PARTURE NI ACARA SYUKURAN BONA TAON BARU GKPI

RESORT TANAH JAWA I

DI JEMAAT PULO BAYU, MINGGU 15 JANUARI 2017

Thema : Gabe marurat jala pinauliuli ma hamu di

bagasan Ibana, togu marhaporseaon,
hombar tu na niajarhon tu hamuna; lumobi
ma hamu marroha mauliate!(Kol 2:7)
Sub : Marojahan tu Acara Syukuran Bona Taon
Thema Baru 2017, anggiat ma huria GKPI sa
Resort Tanah Jawa I lam tang
marhaporseaon jala manongtong marroha
mauliate sialasaluhut denggan basa ni
Debata.
 PARTURE NI ACARA SYUKURAN BONA TAON BARU GKPI
RESORT TANAH JAWA I
DI JEMAAT PULO BAYU, MINGGU 15 JANUARI 2017
Thema : Gabe marurat jala pinauliuli ma hamu di bagasan Ibana, togu
marhaporseaon, hombar tu na niajarhon tu hamuna; lumobi
ma hamu marroha mauliate!(Kol 2:7)
Sub : Marojahan tu Acara Syukuran Bona Taon Baru 2017, anggiat
Thema ma huria GKPI sa Resort Tanah Jawa I lam tang
marhaporseaon jala manongtong marroha mauliate
sialasaluhut denggan basa ni Debata.

I. PANGARADEON (Parhalado mangarade/martangiang di ruang

konsistori)
II. IBADAH
1. JOUJOU MARSOMBA TU JAHOWA
L : Horas ma di hamu saluhutna. Selamat Taon Baru!.
R : Selamat Tao Baru ma tutu di hita sude!
L : Hita huria ni Tuhanta di ombas on tama marlas ni roha hita
manghamauliatehon denggan basa ni Tuhanta na mangaloas hita
sahat tu bona ni taon 2017. Tama endehononta GoarNa na
marmulia i. Jahowa do Raja, nunga tongon marpahean
namarhadohoan Jahowa, nunga dihohoshon hagogoonNa.
R : Jadi hot ma portibion, ndang tagamon humuntal.
L ; Hot do bangsoM sian na robi, sian saleleng ni lelengna do Ho!
Sintong situtu do angka panindangionmu.
R : Habadiaon do na tama di bagasMu ale Jahowa rodi
salelenglelengna.
L : Ro be ma hita marlas ni roha marsomba mamuji Partanobatoanta i!
R : Taolopohon ma tu jolo ni bohiNa marhitehite pujipujian.
L : Taolophon ma Ibana marhitehite endeta; taendehon ma BE No. 64 :
1.
R : (marende BE No. 64 : 1 Naung moru do muse sataon)
Naung moru do muse sataon huhut lam suda bohalhi / beha do
au na sai laon ture do pangalahongki / lam ganda
haporseaonku nang holong ni rohangku pe / di Jesus dohot
Debatangku nang di donganku sasude
L : Taon boi do marganti, angka partingkian pe boi do marsalpuan,
songon ni dok ni Parjamita martiti be do saluhutna na tinompa,
alai sai hot do ASI dohot HOLONG ni roha ni Debata di hita. Ala ni i
sai hot ma hita dibagasan Ibana jala na so mubauba. Tarlumobi
dibona ni taon na imbaru on asa dibagasan panghirimon na
mangolu tongtong ngolunta tu Ibana jala dibagasan haporseaon na
 polin, asa marpos ni roha hita di pardalanan ni ngolunta on
manang aha pe na masa........
Martangiang na hohom ma hita dibagasan rohanta laho pahibul
roha dohot pingkiranta, ala naeng pungkaonta ma parsaoran na
badia rap dohot Debata ditongatonga ni joroNa.

(martangiang na hohom, manghuling organ angonangon mangendehon BE No. 63 :

1-2 Jesus Ho do Sai Tongtong)

L : Tapangiar ma soaranta mamuji Debata ala asi dohot holong ni

rohaNa umbahen tolhas hita tu bagasan taon na imbaru taon 2017
on. Marende ma hita BE No. 70 : 1 3

2. MARENDE BE NO. 70 : 1 2 (O Jesus Sipangolu Au)

Naung salpu taon na buruk i, Ho ma hupuji Tuhanki / Ai diramoti
Ho tongtong tondingku dohot dagingkon / Ai diramoti Ho
tongtong tondingku dohot dagingkon
O Jesus sai asi rohaM, paian denggan ni basaM / Muse di taon
nambaru on di nasa huriaM tongtong / Muse di taon nambaru
on di nasa huriaM tongtong

3. VOTUM INTROITUS TANGIANG

L : Marhitehite Goar ni Debata Ama dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot
tano on.
R : Amen
L : Sai mangaranapi do matangku dompak angka dolok, sian dia do
ulaning ro pangurupion tu ahu?
R : Sian Jahowa sitompa langit dohot tano on sambing ro pangurupion
tu ho.
L : Ndang tagamon loasonNa tarsulandit patmu, ndang tagamon nok
mata ni sijaga ho. Ida ma ndang olo nok mata jala ndang olo
modom ianggo sijaga Israel. Sai jagaon ni Jahowa do ho laho ruar
dohot bongot ola ni on ro di saleleng ni lelengna. Haleluya.
R ; HALELUYA....HALELUYA....HALELUYA....
L : Martangiang ma hita : Ale Debata na so marmula na so
marpansohotan; Ho do Bonana dohot Ujungna. Na marsalpuan do
ianggo taonnami, alai na hot ro di salelengnilelengna do asi ni
rohaM. Mauliate hudok hami ala dipasanga Ho dope hami bongot
tu taon naimbaru on. Godang do asi ni rohaM naung hujalo hami
ditaon na salpu, jala godang do hubolus hami parungkilon,
pangunjunan ro di angka haporsuhon. Sai pahot ma
 haporseaonnami tu Ho, asa dibagasan sinondangMi hami
mamongoti taon on. Asi ma rohaM ondihon jala pasupasu hami
mandalani taon naimbaru naung binasabasahonMu di hami i ma
taon 2017 on marhitehite Tuhan Jesus Kristus Tuhannami. Amen
-------------------hundul ruas-----------------
4. MARENDE BE no. 65 : 1 + 2 Patimbul be ma sangap
Majumpang taon imbaru on di au dibahen Jesus / Dibaen rohaNa
di au on, basaNa dipatulus / Ibana do manogu au, saluhut jea
dipadao mambaen las ni rohangku
Dibahen i hupuji Ho O Jesus Debatangku / Ai ndang hea
mangulon Ho mambaen partuaonku / Rohangku panuratan ni
godang ni denggan basaMi ai Ho do pangurupi
5. SINGKAT NI PATIK NI DEBATA
P : Patik ni Debata di hita di bona ni taon 2017 on i ma na naienet sian
Rom 12 : 2; tangihon hamu ma hataNa : Jala unang gabe
sarombang hamu doho portibion, ; alai gabe imbaru ma
hamu, dung muba pingkiranmuna; asa tau hamu
manimbangi lomo ni roha ni Debata i ma nauli, na
hinalashonna dohot na sun denggan. I ma sahatna. Rap
mangido gogo ma sian Tuhan Debata laho mangulahon na hombar
tu PatikNa.
Sude : Ale Tuhan Debata, sai pargogoi ma hami mangulahon na
hombar tu PatikMi. Amen

6. MARENDE BE NO. 265 ; 3 NAUNG MORU DO MUSE SATAON

Urati ma huhut tutungi Sude na jat di rohangki / Marhite rante
manang tali Tarihot au di dosa i / Ndang dia imbar nii, o Tuhan Boi
do malua au disi / Hasian i rohaM ma ahu Pardosa na malua i.
7. MANOPOTI DOSA & BAGABAGA HASESAAN NI DOSA
L : Ndang tarbahen so mardosa hita dibagasan ngolunta. Nang pe
naung tadok siihuthon Kristus do hita, alai jotjot do manimbil
langkanta sian dalan naung pinatikhon ni Debata di hita, gabe
madabu hita tu bagasan dosa. Di na mamolus hita dibagasan taon
na salpu i, jotjot do hita mardosa; songon natoras hita, ndang
tartogutogu hita angka ianakhonta i tu dalan ni Debata.
Songon ianakhon hita, jotjot do marsak natorasta siala
hita, ala ndang taulahon patik ni Debata i ma patik
palimahon i. Songon ruas hita di huria on, jotjot hita
mardosa ala ndang taihuthon sude pardalanan ni huria i
songon na mangihuthon pamatang ni Kristus. Songon
parhalado jotjot hita madabu tu dosa siala ndang taulahon
tohonanta hombar tu parsuruon ni Debata na badia i. Hamu
 angka dongan, ndang adong na buni di Debata, patar do i
saluhutna, ndang tarhuphupi hita be angka dosanta. Sopot di bona
ni taon on, taungkap ma rohata, tatopoti ma dosanta diadopan ni
Debata :
R: Hupabotohon ma tu Ho sude dosangku, jala ndang hutabunihon
hajahatongku tu Ho. Asi ma rohaM, sai pangolu ma ahu.
L: Sai asi ma rohaM ale Debata, sai janghon ma hami jala sesa ma
dosanami, ala ni Anak haholongan ni rohaM, Tuhan Jesus Kristus,
Tuhannami.
R: (mangendehon BE No. 171 : 1 - 2 Tandai Ma Aa)
Tandai ma au, sungkapi ma dohot rohangku. Uji ma au, pamanat
huhut ma dalanku. Olo ditanda Ho au Debata.
Asi ma rohaM, taringot tu pangalahongku. Olo tutu, jotjot do na
lilu dalanku. Sesa dosangku, sude Debata

L : Janghon hamu ma apulapul sian Debata, i ma bagabagaNa

dihasesaan ni dosanta : Parasiroha jala Pardenggan basa do
Jahowa, lambat tarrimas jala parasiroha godang. Ndang tongtong
Ibana manorui, jala ndang gotos rohaNa salelenglelengna.
Hasangapon ma di Debata na di ginjang.
Sude : Amen
-----------------------hundul ruas---------------
8. MARENDE BE NO. 421 : 1 Marsomba au di joloMon
Marsomba au joloMon, ponjot, targogot rohangkon, / Dibaen
godang ni dosangkon, sai jangkon dohot au, / Sai jangkon ma au,
on, na ramun diringkon, tung pos do rohangki di Ho. / Dijangkon Ho
au on.
9. EPISTEL Sian Psalmen 106:1-2
L : Halleluya! Mandok mauliate ma hamu di Jahowa, ai na basa do
Ibana, ai ro di salelenglelengna do asi ni rohana i.
R : Tung ise ma tuk mangkatahon angka hagogoon ni Jahowa,
patubegehon baritana i sudena?
L : Martua ma angka na mangaradoti uhum, na tongtong patupahon
hatigoran.
R : Sai ingot ma ahu, ale Jahowa, hombar tu halolomo di bangsom, sai
tingkir ma ahu marhitehite hatuaonmi!.
L : Asa hupaidaida hadoharon ni angka na pinillitmu, asa huhalashon
halalas ni roha ni bangsomi, mamujimuji rap dohot partohapanmi..
R : Asa diboto sundut na singkat sogot, anak angka situbuhononhon
dope; ia dung magodang nasida, asa dipaboa muse tu anaknasida.
L : I do sahatna. Martua do na tumangihon hata ni Debata jala
naumpeopsa.
Sude : Amen
10. MARENDE BE no. 72 : 4 + 6 HEHE MA HAMU PARBEGU
 Jesus sondang ni tondingku na patiur sasude / Sai palua ma
rohangku Sian dosa sasude / Taiti dohot rohangkon Tu na tiur i
tongtong
Togu au ale Tuhanku Sahat tu ingananMi / Asa sogot idaonku Ho di
hasangaponMi / Pujionku Ho disi Salelenglelengna i.
11. REFLEKSI TAON BARU
L : Hamu dongan sahuria! Nunga taripar hita tu taon na imbaru on.
Didok sijolojolo tubu nilangka tu jolo, tinailihon tu pudi. Ala naeng
mangalangka ma hita tu jolo i ma taon naimbaru on, tama do
tailihononta tu pudi, i ma manipat na sataon bolon 2016. Molo
tatailihon pe tu pudi, asa dapotan bisuk do hita sian angka naung
tabolus i, ai godang angka parsiajaran na arga sian i na boi
pangkeonta mangalangka ditaon na imnaru on. Molo taparrohahon
angka na masa di nahumaliang hita, boi do dohononta na
mardalan dope hape hita dibagasan haholomon. Lam tu jorbutna
do pangalaho ni hajolmaon di partingkian na salpu, sipata
sodihabiari be Debata. Nunga lalap jolma i holan pasarisari ngolu
na di portibion, ndang dibolus be bagasjoro ni Debata mangulahon
patikna, ndang be dipatupa partangiangan ditongatonga ni
bagasna, ndang be diharingkothon ngolu partangiangon didirina.
Alai lalap do nasida dibahen angka siulaon na di portibion, ndang
disarihon be hangoluan sogot. Madabu jolma i tu ngolu na so
marpanghirimon dohot tu ngolu na so marhaporseaon tu Debata.
Ra sungkunsungkun ma nuaeng rohanta, aha ma na naeng masa
muse dibagasan taon 2017 on?
R : (mangendehon BE No. 69 : 1 Ungkap Bahal Na
Ummuli)
Pingkiranku ulaonku Tau Pasangap Ho ma I / Dungo manang
modom ahu ho tongtong di lambungki / Nang lao ruar masuk
pe Ho ma donganki muse.
L : Angkup ni i, lam mabiar do hita di tingki na parpudi on, ala lam
torop na mangasahon gogo laho mamorangi angka na metmet.
Parugamo na torop sai naeng manggogohon pinghiran nasida laho
mangarajai pargomgom ni bangso on asa mardasor tu ajaran
ugamo nasida negaraon mardalan. Hehe sian angka parugamo na
torop mamorangi parugamo na metmet, dipamaol paruarhon izin
pajongjong gareja, dibongkar angka bangunan gareja naung
jonjong hian. Sipata gabe sai hira hagogoon sambing na ma na
rumingkot, ndada hasintongan ni Debata.
R : (mangendehon BE No. 69 : 2Ungkap Bahal Na Ummuli)
 Taon parasinirohaon baen di au sandok taon on / Lam pa hot
ma hasesaan Ni dosangku di au on / Holan Ho do Jesusku tuk
pasaehon dosangki.
L : Sintong do i dongan, torop pe mara manahopi au, Debatangku do
sumarihon au, pos rohangki, sonang do au. Ibana do mandongani
au i do umbahen didok Debata marhite apostelNa na tarsurat di
Rom 1 : 16 17.
R : Ai ndang na huhailahon barita na uli i, ai hagogoon ni Debata do i
paluahon nasa na porsea, halak Jahudi jumolo, dung i dohot do
halak Junani. Ai dipapatar do disi hatigoran ni Debata, na sian
haporseaon tu haporseaon, hombar tu na tarsurat hian: "Na
mangolu do partigor i hinorhon ni haporseaonna!
L : Antong, unang mabiar hita mandalani taon on. Unang ma maila
hita mambaritahon Barita Nauli ni Debata, jala mian ma hita
dibagasan hatigoranNa, asa mangolu hita dibahen haporseaonta i.
12. MARENDE BE No. 458 : 1 + 3 Barita Na Ummuli
Barita na umuli i na sian Tuhan Jesus / Sai i do margogoihon au
nang arsak pe hubolus/ on mangapuli rohangki : Sai Tuhanki na
/ basa i do donganki
Ibana haporusanki di godang ni dosangku / MudarNa do
mamuri au, ditobus do hosangku / Tuhanku gabe singkathi
Dibahen i pujionki basaNa i
13. JAMITA :
14. MARENDE BE NO. 249 :5+7 Ngot Ma Ho, O Tondingki
Martangiang ho huhut Asa saut malua / Sian jea saluhut Gabe ho
martua Jesus do Na gogo Jala tau mangalo Saluhut pangago
Ala ni manongtong ma Hita martangiang Tu Amanta Debata Di
banuaginjang Lam tibu Ro tutu Tingki binuhulNa Manguhumi
jolma.
15. TANGIANG PANGONDIANON
16. MARENDE BE NO. 66 : 1-3 ----Debata Baen Donganmi (Huhut
Papungu Pelean)
Debata baen donganmi, lao mangula ulaonmu/Baen Ibana
haposanmu sai paserep rohami / Debata baen donganmi / Debata
baen donganmi
Debata baen donganmi molo Debata donganmu/Ndang tarbahen ho
be lilu sai ture do langkami / Debata baen donganmi /Debata baen
donganmi
Debata baen donganmi sai na saut do ulaonmu, Sai na tulus do
sangkapmu jala sonang rohami / Debata baen donganmi / Debata
baen donganmi

17. PARSURUON TU NGOLU SIGANUP ARI

 L : Hamu angka dongan na hinaholongan, nunga marsaringar Hata ni
Debata mamanghulingi hita di Bona ni Taon on, tutu godang mara
na boi rongom tu bagasan ngolunta ganup marsadasada, manegai
parsaoranta di keluarga, di huta, di huria suang songon i
ditongatonga ni bangsonta. Ala ni i , ingkon dungo ma hita jala
tagogoi ma ngolu partangiangon, asa tung margogo hita
mandalani ariari ni ngolunta.
R : (marende BE No. 487 : 1 Tung halak na margogo)
Tung halak na margogo si partangiang i. Dokdok pe si taonnon,
ndang olo talu i.
Pos situtu roha na di Debata na i. Tuhan na manaluhon sude
pangalo i.
L : Lan pe masa angka hajahaton, mangimbukbuk pe angka
haramunon, tubu pe angka parsalisian, alai anggo hita angka na
hinophop ni Debata, Ibana do na padirihon hita asa taboan
hasintongan dibagasan halambohon. Pantas ma hita marroha, bisuk
ma hita mamparhaseang tingki. Ai ndada na holan asa sahat
sambing hita tu taon na imbaru on. Alai Debata do na manaruhon
hita asa gabe pasupasu tu saluhut na humaling hita. Godang situtu
dihirim Debata sian hita angka pambahenan na denggan asa
mardame portibi na jinadihonNa.
R :(mangendehon BE no.309 : 4 Raphon Tuhan Jesus I)
Hupasahat ma antong Saluhut langkangku Tu Tuhanku/na tongtong
Mian di rohangku Manang aha pe hubaen Ho hupangasahon/ Ale
Tuhan Tulus baen Saluhutna, Amen.
18. TANGIANG PANUTUP : ALE AMANAMI
III. UCAPAN SLEMATA TAHUN BARU SIAN
1. Mewakili Ruas Ama
2. Mewakili Ruas Ina
3. Mewakili Pemuda Pemudi
4. Mewakili Pangula Ni Huria
5. Mewakili PHJ
6. Mewakili Hasuhuton
7. Mewakili PHR
8. Hata Panimpuli sian Pendeta Resort

IV. MARSIJALANGAN SUDE RUAS DOHOT PARHALADO

PHR, PHJ dohot sude Pangulani Huria
Pasahathon
Selamat Tahun Baru 2017
 Kita Semua adalah
WARGA IMAMAT AM ORANG PERCAYA
( I Petrus 2:9 )