Ako, si MUTYA K. ALCANTARA, may sapat na gulang, walang
asawa, Pilipino, at nakatira sa 80 Katuparan Street, Barangay Commonwealth, Quezon City, matapos makapanumpa ng naaayon sa ipinag-uutos ng batas ay malaya at kusang-loob na nagsasaad na:
1. Ang Panibagong Sinumpaang Salaysay na ito ay ginawa ko
upang ireklamo sina Arnel Aldo Agustin, Benjamin Ben Bautista, at Charles Castro Cariso, pawang nasa hustong gulang, ng kasong panggagahasa o Rape na nakasaad sa Article 266-A ng Revised Penal Code, na inamyendahan ng Republic Act No. 8353. Ang nasabing panggagahasa ay naganap noong ika-9 ng Oktubre 2016 sa pagitan ng 12:30 ng madaling araw hanggang 4:00 ng madaling araw sa isang abandunadong gusali sa Brgy. 648, Carlos Palanca Street, Quiapo, Manila.
2. Ako ay nag-aaral sa University of the East (UE) Manila
campus at kumukuha ng kursong Juris Doctor (JD). Ang aking klase tuwing Sabado ay mula 1:00 ng hapon hanggang 9:30 ng gabi.
3. Noong gabi ng ika-8 ng Oktubre 2016, matapos ang aking
klase, nagpunta kami ni Steffi Cruz (aking kaklase) sa Coffee Bean & Tea Leaf (Recto Avenue) bandang 10:30 ng gabi upang mag-aral para sa nalalapit naming pagsusulit.
4. Kami ay natapos mag-aral mga bandang 12:00 ng hating gabi,
na siya ring oras ng pagsasara ng nasabing kapihan. Napagpasiyahan naming umuwi na ng mga oras na iyon.
5. Kami ay dumaan ni Steffi sa kanto ng Gastambide. Lumiko si
Steffi sa kanto ng J. Dela Rosa kung saan patungo ang kanyang tinitirhan. Ako naman ay dumiretso, at kumaliwa sa kanto ng Loyola upang tahakin ang P. Campa St. patungo sa Espanya upang doon sumakay pauwi sa amin.
6. Bago ako makakaliwa sa kanto ng Loyola, may tatlong lalake
akong namataan sa may Pica-Pica, isang restobar. Nang ako ay paliko na ng P. Campa Street, nagulat ako nang may biglang humatak sa akin na mga lalake at tinakpan ang aking bibig; sinubukan kong magpumiglas ngunit may biglang sumuntok sa aking sikmura, at ipinasok ako sa isang kotse. 7. Habang kami ay nasa loob ng kotse, napansin ko na sila ay amoy alak. Sinimulan nilang hawakan ang mga maseselang parte ng aking katawan. Pinilit kong manlaban ngunit ako ay nanghihina pa rin. Wala na akong nagawa kung hindi ang umiyak dahil sa takot. Narinig ko silang pinag-uusapan kung saan ako dadalhin. Sumagot ang drayber at sinabi niyang, Ako na ang bahala. Sa may Ayala bridge tayo.
8. Makalipas ang ilang sandali, huminto ang kotse sa isang
madilim na lugar. Sumigaw ako at sinampal ako ng isang lalake, sabay sabing, Manahimik ka! Kung hindi ka tatahimik papatayin ka namin dito. Nang sinabi niya iyon, nakaramdam ako ng isang matalim na bagay na itinutok sa aking tagiliran.
9. Ibinaba ako ng dalawang lalake mula sa kotse. Pinilit ko pa ring
magpumiglas sa kanilang pagkakahawak sa akin ngunit sapilitan nila akong ipinasok sa isang madilim na gusali. Ako ay nagmakaaawa sa kanila at sinabi kong, Wag po! maawa po kayo sa akin. Sumagot ang isang lalake, habang nakatutok ang nasabing matalim na bagay, at sinabing, Wag kang maingay kundi tutuluyan ka talaga namin.
10. Pinilit akong ihiga ng mga lalake. Patuloy akong nanlaban
ngunit mas malakas sila. Inangat ng isa sa kanila ang aking suot na damit, tinanggal ang hook ng aking bra at iniangat din iyon, at ibinaba ang aking panty. Umibabaw sa akin ang isang lalake at sapilitan nyang ipinasok sa akin ang kanyang ari. Labis akong nakaramdam ng kirot sa aking ari. Lalo akong napahagulgol sa sakit habang nagmamakaawa na itigil na nila. Subalit binusalan nila ang aking bibig.
11. Pinagsalit-salitan nila akong gahasain. Wala na akong ibang
nagawa kung hindi ang umiyak at magmakaawa. Sa tuwing ako ay manlalaban, sinasaktan nila ako sa ibat ibang parte ng aking katawan, may mga kumagat sa aking dibdib at leeg, at mayroon din pong humampas sa aking ulo, dahilan para manlabo ang aking paningin hanggang sa tuluyan na po akong nawalan ng malay at hindi ko na po namalayan ang sumunod na mga pangyayari.
12. Noong ika-9 ng Oktubre 2016, nagising nalang ako sa ospital.
Naramdaman ko na masakit ang aking buong katawan. Nakita ko ang aking ina, na si Maya Alcantara. Napahagulgol ako sa iyak sapagkat doon ko naalala ang mga pangyayari.
13. Sa araw ding iyon, kinuhanan ako ng medical examination.
Bilang patunay sa nabanggit ay inilalakip ko sa Panibagong Sinumpaang Salaysay na ito ang kopya ng dokumentong Medico-Legal Report na may petsang October 9, 2016 bilang Annex A. 14. Noong hapon ng ika-9 ng Oktubre 2016, nagpunta ang aking ina sa PNP Womens Desk kung saan malapit nangyari ang panggagahasa. Inireklamo ng aking ina ang nasabing insidente noong madaling araw ng ika-9 ng Oktubre 2016. Bilang patunay sa nabanggit ay inilalakip ko sa Panibagong Sinumpaang Salaysay na ito ang kopya ng dokumentong Affidavit na nilagdaan niya noong ika-9 ng Oktubre 2016 bilang Annex B.
14. Sa hapon ding iyon ay kinuhanan ako ng salaysay, sa Ward-1
ng PGH, ni PO2 Leila Dela Rosa ng PNP Womens Desk, Police Station 8, Quiapo Manila. Bilang patunay sa nabanggit ay inilalakip ko sa Panibagong Sinumpaang Salaysay na ito ang kopya ng dokumentong Affidavit na nilagdaan ko noong ika-9 ng Oktubre 2016 bilang Annex C.
15. Sa pamamagitan ng kopya ng recording ng CCTV na nakakabit
sa may dulo ng P. Campa St., at dulo ng Loyola, nakita ang kotse na ginamit ng mga akusado kung saan ako sapilitang isinakay. Ang kotse ay nakaparada malapit sa establisyamentong Pica-Pica at makikita sa recording ang plaka nito. Pinakita ang letrato ng plaka ng nasabing kotse sa mga empleyado ng Pica-Pica at ikinumpirma nila na ito ay pagmamay-ari ng isang regular na customer doon.
16. Sa pamamagitan ng isang Verification Report mula sa Land
Transportation Office, napag-alaman na isang Arnel Agustin, 28 taon gulang at nakatira sa 115 Cotabato St., Bago-bantay, Quezon City, ang nagmamay-ari ng nasabing kotse. Noong ika- 15 ng Oktubre 2016, naimbitahan si Arnel Aldo Agustin, kasama pa ang dalawang lalaki, sa Police Station 8 ng Quiapo, Manila upang sumali sa police line-up kung saan sila ay positibo kong itinuro bilang ang mga lalaking gumahasa sa akin. Dito ko nalaman na ang mga kasama niyang dalawang lalaki ay sina Benjamin Ben Bautista, 27 taon gulang, nakatira sa No. 48 U. Plata, Caloocan; at Charles Castro Cariso, 27 taon gulang, nakatira sa 2 Paraiso St., San Francisco, Quezon City. Bilang patunay sa nabanggit ay inilalakip ko sa Panibagong Sinumpaang Salaysay na ito ang kopya ng dokumentong Verification Report bilang Annex D.
17. Ang panggagahasang ginawa ng tatlong inirereklamo ay labag
sa batas ayon sa Article 266-A ng Revised Penal Code, na inamyendahan ng Republic Act No. 8353 o ang Anti-Rape Law, na nagsasaad na:
Article 266-A. Rape: When and How Committed. - Rape is
committed: 1) By a man who shall have carnal knowledge of a woman under any of the following circumstances:
a) Through force, threat, or intimidation;
b) When the offended party is deprived of reason or otherwise
unconscious; x x x
17. Sa katunayan, ang nasabing krimen ay naisasagawa sa
pamamagitan ng mga sumusunod na elemento ayon sa Revised Penal Code na pawang naganap sa kasong ito:
a. that the offender is a man
Ang mga inirereklamo ay mga kalalakihang nasa
tamang edad na may kakayahang maisagawa ang nasabing krimen.
b. that the offender had carnal knowledge of a woman
Malinaw na ang mga inirereklamo ay may maka-
mundong pagnanasa sa biktima (sa akin) na siyang naging dahilan para pagsamantalahan ang aking kahinaan at pagka-babae.
c. that such act is accomplished by using force, threat or
intimidation
Makailang ulit kong inalala ang mga pananakit,
pananakot at pang-aabusong ginawa sa akin ng mga nasasakdal upang maisakatuparan ang kanilang masamang balak. Lahat ng iyon ay naging pamamaraan upang maisagawa ang panggagahasa.
18. Bilang karagdagan sa nabanggit, ayon sa Article 266-D ng
nasabing batas, nakasaad dito na:
Article 266-D. Presumptions. - Any physical overt act
manifesting resistance against the act of rape in any degree from the offended party, or where the offended party is so situated as to render her/him incapable of giving valid consent, may be accepted as evidence in the prosecution of the acts punished under Article 266-A.
19. Sa lahat ng nailahad, buong pagpapatotoo lamang na labag sa
kagustuhan ko ang mga pangyayari. Sa kabila ng aking pagtanggi at pagmamakaawa, ang nasabing krimen ng panggagahasa ay naisagawa kung kayat hustiya ang tanging hinihiling ko. 20. Hinihiling ko sa kagalang-galang na Taga-usig na patawan ng kaparusahang naaayon sa batas ang mga suspek/akusado sa kasong ito, at dahil sa kadahilanang nabanggit sa itaas.
21. Nilagdaan ko ang Panibagong Sinumpaang Salaysay na ito
bilang patunay na ang lahat ng nakasaad o nakasulat dito ay pawang katotohanan lamang at sa katunayan nito ay handa kong lagdaan sa itaas ng aking pangalan, matapos ko itong basahin at unawain.
WAKAS NG SALAYSAY NG REKLAMO.
SA KATUNAYAN NG MGA SINASAAD DITO, kusang-loob na
nilagdaan ko ang Panibagong Sinumpaang Salaysay na ito ngayong ika-4 ng Disyembre 2016 sa Lungsod ng Maynila.
MUTYA ALCANTARA Nagsasalaysay
PINANUMPAAN sa harap ko ngayong ika-___ ng Disyembre
2016 sa Lungsod ng __________.
PINAPATUNAYAN ko na personal kong sinuri ang nagsalaysay
na kusang-loob at bukas-isip niyang nilagdaan ang kanyang Panibagong Sinumpaang Salaysay at naintindihan niya ang nilalaman ng mga nabanggit.