You are on page 1of 8

HURIA KRISTEN BATAK PROTESTAN

PARTURENA PARMINGGUON
PESTA PARNINGOTAN ARI HANANAEK
NI TUHAN JESUS KRISTUS

Kamis, 10 Mei 2018


I. PANGARADEON :
1. Sude parhobas di parmingguon, marpungu di bilut parhobason
mangarade tu panghobasion Minggu dohot laho prosesi masuk inganan
parmingguon.
2. Barisan Prosesi masuk tu gareja diiringi dohot Ende No : 853 : 1 “
Haleluya” . Jongjong ma saluhutna ruas. Di endehon Endei i sahat tu
na atur sude angka parhobas minggu di inganan na be, dung i didok
Paragenda ma asa hundul saluhutna.

II. Joujou tu Parmingguon : ( U : Uluan; H : Huria)


U : Horas ma di hamu saluhutna !
H : Horas ma tutu di hita saluhutna!
U : Hamu angka na hinaholongan ni Debata, Gok las ni roha do hita
sadari on, ala sadarion marningot do hita di ari Parningotan
Hananaek ni Tuhanta Jesus Kristus.
H : Pinuji ma Debata na mangaramoti sude na tinompaNa asa
marlas ni roha jala marhasonangan.
U : Nunga manaek Tuhanta Jesus Kristus tu banua ginjang laho
hundul tu siamun ni AmanaNa pargogo naso hatudosan i,
mangarade inganan di angka naporsea di Ibana.
H : Naung manaek do Ho, lao tu surgo do. Ale Jesus Tuhannami
Ho do ihuthononnami.
U : Alani, taolophon ma Debata marhite ende pujianta. Marende ma
hita !
III. Parmingguon.
1. Marende BE.No. 97 : 1 – 2 + 5 “Ingoton ma sadari on “ BL. 129
 Ingoton ma sadari on parnaek ni Tuhan Jesus, Tu habangsaNa na
tongtong, na so tarbaen be meret. Tasomba ma Tuhanta i, naung
mulak tu amaNa i; Tapuji ma Ibana.

 Ai nunga mungkap dalan i di angka na porsea, Lao mamongoti


surgo i malua sian jea. Naung mangonai tu sasude na mangulahon
dosa i. Pinuji ma Tuhanta.
---- Musik --------

 O Jesus, Tuhannami on asi rohaM di hami. Sai tatap hami na dison


di paraloannami. Patogu hami sasude tumpahi hami monang be,
ro di ujungna sogot. -------- Jongjong ---------
2. Votum – Introitus – Tangiang :
U : Marhitehite Goar ni Debata Ama dohot Goar ni AnakNa Tuhan
Jesus Kristus dohot Goar ni Tondi Parbadia na tumompa langit
dohot tano on.
H : Amen

2
U : Di Tuhan Debatanta i do hatuaon dohot hasangapon dohot
hamuliaon dohot hagogoon. Sai baritahononku do sude angka
baritaM di angka bahal, asa marolopolop au mida hatuaonMi.
H : Nunga lonong angka parbegu tu bagasan godung na binahen
nasida i, taralit do pat nasida tu jorgong na buni tinaon nasida i.
U : Sai pujionku do Jahowa sian nasa rohangku, pajojorongku do sude
angka halongangan na binaenNa. Hatindanghononku ma
pambahenanMu ro di hasusuda ni bohalhu, asa lam patar
habalgaonMu di liat portibi on. Haleluya.
H : (Mangendehon) Haleluya, Haleluya, Haleluya..
U : Martangiang ma hita ! Ale Tuhan Debata pargogo na so
hatudosan. Sai pargogoi ma hami manghaporseai AnakMu na
sasada i, Sipangolu hami na manaek tu surgo, asa huparrohahon
hami roha banua ginjang di bagasan AnakMu Tuhan Jesus Kristus.
Ale Tuhan unang tung pasombu hami di bagasan haholomon, palua
ma hami di bagasan holongMu. Pargogoi ma hami mamuji dohot
mangoloi Ho ariari dohot pasangaphon Ho di bagasan haporseaon
na mangolu. Tangihon ma tangiangnami on ala Asi ni rohaM,
Marhitehite AnakMu Tuhan Jesus Kristus Tuhannami. Amen.
(Hundul)
3. Marende BE.No. 98 : 1 - 2 “ Naung Manaek do Ho “ BL. 59
 Naung manaek do Ho, lao tu surgo do; ale Jesus Rajanami,
Ho do ihuthononnami ; Ho partogi i lao tu surgo i.
 Maol do dalan i , togu hami on; asa tung malua hami
sian angka musunami ; na di tano on togu hami on.

4. Patik
U : Patik ni Debata di pestanta Parningotan Hananaek ni Tuhan Jesus
sadari on, ima na tarsurat di Ulaon ni Apostel 1 : 8, songon on ma
tarsurat disi : “Alai jaloonmuna do hagogoon ni Tondi Parbadia na
songgop tu hamu, gabe sitindangingku ma hamu di Jerusalem dohot
di sandok Judea dohot di Samaria, sahat ro di ujung ni tano on”.
Ido sahatna : Antong rap mangido gogo ma hita tu Debata laho
mangulahon na hombar tu patikNa.

3
H : Ale Tuhan Debata, sai pargogoi ma hami mangulahon na hombar
tu patikMi. Amen.
5. Koor :
6. Marende BE.No. 101 : 2 + 4 “Taiti Gogo” BL. 27
 Togu tongtong ma hami on , di dalanMi tu Surgo .
Anggo so i oloanMi, sai saut do hami mago.
 Dibahen i, o Jesuski , sai naeng ihuthononku. ---- Jongjong -----
Do hataMi, nang langkaMi, saleleng au mangolu.
7. Manopoti Dosa dohot Bagabaga ni Debata.

U : Di pestanta sadari on ima parningotan di hananaek ni Tuhan Jesus,


ro ma hita marsomba tu adopan ni Debata manopoti dosanta, dohot
mangido hasesaan ni dosanta.
(Hohom….. Musik Mangendehon Ende No : 421 : 1 (BL. 281)

U : Martangiang ma hita.
Ale Debata, pargogo na so hatudosan jala Amanami! Hujou hami
do GoarMu na badia i, ala targogot hami marningot dosanami, sai
marasi ni roha ma Ho mida hami on. O Jesus Kristus, Anak ni
Debata na gabe jolma alani hami, na mate jala na hehe sian na
mate, na manaek tu banua ginjang do Ho laho mangondihon hami.
Asi ma rohaM di hami halak pardosa on, sai sesa ma dosanami jala
ondihon hami sahat tu lambung ni Ama i. Tangihon ma
tangiangnami ala holong ni rohaM di hami. Amen.
H : (Mengendehon : BE No. 421 : 1” Marsomba au joloMon” BL.
281.

 Marsomba au di joloMon, ponjot, targogot rohangkon. Di


baen godang ni dosangkon, sai jangkon dohot au.
Sai jangkon ma au on, na ramun diringkon.
Tung pos do rohangki di Ho, di jangkon Ho au on.
U : Bagabaga ni Debata taringot tu hasesaan ni dosa.

4
Didok Tuhan Jahowa, nunga pola Hupasisi pangalaosim songon
ombun, jala songon ombun manorop angka dosam. Sai mulak ma
ho tu Ahu, ai Ahu do sipalua ho. Hasangapon ma di Debata na di
ginjang.

H : Amen. (hundul)
8. Marende BE. No. 411 : 1 + 3 “Nang pe rara dosamu” BL. 274.

 Nang pe rara dosamu ias di baen mudarHu.


Nang pe rara dosamu ias di baen mudarHu.
Na dapdap songon hasumba songon itak do,
Nang pe rara dosamu, nang pe rara dosamu,
Ias dibaen mudar Hu, ias di baen mudarHu.
 SesaonNa dosamu, ndang dibaloshon tu ho,
SesaonNa dosamu, ndang dibaloshon tu ho.
Tu Jesus ro, ho na loja, asa sabam ho.
SesaonNa dosamu, sesaonNa dosamu,
Ndang di baloshon tu ho, ndang dibaloshon tu ho.
9. Epistel :
U : Turpuk Epistel dibagasan pestanta sadari on ima sian, Psalm 110 :
1 – 7, Tajaha ma marsingkatsorin.
Ende sian si Daud . Nunga didok Jahowa mandok Tuhanku:
Hundul ma Ho tu siamunhon, paima hubahen angka musum
sidegedegean ni patmu.
H : Tongoson ni Jahowa ma sian Sion tungkot harajaon ni huasoMi;
antong mangarajai ma Ho di tongatonga ni musuM!
U : Marrongoman bangsoM ro sian lomoNa di ari parporanganMu
marpangkean habadiaon, sian ampuan ni andostorang ro do tu Ho
nambur ni paranganMu angka na bajar.
H : Nunga pola maruari Jahowa, jala ndang tagamon solsolanNa
bagiNa: Sai Ho do malim ro di salelenglelengna mangihuthon
horong ni si Melkisedek.
U : Tuhan i do di siamunmu, Ibana mangalengsehon angka raja di ari
panombo ni rimasNa.

5
H : Ibana mandabu uhum di tongatonga ni angka parbegu, Ibana
mambahen gok angka bangke; Ibana do mangarosak ulu di tano
adaran bidang.
U : Inumonna ma sian sunge di dalan, ala ni patimbulonna ma muse
uluna. I do sahatna. Martua ma angka halak na tumangihon
Hata ni Debata jala na umpeopsa.
H : A m e n.
10. Koor :
11. Marende B.E No. 131 : 3 + 6 “ Batang Aek Usehononku” BL 87
 Ingkon jumpang do hataNa, ai burju do Tuhan i .
Ingkon saut pinarbagaNa, naeng sangap goarNa i.
Ingkon do tandaon ni nasa bangso Tuhan i.
 Sai tangihon ale Tuhan, pangidoannami on. (Jongjong)
Sangkapnami ma patulus, gok ma baen portibi on.
Dohot hasangaponMi, sai pararat hataMi.
12. Manghatindanghon Haporseaon.
U : Tahatindanghon ma haporseaonta i, songon panindangion ni
donganta sahaporseaon di sandok portibi on rap ma hita mandok :
H : Ahu porsea......... (hundul)
13. Tingting - Tangiang Pangondianon
14. Marende BE.No. 100 : 1- 4 “ Mardongan olopolop” BL. 155
(Pasahat Pelean I A dohot I B)
 Mardongan olopolop manaek Tuhanta i,
Jinangkon ni na torop surusuruan i.
Antong nang hita pe, tapuji ma Tuhanta,
Marendeende hita, marolopolop be.
 Na mulak do Tuhanta tu habangsaNa i,
Tu lambung ni AmaNa di siamunNa i.
Di somba sasude na di banua ginjang.,
Tuhanta i na monang, ro sian tano i.
--- Musik ---
 Tatimbang ma lapangNa umbaen na songon i;
Ai naeng ma dohot hita tumopot surgo i.
Antong, taingot ma: Ianggo Tuhan Jesus,
Ibana do patulus, nidok ni Debata.

6
 Ditaon do hamatean, humophop hita on,
Pature pardalanan na sian tano on,
Manogu hita be tu lambung ni AmaNa;
Disi di adopanNa naeng sahat sasude.
15. JAMITA : Heber 1 : 5 – 13 .
16. Marende BE.No. 99 : 1 – 5 “ O Ulubalang na gogo” BL. 206
(Pelean II tu Pengembangan Masayarakat)
 O ulubalang na gogo, songon sadari on do Ho; manaek tu
hasangapon. Naung sidung do ulaonMi, na ringkot patupaonMi
Humophop hajolmaon. Sabam, tongam do Ho muli tu na uli
marhabangsa; di siamun ni Jahowa.
 Marloksaloksa Serapim, marriburibu Kerubim; mamuji Ho na
monang. Di baen naung pinadomuMi, saluhut manisia i; tu Debata di
ginjang. Puji, puji Jesus Kristus, naung patulus saluhutna; tinonahon
ni AmaNa.
--------------- MUSIK-----------------
 O Jesus Ho do ulu ni, saluhut na porsea i; ruasMu anggo hami.
Ho hangoluannami on, Ho hasonangannami on; Ho hagogoonnami.
Suru, togu rohanami, asa hami mangalehon; tu Ho nasa hasangapon.
 Sai taiti rohanami on, urupi hami on tongtong; mangalo dosanami.
Paias rohanami be, parangenami baen ture; nang pangkataionnami.
Tompa, roha na imbaru asa haru monang hami; maralohon dosanami.
----------------- MUSIK-----------------
 Pabulus langkanami be, patigor dalannami pe; lao tu banuaginjang.
O Jesus tatap hami on, na so tarbaen di tano on, mardame manang
sonang. Sonang, monang di lambungMu, bahenonMu hami sogot;
dung tu surgo hami bongot.
17. Parsuruon di Ari Hananaek ni Tuhan Jesus Kristus. (Jongjong)
U : Ale Tuhan Jesus Kristus, di na huingot hami sadarion ari hananaekMu
tu banua ginjang, marningot do hami nang di hataM, na mandok : “O
hamu halak Galilea, boasa longang rohamuna mamereng
dompak ginjang? Anggo Jesus i, na tarhinsat tu banua
ginjang, na ro do Ibana sogot songon na niidamuna
Ibana laho tu banua ginjang."

7
H : Ale Tuhan, sai pargogoi ma hami manongtong
dibagasan Ho laho mangula ulaonnami dohot
manomunomu haroroM paduahalihon.
U : Alai gok ma dibasabasahon Debata, nampuna
pangkirimon i, tu hamu ragam ni halalas ni roha dohot
dame di bagasan haporseaon, asa lam sumurung hamu
marpangkirimon, pinargogoan ni Tondi Parbadia! Laho
manomunomu haroroNa i huhut marulaon angka na
denggan. Ipe las ma rohamuna mandalani ariari ni
ngolumuna dohot manghapadothon nasa ulaonmuna
mardonganhon Debata.
H : Mangendehon BE.701 : 3 “Tu Ho do au marpadan” BL. 701
 PadanMu ale Jesus tu angka ruasMi,
Luhut do toguonMu tu hasangaponMi,
Padanku pe O Jesus satia au tu Ho,
Sai pargogoi ma au, lao mangihuthon Ho.
18. Tangiang Pangujungi ( Agenda HKBP)
Tangiang Pelean – Tangiang Ari Hananaek - Ale Amanami – Pasupasu –
Amen-Amen – Amen!

You might also like