Professional Documents
Culture Documents
MALAWM NI
NINGPAWT NINGHPANG
HKRISTAN
KARAI MASA
Numhtet Ga
Ga Hpaw
Laika Man
1
4
8-24
25-58
25
28
KA LAJANG AI,
Lahpai Awng Li
(B.Sc (Q), M.Div, D.Min, Ph.D)
30
42
50
52
79
82
84
85-105
85
86
89
90
92
94
96
100
104
106-112
106
106
108
109
110
6. Satan a lam
I. Satan nga ai lam
II. Satan a npawt nhpang hte shingra maka
III. Satan a marai hkum atsam
IV. Satan hpe jeyang ai lam
113-121
113
114
115
119
122-141
122
126
132
137
178
178
179
181
184
190
192
242
244
NUMHTET GA
Jinghpaw Wunpawng sha ni Hkristan tai wa ai gaw
lahkawng tsa ning maga de ni kahtep wa tim, Hkristan
makam masham hte seng ai laika ni hpe tinang a amyu ga
hte ka lajang da lu ai lam n nga ai daram rai nga mali ai.
Myen ga, English ga hte ka da ai laika ni hpe sha shamyet
let, tinang a Hkristan makam masham a lam sharin la nga
ga ai.
Ndai zawn rai nga ai aten hta, Sara kaba Rev.
Dr. Lahpai Awng Li hku nna NINGPAWT
NINGHPANG HKRISTAN KARAI MASA laika
buk hpe ka lajang shapraw dat ai gaw, Jinghpaw
Wunpawng Hkristan hpung masha ni a matu nachying
kabu hpa rai nga mali ai.
Lu ka, chye ka nna, ka ai hku sha mu mada ai hku
n re sha, kaja wa ra kadawn, hpang gara nga ai hpe
jahpring ya ai hku hkam la mai nga mali ai. Miwa ni,
Korea ni gaw, jau jau kaw nna, Karai Masa laika ni
(Theologies), Chyum Htai Laika ni (Commentaries) hpe
shanhte a ga hte gale, shanhte a ga hte ka lajang la rai ma
sai hpe mung mu lu ai.
Anhte kaw, tinang a ga, laika hte Hkristan makam
masham a lam ni hpe ka lajang ai masha n nga ai daram
mung rai nga mali ai.
1
GA HPAW
Ndai laika buk dip shapraw lu ai majaw, shawng
nnan Yehowa Karai Kasang a chyeju hpe shawng
shakawn shagrau nngai. Ngai hpe shangai chyinghkai bau
maka dat ai chyinghkai nu yan wa, Hpt.Sara Lahpai Awng
Gam hte Sarama Kai Raw, hpe mung na chying wa chyeju
dum nngai. Dakkasu hpaji, chyum masa hpaji ni sharin
hkaja ai lam hta ja gumhpraw hku garum shingtau ya lai
wa sai Sarama Maraw Hka Tawm, Sarama Maraw Htang
Yun, (Sut Du Hpauyam Yaw San hte jan), Hpt. Sara
Lahpai Htoi Naw + Sarama Htawshe Nyoi Yong, Sarama
Kaba Lilian Hka Nau, jinghku jingyu ni hte, Jinghpaw
Wungpawng Hkalup Hpung Ginjaw (KBC), Tokyo
Kachin Baptist Church (TKBC) ni hpe mung na chying
chyeju dum ai lam ka masat da nngai.
Hkristan asak hkrung lam gaw Karai Kasang a
mungga hte hkrung nga ra ai re. Karai Kasang a mungga
gaw chyoi pra ai Chyum laika rai nga ai. Kaga ninggawn
tawa nga yawng danghta hku Karai Kasang hpaw shadan
dan ai lam ni yawng mung chyoi pra ai Chyum laika hta
ru di npawt tawn nna htai la yang she teng man jaw ang ai
hku chye na hkawn hkrang la lu mai ai re. Chyoi pra ai
4
Lahpai Awng Li
KARAI MASA
I. Ga Hpaw
Dai ni anhte a nawku hpung ni hta Karai Masa
(Theology) ngu ai hpe atsawm n chye na ai majaw, nkau
mi gaw hkrit hpa hku shadu nga ma ai. Karai Masa
(theology) a ahkyak ai hte manu dan ai hpe n chye na shi
ai majaw, akyu kaja ginlut ai lam ni, su hprang galu kaba
wa na hta chyana nan nga ai lam ni anhte a wuhpawng
hta byin pru nga ai. Kaja wa nga yang Karai Masa
(Theology) gaw, Hkristan hpung masha shagu a asak
hkrung lam hte, nawku hpung a magam bungli yawng a
asak gindai rai nga ai. Kam sham ai hpung masha langai
(sh) nawku hpung hte seng ai wuhpung wuhpawng langai
gaw, ndai mungkan hte nga yawng dang hta a ntsa, tinang
a amyu htunghking ntsa gara hku mu mada chye na hkap
la ai ngu ai hte,kaning re ai sasana magam bungli ni gun
hpai ra ai ngu ai lit ni hpe masat ai lam ni yawng gaw,
Karai Masa (Theology) kaw mahta nna daw dan ai re.
(THEOLOGY)
NGU AI
nga nga a hka, shara ndai kaga n rai, Karai Kasang a nta
hte sumsing lamu a chyinghka lam rai nga a hka gaw!(N.N
28:10-22), ngu nna Karai Kasang dai shara hta nga nga ai
lam, shi hpe bau sin makawp maga na, ngu ga sadi jaw
nga ai Karai Kasang rai nga ai lam, shi myit sawn sumru
lu ai, chye na hkawn hkrang lu ai hpe tsun shapraw dat
wu ai. Dai sha n-ga, dai Karai hta shawng lam asak hkrung
lam hte seng nna ga shaka da let matut asak hkrung ai re.
Dai nan Yaku a Karai masa (theology) rai nga ai.
Dai majaw Karai Masa (Theology) gaw, Karai
Kasang a lam, hpan da ai lam, Hkye hkrang la ai lam ni
etc., hpe tinang gara hku chye na ai, hkap la ai, myit
mada kam sham ai hte, asak hkrung lam hpe gara hku
gaw gap nga ai, ngu ai lam ni hpe myit sawn sumru ai
(sh) tam sawk sagawn ai (sh) bawng ban ai (sh) tsun
shapraw ai (sh) ka shapraw ai lam rai nga ai.
A. Biblical theology
Ga shaka Dingsa hte Ningnan hta ka da ai tengman
ai lam ni hpe madung dat nna laksan laika ka ai wa hte
laksan prat ladaw ni hta mahta nna (eg. The Prophetic
era or Johannine theology) Karai masa ni hpe sawk tam
hkaja ai lam re.
10
11
B. Historical theology
Hkristan ni a makam masham hte myit sawn sumru
lai wa sai lam ni hpe labau hta mahta nna hka ja ai karai
masa re.
C. Dogmatic Theology
Denomination (sh) a theological movement hku
nna, tsun sharin gaw gap da ai makam masham hte seng
ai masa hpe hkaja ai Karai masa re.
D. Philosophical theology
Hkristan makam masham hpe myit sawn ning
chyoi hpaji (Philosophy) ladat hte tsun sang lang ai lam
ni hpe hkaja ai Karai masa re.
E. Practical theology
Ta tut sasana bungli hta jai lang nga ai Hkristan
hpaji lam, hpung woi ladat lam, mungga htawn ladat lam,
yu lahku lakawn ladat lam ni hpe hkaja ai Karai masa re.
F. Systematic theology
Doctrinal or constructive theology ngu mung
shamying ma ai. Hkrang masa hte hkrak rai shachyaw ai
Karai masa re. Karai Kasang a lam hte, Karai Kasang
galaw nga ai magam bungli ni hte seng nna chye lu mai ai
lam yawng hpe gumhpawn let, shingdaw yu ai, sawk
sagawn yu ai, dai hpang hkrang masa hku hkrak shachyaw
la nna jai lang ai Karai masa re. Chyum laika ting kaw na
tsun mayu ai lam madung, hpan da ai mungkan shingra
tara ni hku nna Karai Kasang madun dan ai shingran,
laksan mabyin masa hku Karai Kasang madun dan ai
12
17
na nna dai hpe kam sham ai, hte why hpa majaw dai
hku kam sham ai ngu ai sawk tam masa hku myit aru
mahtai shapraw ai (reflect) hte shaleng dan ai (express)
lam rai nga ai. Dai hku hkrang masa hte hkrak teng man
jaw ang ai mahtai hpe chye na la nna, asak hkrung lu ai
gaw makam masham hpe grau grau ngang kang shangun
ai hte Karai Kasang sharawng awng ai shinggyim masha
(sh) shinggyim wuhpawng grau grau tai wa shangun lu
nga ai. Dai majaw theology gaw, Yaku lamu kasa hte
shana tup gamu anut nna shaman chyeju kaba hkam la ai
zawn, Karai Kasang a shaman chyeju lu la ai hte Karai
Kasang a mungdan gaw gap ai hta shang lawm lu ai ni rai
hkra, galai shai ai ginra masa (changing context) hta hkan
nna, dingyang dakring dalang n-gun dat shakut shaja ai
lam rai nga ai.
18
19
20
21
nga ai. Dai lam ni hku nna, chyum laika hta tsun da ai
Karai Kasang a lam hte, mungkan hte shinggyim masha
hpe hpan da ai a yawshada ai lam ni, Karai Kasang a
hkye hkrang la nga ai lam ni hpe chye na hkawn hkrang
la lu ai lam ni yawng gaw, anhte a Karai Masa (theology)
rai nga ai.
Dai majaw, dai ni anhte a nawku hpung ni Karai
Kasang a lam hte seng nna gara hku chyena hkap la kam
sham nga ga ai, dai hta mahta nna nawku hpung ni kaning
re ai sasana magam bungli ni galaw nga ga ai, Karai Kasang
a chyeju hta kaning re ai shawng lam shingran hte anhte
ndai mungkan hta pra nga ga ai ngu ai lam ni nan anhte a
labau hkring htawng hte mahkrum madup ni hta mahta
nna Karai Kasang hpe chyena hkap la kam sham lu ai lam
ni rai nga ai. Dai nan anhte a Karai masa (Theology) re.
Matut nna, mung masa, sut masa, shinggyim nga pra masa,
shingra maka masa, makam masham masa lam amyu myu
hta jahten sharun hkrum, lachyen ginhka hkrum, n tara ai
hku dip sha roi rip hkrum ai lam ni yawng kaw na lawt lu
na matu Chyum laika ningmu hte jaw ang ai, ngwi pyaw
simsa ai, tara rap ra ai teng man ding hpring ai lam ni nga
wa hkra sawk tam hkaja, shang lawm shakut shaja ai lam
ni yawng mung anhte a Karai Masa (Theology) hpe matut
gaw gap nga ai lam ni rai nga ga ai.
22
23
X. Ga Hpungdim
Hkristan langai (sh) nawku hpung hte seng ai
wuhpung wuhpawng gaw Karai Masa (Theology) ngu ai
hpe chye na tim, n chye na tim, asak hkrung lam gaw,
hkam la ai Karai Masa lam yan langai ngai hta mahta nna
gaw gap nga ai ni hkrai re. Dai majaw, tinang a Karai
Masa (theology) hpe atsawm sha chye nna, asak hkrung
lam hpe gaw gap ai rai yang she, Karai Kasang a lam,
nga yawng danghta hpe hpan da ai a yaw shada ai lam,
Karai Kasang a hkye hkrang la ai lam, tinang a shinggyim
asak hkrung lam hte tinang hkawm sa wa nga ai pan
dung ni a lam, hkrak tup chye na hkawn hkrang lu ai re.
Ndai mungkan gaw galai shai lawan ai mungkan re. Dai
majaw galai shai wa ai mung masa, sut masa, shinggyim
nga pra masa ni hta hkan nna mung Karai masa hpe matut
gyin shalat mat wa ra ga ai. Dai gyin shalat la lu ai Karai
masa hta mahta nna hkrang shapraw asak hkrung yang
she, Yesu tsun ai sagu ni asak hkrung lu na hte nhpaw nya lu la mu ga (Yawhan 10:10) ngu ai Karai a shaman
chyeju hte hpring ai asak hkrung lam hpe, anhte Chyurum
Wunpawng sha ni tup hkrak hkam lu la na ga ai.
KARAI KASANG
A
LAM
(THE DOCTRINE OF GOD)
24
25
akyu n rawng ai ngu ai baw arai ngu ai hpa mung nnga ai.
Dai majaw nga yawng danghta gaw shi hkrai shi byin pru
wa ai n rai, yaw shada lam hte hkrak rai shachyaw da nga
ai majaw, dai hpe hpan shalat jum tek ai Master designer
(Karai Kasang) nga ai ngu ai hpe hpaw shadan dan nga
ai (Sh.K 8:3-4;19:1-4).
26
27
Dai gaw chyoi pra san seng ai npawt kaw na pra hkrat wa ai ni
re ngu ai sakse rai nga ai. Dai rai nna, Karai Kasang a hkrang
29
F. Deism
Shinggyim masha hte marai hkum hku matut
mahkai ai Karai ngu ai n nga ai ngu kam ma ai. Karai
Kasang gaw mungkan nga yawng danghta hpe hpan shalat
ngut ai hpang, shinggyim masha hpe mungkan hta nga
pra shangun tawn da nna, shi gaw shinggyim masha hpe
jahka da let kaga san rai nga mat ai Karai she re, ngu kam
ai makam rai nga ai. Dai majaw ndai hku kam ai ni gaw
Karai Kasang gaw grai tsaw, grai hkik hkam ai shara kaw
nga ai ngu ai hpe kam tim, hpan da ai mungkan hta nga
nga ai, shinggyim masha ni hte rau nga let bau sin makawp
maga nga ai Karai hku n kam ma ai.
dan nga ai. Wenyi hku nga nga ai wa re majaw shi kaw
lamu ga jarit ngu ai n nga ai, shinggyim masha masat da
ai (sh) galaw da ai shara kaw sha nga ai baw mung n re.
Karai Kasang gaw mungkan a aten ahkying (time) hte
lamu hpungtang, shara gang bang sumsing hpat wat
(space) hta grau jan (beyond) ai wa re. Dai majaw Karai
Kasang gaw jarit masat masa (sh) masat tawn da ai lam
(limit) n nga ai wa she re. I Kor 24:39 Wenyi gaw ashan
hte nrut nra n lu ai lam tsun nga ai. Karai Kasang gaw
hpa baw arung arai, ahkrang ashan sumla hte mung n
mai shabung ai.
30
31
32
34
(God is Immutable)
Karai Kasang gaw duhkra ladaw, ahkying aten,
byinda masa hta hkan nna galai shai ai wa n re, hkum
tsup kup ai (perfect) hte grin nga ai wa re. Karai Kasang
a arawng sadang ni (Shk 102:26, Mk 3:6, Esaia 1:12),
hpung shing kang ni (Roma 4:20), yaw shada ai lam ni
(Shk 33:11, Esaia 46:10), ga sadi ni (II Kor 1:20), tsawra
myit hte matsan dum lama ai myit ni (Shk 103:17) gaw
galoi mung galai shai ai lam n nga ai sha ding grin, grin
nga ai.
(5) Karai Kasang gaw mai kaja dik ai wa re (God is
good)
Karai Kasang gaw shi mai kaja nga ai lam hpe
tsaw ra ai hte mung (Esai 63:9, Ehp 4:30), n-gaw n-wai
35
myit hte matsan dum lama ai hku nna mung (Eph 2:4, I
Pet 1:3, Shk 102:13, 103:17, Esaia 55:7, Yaku 5:11),
shaman chyeju jaw ai hku nna mung (Ehp 1:6, 2:7; I Pet
4:10; 5:12), shinggyim masha ni hpe madun dan nga ai.
36
37
man nga ai rai nna, myit masin hpe kabu shangun ya nga
ai. Yehowa htet da ai ga asan apra rai nga nna, shinggan
myi sha hpe jahtoi ya nga ai.
Yehowa a tara dara ai ga teng nga ai rai nna, ahkum
ara ding hpring nga ai nga tsun da ai. Dai majaw Karai
Kasang gaw hkum tsup ai hte ding hpring ai wa rai nna,
shi a ga hte hkang da ai tara ni hpe madat mara ai ni
yawng hpe mung ding hpring wa shangun nga ai re. Bai
nna Karai Kasang a hkrung nga ai lam gaw shi hkang da
ai tara hte maren hkrung nga wu ai. Yeremia 9:24 hta
Karai Kasang shi nan ding hpring ai hku madun dan ai
hte maren shinggyim masha ni ding hpring na hpe
sharawng awng ai lam tsun da nga ai.
39
(b) Lak san akyu ara (sh) chyeju jaw ai lam (Grace)
42
43
(3) Shinggyim hkum hkrang dagraw ai (the Incarnation):Karai Kasang gaw Yesu Hkristu hku shinggyim hkum
hkrang dagraw ai hte shinggyim masha ni hpe Shi a lam
ading tawk hpaw shadan dan ai re. Hebre 1:3f hta shi
(kasha) gaw Karai Kasang a hpung shingkang a
ningchya hte, shi a gawng shingyan a hkrang sumla
rai nga ai rai nna, shi a mungga atsam hte yawng
49
mayawng hte hpe bau sin da ai. Yawhan 14:9 hta Yesu
tsun ai ngai hpe mu yu ai wa gaw Wa hpe mu yu ai,
dai re ai mi, Wa hpe anhte e madun dan mi, nga nna
hpa rai tsun a ta? ngu Yesu tsun nga ai.
51
52
53
54
55
hta nye Wa nga nga ai mung, nye Wa hta ngai nga nga ai
mung (Yawhan 10:38)) ngu ai ga ni hku nna Kawa Karai
Kasang hte langai sha re lam tsun dan nga ai. Mahte
13:41 hta Karai Kasang a lamu kasa ni hpe shi a lamu
kasa ni hku; Mahte 12:28,18;14,24; 21;31,43 hta Karai
Kasang a mungdan hpe shi madu ai hku; Marku 2:8-10
hta Karai Kasang sha mara mai raw dat ya ai hpe Shi nan
Karai hku mara raw dat ya ai hku; Mahte 25:31, 24;30;
Marku 14:62 hta, nga yawng dang hta hpe jeyang na wa,
up hkang nga ai wa hku nna Karai hte maren re hku, tsun
madun nga ai.
Yawhan 20;28 hta Thomas gaw Yesu hpe nye
Madu hte nye a Karai ngu nna tsun ai. Esaia 9;5 hta
Yesu hpe shading nna tsun ai kaw, daru magam Karai
wa, htani htana kawa, ngwi pyaw ai madu ngu Karai hku
tsun da nga ai. Lahta na lam ni yawng hpe ginchyum dat
ai shaloi Yesu hte Karai Kasang langai sha re ai hku anhte
hpe hpaw shadan dan da nga ai.
56
57
YESU HKRISTU
A
LAM
(CHRISTOLOGY: DOCTRINE OF CHRIST)
58
59
ai ngu Yesu a nga nga ai lam gaw htani htana re ngu tsun
dan nga ai.
60
61
lam tau hkrau myihtoi ga tsun da ai lam rai nga ai. Dai
hpe Mahte 1:23 hta kahtap ka da nga ai.
2. Yesu A Sasana
Esaia 61:1 hta Yehowa a Weyi Yesu a ntsa e du
nna namman chya ya ai hte matsan mayan ni hpe kabu
gara shi ga hkaw tsun ai, gyit hkang sharen da hkrum ai
ni hpe shalawt ai, myi kyaw ai ni hpe myi bai mu shangun
ai, sasana bungli galaw na re lam myihtoi htoi da nga ai
(Luka 4:18-19 hta dai lam rawng ai).Esaia 53:4 hta machyi
62
63
65
A. Docetism
AD 70- 170 lapran nawku hpung ni hpe Yesu
Hkristu a lam shut shai ai hku hkan sharin achyin ai hpung
ni rai ma ai. Docetic ngu ai gaw bung ai zawn san ai
(to seem, to appear, to look like) ngu ai lachyum re.
Shanhte a makam hta Yesu gaw tsa lam shadang hpring
tup Karai Kasang re ai majaw shinggyim hkum sai shan n
nga ai. Yesu a shinggyim hkum gaw shinggyim hkum
majing n re. Shinggyim hkum zawn san ai she re.
Shinggyim masha zawn kawsi hpang gara ai lam ni, yawn
hkyen ai lam ai, kabu ai lam ni gaw kaja wa n re. Jahpai ai
lam she re. Shinggyim masha zawn shadan ai sha she re.
Dai majaw Yesu wudang hta jam jau hkam ai, si hkam ai
68
69
B. Gnosticism
Gnostic nawku htung gaw Greek myit sawn
ningchyoi hpaji (philosohpy) ni hte, kaga nawku htung ni
kaw na kaja dik ngu ai ni hpe lata la nna, Gnostic nawku
htung ngu masat la ai re. Dai hku nna, kaja dik ai nawku
htung byin wa mai ai ngu hkam la ma ai. Gnostic nawku
htung ni law law nga ma ai. Langai hte langai mung shai
hkat ma ai. Rai tim, yawng wa bung ai makam ni gaw:
Jum lu, hkra lu, mu lu ai hkrang rai (mungkan hte
mungkan e nga ai arai) ni yawng gaw n kaja ai, wenyi sha
kaja ai, ngu kam ma ai (spirit is good, matter is evil).
Dai majaw Karai Kasang gaw wenyi rai nga ai hte
maren, ndai mungkan ga hte nga yawng dang hta hpe
hpan da ai ngu ai gaw n mai byin ai. Hpa majaw nga yang
ndai mungkan gaw jum lu, hkra lu, mu lu ai hkrang rai
(matter) rai nga ai majaw n kaja ai. Mungkan gaw n kaja
ai majaw, dai n kaja ai arai hpe hpan hpajang ai wa mung
n kaja na re. Karai ni gaw wenyi hte nga nna, kaja ai ni re
ai majaw n kaja ai mungkan hpe hpan ai gaw n mai byin
ai, ngu kam ma ai.
Karai a kasha shinggyim hkum shan dagraw ai ngu
ai gaw n mai byin ai. Hpa majaw nga yang, Karai Kasang
gaw san seng chyoi pra ai, dai majaw chyoi pra ai Karai
gaw n kaja ai n san seng ai mungkan hte galoi mung n
kayau ai sha san san nga ai baw she re ngu kam ai.
70
71
72
73
74
75
C. Ebionite Teaching
AD 170 daram kaw nna paw pru wa ai makam re.
Ebionite ngu ai ga hkum gaw Hebre ga Ebyon ngu ai
ga kaw nna shalat la ai ga rai nna, lachyum gaw matsan
mayan masha (the poor) ngu ai lachyum re. Yesu gaw
Karai n re, masha majing she re ngu kam ai ni rai ma ai.
Ndai makam gaw Karai Kasang gaw langai sha re ngu
ai Yuda ni a makam kaw na hpang wa ai makam re. Shayi
hkawnsek kaw na shangai wa tim Yesu gaw Karai majing
76
D. Arianism
Arius (AD 320) mying ai wa gaw, Kawa Karai
Kasang langai sha htani htana nga nga ai wa rai nna,
Yesu Hkristu hte Chyoi Pra ai Wenyi gaw htani htana
anga nga ai Karai n re. Kasha gaw hpa mung rai n nga shi
ai shaloi hpan da hkrum ai wa (Christ was created out of
nothing as the first and greatest of all creatures, and that
he in turn created the universe), hpan da ai yawng
mayawng hta grau hkik hkam ai hte shi kaw nna she
ninggawn tawa nga yawng danghta nga wa ai re. Kawa
Karai Kasang hte rau, nga yawng danghta hpe Kawa Karai
Kasang hpan shalat ai shaloi kasa langai hku shingdep
shingtau ai wa re. Dai majaw Kawa Karai Kasang hte
hpan da ai hkrang tara masa a pran wan wa ( lapran hta
hpareng lajang ya ai wa) hku nga nga ai wa re. Chyoi pra
ai wenyi mung Kasha Karai kaw na paw pru wa ai she re
ngu sharin wu ai.
77
E. Apollinarianism
AD 381 daram hta Apollinaris mying ai hpung kawa
a sharin achyin ai lam kaw nna paw pru wa ai makam re.
Yesu hta shinggyim masha ni hta nga ai machye machyang
(nous) hte wenyi (pnessma) n nga ai. Yesu hta Karai Wenyi
(pneuam) sha rawng nna, dai wenyi gaw hkum sai shan
hpe ka-up bunghkup da nga ai. Dai majaw Yesu a
shinggyim hkum sai shan gaw Karai shingra maka (divine
nature) hte langai sha hku galung ai (integrity) lam n nga
ai. Yesu gaw shinggyim masha ajet n re {Greek myit sawn
ningchyoi Plato wa tsun sharin ai shinggyim masha ajet
gaw hkum hkrang (body), myit masin (mind), hte wenyi
(spirit) masum pawng nna hkrung nga ai re ngu ai makam
masa hta n pawt de ai re}. Karai a nyan atsam (Logos) a
hpung shingkang ka-up ai hpe hkam la lu ai wa she re
ngu kam ma ai.
F. Nestorianism
AD 431 ning daram hta Constantinople mare na
hpung kawa Patriach Nestorius wa sharin achyin ai lam
kaw nna, ndai makam hpang wa ai re. Yesu hta Karai
shingra maka hte shinggyim shingra maka lahkawng rau
nga nga ai lam gaw hkum hkrang (body) hte shingra maka
(nature) hku nga nga ai n rai; myit masa (moral) hku she
rau nga nga ai re ngu tsun sharin wu ai. Dai masa hpe kam
79
80
81
82
C. Hkawhkam
Ningpawt Ninghpawng 49:10 hta Meshia gaw Yuda
lakung hta na paw pru na rai nna hkawhkam zawn daru
magam hte up na lam tsun da nga ai. Magam tingnyang
hte htani htana hkawhkam hku up ai wa re (II Samuela
7:16). Gumlau hpyen ni hpe awng padang dip lu ai hte
shanhte a ntsa up nga ai wa re (Sh.K 110; Isaia 9:6-7;
Dan 7:13-14; Mikha 5:2; Zahkari 9:9; Mahte 22:41; 25:31;
Luka 1:31-33; Shingran 1:5;19:16).
83
LAM
(PNEUMATOLOGY: DOCTRINE OF
THE HOLY SPIRIT)
85
dum nna, Shi a wenyi hte shi a nsoi nsa dawm la kau
ai rai yang (Yoba 34:14).
ai hku jai lang jang Chyoi pra ai Wenyi hpe bai dawm la
kau ai hpe mung mu lu ga ai ( I Samuela 15:24). Dai
majaw Dawi gaw Na chyoi pra ai Wenyi ngai hta na
hkum dawm la ya e (Sh.K 51:11) ngu akyu hpyi ai re.
88
89
D. Wan (fire)
Bra garan ai wan shinglet zawn re ai mung, shanhte
kaw dan pru nna, langai hte langai a ntsa e jung nga
ai (Kasa 2:3).
E. Namman (oil)
Samuela gaw Shawlu a baw hta namman chya ya ai hte
hkawhkam shatai ai lam gaw, Israela ni hpe woi awn na
matu Shawlu a ntsa Karai a Wenyi shadu ya ai kumla rai
nga ai (I Smuela 10:1).
F. Dazik (seal)
Chyoi Pra ai Wenyi gaw dazik dawk shakap ai zawn
kam sham ai ni a kraw lawang hta shanu nga ai (I Kor
1:22; Ehp 1:13-14; 4:30).
G. Hka (water)
Ngai hpe kam sham ai wa gaw, chyum laika
hta tsun ai hte maren, dai wa a kraw lawang hta na
asak hkrung ai ntsin a hka nu lwi pru nga na ra ai
(Yawhan 7:38).
90
91
H. Nbung (wind)
Nicodemus galai shai wa ai hpe sang lang dan ai shaloi,
Yesu gaw Wenyi hta shangai ai hpe nbung hte shingdaw
nna tsun dan wu ai (Yawhan 3:8).
manga sha nye a myit hte grau nna tsun mayu nngai (I
Kor 14:18,19).
93
95
A. Tsaw ra ai (Love)
Greek kaw tsaw ra myit (love) hte seng nna ga
hkum 4 nga ai. Eros- num la, sum tsaw sum ra tsaw ra
myit. Philia hku hkau ai shada, manang shada tsaw ra
ai tsaw ra myit. Storge kanu kawa hte kashu kasha ni a
lapran na tsaw ra myit. Agape - Karai Kasang a tsaw ra
myit, ni rai ma ai. Tinang a akyu ntam ai sha tinang hpe n
ju ai, asawng asang di ai, jahten ai, hpyen tai ai ni hpe du
hkra tsaw ra ai tsaw ra myit re. Shinggyim masha gaw,
dai tsaw ra myit hpe Karai Kasang a chyeju hte sha lu la
mai ai. Dai majaw, wenyi a asi gaw tinggyeng n lawm ai
tsaw ra myit hte, mungkan hpe (sh) shinggyim masha ni
hpe daw jau jau ai lam re.
F. Kang ka ai (Faithfulness)
Tengman ai makam masham hte sadi dung let
Karai Kasang a man e asak hkrung ai lam re. Kaning re ai
byin da masa hta rai tim, makam masham n hten ai, lam n
yit ai, sadi dung let, Karai Kasang a matsun maroi mungga
hta madat mara asak hkrung ai lam re. Dai majaw wenyi
a asi gaw, makau grup yin mabyin masa hta hkan nna,
makau grup yin shinggyim masha ni zawn asak hkrung ai
lam n rai; Karai Kasang a chyoi pra ai amying ningsang
hta kang ka sadi dung let asak hkrung ai lam rai nga ai.
G. Myit nem ai (humility)
Myit nem ai ngu ai gaw, shagrit shanem let asak
hkrung ai lam re. Yesu gaw, sum sing tingnyang, hpung
99
100
101
103
104
105
LAMU KASA
NI
A LAM
(DOCTRINE OF ANGELS)
107
nga ai baren numraw kaba hte shi a ali ama ni hpe gasat
dang kau na re.
B. Gabriela (Gabriel)
Gabriela a lam hpe Dan. 8:15-16; 9:21-27; Luka. I:1120; 1:26-27 ni hta mu lu ga ai. Karai Kasang tsun shangun ai
ahkyak ai shi ga ni hpe htawn tsun ai wa rai nga ai.
C. Lucifer
Lucifer ngu ai mying hpe Esaia 14:12 (English Chyum laika
King James version) hta mu lu ga ai. Jinghpaw Chyum laika
hta gaw jahpawt manap a kasha, ninghtoi gintawng ngu tsun
da ai hpe mu lu ai. Hpaji hte hpring nna, tsawm htap htum ai
hte, hkum sumhpa shangut lu ai dazik rai nna, Karai Kasang a
chyoi pra ai bum ntsa nga lu ai wa re ngu Ezekela 28:12-14
hta ka da nga ai. Rai tim hpang daw de Karai Kasang hte
shingjawng nna woi gumlang ai majaw Satan tai mat wa ai re
(Esaia 14:12-17; Ezekela 28:12-19).
109
hpe hpaw kau ya ai; Karai Kasang hpe kam sham ai kashu
kasha ni hpe bau sin ai hte n-gun atsam jahpring ya ai
lam ni galaw gun hpai ma ai.
111
SATAN
A
LAM
(DOCTRINE OF SATAN)
113
dan leng ai hku tsun dan da nga ai. Yesu shi nan Satan a
lam 25 lang tsun da ai hpe Ga Shaka Ningnan hta mu lu
ai. Chyum laika hta Satan a mying hpe mung amyu myu
hku tsun lang da ai hpe mu lu ga ai.
115
116
117
(6) Masha ni yup pyaw nga yang hkauna hta tsing tum
gat ai wa zawn Karai Kasang a mungdan gaw de ai lam
hta n hkru n kaja ai lam ni hte hkan jahten nang nga ai
(Mahte 13:25, 30)
(8) Hpu nau ni hpe shani shana mara shagun jahte tam ai
(Shingran 12:10)
ai, ngu Satan a awng dang lam gaw kaji sha mi rai nna,
shi bai hkam mana sha ra na lam gaw kaba nga ai lam
jeyang wu ai (N.N 3:15).
120
121
SHINGGYIM
MASHA
A
LAM
(DOCTRINE OF MAN)
123
124
125
126
127
128
129
130
Ga hpungdim
Karai Kasang gaw shi a hkrang bung ngu ai hpe
Yesu Hkristu a marai hkum asak hkrung lam hku nna
Karai Kasang ngu ai gaw ganing re ai wa re ngu ai hte,
shinggyim masha ni hpe byin shangun mayu ai shi a yaw
shada lam ni yawng hpe hkum tsup kup hkra madun lai
wa sai re.
Dai majaw Yesu madun ai kasi zawn makam
masham, myit masa ningja, kyang lailen shingni ni madu
da lu ai asak hkrung ai lam mahtang she Karai Kasang a
hkrang bung (image of God) majing ngu chye na la mai
nga ai.
131
132
133
134
135
136
137
lam ni hpe gaw chye la sai, rai tim shan chye la ai lam gaw
shut shai ai sat lawat hku chye la ai lam she rai nga ai.
Karai Kasang sharawng awng ai hku chye na hkawn hkrang
lu ai lam n rai mat ai.
B. Gunglau ai lam (the temptation)
Satan gaw lapu tai nna sa gunglau ai lam rai nga ai.
Satan gaw hkalem ai hku nna gunglau ai re. Satan a hkalem
ai zai ladat ni gaw:
1. Karai Kasang a mai kaja ai lam hpe ntsen hkra
hkalem ai lam re (Ningpawt Ninghpang 3:1-3).
2. Karai Kasang a ga hpe ninghkap ai hku nna, Nan
kaja wa n si na myit dai ngu masu nna hkalem ai lam re
(Ningpawt Ninghpang 3:4).
3. Adaw achyen jaw ai lam tsun nna hkalem ai lam
re (Ningpawt Ninghpang 3:5) Satan gaw dai hta na sha
ai nhtoi hta e nan a myi hpaw nna, kaja ai hte n kaja ai
hpe chye ginhka na ra ai majaw, Karai Kasang hte
maren nan tai na marin dai ngu tsun hkalem ai re. Kaja
ai hte n kaja ai hpe chye ginhka na ngu ai lam teng tim,
yubak mara ngu ai du wa nna machyi makaw, ana ahkya,
tsin yam tsin dam, si hkrung si htan byin wa na lam hpe n
tsun ai. Karai Kasang hte maren n mai tai wa ai hpe masu
hkalem ai lam mung rai nga ai.
138
140
141
YUBAK MARA
A
LAM
(THE DOCTRINE OF SIN)
145
C. Calvinists view
Augustine (A.D 354-430) a sharin achyin ai lam
ni hta npawt de ai makam masa re. Shinggyim masha
yawng Adam a yubak mara a majaw yubak mara lu ai.
Shinggyim masha hta mai kaja ai ngu na hpa mung n
ngam hkra nyawp rap yubak hkum tai mat ai. Rom 5:12
hta tsun ai lam gaw, Adam a yubak mara a majaw
shinggyim masha yawng mai kaja ai hpa mung nnga hkra
re ai yubak hkum ni tai mat wa ai lam re ngu htai la ma ai.
{Augustine (AD 354-430) wa kaw na hpang ai re.
Reformers ni hte Calvinists ni hkap la ma ai}.
D. Federal View
Cocceieus (1603-1669) wa sharin ai ningmu rai
nna, hpang daw de Reform Karai Masa (Reformed
Theology) ni matut jai lang ai masa re. Chales Hodge, J.
Oliver Buswell Jr, Louis Berkhof ni matut jai lang ai
makam masa re. Shanhte a makam hta Adam gaw shing
gyim munghpawm (federal) a baw (sh) shinggyim masha
yawng a dat kasa (representative) re. Karai Kasang gaw
Adam hte ga shaka da nna, shaman chyeju jaw na ngu
Adam hpe ga sadi jaw ai re. Dai hku nna Karai Kasang a
ga Adam madat mara jang shinggyim masha yawng htani
htana asak madu la lu na, n madat n mara jang shinggyim
masha yawng yubak mara a tsin yam hkam sha ra na ngu
ga shaka da ai re. Shinggyim masha yawng a ningbaw
(sh) dat kasa Adam a n madat mara ai majaw yubak a
146
147
148
149
151
HKYE HKRANG
LA
AI LAM
(THE DOCTRINE OF SALVATION)
154
155
157
masa lam masum hku chye na loi hkra sang lang dan da ai hpe
bungli hte sakse madun ai lam rai nga ai (II Tim 2:21-22).
Hkye hkrang la hkrum ai a sakse gaw Wenyi hte hkrung
nga ai hte Wenyi hte sak hkrung lam hpe gaw gap ai lam
rai nga ai (Gal 5:25). De a kaba dik ai sakse gaw tsaw ra
myit hte asak hkrung ai lam re. Karai Kasang hpe tsawra
ai hte shinggyim masha shada tsawra ai lam re. Hpa majaw
nga yang, tsawra myit rawng ai wa kadai rai timung, Karai
Kasang kaw na shangai wa sai hte, Karai Kasang hpe
chye chyang nga ai (I Yawhan 4:7).
162
163
164
167
168
171
172
173
lit la gun hpai ai daw hte sha seng ai ngu kam sham ai
masa re. Dai hta la kap nna Karai Kasang gaw sadi dung
ai wa , tsaw ra myit kaba ai wa, chyeju jaw nga ai wa re
majaw Shi tsaw ra myit hte chyeju hku jaw ya ai hkye
hkrang la ai lam gaw, shinggyim masha daw hte n seng
ai, Karai Kasang hte sha seng ai. Dai rai nna hkye hkrang
la hkrum ai lam gaw galoi mung n hkrat sum sai ngu kam
sham ai lam rai nga ai. Hkye hkrang la hkrum ai lam kaw
nna bai hkrat sum mai ai ngu hkap la kam sham ai ni gaw,
Yesu a malai si hkam ai lam hpe Karai Kasang a daw hku
chye na hkap la tim, dai gaw shinggyim masha yawng
hte seng ai re; shinggyim masha ni gaw dai hpe hkap la
kam sham nna hkye hkrang la hkrum na matu re. Dai
majaw hkye hkrang la ai lam gaw shinggyim masha ni a
teng man ngang grin ai makam masham hte mung seng
ai. Karai daw hte shinggyim masha daw lahkawng yan
hte seng ai. Dai majaw Karai daw hku nna jaw ai hkye
hkrang la ai chyeju gaw, makam masham kaw na htak
mai ai hte Yesu hpe nyet kau ai rai yang bai sum mat mai
ai ngu kam ai lam rai nga ai.
174
175
177
NAWKU HPUNG
A
LAM
(DOCTRINE OF THE CHURCH)
hte arung arai ni gaw dai hpung hta lawm nga ai hpung
masha ni a wenyi lam shakung jahpat na matu hte sasana
amu bungli lam ni a matu jai lang na matu she re.
Nawku hpung church ngu ai ga gaw,Yesu Mahte
16:18 htandai lunghkrung ntsa e nye a hpung hpe de
da na we ai ngu tsun ai kaw na lang hpang wa ai ga re.
Laksan Yesu Hkristu hpe kam sham ai, shaga la hkrum ai
hpung masha ni shang lawm ai wuhpawng rai nga ai.
Dai majaw nawku hpung (local church) shagu gaw
Yesu Hkristu hta sadi dung let grin nga ra ai sha n-ga,
Yesu Hkristu shatsam ai sasana magam amu ni hpe lit la
gun hpai ra nga ai.
179
180
183
Kasang shinggyim masha ni hpe jaw da ai re (2 Tim 3:1617). Sharin achyin ai lam gaw shut shai ai hku hkap la
kam sham ai lam ni hpe mye shading ya na matu (I Tim
1:3); Karai Kasang hte htingbu wa hpe tsawra chye ai
shinggyim masha tai nga lu na matu ( I Tim 1:5); Wenyi
lam hta su hprang galu kaba wa na matu (I Tim 4:6);
makam masham ngang ai wa tai nga lu na matu (godliness)
(I Tim 4:6-16); tinang a asak hkrung lam hpe Karai Kasang
kaw ap da nna shagrit shanem let madat mara chye na
matu (Submission) (I Tim 5:17; 6:2;); n grin ai sut gan
hpe n shamyet nga ai sha Karai Kasang hpe shamyet
shanat nga na matu (I Tim 6:17) rai nga ai.
Kasa ni a prat na nawku hpung ni Kasa ni sharin
achyin ai lam hpe htep lahti hkan nang hkan sa ma ai
(Kasa 2:42). Dai sharin achyin ai lam ni gaw nawku hpung
kata sha n rai Yerusalem mare ting pri di lu ma ai (Kasa
5:28). Kasa Pawlu gaw nawku jawng ni hkan, nta hkan,
nawku jawng a shingan shawa wuhpawng hkan sharin
achyin lam galaw ai hpe mu lu ga ai (Kasa 18:11; 20:20).
Dai rai nna nawku hpung a lit gaw sharin achyin sasana
galaw na matu mung rai nga ai.
F. Masha nga pra lam hte seng nna daw jau ai lam
(social ministry)
Nawku hpung gaw, shinggyim masha ni hpe daw
jau na matu hpung de nga ai re. Yesu nan dai lam hpe
kasi hku galaw dan lai wa sai (Luka 4:18-19). Kaja ai
Samari maumwi hta mung (Luka 10:25-37) , Hpang jahtum
nhtoi a lam ni sharin ai shaloi mung (Mahte. 25:31-46)
188
189
190
191
hpe shagrin daw dan ai lam gaw hpung shawa a lit re ngu
hkam la ai masa re. Hpung up ni hte hpung ningbaw ni
gaw, hpung a sasana masing ni hte seng nna shingran
woi shaw tim, hpung shawa ni jawm myit sumru daw
dan shagrin ngut ai hpang she, dai masing ni hpe galaw
gun hpai sa wa mai ai lai masa re. Hpung up ni hpe
ahkang aya nkau mi jaw da tim ahkyak ai bungli lamang
ni yawng gaw hpung shawa a myit hkrum ai lam hte she
masing mai jahkrat ai, galaw gun hpai mai ai masa re. N
dai masa hta Democracy masa hpe jai lang nna, masing
jahkrat ai lam ni hpe daw dan hparan ai hta hpung masha
langai hkrai a awm dawm shang lawm mai ai lai ladat hpe
madung dat ai lai masa rai nga ai.
192
1. Lachyum (Meaning)
Ga Shaka Ningnan hta hkalup hkam la ai lam gaw,
Yesu shi nan madun ai kasi rai nna, shi nan amyu baw
194
195
196
ngu, hka lapri hka lup hpe yawng a matu jai lang wa ma
ai.
199
HPANG JAHTUM
NHTOI
LAM
(ESCHATOLOGY:DOCTRINE OF LAST THINGS)
200
201
202
205
sha, myi grip mi hta e, anhte yawng hte gaw lai mat
na ra ga ai: dai pahtau gaja wa ngoi wu na ra ai rai
nna, si mat ai ni gaw n hten n mat chye ai sha bai
hkrung rawt wa na mara ai hte, anhte lai mat na ra
ga ai. Kaning rai nme law, ndai hten mat chye ai gaw,
n hten n mat chye ai dagraw lu na ra ai; ndai si mat
chye ai mung, n si n mat chye ai, dagraw lu na ra ai
(I Kor 15:50-53) ngu kahtap sang lang dan da nga ai.
Dai rai nna kam sham ai ni gaw, a rawng ai myit
mada ai lam ngu ai, galu kaba htum ai Karai Kasang hte
anhte a hkye hkrang la ai madu Hkristu Yesu a hpung
shingkang a dan pru na lam a la nga let (Titu 2:11), hpang
jahtum na hkum tsup kup ai hkye hkrang la ai lam hpe
myit mada nga ra ai (Hebre 9:27). Yesu Hkristu gaw chyoi
pra nga ai hte maren, Yesu hte hkrum lu na myit mada ai
ni, tinang hkum hpe shachyoi shapra nga ra ai (I Yawhan
3:3). Chyoi pra ai arawn alai hte tara hkungga ai myit
rawng let sak hkrung nga ra ai (II Petru 3:12).
206
207
208
209
210
211
212
(b) Nachying nni nkri hkrum ai shara rai nna shada chye
hkat, matsing hkat lu ai shara re (Luka 16:23)
(c) Kan hte grung nga ai wan nawng re (Esaia 33:14;
Mahte 3:12; 13:42, 50; Shingran 20:15; 14:10)
(d) Yubak ngarai hkrat ai wa, byin mayu ai myit marai,
jinghku ni hpe hkye hkrang la ai lam hkrum shangun mayu
ai, hpang gara ai lam ni nga ai. Ngarai hta myit malai ai
hte akyu hpyi tim Karai Kasang n madat ya sai (Luka
16:24-27)
(a) Yubak ari hkrum sha ai shara; n kam sham ai ni, Karai
Kasang a ga n madat ai ni htani htana jam jau hkrum na
sha ra re (Mahte 25:46).
214
215
Ngarai
N htum n mat ai wan ngu ai ngarai gaw nat
gumlau hte shi a salung sala ni a matu lajang da ai shara
re. (Mahte 25:41). Yehowa gaw hpang jahtum na nhtoi
hta, nat Satan hte salung sala ni, masu ai myihtoi ni hpe
wan hte kan grung ai nawng hta jahkrat bang kau ai hte
htani htana nni nkri hkrum sha shangun ai hku nna jeyang
na re (Shingran 20:10). Ngarai ngu ai gaw:
216
217
gaw galu jang yawng hkrum sha ra na. Rai ti mung lata la
ai ni a matu mara dai tsin yam byin ai aten ladaw gaw
kadun na re (Mahte 24:22). Shaning hkying mi rai n rai
shi yang, Yesu lahkawng lang ngu na bai yu sa na ngu ai
ningmu hkap la ai ni gaw Dan 9:27 hpe lakap nna tsin
yam tsin dam aten ladaw hpe 7 ning rai na re ngu kam ma
ai. Dai aten hta Antihkristu gaw shi nan karai re ai lam
ndau nna shinggyim masha ni hpe gung lau na (Dan 7:25;
II Htes 2:2-4; Shingran 13:6). Antihkristu mau hpa lamik
kum la madun ai majaw masha law law wa antihkristu
hpe nawku na ra ai (Shingran 13:8; 13:13-14). Matse labye
a nambat gaw 666 rai nna, matse labye a dazik, hkrang
sumla ni hpe atik anang nawku shangun na mara ai (Shinra
13:11-18). Dai matse labye hte shi a hkrang sumla hpe
nawku ai ni hte, shi a amying a masat dingsat hkam la ai
wa gaw, shani shana n ban sa lu na (Shingran 14:11). Rai
tim kam sham ai ni gaw sagu kasha a asai majaw mung,
tinang sakse hkam ai mungga a majaw mung, antihkristu
hte matse labye ni hpe dang kau lu na rai nna, si ai du
hkra tinang a asak hpe n lahpawt na ma ai (Shingran
12:11).
221
hta matse labye myihtoi masu ni hte rau jahkrat bang kau
ai hkrum na.
N kam sham ai sha si mat wa ai ni, Yesu up hkang
ai shaning hkying mi htum ai shaloi hkrung rawt na rai
nna, naw hkrung nga ai n kam sham ai ni hte rau tara
jeyang hkrum na. Shaloi asak laika hpaw nna tinang a
arawn alai hte maren laika ni hta ka da ai hku hkan nna
daw dan ai hkrum na. Asak laika hta n lawm ai ni yawng
wan nawng hta jahkrat bang kau ai hkrum na. Shanhte
gaw shani shana nni nkri hkrum let, htani htana prat dingsa
kan grung ai nawng hta rawng nga ra na mara ai (Shingran
20:11-15).
nga ai kam sham ai ni tsin yam tsin dam kaba rai n du shi
yang Yesu hte lamu kaang ganghkau e hkrum na matu
sumwi ntsa de shalun la ai hkrum na ra ai (Yawhan 14:13; I Kor 15:15-57; I Htesa 4:13-17).
Tsin yam tsin dam kaba prat ladaw hta n kam
sham ai tara maigan ni hte, madat mara lam n nga ai
Israela ni hpe Karai Kasang jeyang na ra ai (Shingran 619). Tsin yam tsin dam kaba a prat jahtum hta Yesu
gawkam sham let kaang ganghkau de sumwi hte shalun
la hkrum sai kam sham ai ni hte rau mungkan ga de yu
sa nna shaning hkying mi mungkan hpe up na ra ai. Satan
hpe shaning hkying mi, sung htum ai nhkun hta rawng da
nna, shaning hkying mi htum ai shaloi jahkring mi bai
shalawt dat na ra ai. Dai hpang Satan hte salung sala ni
yawng hpe ngarai ngu ai kan hte grung ai wan nawnghta
htani htana ari jaw na ra ai (Shingran 20:7-10). Dai hpang
Karai Kasang a mungdan gaw ngwi pyaw ai, sim sa ai
hte htani htana prat dingsa grin nga na ra ai.
222
223
(b) Htauli htaula myit prat: Adam hkrat sum ai kaw nna,
sha-u ing ai aten du hkra, BC 4000 2500 na aten ladaw
re.
224
225
226
227
hkam la ai lam re. Tsin yam 7 ning ngu ai nnga ai. Yesu
bai yu sa nna shaning 1000 up ai lam nnga ai ngu kam ai
lam rai ma ai.
Hpang jahtum nhtoi du ai shaloi Yesu bai yu sa ai
mabyin gaw kalang sha yu sa ai mabyin rai na. Si ai ni
hkrung rawt ai lam mung kalang sha byin ai mabyin rai
nna, tara jeyang ai lam mung kalang sha jeyang ai mabyin
rai na ngu kam ai lam re.
Shingran laika 20:4-6 {Yesu a lam sakse hkam ai
majaw mung, Karai Kasang a mungga majaw mung htau
sat kau hkrum ai ni hte, dai matse labye hpe mung, shi a
hkrang sumla hpe mung n naw n ku ai hte, shi a masat
dingsat hpe tinang a lahtan hte lata hta n hkam la ai ni a
tsu ni hpe, ngai mu nngai: shanhte gaw hkrung nga let,
shaning hkying mi tup Hkristu hte rau up nga ma ai: 5
ngam nga ai masha chyasi ni chyawm gaw, dai shaning
hkying mi garai n htum ai laman e bai n hkrung lu ma ai.
Dai gaw shawng na ngu ai bai hkrung rawt wa ai lam rai
nga ai. :6 Shawng na ngu ai bai hkrung rawt wa ai lam
hta shang lawm lu ai wa gaw, a lu ai wa, chyoi pra ai wa,
rai nga ai: lahkawng lang na si ai lam gaw, shanhte a ntsa
e ahkang n lu nga ai: shanhte gaw Karai Kasang a
hkinjawng ni, Hkristu a hkinjawng ni, rai na mara ai rai
nna, dai shaning hkying mi tup Hkristu hte rau up nga lu
na mara ai} hpe mahta nna shaning hkying mi ngu ai
gaw Yesu wudang hta si hkam ai kaw nna hpang sai lam;
228
229
230
231
(a) dai kabu gara shi ga, masha amyu baw shagu hpe,
shawng hkaw dan lu na, dai hpang e dai jahtum ai gaw
du na ra ai (Mahte 24:14; Marku 13:10).
(b) Israela masha nlang myit malai ai hte hkye hkrang la
ai hkrum na (Israela amyu ting hkye hkrang la hkrum na
ngu tsun mayu ai n re, myit malai ai ni hpe sha tsun ai re)
(Roma 11:26).
(c) tsin yam kaba hkrum hkra ai lam byin pru ai hte makam
masham kaw na htak mat ai ni byin pru na (Mahte 24:912, 21-24; Marku 13:9-22; Luka 21:22-24).
(d) Antihkristu paw pru na (II Htesa 2:3-10).
(e) Majan, myithtoi masu, Satan madun ai mau hpa lamik
kumla ni paw pru na.
Yesu Hkrsitu gaw hpang jahtum na nhtoi hta bai
du sa na ra ai. Rai tim dai nhtoi hpe kadai mung tau
233
234
236
237
240
241
SHAMYET SHANAT
AI
LAIKA NI
(REFERENCES)
1. Paul Enns, The Moody Handbook of Theology (Chicago:
Moody Press, 1989).
2. Gordon R. Lewis & Bruce A. Demarest, Integrative
Theology (Grand Rapids, Michigan: Zondervan Publishing
House, 1996).
3. Millard J. Erickson, Christian Theology (Grand Rapids,
Michigan: Baker Book House, 1983).
4. Alister E. McGrath, Christian Theology: An Introduction
(Malden, Massachusets: Blackwell Publishers Inc, 1997).
5. Kenneth Cauthen, Systematic Theology: A Modern
Protestant Approach (Lewiston/Queensto: The Edwin Mellen
Press, 1986).
6. T. Desmond Alexander, eds., New Dictionary of Biblical
Theology (Downers Grove, Illinois: InterVarsity Press, 2000).
242
243
244
245