PANUKALA SA PROYEKTONG “KABATAANG ENTREPRENYUR”

(Youth Entrepreneurship Project)

Mula kay Ansel Guillien G. Samson

Guro sa Araling Panlipunan IV, Ekonomiks
Ika-15 ng Nobyembre, 2013
Haba ng panahong gugugulin: Tatlong Araw

Introduksyon:

Binuo ng National Youth Commission ang programa ukol sa Youth Entrepreneurship (o

paghihikayat sa mga kabataan sa pagnenegosyo) bilang pagtugon sa nasasaad sa RA bilang
8044. Ang RA bilang 8044 ay ang nagbuo ng National Youth Commission, at naglalayon din
itong magpasimula ng iba’t ibang programang pangkabataan. Ang Youth Entrepreneurship
Program ay nasa ilalim ng Executive Order bilang 470, at ito ay ipinairal noong Nobyembre 15,
2005.
Bilang pagtugon sa Ten Point Agenda ng pamahalaan tungo sa paghikayat sa mga
Pilipino na maging negosyante, at pagkakaroon ng tatlong milyong bagong negosyanteng
Pilipino. Kinikilala ng proyektong ito na kinakailangan ang tulong ng mga guro, magulang at
komunidad para mahikayat ang pagmumulat sa mga kabataan tungo sa pagiging isang
negosyante, at para na rin mabigyan ng magandang simula ang mga nagnanais na maging
negosyante o global entrepreneurs.

Pagpapahayag ng Suliranin:

Hindi madali ang pagtatayo ng negosyo. Nakakatakot pa nga ito kung minsan.
Kailangan dito ang pagkikipagsapalaran at paggawa ng mga mahahalagang desisyon. Maaari
itong ikumpara sa pagsusugal na may malakihang taya.
Ano kaya ang katangian ng isang mahusay na entreprenyur?
Ano kaya ang magiging tulong ng isang matagumpay na negosyante sa komunidad?
Anong klase ng tunguhin ang dapat itakda ng isang negosyante?

Layunin:

 Layunin ng panukala na mamulat nang maaga ang mga kabataan tungkol sa mga
katangian, kakayahan at kasanayang angkop sa pagnenegosyo.

 Paglinang ng kakayahan ng kabataan sa paggawa ng mga plano para sa negosyo. Ito

ay ang pagbibigay ng mga pagsasanay sa mga kabataan pagdating sa prosesong
mahalaga sa pagtatayo at pangangasiwa ng negosyo.

 Pagbigay ng mga pagkakataon sa mga kabataan sa pagsisimula sa negosyo. Sa

pamamagitan ng trade fair at mga business matching activity ay magkakaroon ng
koneksyon ang mga kabataan sa mundo ng negosyo, at ito ay makapagpapadali ng
kanilang pagsisimula bilang negosyante.

Plano ng Dapat Gawin:

A. Pag-aproba ng mga planong pang-negosyo ng mga mag-aaral (isang araw)

-puhunan
-produkto
-halaga ng produkto
B. Pagsubok sa paggamit ng produkto
C. Pormal na operasyon ng negosyo o trade fair sa loob ng paaralan ( dalawang araw)

Badyet:
Kinalkulang badyet P2000.00 sa pangkat ng IV- Nicanor Abelardo
P2000.00 sa pangkat ng IV- Lucio D. San Pedro
Ito ang magsisimulang kapital ng bawat pangkat

Kapakinabangan sa Panukala:

Ang proyektong ito ay makakatulong sa mga mag-aaral na kukuha ng Business

Administration (BA), Entrepreneur students at sa mga bagong entrepreneur na sasabak sa
kumplikadong mundo ng pagnenegosyo. Ito rin ay makapagbibigay ng kontribusyon sa mga
mag-aaral na nais pang mapalawak ang kani-kanilang mga stratehikal na ideya, madagdagan
ang kani-kanilang karanasan at makadiskubre ng iba pang paraan upang mapaunlad at
mapagtibay ang kalakaran ng napiling industriyang tinatahak.

Inihanda ni:

Ansel Guillien G. Samson

Guro, Araling Panlipunan IV

Binigyang-pansin ni:

G. Randy R. Mariano
Chairman, Araling Panlipunan

Tinanggap ni:

Gng. Shiela B. Peñano

Punongguro I, RLSAA