ta zel a, a lo irhchhuah dan chihnih cu pawmtlang vek mahse ram hrang hrangte an duhdanin an siksawi chho ta zel a ni. South Africa chuan kum 1994 atang khan Boxing Day ti tawh lovin Day of Goodwill tiin an vuah a, Ireland-ah chuan St. Stephens Day (Christian martar hmasa ber Stephen-a hmingchawiin)tiin an vuah bawk. Europe ram thenkhat Germany, Poland, Scandinavia leh Netherlands te chuan Second Christmas Day an ti thung. Ram hrang hrangah Boxing day hi traditional Sports kan tih hun atan hian an hmang nasa hle. United Kingom-ah chuan English Premier League, Scottish Premier League, Irish Premier League leh Division hnuai lam hote, Rugby League chi hrang hrangte khelh nan an hmang nasa hle. A tlangpuiin Boxing Day-ah hi chuan khaw thenawm inhnaih te te inkhel turin rem an ruat thin. A chhan chu Christmas tuk chiah a player-te leh Fans te away game khel tura hla tak tak an zin a ngaihloh nan a ni. Britain-ah hian Horse racing lamah pawh King George VI Chase a awm thin a, Surrey hmun a Kempton Park Racecourse ah an intihsiak thin. Horse racing lamah chuan Cheltenham Gold Cup tih lohah chuan an ngaihhlut ber a ni nghe nghe. Australia leh South Africa ah te pawh Cricket test match pawimawh tak tak khelhnan an hmang thin. Ice Hockey tan pawh ni pawimawh tak a ni, IIHF World U20 Championship chu december ni 26-ah tan a ni thin a, chutiang bawkin Spengler Cup te pawh. Boxing Day nen a inkungkaih tlat pakhat leh chu Hunting a ni leh a, ram hrang hrangah an uar hle. USA-ah te pawh College Basketball pawimawh tak tak khelhnan an hmang ve tan tawh nia. Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

NEUVA SECTION
Leader Asst Leader Secretary Asst Secretary Treasurer Fin.Secretary :Tv Lalpekliana :Pu Lalrobula :Tv C Zorammuana :Tv Lalrammawia :Pu Biakremtluanga :Tv F Lalhruaitluanga

TAITESENA SECTION
Leader Asst Leader Secretary :Pu H Zarzoliana :Pu T Daniala :Tv Lalhmachhuana Fanai Asst Secretary :Tv Lalrinawma Treasurer :Nl H Ramengmawii Fin.Secretary :Pu H Lalrammuana

KHUANGCHERA SECTION
Leader Asst Leader Secretary Asst Secretary :Pu C Zonunpuia :Tv Lalawmpuia Sailo :Pu C Vanlalpeka :Pu Lalthangmawia Kawlni Treasurer :Nl Lalruatkimi Fin.Secretary :Pu Zohmingthanga

YMA Kumpuan : Ram Leh Hnam Humhalh

Lawrkhawm
Krismas rawng awmze hrang hrang:
A hring: A hring rawn chhuahna hi thlasik khawvawt vin taka hnim hring la awmte, hmasang hunlai atanga tawha in chhunga an lo lakluh thin, tun thlenga kan chhawm tak zel entirna hi a ni a, tuna kan cheinaah chuan Holly, Ivy leh Mistletoe te a ni a. Hetihlai hian Roman ho chuan hnim hring hi vanneihna inhlanna angin an lo inpe tawn thin bawk. A hring sawi hi chuan Christmas tree a lang nghal a, hei hi hmanlaia an lemchan, atanga rawn chhuak niin he lemchan hi Eden huan chungchang a ni a, Nunna thingah hian far hmangin a rah atan apple an hmang a, heta tang hian christmas tree hi a rawn chhuak ta a, Germany atangin England-ah lakluh a ni a, khawvel pumah a darh chho ta a ni. A sen: Kan sawi tawh ang hian a sen hi chu Christmas tree atang hian a rawn chhuak a, hei bakah hian Holly berries, a sen leh a hring hi Kros-a thisen chhuak entirna a ni. A sen hi St.Nicholas-a puithiam kawr rawng a ni a, Santa Claus in a rawn chhawm veleh chiah bawk. Rangkachak rawng: Rangkachak hi chu ni leh eng rawng anga ngaih a ni a, thlasik laia min tilumtu ber a nih avangin hemi entirna hi a ni a. Chu bakah chuan Isua pian khan Khawchhak mifingte khan thil hlu tak an hlan a, hei hi rangkachak anga lantir niin arsi an zui kha rangkachak rawnga lantir thin a ni bawk. Rangkachak rawng aiah hian silver rawng pawh hman zauh zauh a ni. A var: A var hi chu thianghlimna entirtu a ni a. Chubakah chu vur tla a entir bawk a, hei vang hian White Christmas te pawh a lo chhuah phah nghe nghe a ni. A pawl: A pawl hi Isua nu Mari entirna pakhat a ni a. A pawl hi hmanlai chuan rangkachak rawng ai chuan a to zawk a, chuvang chuan lalchhungkaw rawng ang deuha ngaih a ni a, Mari khan kawng pawl a ha anga lantirna kan hmuh chuan mak tih loh tur, hei hi a lalchhungkua anga entirna a ni. A pawl hi van rawng a ni bawk a, hetiang atan hian hman a ni.

AK-47

Krismas halpuah:
Halpuah hal hi keini ramah chuan kan khap ta a, vaiho chin dan ang ti pawl kha kan awm a. Mahse a ni lo, Krismas-a halpuah hal hi chindan than a lo ni ve hrim hrim a. Mahse keini chuan kan bansan tan tawh! A hal pawl nih hi a changkang tawh lo! Krismas halpuah hi England atanga rawn irh chhuak a ni a, chithlum siamtu Tom Smith chuan kum 1845-1850 vel khan rawn siam chhuakin chithlum ang deuh hian siam chhuah a ni a. Hei hi France-a a han hmuh chhuah niin England-ah a chaw lut a, a tirah chuan hralh a kal vak lo. Halpuah hi 'cosaques' tih a ni thin a, Tom-a thih hnu hian a fate chuan a sumdawnna hi enkawl chhovin a fate zinga mi Walter hian a siam puitling ta a ni. England lal chhungkuain an hman hnuah phei chuan a lar khawp mai. Kan hriat tur erawh chu halpuah hi China ram atanga chhuak a ni a, Krismas halpuah bik erawh hi chu England atanga chhuak a ni tih hriat a tha. Han sawi belh ta zel ila, Advance Christmas leh Advent Christmas chungchangah hian inhnialna a tam a, Advance Chirstmas hi chu Krismas lo hman lawk tihna a ni a. Advent Krismas hi chuan Krismas hma Pathianni vawi li leh Krismas kar hi a huam a, chunmi hunlai sawina chu niin Advent Christmas hi chu hman a har maithei! Advent tih hi Latin tawng atanga lak niin 'lo thleng tur' tihna a ni awm e. Hei hi Krismas-a inbuatsaihna hun sawina atana hman a ni deuh tlangpui a. Krismas puala thil tih kan siam dawn a nih chuan Advance Christmas hman hi chu a dik zawk ang, in lak dangdaihna chi a ni lo!

Pu Mamuan, decoration hnatlang hi kumhlui thlahzan thleng nuai teh ang u, keini tan chuan heng bak hi enjoyment a awm chuang lo. - Ramzauva leh mathantea JAssam atanga an lo haw kim meuh chuan zanah mi kawmkar velah Facebook account password indil a inchhuih keuh keuh a ngai ve tlat - Sangpuii, Airtel J Kumthar atang chuan Seventh Day(vawksa eitho) ah in leh mai ka duh, an chezia leh hmel a dik tlat. - Zoliansanga Pautu, K Sec. J Krismas hi chua nuam hrim hrim...bazar hunlai atang tawh hian a nuam hrim hrim. - Richard, V.Sec J Krismas hmanpui tur tih leh ar kan tur tih te hi chu a ho lutuk. Meihawl bag khat awm sela a tawk a ni mai. - FK-a, N.Sec J Pasal neih kum a va han thleng teuh tawh tak em.... - Forever Young

Zanin Inkhel tur Southampton (7:00 pm) Spurs Swansea (9:30 pm) Everton Tuesday, 24 December Arsenal (1:30 am) Chelsea

YMA Palai Editorial Board chuan veng chhung mipuite Krismas chibai kan buk cheu a, he hun lawmawm tak hi mitin tana malsawmna a nih theih nan duhsakna kan hlan a che u.

Published, Edited and Printed by Chanchinmawia for and on behalf of Vengthlang Branch YMA